|
إن لم يكن الدخول مجانا ً .. فـ ( افلقوني ) إن إملتئ الملعب .. السلام عليكم .. أهلا ً بكم يامعشر الزعماء <- جاي يخطب خطبة :d كثييير منكم راح يستغرب مطالبتي بـ دخول الجماهير مجانا ً في مباراتنا مع فريق ( أم صلال ) .. !! وش فيها لو كان الدخول مجانا ً ؟ على فكرة ,, أتوقع إن الهلال هو النادي الوحيد في المملكة اللي جماهيره مايدخلون مجانا ً في البطولة الآسيوية .. !!! كلنا نعرف إن مباريات الشباب جميعها كان الدخول مجانا ً ,, ونفس الشي بالنسبة للإتفاق والإتحاد .. خلونا نكون واقعيين شويّ .. لو كانت المباراة يوم الأربعاء ( يمكن ) يمتلي الملعب .. وأنا قلت يمكن لإنه بنفس اليوم نهائي التشامبيونزليغ والكثير من الجماهير ماراح يحضر المباراة في الملعب بسبب نهائي أبطال أوروبا .. بس المباراة يوم الثلاثاء .. وأنتم عارفين إن فيه فئة كبيرة من جمهور الهلال من طلاب المدارس .. وهالشي يمنعهم من حضور المباراة .. لو كانت المباراة يوم الأربعاء وتبدأ بعد صلاة المغرب ,, بحيث إنها تنتهي قبل إبتداء نهائي التشامبيونزليغ بنصف ساعه على الأقل كان الحضور سيكون أكثر بكثيييير من إقامتها يوم الثلاثاء .. في عهد الأمير محمد بن فيصل :smilie47::smilie47::smilie47: كان دخول الجماهير مجانا ً .. وتذكروا كيف كان حضور الجماهير في مباراة الكويت الكويتي ,, والوحدة الإماراتي وغيرها .. كان منظر المجهور مرعب .. هذا مقطع فيديو لـ هدف ( رودريغو ألفان ) في الكويت الكويتي في أبطال آسيا .. إضغط هنــا في الثانيه ( 1:01 ) إسمعوا صوت الجماهير عند ترديدها لـ ( هلال هلال ) .. http://upload.alhilal.com/img/009/alzaeem-fans-17.JPG ^ هذي صورة جمهور الهلال في مباراة الوحدة الإماراتي قبل عامين في رمضان وهذا هدف التايب الرائع في مرمى الوحدة الإماراتي .. إضغط هنـــا أتمنى من الأمير عبدالرحمن بن مساعد :smilie47::smilie47::smilie47: أو أحد أعضاء الشرف أن يقوم بشراء التذاكر ويكون دخول الجماهير مجانا ً .. برايفت / تراي حاضر كل مباريات الهلال وبجميع البطولات ماعدا مباريات الشباب في كأس الملك .. يعني لحد يقول إني مستخسر ( 20 ) ريال .. :razz: في النهاية عندي سؤال بسيط ..:d إن كنت من المؤيدين لـ دخول الجماهير مجانا ً اذكر السبب .. !! وإن كنت من المعارضين لـ دخول الجماهير مجانا ً اذكر السبب .. !! يعني بالحالتين اذكر السبب :laugh: آسف ع الإطالة .. وبالنهاية لاتنسون الزعيم من دعواتكم بالتوفيق لـ زعيمنا أمام أم صلال :rose: |
عليكم السلام حياك الله أخوي إن كان حضور الجماهير للمباريات ذات الدخول المجاني فلا داعي لحضورهم وتعبهم حضور الجمهور هو دعم مادي ومعنوي للفريق ويجب على الجمهور الأزرق معرفة ذلك وعدم الإتكالية على التذاكر المجانية بالتوفيق للجميع . . |
يالغالي طول الموسم وحنا ندعمهم ماديا ً ومعنويا ً .. لكن هالمباراة حاسمة ومن أهم المباريات في الموسم .. فـ حرام يكون الملعب مو ممتلئ .. نختلف في وجهات النظر .. ونتفق في حب الزعيم .. شكرا ً لـ مرورك .. |
يارجال حاضرين حاضرين لو الدخول بــ 50والله يوفق الزعيم ،، |
ياخووووووي انا بقولك شي يمنعني من حضور المباراه والي هو القنوات الرياضيه ياخي الواحد وده يشوف المباراه بتعليق فارس عوض ولا يشوف التحليل في برنامج المجلس بالنسبه لي هذا هو السبب الوحيد ولا التذاكر الحمد لله لو بـ 100 شريتها |
عليكم السلام يا عزيزي والله اللي يبي يحضر بيحضر ما ضرته ال20 ريال لكن سالفه دخول مجاني هذه شماعه الكسالى تحياتي وأتمنى يزيدون الدخول ويخلونه ب 30 ريال *_* |
الي يبي يحضر من اجل الفريق بيجي لو التذكرة بألف والي ما يبي يحضر الا بمحفزات فاليجلس في بيته احترم وجهة نظرك لكن لنتعلم من الجمهور الاوربي شوي لازم نحضر اذا التذاكر ببلاشوالله شي يقهر بالتوفيق للزعيم الهلالي والي بيحضر حياه الله وجزاه الله خير على وقفته مع فريقه ولا عزاء للمقاهي وجلاس البيوت |
إقتباس:
|
إقتباس:
احضرها بالملعب وخل عنك فارس عوض والمجلس .. لاهنت ع المرور .. :rose: |
إقتباس:
وبعدين الكسول لو عطوه 20 ريال عشان يحضر ماراح يحضر ما أدري وش علاقة الكسل بـ الحضور ؟ أشكرك ع المرور .. :rose: |
ياخي مافيه فايده للنادي اذا كان الحضور الجماهيري على حساب النادي تراها ياناس 20 ريال والله انتم مكبيرين السالفه واذا تبيها مجانيه احتمال تلقى مزارع مصري جاي المباراه غلط هع هع :bx: 20 ريال ماتغلى على الهلال :alzaeem: |
مجاني ولا بدراهم إن شاء الله حاضر .. وقصينا التذكره ع الرياض وإن شاء الله أكون فال خير على الهلاليين .. لأن هذي اول مباراه راح أحضرها لأنها مباراة اخر الموسم إقتباس:
المفروض أهل الرياض كلهم محضرين ..! |
إقتباس:
صدقت اؤيد كــلامك بـعدم الإتكالية .. صارت سالفة هالـ 20 ريال .. والله حالـه |
لا ان شاء الله بيمتلي الملعب وافلقك بس انت تفائل |
حاضرين حاضرين بحول الله وقوته بالتوفيق للأزرق |
اقدر حرصك على مصلحة الهلال لكن الجمهور اللي مايدعم ناديه وش ابغى به تحياتي وحبي لك |
إقتباس:
واللي يحضر كل مباريات الموسم و من العصر ويذبحه الحر وتتشقق براطمه من العطش وش يقال عنهم ؟ أما بالنسبة لـ الجمهور الأوربي فـ ماراح نتعلم منهم أبد .. حتى لو كان هناك نيّة إننا نتعلم منهم .. فـ العساكر الله يخليهم راح يوقفون بـ وجوهنا كـ العادة , خصوصا ً عساكر النمشان الله يخليه لـ أهله .. أشكرك ع المرور .. :rose: |
إقتباس:
مزارع مصري ويشّجع ويؤازر الهلال ,, أفضل من شاب سعودي والفصفص ما يتركه من أول مايدخل الملعب لين يطلع من الملعب .. :yes: وبالنسبة لـ العشرين ريال .. أنا ما طلبت كل المباريات مجانا ً .. قلت مباريات أبطال آسيا .. وخصوصا ً هالمباراة .. أشكرك ع المرور ..:rose: |
إقتباس:
وصدقت بكلامك .. لاهنت ع المرور .. :rose: |
إقتباس:
وإن كان الدخول مجانا ً وإمتلئ الملعب أنا راح أفلقك :naughty::s2: لاهنت ع المرور .. :rose: |
إقتباس:
أشكرك ع المرور .. :rose: |
إقتباس:
وهذي آخر مباراة في الموسم .. يعني أقل هدية تقدمها الإدارة أو أعضاء الشرف لـ الجماهير اللي دعمت ناديها خلال الموسم .. لاهنت ع المرور .. :rose: |
انا عني ما يهمني صارت بفلوس ولا ببلاش آهم شي نفوز ونقدم مستواى |
إقتباس:
لاهنت ع المرور .. :rose: |
يارجال حاضرين حاضرين لو الدخول بــ 50والله يوفق الزعيم ،، |
لو التذكره بـ 1000 حاضرين حاضرين بإذن الله |
إقتباس:
كفو والله كفو .. وبإذن الله الفوز سيكون حليفنا .. أشكرك على مرورك .. :rose: |
إقتباس:
كفو يابعدي .. :clapping: لاهنت ع المرور .. :rose: |
جمهور الهلال ما فكر اذا الدخول مجاني ولا لا مثل الفرق الثانيه .. 20 ترى ما تضر .....واتمنى ما اشوف مواضيع زي كذا ...لانه ترى ملينا من الكلام اللي ما له داعي .. |
بإذن الواحد الأحد حاضر لو الدخول بـ100 تكفون ياشباب المباراه حاسمه وانتوا عارفين البطوله الاسيويه مهرها غالي نبي الملعب ازرق في ازرق |
يارجال اللي بيجي عشانه بلاش لايجي يقعد بالتلفزيون احسن له ..!! وطبعا انا عارف ان الحضور بيفشلنا لكن وش نسوي الله يعين ..!! الله يخلي لنا مجلس الجمهور هو اللي مغطي عيوب قلة الحضور..!! الف شكر لك اخوي..!! |
إقتباس:
بعكس الي دفع سعر التذكرة وجا للملعب لانه يدري ان مباراة الهلال مهمة وانه جاي يوقف مع فريقه وودك ان التذاكر بفلوس عشان ماجيونك الي يخربون جو المباراة عليك وفي النهاية الكل وده ان الملعب يكون فل على الاخر لكن بشكل مرتب ومنظم بالتوفيق للزعيم الاسيوي وان شاء الله اننا من الحضور |
ابشر بالفلقه اجل هههه ... إن شاء الله يكون الحضور مجاني |
شباب لاتقعدون تهايطون 25% ماعندهم رغيف خبز ياكلونه 40 % فقراء 50% متوسطي الحال بس مايقدرون يدفعون لكم ولد علشان يروح للمباراة 20% اغنياء طبعا من ضمنهم الامراء هذولا لو يروحون مايغطون ربع ربع ربع ربع الملعب افهموا اتقوا الله في انفسكم وخلو الناس تدخل مجانا انتم تجيبون مدربين براتب شهري 10 مليون حرام قسم بالله بذخ واسراف انا اقدر وانت تقدر واغلب جمهور الهلال مايقدر تبون الملعب يمتلي خلوهم مجانا خصوصا ان يومها الثلاثاء يوم دراسي غدا يمكن الدخول مجانا يشجعهم يجون وفيه بعد اختبارات يكفي ماجاهم من اشتراكنا في موبايلي |
لا نريد الدخول المجاني نهائيا ,, ولو لم يحضر أحد ,, وين إحنا ياناس هذا أقل دعم تقدر تسويه لفريقك مستكثر عليه عشرين ريال وهو يسعدك دايم ,, ياناس خافوا ربكم ,, الرئيس يمكن خسران نص مليار وانت عشرين وماتبي تدفع إذن فلا تزعلون فإنكم تستحقون أن يطلق عليكم جمهور المجاني ! وعن الهدية وش تبون أكثر من هالفريق وربي شوفتهم أكبر هدية نعنبو أبليسكم مستكثرين 20 ريال وتبون هدية طيب والملايين اللي صرفتها الإدارة اذا الجمهور يبي يطالب بهدية فعليه أن يطالب بالبطولات فهذه هي الهدية الحقيقية وغيرها لا يستحقأن يأخذ هذا المسمى تقبل مروري |
انا معارض وبشدة ياحبيبي لو صار الدخول مجانا نص اللي في الملعب موب هلالي وناس ماتدري عن الكورة معهم معهم عليهم عليهم لكن لو كل واحد دخل بفلوسه يثبت عشقه للهلال ويكون فيه تفاعل واهم شي التفاعل واذا كان الدخول مجاني تشوف اشياء تجيب الهم ناس ترجم وناس مالهم ومال الكورة ومافيه اي تفاعل مع الرابطة هذي وجهة نظري |
حاضرين حاضرين بحول الله وقوته بالتوفيق للأزرق |
هلا أخوي انا معك الدخول مجانا لاسباب احتفظ فيها .............. |
مع أني مع فكرة السماح بدخول الجماهير مجاناً، لكني بنفس الوقت مقتنع أن الجماهير يمديها تدخل لو تبي، يعني سالفة أن الجماهير ما تقدر لأسباب مادية (فقر أو غيره) غير واقعية ومبالغ بتقديرها. لكن هل الملعب بيمتلي؟ لا ما أظن. مباراة بختاكور حضورها حسب تقرير الاتحاد الآسيوي 11 ألف، مباراة سابا باتري اللي تعادلنا فيها في الرياض يقول تقريرهم أن حضروها 19 ألف، يعني لو بتفكر فيها ... الجماهير أغلبها تبي تتابع نهائي التشامبينز، وبنفس الوقت بتعتبر أن المباراة شبه محسومة، يعني إن حضر أحد فما أتوقع راح يوصل الـ 10 آلاف في أفضل الأحوال، لأنهم في مباراة كبيرة مثل المباراة الأخيرة يالله حضروا، تبيهم يحضرون لهالمباراة؟ وشخصياً، يفترض بالفريق ما يتأثر بمثل هالظروف، يعني هم ناس محترفين يمتهنون لعب الكرة في أي ظرف وحال، يعني أجي أقول: "هو صح أنا آخذ ملايين، ومرتاح، وفي فريق ياخذ بطولات، والآسيوية مهمة لي، لكن عندي استعداد أخربها بس عشاني ما شفت الملعب امتلا" ... ماش ما تركب ولا يجي أحد يبرر مثل هالأفكار! |
