27/05/2009, 07:09 AM
|
 | زعيــم متألــق | | تاريخ التسجيل: 09/07/2008
مشاركات: 962
| |
|
والله ما تستاهل يا ...... !! وطبيعي إذا كان هذا موجود !! و خبر مفرح ربما !!
بسم الله الرحمن الرحيم هاردلكم جميعا على الخسارة الموجعة !! طبعا المسألة نبي ناخذها بهدوء ومن دون انفعال حتى ما يظن أحد إنها مجرد ردة فعل بعد الخسارة في البداية أعتقد إن أكثر واحد ما كان يستحق هالخسارة هو الأمير عبد الرحمن بن مساعد
والله ما يستاهل إنه يطلع زعلان وهو اللي ضحى وقدم ودفع ودفع ودفع ...................الخ لكن المشكلة إنه دخل للوسط الرياضي بـ( حسن نية ) وحاول يغير كثير من المفاهيم لكن الجماعة ( ما ودهم )
فـ أقالوا كوزمين وسلطوا عليه الحكام واختاروهم بعناية وعلموهم إن ياسر يمثل << يا سلام ؟؟!!
وأبو مساعد حاول إنه يستمر على ما هو عليه من مثالية لكن شاف إنها ما تنفع وغير أسلوبه لكن متى ( بعد خراب مالطه )
والمشكلة في إقالة كوزمين ما هو عشانه كوزمين لكن عشان إنك أنت تجيب مدرب ويختار اللاعبين على طريقته
وماشي معك صح وإذا جاء الحصاد آخر الموسم يجيك الاتحاد الموقر ويختلق تهمه يشطب بها مدربك ورح دور لك مدرب !!
فـ طبيعي إذا كانت هذي الظروف موجودة إن الفريق يحصل له ما حصل !! الشيء الثاني .. اللي يبي يفوز بكأس آسيا مو مثل اللي يبي يفوز بكأس محلي !! يعني اللي يبي آسيا باختصار
لابد إن يكون عنده هجووم قووي وإن يلعب لعب هجوومي وهجوومي فقط .. وشوفوا السنوات الماضية الأندية
اللي أخذت آسيا كيف هجومها .. حتى الهلال يوم ياخذ آسيا شوفوا كيف كان يهاجم !!
طبعا آخر واحد يلام في هذا الأمر هو الحسيني .. لأن الحسيني باختصار مجتهد ( وفازع ) وسوى اللي يقدر عليه ما قصر !! لكن خل نفترض إننا فزنا وتأهلنا وفي الأخير قابلنا فريق ياباني بالطريقة العقيمة والجبانة هذي تتوقعون كم بيهزمنا
خمسة أو ستة !! أعتقد وقتها بنقول إننا لو ما تأهلنا كان أحسن .. يعني ( بلالاش فضااايح ) !! فـ أعتقد إذا كان المتوقع
نلقم النتائج هذي لو تأهلنا فـ ربما إن هزيمتنا اليوم خبر مفرح  ولا هي المشكلة هذي إننا نلعب بمهاجم واحد !! المشكلة إن الفريق أصلا ما عنده مهاجمين !!
يعني ما فيه إلا ( ياسر - الصويلح - العنبر ) .. أما الصويلح فلم يعطي أي فرصة أصلا من بداية الموسم
فلا تطلب منه شيء في نهاية الموسم ولو أعطي مثل فرصة العنبر أو ياسر كان يمكن سوى الهوايل !! أما العنبر فأعتقد أي مهاجم موجود في السعودية لو أعطي فرصة مثل العنبر يعني يوقف في مكانه والنجوم وراه
يسلمونه كور فأعتقد كان قدم عشرة أضعاف ما قدمه العنبر !! وحتى لو كان العنبر لاعب فنان وخطير
أعتقد على البرود العجيب هذا ما يستاهل إلا ترسله للعالمي لينضم لكديشهم !! أما ياسر وما أدراك ما ياسر .. مشكلة ياسر معروفة وواضحه للجميع وهي إنه باختصار ( ضامن المركز ) !!
