مالي ومال الناس ومالك ومال الناس ..لما حبيتك ما اخذت راي الناس اتحداكم من اقصد..؟؟
إقتباس
هذا منتدى .. كل اللي يهمكم سواء مشرفين أو أعضاء هو اللي يصير داخل المنتدى .. أما خارج المنتدى فهي تعتبر من ضمن خصوصيات الشخص وليس لأي شخص الحق في التدخل فيها..! برا المنتدى أقتل أشرب ألعب قمار محد له شغل
هنا خلاصة الهرج كله..
ع العضو ان يلتزم بالقوانين اللي على مدخل المجلس..وبعدها يسوي ما بدا له..!!
هلالي الشماسيه.. اقرا ع موضوعك الفاتحه.. والله يحز في الخاطر لما تعبك هذا يروح في مناوشات لا تسمن ولا تغني من جووع
تحيه طيبه لك ياعبدالله .. اعذرني يالغالي موضوعك متعوب عليه وحلو لكن للأسف خربته بعض الردود !
سبق وأن قلتها .. العادات والتقاليد خربت العقليات التي أصبحت تترجم ( الورده ) بالعلاقه الخطأ و القلب بما هو أعظم ..
ومن المؤسف أيضا أننا نتماشى مع هذه العقليات ونصبح نتجنب ( الضحك ) و ( الوناسه ) لكي لا يظن بنا هؤلاء ظن السوء ..
اخوي عبدالرحمن ماقصر في كلامه .. فمن الظلم أن نظن السوء أو نطلق كلام على أي شخص لمجرد ( كلمه ) قالها .. فقد يكون هذا الشخص أحسن مني ومنك ومننا كلنا .. عند ربه !
وياليت نبتعد تماما عن ذكر الأسماء .. مهما كان !
لا أريد أن أزيد في الكلام ..
لكن سأكتفي بقول ../
أننا قبل أن نجتمع في هذا المكان الجميل .. كنا ومازلنا نجتمع على أعظم دين في الوجود ..( دين الإسلام )
ومن المخجل في حقنا نحن أن يقال عننا أن من اجتمعوا على ( دين الإسلام ) فرقهم ( حتة موضوع ) مع كامل احترامي للموضوع وكاتبه !
قال بعض السلف : خلق الله الملائكة عقولاً بلا شهوة ، وخلق البهائم شهوة بلا عقول، وخلق ابن آدم وركب فيه العقل والشهوة ، فمن غلب عقله شهوته التحق بالملائكة ، ومن غلبت شهوته عقله التحق بالبهائم .
ابو عابد اشلونك إن شاءالله طيب وبيني وبينك تمينت اشوفك بالبطولة لكن إن شاءالله اشوفك يوم الخميس بالنسبه للموضوع مابعلق عليه لاني والله ماقريته بيني وبينك الموضوع طويل ووقت اختبارات ومثلك خابر شيبنا يا ولد
لكن ودي اعلق على رد الاخ والحبيب جرح يشكي
محمد لله درك ياخي وش هالحكم قسم اني اقرأ واصفق بس والله المنتدى صاير هاليومين شوي بارد ومادخلت المنتدى الا يوم قالي محمد ان فيه مشكلة صايره بالموضوع الحين حسيت ان فيه مشاكل صاايره عشان كذا اطالب باستمرار الاثاره
ردي هذا رد على محمد لا يجي احد وينبرش علينا هاليومين العالم صايره نفسيات وقت اختبارات ومافيه احد رايق لاحد اخاف واحد يقرأ ردي ويفكرني اقصد شي بعد
خلق الله الملائكة عقولاً بلا شهوة ، وخلق البهائم شهوة بلا عقول، وخلق ابن آدم وركب فيه العقل والشهوة ، فمن غلب عقله شهوته التحق بالملائكة ، ومن غلبت شهوته عقله التحق بالبهائم .
تم فتح الموضوع بعد حذف الردود الخارجة عن النص
تقديراً للجهد المبذول في الموضوع
الرجاء عدم تكرار مثل هذه الردود
بعد تسبدي أنت أبومقبل ومن أتعبناه بالمتابعة والمراقبة عادل الله يخليكـما ويستر عليكـما ويسعدكـما ,, ورجاء خاص : الرد في صلب الموضوع وسياسته من حيث الكلام بشكل عام وعدم التلميح أو التخصيص , ومن لا يملكـ تقييد نفسه , أرجوه رجاءً أن يتكرم علينا وأن يكتفي بالقراءة والمشاهدة , وله المعروف , مصحوبًا بالدعاء ,,
ياغالي من كرهي للمصطلح ترددت بدخولي على موضوعك بس شفت ان الموضوع منزله شخص عزيز ومحترم وايضاً مثبت قلت اكيد فيه فائده ولا على قولة اخينا( حامت تسبدنا) الخرفنه ماكنت اعرف ان هالمصطلح قديم الا من موضوعك .. استغربت كثيراً من المعلومات التي ذكرته . اجل يمدح الامير ويصفه بالخروف تحري لو يجي شاعر ويمدحله امير بالوقت الحالي بالوصف شراح يصيرله
بالاخير .. اتمنى ان نكون مشرفين على انفسنا ولا نحتاج الى مشرفين ومراقبين لتحرير مشاركاتنا .
