| اولاً : بسـم الله الرحمـن الرحيــم
ثانياً : انا منيب مقهور إلا على شي واحد بس > لاعبين بدون روح صار كل من هب ودب لبس
شعار الهلال
ثالثاً : الرجاء من الاداره انها تغير الاعبين اللي عطوا كل ما عندهم وأيـضاً الاعبين اللي ما عندهم
شي يقدمونه للهلال ( محمد نـامي )
ربعاً : كلمات ياليت يتقبلها بعض الاعبين بصدر رحب انتوا حرقتوا دمنا اليوم خلونا نحرق دمكم
شوي عساكم تحسووووووووووووووووووووووووووووووووووووووون
محمد الدعيع > ما قصرت وبيض الله وجهك اعتقد الى هنا وانتهت الحكايه لاخطبوط أسيـا ,,,
ماجد المرشدي > ما قصرت يالبطل و والله ثم والله ادري انك تلعب بخانتين قلب الدفاع الأيسـر
والظهر الأيســر ( تغطي بلااااااااوي الزوري ) ,,,
أسـامه هوسـاوي > افضل صفقه هلاليه الله يحفظك للازرق ,,,
محمد نـامي > انا ما الومك الوم الإداره اللي جبتك وبالنسبه لك هذا اللي عندك طقها والحقها ,,,
عبد الله الزوري > ركز شوي بالملعب ولا تخاف من الكوره ابي اعرف وين يروح تركيزك
بالملعب خانتك صارت ( اول طريق للمرمى الهلالي ) ,,, وياليت تمشي كورتك بسرعه !!!
عبد اللطيف الغنام > لك فتره مستواك متراجع ادري الإصابات اثرت فيك لكن بصراحه انت اليوم
لعبت بدعاء والوالدين فقط ,,,
رادوي > يالبى قلبك افضل محترف في الهلال بدوون منازع مقاتل بمعنى الكلمه شكراً لك ,,,
سيول > يجي منك لكن الكوره تطول برجلك الفريق 11 لاعب مو انت لحالك ,,,
طارق التايب > يعطيك العافيه يابو نادين ما قصرت انت اللي عليك تعطي فرصة هدف و
المدرب ما ساعدك اليوم بانه يصير قدامك مهاجمين لان الفريق اللي قدامه مدافع ,,,
كرستيان ( ويلي ) > ما قصرت لكن عندك اكثر للحين ما شفنا شي من لعبك بس ما اتوقع انك
راح تكون ضمن الفريق الموسم القادم ,,,
يـاسـر القحطـاني > لين متى يابو سعيد راح ننتظرك احسك ضايع بالملعب مستسلم للمدافعين
الا ما ندر ,,, راجع نفسك الحين صار معك الصويلح والعنبر والمحياني ,,,
أحمد الصويلح > الله يحفظك لأهلك ما قصرت يكفيني قتالك بالملعب واحساسك بالجمهور ,,,
محمد الشلهوب > طال الانتظار فهل هنالك عوده ام لا ( انت الوحيد بين الاعبين الذي تذكرنا
بجيل روح الانتماء للفريق ) ,,, الله يوفقك ونشوف الشلهوب اللي تعودنا عليه ,,,
سامي الجابر > أعتقد انك كلاعب لا احد يختلف عليك وانا من اكثر الناس أعجاب بك ,,, لكن
أظن انك تكون إداري بفريق مثل الهلال يبيله وقت ,,, بيض الله وجهك يابو عبد الله ,,,
الحـــســـيـــنـــي > ياليت ترد على سؤالي ( ليش خايف اليوم من ام صلال كأنك تلعب ضد
البرازيل ؟؟؟؟؟؟؟؟؟؟؟؟؟ ) فريق يدافع ويعتمد على الهجمات المرتده ليش ما لعب بمهاجمين من
بداية الشوط الثاني او من نصه ,,, انا ادري ان الحمل كبير عليك والضغط الجماهيري والاداري
كان كبير عليك ,,, لكن المباراه كانت واضحه للكل وما كان الوضع يستاهل كل هالخوف من
فريق ( بصراحه عادي جداً ,,, واضعف فريق بدور الـ 16 الأسيوي ) !!!!!!!
الإداره الهلاليه > ابتداءً من ابو مساعد الى اصغر اداري بالهلال ( لا نريد أعذار واهيه شماعة
رحيل كوزمين انتهت وانكسرت ) ارجوكم اعملوا على ان يعود الزعيم كما عهدناه وكما يحبه
جمهوره قدامكم وقت ونبي نشوف ثمار شغلكم الموسم القادم ,,,
ارجوا اني ما ثقلت على احد بالانتقاد لكن انا اتكلم من باب حبي للهلال فهو اولاً و نحن ثانياً وانتم
اخيراً ,,,
والله ثم والله حسيت احساس اول مره احسه بعد المباراه تدرون وش هالاحساس ( ولا شي ما
حسيت بولا شي فقط حزن لم اجد له ما يبرره ) لاني احزن على الهلال لين صار بمستواه وانهزم
لكن فريق بدون روووح ما اظن ,,, للأسف ااااااااه والف اااااااه يا هلال ,,,
وصلى الله وبارك على نبينا محمد ( صلى الله عليه وسلم ) |
الوضع العادي
