#1  
قديم 24/05/2009, 12:18 PM
الصورة الرمزية الخاصة بـ مجنونه بحب الدعيع
زعيــم متألــق
تاريخ التسجيل: 18/07/2008
المكان: ليه ناوين الزيارة
مشاركات: 1,222
Wink ๑۩۞۩๑{ ((مصطلحات أهل الرياض)) }๑۩۞۩๑






وش أخبار الجميــع ..؟؟
اليــوم جايبه لكم بعض مصطلحآت أهل الرياض فديتهــــم
وفي بعضهآ معـــرووفه غير عند أهل الريـــآض
وبعضها صراحتن أول مره اسمع بهااا ...
تعالو معي نشوفها ..
..




العاير : ركن البيت من الخارج


القوع : الحوش
جديده ذي



قصير : الجار


المجبب : وسط البيت
كنها اكله


سيل غبيط : أي كثير
أووووووول مره


رطارط : المياة المسكوبة في الارض وبها اوساخ
أنا أشهد أن حنا نقولها ..


مغاتير : البنات اللأتى يحضرن حفل الزواج لكنهن متحجبات حتى لا يعرفن
ممنوع دخول المغاتير


حفاله : ما يقدم للعروس من هدايا


ردح : رقص البنات.
إيه والله يوم الخميس اللي رااح ردحنا في العرس ردح


غالوقة : ما يحيط بالرقبه في الثوب ومكان تثبيت الازارير من الامام.
هههههه أما الغاالوقه لها حكاايات ياما فطسنا ضحك على امي إذا قالتها ..


ببوة : يقولها الطفل اذا كان فية جرح أو كية نار.
ودلبوهم ببوه يعورهم ..


سمور : سخانه الماء في القديم.
هذي عاد بلا فقش احس كننا سواريا اذا قلناها ..


باصق : يقال في وصف الاكل للتعبير عن شدة برودته.
اوما شديد البروده .. اخبر نقولها اذا صار ماله طعم


حسحاس : رائحه الشعر عندما يحترق على النار.
تذكرت عيد الأضحى يوم خيسونا جيرانا يحسحسون راس الخروف


حنشولي : الحرامي.
أما حنشولي .. مدلعينه ا الحرامي ..


داشر : الشخص الغير مستقيم خلقة.
أنا اشهد


مايق : نوع من التكبر.
اما تكبر .. اخبرها تقااال للي ياالله تتحرك مايعه ..


ذروق: أي خواف.
صح عليكم نقولها <== احلفي


رفلا : المراة التى لا تحسن صنع الاشياء .
يا كثر ما انقالت لي ..


مواق : متكبر وشايف نفسة.



لوقي : أي متملق في الوجه واذا غبت عنه تحدث بخلاف ذلك ويقال (لوقي لاكلب ولا سلوقي).
حللوه .. خبري به ينقال للي ياكل الناس بلسانه الحلو ..شكل أهلي هم منكسين الكلام


مسبوة : شارد الذهن.
انتو يا مسبهين اقرو الهرج زين


مخرة : الشخص الذي لا يمسك السر ويتحدث بجميع ما يسمع.



فاهي : غافل وخامل,
بلا فهاوه صحصحو ..


الزمرة : التعالي على الناس .



محتسين : أي مستعدين .
احس انها موب راكبه .


السلوم : العادات المتفق عليها.



شايش : أي مبسوط.
اما مبسوط .. اخبرها المخترش <== حليها


يتحقرص ويتمقرص : كناية عن انه متضايق.



مختب : أي قلق او مشغول .



اعتزى : أي انتخى بالقبيلة .
صووح عليكم


هو : عبارة تعجب تقولها المراة اذا سمعت شى غريبا.
هااااو أوب هو ...


هيش : نداء من الزوج لزوجته.
سعودي ما عليه شرهه .. أجل بالله احد يدلع حرمته كذا .. غنمه هي ..






. . .






صيدي : أي قصدي.



الهبني : معناها لا شى ويقال ماعنده الا الهبني.
غريبه


مغلدم : غضبان ولا يتكلم.
أووووما عاااد ..


وع : كلمة تقولها النساء اذا لم يعجبها الشي.



ارجهن : اطمئن.
أرجهنيتو


صلط ملط : أي عاري بدون ملابس.



خشير : شريك.



يالله غربله : دعوه على الشخص للاحساس بالغربه



انفهزز فيذاك : يعني ابتعد هناك
يا علينا هرج ..