يعني أمس صرح الحسيني وقال لن أجامل وسوف يلعب اللاعب الجاهز !! أنا تفاءلت خير بهذا التصريح
وقلت بيلعب الصويلح بحكم إنه الأكثر جاهزية .. لكن يبدو إن المسألة جايه من فوق الحسيني ولعب ياسر
غصب على الكل .. وشفتوا كيف كان يتمشى ببرود ومن دون نفس ومن دون أي نقطه من الحماس
يعني باختصار ( لا مبالاه ) .. يعني لاعب ياخذ كرت أحمر فيجب إنه يرضي فريقه بالمباراة القادمة
لكن مع اللا مبالاه يتعمد وياخذ كرت أحمر فـ خلاص اللاعب لازم إذا رجع يحفظ ماء وجهه قدام الجماهير
ويحاول يجيب حيله ويقدم أفضل ما عنده لكن مع اللا مبالاه شفتوا كيف لعب اليوم !!!!!!!
يعني ما فيه علاج لياسر إلا ( الدكه ) والدكه فقط !! غير كذا مشكلتنا في الفريق إنه ما فيه أحد يلعب بروووح وحماس إلا ( الدعيع - هوساوي - المرشدي - رادوي )
وغيرهم يا إما ضعيف إمكانات مثل نامي أو لا مبالي مثل ياسر !! وقولوا لي كيف فريق يبغى آسيا من دون روووح !! بالنسبة للاعبين الأجانب : رادوي : الأفضل واللاعب اللي ما يمكن نستغني عنه بأي حال من الأحوال لأنه في كثير من الأحيان يكون فريق بأكمله !! طارق : هو العمله النادره في الفريق ولاعب الوسط الأول لكن المشكله إذا صار الهجوم مستسلم للرقابة وواقف
كيف نطالبه يسوي شيء .. وكلنا شفنا يوم طب الصويلح كيف حصلت الفرص لكن الشكوى لله .. وأتمنى إنه نوقع
معه في فترة التسجيل الثانية !! ويلي : ميزة ويلي هي اللياقة العالية وربط الدفاع بالوسط بالهجوم والتحرك في كل الملعب وإلا هو ما عنده زود مهارات
أو تمريرات حسم وغيرها .. وميزته هذي مفيده وأفادت الفريق لكن المشكلة إن هالميزة اختفت تماما بعد كوزمين
يعني اللاعب صار بدون فائدة !! أتمنى بيعه في أقرب فرصه واستبداله بلاعب من طراز عالي مثل : مامادو نيانج !! سيول : بعد ما شفت الشلهوب اليوم أختصرها بكلمه واحده ( يجب على الإدارة الإعتراف بالفشل الذريع لهذي الصفقة
والله حراااام واحد مثل هذا يلعب مكان الشلهوب ) !!! بالنسبة لضربات الترجيح أو بالأصح ضربات ( الحظ ) .. فلا يمكن إننا نلوم أحد فيها سواء الدعيع أو الشلهوب أو التايب
لأنها مثل ما قلنا ضربات حظظ والشلهوب والتايب هم أفضل اللاعبين اليوم لكن هذا الحظ يسوي كذا !! ملاحظة : أشك إن عزيز مصاب !! لكن يبدوا إننا لا زلنا على النظام القديم !!! أخيرا .. رسالة للأمير عبد الرحمن بن مساعد : والله ما تستاهل الخسارة يابو فيصل .. وأنت عارف إن أكثر خبر يبي يسعدهم حاليا إنك تترك الهلال !!
لكن أتمنى إنك ما تلبي لهم رغباتهم !! نبيك تقعد على قلوبهم ويشوفون وجه ثاني غير الوجه المثالي
اللي يعرفونك فيه ورح وحنا وراك ولن نخذلك بإذن الله !! .
.
اخر تعديل كان بواسطة » أبـو زآيـد في يوم » 27/05/2009 عند الساعة » 01:05 PM |
الوضع الشجري
