إقتباس الرسالة الأصلية كتبت بواسطة مولع بالهلال مرّة من المرّات والكلب يلحقني كالعادة أتخذت قرار وهي إني بدل ما أهج من الكلب أواجهه وأركض ناحيته . طبعاً هذي معلومة سمعت عنها يقولون الكلب يلحقك وإذا لحقته هج وأطبق هذه المعلومة وأنا أقترب والكلب يقترب وإبن الكلب ما هج .. ويوم بقى متر إلا وأنا اللي أصلح يوتيرن بأقوى قوة وأطلق الساقين للريح . سألت عن المعلومة وقالوا هالمعلمة لكلاب البر أما كلاب الحراسة أنتبهو >> قلت كان علمتوني .

وااااااااااااااااااااااااك

والله هالموقف بطل

ودك مصورينك وانت تديور

حنا الاسبوع اللي راح كان الجو حار لكن فيه نسمة هواء و بحكم إننا عزوبية و بدون تخطيط كنا جالسين بواجهة الخبر فسدحت لهم فكره وش رأيكم يا عيال ننام في الهافمون ونرجع عالدوام ولأن أصحابي دلوخ قالوا قداااااام ألعن أبو ورا

المهم رحنا أخذنا مخادنا وبطانياتنا ودقينا على كم واحد من الشباب يجون معنا أغلبهم رفضوا وقالوا وييييين مشردين ناموا بمسجد اصرف لكم إلا واحد وافق يجي معنا

المهم رحنا واستسلمنا للنوم عاد اللي خاف ونام في السيارة وصرفها إن النامس ذبحه

ما عليك من كل ما ورد أعلاه يوم طلعت الشمس كذا وانا انايم و متحمس مع الحلم ويصحيني صاحبي أنا وجع وش تبي ما تكلم أشر لي على كلب الظاهر إنه يحرس محل إيجار جتي سكي تاكي جمبنا

والله حنا نايمين وهو جالس على بعد متر ونص مننا

اللي مستغربه إلى الحين إنه ليش ما خفنا ..؟

قمنا وجلسنا نسولف شوي و يوم شافنا صحصحنا ويقوم ويروح في حال سبيله

سبحان الله تحلف إن ربي مرسله يحرسنا

وبس

إقتباس الرسالة الأصلية كتبت بواسطة ريكيلمي حتماوي الحبشة هذي لعبة كان يلعبها ابو ميار و الصخرة في البكيرية أبو ميار يلحق الصخرة .. يوم دز الصخرة و سوا بجسمه باص عيون .. مسط ابو ميار على وجهة و راحت أسنانه الأمامية بعدين راح الصخرة للحالة ( مكان ما يقدر ابو ميار يمسك الصخرة فيه ) و صار وجه أبو ميار مثل هذا

يارجال لاتفقش على العالم

ابوميار من البكيرية وانا من البدائع... يوم كان ابوميار صغير يلعبها كنت انا بالثانوي

والحبشه لكل من يسأل عنها :

واحد يغمض عيونه ويعد من واحد الى ثمان طعش

والثاني يروح يوقف على مسافة خمسين يارده

وهذاك الاول اذا خلص عد فتح عيونه وقال : طلق

ثم خذ ياملاحق في ارجاء المعمورة.. بالحوش وبالصاله وفوق بغرفة امي وابوي

الييييييين واحد فيهم يمسك الثاني ثم تخرب بينهم وتقلب هوشة

والله ياني صارت لي قصه مع الكلاب
زماااااااان و انا باقي صغير فطفوط
رحنا اجازه للديره ( وادي في جبال السراه جنوب الباحه )
يعني قوة مخلوقات مفترسه و كائنات فضائيه
المهم انا جيت الصباح قبل شروق الشمس عندي حب استكشاف
اول مره اشوف الجبال و المناظر البديعه عالطبيعه و مع النور الخفيف قبل الاشراق
وكانت ايامها ربيع امطار وخير و الارض تمشي مويه ( نجل )
نزلت الوادي اتمشى
لين وصلت لمنبع المويه
شوي شافني كلب
اول ماشافني نبح بصوت غريب و قام
يوم قام .. عاد شوف وش صار >> انا فغرت مدري وش الطبخه
نط هذاك الكلب و جاني طاير و مع الصراخ تتجمع معه مجموعة كلاب
اذا ماخاب ظني يتعدون العشرين كلب
جايين طايرين كل واحد ينط من فوق الثاني تقول ماقد شافو ادمي
وانا باقي فاغر >> اول مره اشوف كلاب عالطبيعه مادريت انها تجنن
من جد انا بغيت انجن يومها
حطيت رجلي برجع للبيت >> هين البيت معلق فوق الجبل يعني مشوار
و انا يومها باقي مادخلت مدرسه يعني الكلاب لاحقتني الله لا يعوق بشر
شوي الا عمتي زوجة عمي الله يرحمه
كانت تحلب البقره
صاحت على الكلاب تهاوشهم >> امشو انقلعو الله لا يبارك فيكم
والله العظيم اول ماصرخت عليهم سكتو واخذو يو تيرن على طوووول
انا استغربت كيف تهاوشهم باللغه العربيه و يستجيبون
بس اتضح ان الكلاب كانت تخاف من عمتي
من يومها حرمت انزل الوادي بلحالي
لكن قبل سنتين تسلقت جبل في اخر الليل ايام الصيف
مدري كني بغيت انتحر لكن الله مايسر لي سباع ذيك الليله
يعطيك العافيه .. الله يسلمنا وياك من عيال الكلب

