24/05/2009, 02:29 AM
|
| زعيــم متواصــل | | تاريخ التسجيل: 01/05/2005
مشاركات: 113
| |
|
زعيــم كل الارض
اهداء بسيط بمناسبة فوز الهلال وتصدر مجموعته
اتمنى ان تروق لكم . . .
زعيم نصف الارض عليك ينقال
وبالليل اشوفك فوق لارخى سدوله
واشوف كل الارض من فوقها هلال
يعني على الارض معلن شموله
زعيم كل الارض ماغيرك هلال
مع لعبك الممتع تجيب البطوله
مهما يقال وتنضرب فيك الامثال
وصفك صعيبن يالهلالي حصوله
بينك وبين الغير ازمان واميال
القاب كم وكيف حسبه مهوله
وان جيت للجمهور يزحف لك ارتال
وان جيت للتاريخ نوّخ رحوله
والكاس غيرك ماعرف كيف ينشال
عسير ما يجنيه راعي المقوله
المجد قبل الهرج ينشاف بافعال
وغير الهلال الكاس محدن ينوله
حطيت لك في ساحة المجد تمثال
تعجز خصومك لو تحاول تطوله
خط الظهر عندك شواهيق وجبال
صوت الخطر عندك تقارع طبوله
محاورك فالخلف عن عشرة رجال
والنصف سحب الفوز تعلن هطوله
صناعة الهجمه وتجهيز الاقوال
لمهاجمن لا راغ تصعب حلوله
هذا شعوري تكتبة راحة البال
من عقب فوزك بالصداره اقوله
هذا طبيعة واقعٍ ساءه الحال
زعيم وتصدر عزّ شعب ٍ ودوله
وسلامتكم
ابوسارهـ
اخر تعديل كان بواسطة » //شاعر الهلال// في يوم » 24/05/2009 عند الساعة » 10:30 PM |
الوضع الشجري