كم أسعدني وشرفني كل من تواجد وأثرى الموضوع برده أسأل الله للجميع التوفيق ,, ولكن أتمنى وأدعو الله الكريم أن لا يتم تحوير الموضوع عن جادته التي كتبته ووضعته من أجلها , فأنا كتبت واجتهدت للإفادة ولا أسمح بالإساءة , كما أرجو من الجميع أن يرد في صلب الموضوع أو إن أراد أن يناقش زميل له أن يناقشه بشكل عام دون تخصيصٍ أو تلميح لأحد لأن ذلكـ أدعى إلى الإصلاح , والتلميح يسيء ويفسد أكثر مما يصلح ,, كما أرجو أن يسود الإحترام وعدم المساس بكرامة أحد أو التعريض لها ,,
موضوع الخرفنه طرح هنا اكثر من مرة ... يعين الكل عرف عنه ... ما فيه احد محتاج لتوضيح زياده ... كل واحد عرف وش يعني خرفنه وقدر يميزهم .. وهو حر بعدين ما فيه داعي يطرح بصيغ واشكال اخرى !!
هلالي الشماسيه والله ما اعنيك بشي ... لكني اعلم تماما ان تفكير الاغلبية من الشعب بيخلي مثل هالمواضيع تنتهي بمشاكل الله اعلم بها !!
وش طلعنا بهالموضوع ... زعل ناس لهم وزنهم !! تلميحات وكلام على بنات وشباب يمكن انهم افضلنا بالمنتدى عند ربي !! بعدين !!
حتى مع ردي هذا انا ما ادعي المثاليه كلنا شباب ... وبحكم اني عشت ببيئة منفتحه وطبيعه حياتي منفتحه انظر للموضوع بنظرة بعيده وتختلف عن نظرتكم ... لاني ما اعيش الجو اللي انتو تعيشوه !! ولا اتعب نفسي باوهام ... او تفكيرات شيطانياة تخلي الموضوع يكبر ويكبر ويكبر والكل فاهمين
اقسم بالله العلي العظيم اني ما اقصد اي احد ... يمكن يجي واحد سخيف يقول اكيد هذا يقصد المشاغب او غيره سلطان على عيني وراسي وسبق وقلت له تعجبني ردودك واسلوبك ... مع تحفظي على بعض الاخطاء والكلمات اللي يقولها مرات بردوده !!
الله لا يوفقني ان كنت اقصد احد بعينه ... كل اللي ابيه يوصلكم ... يا ناس حرام عليكم الى الحين كذا تفكيركم ونظرتكم !!
كل همكم فلانه سوت ... فلانه طلعت تكلم فلان ... فلانه حطت لي قلب شكلها تحبني وتتميلح !! فلان حط قلب وش يقصد ليه يغازل ... فلان مسوي اني رومنسي وكويس وخفيف دم يعني اني شوفوني ابحث عن جيرل فريند او زوجه حرام يعني يكون واحد ربي خالقه رومانسي او خفيف دم !! الا غصب يتميلح !!
... اللي يمشي على مزاجكم يعجبكم ولو غلط ترقعو له !! واللي ما يعجبكم يطلع اكبر منافق او او او !!
والله كل كلامي لاني اعلم ان الموضوع سيصل الى اتهامات بالشرف والعرض والكرامه والاخلاق وغيرها ... والموضوع اساسه تعليم الاخلاق الحميده والبعد عن غضب الله
عندي كلام كثير بس بنزل الرد لان احس الموضوع بيتقفل ومستعد لمناقشة اي شخص يرى اني متفتح زيادة عن اللزوم ... او طريقة نظرتي للبنت مثاليه ومسوي يعني اني الشب الكويس بس والله اني اتكلم جاد ... طريقة تفكيركم ونظرتكم هذي رح تسبب مشاكل وزعل وحساسيات والله انا ما احب اشوفها وانا ماني من اهل المجلس !! لان اللي هنا زي خواتي .. غير كذا لي خوات يشاركون بمنتديات وماني متخيل ان ممكن يوم وحده تجيني تقولي فلان غلط علي او او او !!
اذا كل الناس كذا تفكيرها ونظرتها ... اجل كل بنت بغرفتها بدون جوال ... بدون نت ... بدون شي ... بس فتحة تشوف فيها النسا ... الويك اند تسافر للصالة لين يجيها ولد الحلال !!
والرجال نفس الشي ... من المدرسة للبيت ... اول ما يبدأ يحط على فناة ميلودي ... ابوه يزوجه
كذا كويس !! كذا احسن ومبسوطين !! كذا متوقعين الدنيا بتصلح !! بس والله بهالتفكير وهالتعامل والهمجية بالحكي والقذف على كل من هب ودب بتخلي الناس يتمنو هالطريقه !!
بالعالميه النقاشات بالرياضه تصير حاميه ... بس نقاشات هنا لو ما كانت بحذر ونية طيبة والله الامور بتوصل ان الواحد يسب على اليوم اللي شارك فيه !! لانه بيلقى ان كرامته او سمعته ضاعت عشان واحد فاضي طقطق له كم كلمة على الكيبورد ... مواضيعكم هنا ما هي رياضه ... مواضيعكم هنا مجتمع ... اشخاص ... قضايا .. ان ما كنتو قد النقاش فيها بعقول متزنة وقلوب بيضا لا تفتحوها من اصله !!
ما اقول الشباب غلطانين ولا البنات ... مليااااان ملاحظات على الجنسين ... سببها الاول والاخير ... نظرة وتفكير من الخارج بنيتو على اساسه ان كل البنات نفس الشي ونفس الطقه !!
ونفس الشي الشباب ... صارو البنات يشكون ان كل الشباب همهم التميلح !! المغازل ... نيتهم سيئة ... ذئاب بشريه
ما فيه احد بزر الحين ... حتى البزران فاهمين اكثر مني ومنك ... كل واحد عقله معه ... كل واحد يعرف الصح من الغلط ... كل واحد يقدر يقيم اللي قدامه
سبحانك اللهم وبحمد اشهد ان لا اله الا انت استغفرك واتوب اليك
ماننحرمش منك ومن جديدك 
الله يخليكـما ويستر عليكـما ويسعدكـما ,,
الوضع المتطور
