بقالة المنتدى ... حياكم الله تفضلواا - نادي الهلال السعودي - شبكة الزعيم

a-7mad511 · #1 25/05/2009, 01:23 AM

السلام عليكم

تم افتتاح بــقالة المنتدى<<حياكم الله .. ابي تفااااعل
--------------------------------------------------------------------------------

اللى يبي يشتري من عندنا سوف يجد في البقاله كل احتياجاته
يـعــني ....
عندنا أندووومي للعزوبيه
عندنا
عندنا كباريت
ولاعلات
طراطيع شروخ صواريخ
بسكوت ريكو<<<تحداك تلقاه عند غيرنا حصري
سن توب
كيك نحوووول
فطاير على الطاير
عندنا عسكريم ابو خمس اصابع
وبسكوت ابو شاهي وبو ميزان وبو وزه
لا وعندنا تصوير عشان الامتحانات وعندنا اخصائيون
ومستشاريون في طباعة البراشيم
لا ومشبكين وزير المعارف عشان اسئلة الامتحانات
ونبيعها لكم يا حبايبنا
وعندنا
فش فاش..............
والكثير سوف تجده في هذة البقالة ..

يا شباب عند البقاله مانبي تسون زحمه ومهايط لاحد يسوي فيها حرامي ويسرق
الي يسوي فيها فاهم ويسرق اعرف انه راح ينسرق قبل لا يسرق
ولامن دخلت بنت للبقاله تخلونها تطير علي خلونا نترزق الله ونبيع
هههه

وعلى فكره ترى عندنا توصيل بس لازم تشري بـ5 ريال وفوق
<<<<<<<<<< اتصلوا علي ويجيكم بشير

للمعلوميه مافيه تلفون ثابت فيه بيجر ولا فاكس 056والباقي
نفسه مررره ماتغير
تونا شارين دباب بطه سريييع مررر
خخخخخ ايه هين سريع
على فكره السواق يعرف يرفع غزاله

ملاحظة
الدين ممنوع يعني الحركات القديمة سلف
ما عندنا تدفع كااااااااااااش
والبقالة راح تكون اربع وعشرين ساعة مفتوحه يالله بطلو ا حركات وأشترو مني اوكي
ولا احد يقلدني ويفتح جنبي اسواق ؟؟؟؟؟
ولا يجيك بعض الناس الله يستر عليهم يفتحون بجنبي حلاق احم احم
واللي بيشتري اول واحد بنعطيه حلاووة مصاص مجانا وعصير البقره القويه
ههههههههههههههه
ههههههههههههههه

تحياتى لكم
جميعا
اتمنى لكم
اقامه سعيده في البقاله
ههههههههههههههههههههههه >>>شاركونا<<

يوه نسيت بعد كم يوم ابطرح وظايف الهمه ياشباب رواتب مغريه وعمولات
مستجدات السوبر ماركت

يعني مثلا تفتحون للزبون الاكياس ولا تدفون العربيه تركبولهم
اغرااضهم

البطاله كاثره هالايام

يالله يالله هلمووو

على فكره فيه عرض اشتر2 فش فاش تحصل
على كتكات غندووور

للشكااوي والاقتراحات على مبيعاتنا الرجاء الاتصال
على

888888888
وفي حالة الانشغال ماعليك سوى الانتظار او

ارسال 999 على البيجر وسوف نقوم بغلق السماعه مباشره

يالله يالله حيااااكم الله

a-7mad511 · #2 25/05/2009, 02:39 AM

افـــــــــا ما اعجبتكم البقــــــــــاله ؟؟؟؟؟؟؟؟؟

وسن الهلالية · #3 25/05/2009, 04:36 AM

على البركة افتتاح البقالة
اقول الله لايهينك
يالله انا اول وحده اشتري
عطني الحلاوى مصاص وعصير البقرة القوية لا افقع وجهك

المهم
انا مجمعه صديقاتي يوم الثلاثاء عشان المباراة

ابغى الله لايهينك بطاقة شحن 20 ريال موبايلي
وحب مصري
وكيك نحول
وخمسه كتكات غندور ولا تدري عطني اربعه فش فاش ولا تنسى الكتكات المجاني
4بسكوت ريكو (والله من زماااااااااااااااااااااااااااااااااااااااااااااااان عنه )
وش بعد ياربي إيه عسكريم ابو خمسة (هذا عشان إذا فاز الهلال ناكله ولو لا قدر الله ومافاز بعطيه اخواني النصراوية)
وتشكيلة عصيرات على ذوقك عاد إذا طلع ذوقك مثل وجه بشير راعي التوصيل مشكلة

وخمس علب زبادي وكيس صامولي بس يكون جديد(عشان اسحب على اهلي وما اسوي لهم غداء)

اممممممممممممممممممممم ياربي وش بعد
صح تذكرت خل بشير يجيب معه دبه ماء جديدة

لا تتأخر قدامك نص ساعة لو ما وصلت الاغراض ترى باخذها مجانا

الهـ الذيب ـلالي · #4 25/05/2009, 05:42 AM

اووه راح علي عرض المشتري الاول

وعلى البركة البقالة الي بتشفط جيوبنا شفط

والبقالة جت في وقتهااااااا يلا خذ هذي ورقه الطلبات دقايق وتكون واصلة البيت اوك

ولاتنسى تخلي بشير يجيب هالطلبات على الدباب لاني ودي اخذ عليه جوله

تقبل تحياتي وشكرا على الفكرة الحلوة

ّّوحـّــــ15ـــّـــــدكّّ · #5 25/05/2009, 08:33 AM

مبروك فتح البقاله

الله لايهينك ابغى اندومي وديووووووووو والحساب اخر الشهر اتعرف المكافئاه مانزلت يعني ارحمنا

شوف ترى اذا معطيتني اروح اشتري من جاركم احسلك بس انا ماني مخسرك لاني احبك ههههههههه بدت المصالح

الهلالي دائماً · #6 25/05/2009, 11:04 AM

وين رخصة البقالة

يالغالي ياليت تراجع شروط المشاركة في صيد الانتنرت