هههههههههههههههههههههههههه تصدق يامتعب يوم قريت الموضوع

طرالي إبراهيم الحلوة يوم يلحقه كلب بالبطولة العربية بالأردن

كأني استشف من كلامك إنك تجهز العصابه قبل الفلقه

كأنك داري إن يوم الخميس بينطلتز عليييك كلب

جنيت على نفسك يامتعب أعضاء الجمهور والعالمية

هالحين بيستغلون هالنقطة ومن الممكن إننا بدل مانشوفك طااااق تكميلة

التدريب نشووفك طاااااق هالتكميلة الأحترازية

إقتباس الرسالة الأصلية كتبت بواسطة هلالي من ارض اليمن ^ ^ يا سيدتي فهمنا لا تحملينا وزر درجاتك وجامعتك ووظيفتك ولكن انصحك لا عاد تشرحين مرة ثانية

بعد ينصحني انا ما اشرح ثاني
ويقول لاتحملينا وزر درجاتك

يعني شرحي مو عاجبكـ والا مو عاجبكـ ..!
لا شكلهـ مو عاجبكـ
<< كيفني وانا متحمسهـ واجد على هالصبح

عاد تخيلوا اصير مدرسه
عز الله فشلوا كل الي بدرسهم


متعب اجل في بيتنا كلب
<< تذكرت في بيتنا كات


أما كلب يلحقني وبواجهه بعد
ويوم بقى متر ماهج هو ديورت وهجيت
باللهي من قايل لك هالمعلومه

ياحبي لها عمتكـ على هالخطط
تعزمكـ وتدخلكـ بالبيت والكلب يلحقكـ
قلها تخطط لنا للمباراة شكلها بتكسر روس الموج الازرق وبتتأهل وبتاخذ الكأس بأقل مجهود

وعليكم السلام
اخوي ابو ميار الله يعيينك على هالمواقف

بقولكم انا وش حصل لي
العام بالصيف
حنا في الاجازات نروح لديرتنا وهي قريه صغيره تسمي الشعراء بجانب الدوادمي
قريه هادئه وحلوه وبصراحه اجلس الاجازه كلها وكني في باريس يالله من فضلك
المهم من ياذن المغرب وحنا بالحوش بين الاشجار والرمال واحد ابواب الكراج عندنا فيه فتحه من تحتوبالعاده نردمه ببلك عشان مايدخل علينا قطاوه
المهم نمت انا والوالده على السراير بالحوش وبين الاشجار وعند طلوع الفجر مادريت الا هاللي يطمرني وانا مادري وش السالفه والوالده تفز بنتي وش فيك
قلت ابد مافيه الا العافيه والاها سلقه دخلت من تحت الباب ومسرعه وهي تطمرني الظاهر انها متدربه علي قفز الحواجز المهم وقحص قالت امي عجلي افتحي لها الباب تظهر واقعد اتطارد انا وياها لين ظهرت ورجعت اكمل نومي
والى الان الوالده حريصه كل لليله عسى فتحات الباب مردومه بالبلك
وانا والله ماهمني شئ عادي
اتمنى اني ماطولت عليكم
والان اقول متى اعطل اروح لديرتي الشعراء وانقلع عن الرياض وزحمتها
شكرا اخواني واخواتي

نطلع برا الموضوع انا يامحاتسيكم أخذت درس من الكلاب عمري ماراح انساه

ومازلت اعاني منها الى الان تقريباً من 10 سنوات .

ايام الثانويه منحاش من المدرسه ايام المراهقه الله لايعيدها

رحنا لمزرعة واحد من العيال وخابر انا المزرعه والي فيها من حيونات مفترسه مثل وجهه

كنا مجموعة شباب الموهيم راعي هالمزرعه هو الوحيد للي يعرف لها الكلب ومربيه تربية كلاب

هو من فصيله متوحشه جيرمني وجهه متر* متر
بدا خوينا يستهبل ويطلقه على العيال وصارت المزرعه مضمار للركــض

هجدوا الشباب شوي وروقا وهدوا اللعب اثاريهم مخططين ع خطه والمقصود انا

طلع خوينا بكلبه برا ومن لقافتي طلعت وبدات الخطه بتقفيل جميع المخارج المؤديه للهرب

واطلق عنان الكلب يسابق الريح متجهاً الي واذا بي اعض لساني على جنب وخذلك ركض

من قو الروعه بلاكم ماشفتوا وجه والكلب الثاني يقوله كلامات تخليه ينصاني الموهيم معد صرت اشوف الي قدامي متجه للباب والعيال الله يذكرهم بالخير مقفلين الباب من دون تفكير تم رفس الباب بجميع قواي والنتيجه

رجلي داخله عليهم من قوة الرفسه

مايحتاج اشرحلكم وش صار بعدها بس الكلب يوم شاف الموقف نحاش وانا تم نقلي للمستشفى والدماء تسيل
النتيجه 13 او هي 12 غرزه في باطن الرجل والى اليوم الآلم موجوده فيني .

