حزين من التعب / والا حزين من القهر يامير
..................... حزين من العنا / والا طرا لك / يالغلا طاري
علامك ؟.. للحزن في وجهك /وفي منطقك تعبير
.....................وذا كاس الذهب / يختال في حضرتك ويماري
لمحتك / وانكسرمن مفرق احزانك شعاع عصير
.................. قريتك / وانت تكتب للحياه / ونهرها الجاري
سألتك/ والسؤال اللي ابد مايحتمل تأخير
................. من اللي يحمل/ احساس البحر/ واحلام الاسفارِ
معك تبرير / لو تبغى تبررها / معك تبرير
.........................لكنّ العذر مايرضي / مراجل كل مغوارِ
دخيلك / ترفع حجاجك سما / واللي يصير يصير
..................... تبسم : يبتهج رمل الطريق / ويفرح الساري
تعيش احلامك / وتكبر / ولا/ لاهل الردى تاثير
................... لأنك اكبر من / السوق / والبياع / والشاري
يشعشع نورك الصادق / بدرب الزيف والتزوير
........................ ويبقى للأمل في / حضرتك / قيمه ومقدارٍ
لك الله / ماحملنا لك سوى الاعجاب والتقدي
............................. وحبٌ للشواطي يشتعل في قلب بحارٍ
شبيه الريح / والدنيا تنادي / ياشبيه الخير
.......................معك فوق الاماني / والرجاوي /قدرة الباري