ياريتني في الرياض ولا ماعندي دوام

كان دفعت 100 ريال للتذكرة بدال ماادفع 20 ريال

لكن للأسف العمل وبعد المسافة

لكن إن شاءالله أحضر مباراة للهلال في الأدوار القادمة


وأحب أقول لكاتب الموضوع بمناسبة موضوك

نادي الهلال يحب يهدي لجماهيره أغنية راشد الماجد

تحبني ولا تحب الدراهم أختارلك وحده علشان مااضيع

وأنا بحضر لعيون الهلال وليس من أجل المال والسيارات

ودمت بود

مشكوك فيها أنها حرام والله أعلم

مثل ماقالو اخواني اللي يبي يحضر يحضر بدون هالمسابقات

ممكن تقول التذاكر مجانا هذا رح يكون حل حلو


واحترم وجهة نظرك

ليه حنا في قطر علشان تحط سيارات وخرابيط علشان الجمهور القطري يجي

هذا الهلال هذا هو جمهور الرقم الصعب الذي يحب الهلال يحضر لو التذاكر 100 ريال

متى الجمهور صار يفكر كذا ليه هذا التشائم ان الجمهور ماراح يحضر انا عندي احساس

كبير ان الدره راح تمتلي ا ان شاء الله يكون احساسي في محله في نهاية كلامي اتمنى التوفيق

للهلال والفوز وشكرا

إقتباس الرسالة الأصلية كتبت بواسطة الزعيم /عبدالله الي يبي يحضر من اجل الفريق بيجي لو التذكرة بألف والي ما يبي يحضر الا بمحفزات فاليجلس في بيته احترم وجهة نظرك لكن لنتعلم من الجمهور الاوربي شوي لازم نحضر اذا التذاكر ببلاشوالله شي يقهر بالتوفيق للزعيم الهلالي والي بيحضر حياه الله وجزاه الله خير على وقفته مع فريقه ولا عزاء للمقاهي وجلاس البيوت

هلا اخوي ردك غريب شوووووي
تقول تعلم من الجمهور الاوربي ضحكتني اذا الفريق تعلمو من الفرق الاوربي مع احترامي انا هلالي واحب الهلال بس وش المشكلة اذا كان الحضور مجاني ياخي الفرق المشاركة الشباب والاتحاد والاتفاق بالمجاااااااااان ليه وش الفرق في عهد الامير محمد بن فيصل الله يطول في عمره

اخوكم ابوفيصل

إقتباس الرسالة الأصلية كتبت بواسطة ABU BADR تدرووووون وش احسن حل هو... عدم نقل مباريات الزعيم هههههههههه

ههههههه احسن حل

ما ينقلووو مباراة الزعيم

بس تعال كيف البنات يشاهدوهااا

صعبه شوي لكنها فكره


وان شاء الله مايحتاجون سحب ولا شي خيوووووووووووو


وبالتوفيق للزعيـــــــــــــــم

إقتباس الرسالة الأصلية كتبت بواسطة أبوفيصل511 هلا اخوي ردك غريب شوووووي تقول تعلم من الجمهور الاوربي ضحكتني اذا الفريق تعلمو من الفرق الاوربي مع احترامي انا هلالي واحب الهلال بس وش المشكلة اذا كان الحضور مجاني ياخي الفرق المشاركة الشباب والاتحاد والاتفاق بالمجاااااااااان ليه وش الفرق في عهد الامير محمد بن فيصل الله يطول في عمره اخوكم ابوفيصل

ردي مو غريب ولا شي لكن لو تشوف كم دفعت الادارة من اول ماجت الا الان كان ماقلت حطو سحب وحطو عروض
الادارة دفعت مقدما ت عقود للاعبين بعقوداعلى من الفرق الاخرى وناظر للمشاريع الي بذلو جهدهم في النادي شف المعسكر الهلالي كم كلف وترميم النادي وانشاء صالة حديد والان تفكر في بناء ملعب وانت تقول حطو عروض
ياخب اقل شي ممكن نسويه للإدارة اننا ندفع لو الف ريال على المباراة كلها عشرين ريال والي مايقدر عليها الادارة ماقصرت وفرت تذاكر للمحتاجين
يا خي عندي سؤال وابيك تجاوب انت وغيرك بكل صراحة معجبك حضور جمهور الهلال هالموسم ولا لا؟
اتمنى انك تتقبل وجهة نظري لكن لاتنسى ان الادارة عندها هم المباراة المهمة مع ام صلال فأقل القليل الحضور والوقوف مع الزعيم عشان نزفه لربع النهائي.
واذا على طاري الجمهور الاوربي فانا ما كتبت لتشبيه عشان نقلدهم لكن لنقتدي بهم في الحظور لمباريات فرقهم
بالتوفيق للزعيم الاسيوي

يا خي عندي سؤال وابيك تجاوب انت وغيرك بكل صراحة معجبك حضور جمهور الهلال هالموسم ولا لا؟ والله يخوي الحضور الجمهور مرضي الى حد ماء خلنى نكون واقعيين تذكر مباراة الهلال في نهائي ولي العهد والنهائي مع الاتحاااد لكن بعد الهزيمة من الاتحاد الجمهور يعاااتب فريقه بعدها مباراة النصر نتعااادل معه في اخر الدقائق والمبارة الثانية تعادل ومبارة الشباب هزيمة 3 عااادي تحصل في كرة القدم لكن ضرووووف وانا اتوقع ان بعد مباراة بختكور اعتقد المستوى والنتيجة تحمس الجمهور للحضور لمباراة ام صلال المهمه وانا انشالله راح اكون حاااااضر انشالله

اخوك ابوفيصل

يعطيك العافية على الموضوع
مشكوووووووووووووووووووووووور
بس نبي الحظووووووووووووور للأجل الزعيييييييييييييييييييم وبس

انت يا صاحب الموضوع تعشق الفلوس والحضور ببلاش والجوائز لا تعشق الزعيم

اللي يبي يحضر لكي يشجع الزعيم حياه الله
واللي يبي يحضر عشان الحضور ببلاش او عشان هناك في جوائز لا يحضر دوماً



الزعيم محتاج اوفياء يحضرون ويشجعون ويدفعون عشرين ريال
مو محتاج ناس ما يحضرون الا عشان مصلحه اما حضور مجاناً او سحب على سياره





ارتقي في طرحك ولا تكن شحات وعز نفسك وشغل افكارك لمصلحة الزعيم وليس لمصلحتك


تحياتي لك

أن شاء الله الملعب يمتلي أزرق × أزرق ،، والله يوفق الزعيم ،،

الله يستر عليك فكرة غبيه مرة