انتقامي تم قتل الكلب بسم دسيته له بالاكل بطلع حرتي والحمدالله تم قتل عمداً وطالبوني بملغ الكلب وهو عشرون الف ريال قلتلهم تبطون عوضوني برجلي اعوضكم بكلبكم






المزح بعض الاحيان يجيب طعااااااااااااااااااااات

تحياتي

خعاخع

إقتباس الرسالة الأصلية كتبت بواسطة شغل مخك شوي ما جا ع بالي غباءك انت ِ الذات ! ما بين حال المشاغب اول وحاله بالجمهور فيه نقطة غايبة صار انتي ! وإلا لازم خالف التياريين تنعرف ! شوفي لا تزعجين بتحليلاتك الغبية عندك تياريين إما كلب مع الحاير وابو ميار وفي رواية مستغل مع المشاغب وإما صرصورة وفي رواية تسلب مع دموع وريكميلي وطارق! وانا اقول وش فيها رسائلهم قلبت من هواش لخباااااااااال ! وترسلون رعبوب لراشد الماجد او مغلط بتلفيوني وحلم حامد زيد

ياولد ترانا نتكلم هنا عربي
احس إنك تسولف مع نفسك
بالع شيء إنت
نفس السؤال وش تحس فيــه !!؟

[CENTER][FONT="Arial Black"][SIZE="4"][COLOR="DarkRed"]اما موقف جدك لحاله

هههههههههه

الموقف هذا بلحاله
الله يرحم امواتنا واموات المسلمين

انا كد صارت لي سالفه بمزرعة جدي الله يرحمه ويغفرله
يومها كان عمري حوالي 9 او 10 سنوات

كان فيه سلقه (انثى الكلب)
كان من النوع اللي إذا ركضت لحقك واذا وقفت وقف
وانا كنت دلخ ولا ادري وش السالفه
وفيه مره رحت مع خالي للمزرعه أنا وشله بنفس عمري
اول ماوصلنا المزرعه قال خالي للعامل فك الكلب خلهم يلعبون عليه <<< نذل الخال

و أول واحد توجه لمه الكلب كان أنا الله من زين الحظ
واجيك واركض و كان قدامي نخله واجلس ادور كم لفه والكلب وراي
بعد اللفه الثالثه حسيت ان الكلب راح و اول ما وقفت وإذا الكلب طالع علي من الجهه الثانية عاد تخيل شكلي باللحظه ذي
والحمد لله ان السيارة كانت مو بعيده واروح اركض بسرعة الريح واركب السيارة بس حظي بالمره ذي منحوس زي كل مره
كانت الدريشه (النافذه) مفتوح نصها وما امدان اسكر الباب الا والكلب مدخل نص راسه مع الدريشه واشوى ان العامل كان قريب وفكن منه

وبعده عرفت ان الكلب هذا اذا ركضت ركض وراك
وعقب السالفه هذي صار الكلب صديقي


لين جاء يوم و اقتله واحد من جيران المزرعه بسبب ان يخوف ورعانهم (اطفالهم) <<< اموت بالفصحى

إقتباس ياولد ترانا نتكلم هنا عربي احس إنك تسولف مع نفسك بالع شيء إنت نفس السؤال وش تحس فيــه !!؟

وش عرفك انت
خلاص قل انه ملكع عشان يرتاح
وش عرفك الرمزيه انت


ازيّك يا متعب
لي سوالف واجد مع الكلاب
بس وش الفايده كلها شفت كلب ولحقني
هذي الله يسلمك مره كنت بحديقه بدوله ثانيه مو بالسعوديه
كان عمري تقريبا 9 سنوات
الحق اخوي الي اصغر مني بالحديقه نلعب حبشه
> بأوروبا ويلعب حبشه السعودي سعودي وين ما تحطه
المهم كان فيه عربية اطفال
تعداها اخوي عادي يركض
يوم تعديتها انا ويطلع من وراها كلب ابن كلب
تعرف الي يجيك زي الهوت دوق بأفلام الكرتون ؟! الطويل
ويلحقني ويجلس ينااااااابح
تشوف اقووووووى بريك واديور ركككككككض
ادور امي بس
المهم السيب الي كنت اركض فيه كان بين اشجار كبيره وماحولك احد يعني
ونهاية السيب امي تنتظرني
وانا اركض وكل شوي اشوف امي تقرب وتقرب
واسمع صوت الكلب يبعد ويبعد
واجيك رككككض واطب على امي
تتوقع اني جلست بحضن امي خلاص انتهت السالفه ؟!
لا ياحرام طبيت على امي بقوه
وطاحت وطاح العفش الي معها وقلق كنا تونا جايين من السوق
وانتهت السالفه

لا انا مع الكلاب اوكي
احبها واحب العب معها
بس السالفه هذي عشاني كنت صغير
من زمان مارديت