قلت ميده : يعني قلت له
أما ميده ذي <== اهل الجنوب يضحكون علينا ..


جعلك سبحة لولوه بنت هلال : دعوه وهي كنايه عن امرأة دخلت لتستحم ولم تخرج بعدها
أللي اعرفها وجعت مريم .. من مريم ذي الله اعلم ..


وبص ...
وأللي عنده اضافا يسدحها فيذااا ..
الموزوع .. ملتوش لعنونكم



موفقين حبايبي






















اضافة رد مع اقتباس
  #2  
قديم 24/05/2009, 12:49 PM
الصورة الرمزية الخاصة بـ باعلى صوت هلالي موت
زعيــم متألــق
تاريخ التسجيل: 16/11/2007
المكان: المملكة العربية السعودية
مشاركات: 1,484
آ آ آ آ

عن الغلط عااد ااناا من اهل الرياض
تراني اممزح
هع هع هع هع

والله جبتيها صح
اضافة رد مع اقتباس
  #3  
قديم 24/05/2009, 01:24 PM
زعيــم مميــز
تاريخ التسجيل: 14/04/2009
المكان: ][ الريـآض لـآنـد ][
مشاركات: 3,888
هيش : نداء من الزوج لزوجته.


اتوقع الي يقولون هالكلمه مـاتو خـلاص


ع العموم يعطيك العافيـه
اضافة رد مع اقتباس
  #4  
قديم 24/05/2009, 02:25 PM
زعيــم مميــز
تاريخ التسجيل: 29/03/2007
المكان: الرياض
مشاركات: 2,538
ولا مصطلح اشوفه من مصطلحات اهل الرياض
اضافة رد مع اقتباس
  #5  
قديم 24/05/2009, 02:39 PM
زعيــم نشيــط
تاريخ التسجيل: 13/12/2006
المكان: العااااصمة (الرياض)
مشاركات: 523
إقتباس
الرسالة الأصلية كتبت بواسطة فرانكو باريسـي
ولا مصطلح اشوفه من مصطلحات اهل الرياض

من جد 99,5 % اول مره اسمعها بحياتي من وين مخترعينها واصلاً اهل الرياض من كل المناطق و لهجة سكان الرياض تعتبر لهجة بيضاء يعني معروفة عند الخليج كلهم
اضافة رد مع اقتباس
  #6  
قديم 24/05/2009, 03:04 PM
موقوف
تاريخ التسجيل: 15/12/2007
مشاركات: 158
اغلب هالمصطلحات . .. هي من القصيم..
تحياتي
اضافة رد مع اقتباس
  #7  
قديم 24/05/2009, 03:12 PM
الصورة الرمزية الخاصة بـ دمي ازرق واحب الابيض
زعيــم مميــز
تاريخ التسجيل: 26/08/2007
مشاركات: 2,804
ولكم باك تو مانور المنتدى

والله كم كلمه هي اللي عرفتها
اما الباقي اول مره اسمع فيه
مشكور مجنونه ولاتحرمينا من جديدك
اضافة رد مع اقتباس
  #8  
قديم 24/05/2009, 03:18 PM
زعيــم مميــز
تاريخ التسجيل: 25/12/2008
المكان: في دنيا فانية ,..
مشاركات: 1,903
اووووووووووول مرررهـ

اسمع بذا الهررررج عز اللهـ الناس ماااتوا
ضحكـ امااانهـ

مجنونهـ من وين مخترعهـ ذي
الهروووج


ثااانكس مجنونهـ
اضافة رد مع اقتباس
  #9  
قديم 25/05/2009, 10:42 AM
الصورة الرمزية الخاصة بـ مجنونه بحب الدعيع
زعيــم متألــق
تاريخ التسجيل: 18/07/2008
المكان: ليه ناوين الزيارة
مشاركات: 1,222
مشكورين جميعا على ردودكم ..

خخخخخخخخخخخخخ وراكم زعلانين ..

أنا أعرف إن أغلبه من هرج القصيم ..

بس تراه منقول ..

فدت أهل الرياض وروحهم ..
اضافة رد مع اقتباس
  #10  
قديم 25/05/2009, 10:48 AM
زعيــم فعــال
تاريخ التسجيل: 22/10/2006
المكان: تهت آنآ وين .. ~
مشاركات: 271
ههههههههههههههههههههه

يـآحيي انتي تسلمين يـآغلآآآآآهم


خيتك حنين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:07 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube