لـغـز عطاهياه عمه ..يوم هو في سادس - صفحة رقم 2 - نادي الهلال السعودي - شبكة الزعيم

اللهلوب · #1 07/08/2002, 05:40 AM

إقتباس


	إقتباس من مشاركة العنود(سمي الضبي) .فهو يشتري كيلو ونصف عسل بستة ريالا ويشتري سبعه ونصف كيلو سمن بثلاثه ريال وثلاثة ارباع الريال ويشتري كيلو زيت بربع ريال يعني القيمه : 6+3.75+0.25=10 والوزن = 1.5+7.5+1=10

هذا حل العنود صحيح 100%، معقولة ما شفتوه ؟

شمــوخ · #2 07/08/2002, 01:04 PM

ياجماااااعة ياعيال
فيه توضيح لازم اقوله لكم
واللهلوب جزاه الله خير علمني عن شي انا ما شفته
وهو ان حل العنود الثاني صح ميه بالميه
وبصراحه انا ما ادري ليه ما انتبهتله يمكن اني لاهي مع عرفج وضيعني "الله ياخذه "
لكن اتاسف مره ثانيه
وااشكر اللهلوب الي وضح لي
واقول للعنود ممتازه وانتي صرتي ذكيه ورديتي على سخريه واستهزاء عرفج
تحياتي واحترامي للجميع

وعشان تستمر عملية الالغاز
فهذا لغز شبيه مررررره باللي قبل
وتراه سهل
للجميع خصوصا الوليد واللهلوب ..
عرفج ترى مب لازم تفكر وتتعب نفسك لاني عارفك ما فيه امل تحل وتفكر بشي ..عساك تعرف تربط كنادر الكوره حقته....لوووووووووووووووول

السؤال//فيه واحد نزل سوق الماشية ولقي سعر البعير بعشرة ريال وسعر التيس بخمسة وسعر الغنم من نصف ريال ........
.والرجال ما عنده الا مية ريال فكيف يشتري مية راس بمية ريال؟؟؟؟؟؟؟؟؟؟؟؟؟؟؟؟؟؟؟؟؟

الوليد · #3 07/08/2002, 03:32 PM

والله كان الحل مؤجود نفس حل شموخ ولكن حبيت أعرف هل هو صحيح والا لا لكن إن شاء الله اجيب الثاني.

العرفج · #4 07/08/2002, 04:22 PM

لله واكبر عليك يا شموخ
انا داري ان الحل صح

بس بشوف انت عندك سالفه ولا مع الخيل ياشقرا
يوم قلت حلها غلط قال ايه ايه صادق العرفج

شمــوخ · #5 08/08/2002, 05:41 AM

عرفج يالفكاك
انا كان قصدي ان الحل خطا هو الحل الاول للعنود مب الثاني
الوليد
يله عساك على القوه ..حله يالذيب

الـــــعــنود · #6 08/08/2002, 03:19 PM

لووووووووووووووووووووووووووووووول شباب طايحين حش فيني..

ماقصرت ياااااااااللهوب انك طلعت حلي للجميع...

والعرفج انت وشموووووخ اوريكم باللغاز..والله لااخليها بالعمله الكويتيه وهذا وجهي ياحليتوة..
ماتحلينوووونه لين ماتروحون للصراف ....

..

يالله حل لغزك الجديد هو.....انكم تقسمون 100 على 3 وشوفوا اي رقم يطلعلكم..

وبشر شموخ صح او غلط.....؟؟