طيب وين القاك فيه عشان افلقك .. تحياتي |
جمهو الهلال وفي ولا يخون واذا حضورهم عشان بدون فلوس الله يستر عليهم |
إذا الجمهور مثلك أكيد ماراح يحضر أحد إحنا نفكر كيف نسعد شبيه الريح الذي طالب الجمهور بالتواجد في آخر مباراة في الموسم وانت تفكيرك في المجان والمقارانات التي ما نفعت غيرنا ... بقوا اكثر من 11 سنة يعيشون على لحن المقارنات وضاع الجمهور وقبله البطولات ..!! أحضورا يا زعماء ولا تفكروا في مسألة الدخول المجاني من عدمه ..!! |
نعم لابد من وقفه من رجال الهلال مع الجمهور وحسسو الجمهور بانه مدعوووووووووووووم واجعلوها مجاناُ اتركو المثاليه والكلام الغير مبرر عشرين ريال ماترد احد قد يكون ماترد البعض ولاكن الغالبيه تردهممممممممممممممم ونص اجعلوها مجانا لإجل الكيان وهذه مباره مصيريه الجميع يجب ان يكون له وقفه مشرررررررررررررررررررررررررررررررررررررررررررفه |
حاضرين حاضرين بحول الله وقوته بالتوفيق للأزرق |
إقتباس:
|
إقتباس:
بس شكلك من النوع اللي يسمع بالإنتقاد .. :s2: |
إقتباس:
أخوي لما يكون الملعب فل على الآخر ويشوفونه لاعبي الهلال راح ترتفع معنوياتهم فوق .. وراح تنخفض معنويات لاعبي أم صلال خصوصا ً إنهم ماتعودوا على الحضور الكبير .. يعني راح يفقدون تركيزهم .. بعكس لما يكون الحضور جيّد أو أقل من جيّد راح تنخفض معنويات لاعبينا وترتفع معنويات لاعبي أم صلال ( لاسمح الله ) .. لاهنت ع المرور :rose: |
اي والله يالييت ان يكوون الدخول مجاني لان اهلي صااجييني كل يووم عشريييييييين << من كثر ما ارووح الملااعب |
موب لازم فل اهم شي يبيضون الوجه |
إقتباس:
والله كلنا نمتنى إن الملعب يمتلي سواء ً كان بفلوس أو مجانا ً .. أشكرك ع المرور .. :rose: |
إقتباس:
يسلم بوئك ياقدع .. لاهنت ع المرور .. :rose: |
إقتباس:
لاهنت ع المرور .. :rose: |
إقتباس:
لاهنت ع المرور .. :rose: |
إقتباس:
نوّرت الموضوع .. :rose: |
والله أتوقع جمهور الهلال مش عاجز عن دفع 20 ريال |
إقتباس:
الله يستر منكم ياهالجمهور اللي مدري كيف جاي واما المباراة لا تتمنن على ناديك بسبب عشرين ريال والملعب أن شاء الله بيمتلي منغير مجاني واذا أنت ماتعرف جمهور الزعيم فأنصحك تروح تشوفهم يوم الثلاثاء في الدرة |
إقتباس:
ايه آخر مباراة هالموسم .. مسوي متابع للزعيم وانت ماتعرف متى آخر مباراة ؟ خخخخخخخخخخخخخ إذا تأهلنا إن شاء الله ماراح نلعب إلا بعد المعسكر .. أنا ولله الحمد كل مباريات الموسم حاضرها ماعدا مباراتين .. لاهنت ع المرور يا ( مشجعنا المتابع لهلالنا :s2: ) :rose: |
خلاص يا جماعه لا تتعودون على الدخول المجاني .. كل رئيس له فكره لحد يقعد يقارن رئيس بالثاني !! واللي يحب الهلال بيحضر بأي طريقه حتى لو كان الدخول بـ 50 ......... |
والله انك غريب الحين صعبه على طلاب المدارس انهم يجون ويدفعون فلوس ومهيب صعبه أنهم يجون ومايدفعون فلوووووس ترا رأس مالها عشرين رياال وبعدين ترا المباراة على أرض الهلال يعني الدراهم بتروح لخزينة الهلال ومستكثر على الهلال 20 رياال أنا ادفعها عنك صوت عند شباااك التذاكر وقل أبو بعيه أبو بعيه وأنا اجي وأدفع عنك حق التذكره انت تبي تزيد مشاااركاتك وتبي تصير صاحب الألف مشااركه وتبي تنزل موضوع وبس هذي هي الحقيقه اعذرني |
وين احنآ تبون نصير جمآهير المجآن..؟ وش فيهآ لودفعت 20 عادي |
| الوقت المعتمد في المنتدى بتوقيت جرينتش +3.
الوقت الان » 05:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd