بإذن الله جمهور الهلال يملى الملعب ،، وأن شاء الله الفوز هلالي ،،

الله يعطيك العافيه وياليت البيتين يوصلون للرابطه


لا هنت يالغالي على كتابه هالموضوع التحفيزي

شكراً لك

فكــره رائعه ، وان شاء هالبيتين توصل للرابطــه

إقتباس الرسالة الأصلية كتبت بواسطة المملكة كفو أيها الأمير الهلالي ! وأشكر لك تفعيل العرضة ! وبالفعل اختيارك موفق في البيتين المذكورين أعلاه ! وسهلة الترديد ! وشبيه الريح يستاهل أكثر ولو تأملتوا تحيته لكم كيف يضعكم فوق رأسه كعادة الزعماء الهلاليين لعلمتم مدى محبته لكم . أنتظر سماعها منكم وانا اتابع المباراة من المنزل ! فكم ستكون سعادتي كبيرة بذلك . كما أحيي حماسك وحضورك على مركبتك الصغيرة حفظها الله وسلمها الله من ( الخراب ) أنصحك بالتشكيك عليها قبل الإنطلاقة ! والزعيم يستحق العنوة يا أمير !

من المفترض انا اللي اشكرك على هذه القصيده التي اقل ما استطيع قوله بانها افضل من رائعه كروعة من يُتغنى به .. واهنيك الحقيقه على هذه الكميه الشاعريه الفذه


وعلى فكره شكلك فهمتي موضوع السياره غلط ^_^ انا ذكرت بانها سيارتي العزيزه وليست الصغيره .. لكن شكل سوء نظر .. قصدي سوء فهم وللمعلوميه سيارتي جديده ولله الحمد مالها 7 اشهر من شريتها ونوعها اكورد 2008 <-- يحس انه شطح

وبالتوفيق لك ياشاعرة الزعيم والله الله بالقصايد الحلوه

بالتوفيق للهلال ... وإن شاء الله نشوف الحضور الجماهيري الكبير يوم الأربعاء ...

إقتباس الرسالة الأصلية كتبت بواسطة حـتـمآإويٍ كفــٍو وآللهٍ ..! وبتنورٍ آلريآضٍ يآحلوٍ ..!

منوره باهلها فديتـك

ومشكور على التعقيب

توصل أنشالله بالسلامة وأنشالله الجماهير تحضر كلها وتقف وقفة واحدة مع الزعيم .

كفو يا الذيب الوعد الملعب
وبأذن الله الفوز للهلال
وما يحتاج بأذن الله حااااااضريييييين

تحياتي .. ويا ليت تبعد عنك بعض المبالغه في الكلام

تحياتي اخووووووووي الف شكر لكـ

إقتباس الرسالة الأصلية كتبت بواسطة وسن الهلالية والله الرابطة ماينفع تقولها اتمنى ان الجماهير يرددونها بصوت واح والبداية تكون من الجماهير وكمان لو نختار بيتين من قصيدة ابو فيصل حق شبية الريح والله تكون روعة

اكيد من المفترض ان مجموعه من الجماهير ترددها بشكل مستمر راح تنتشر بسرعه البرق .. مثل .. نصراوي وينه مكسوره عينه ..

إقتباس الرسالة الأصلية كتبت بواسطة بن جبله يعطيك العافيه ياذيـــــــــــــــــــــب والصرااااااااحه اعجبني البيتين اتمنى ان تاصل للرابطه خاصة انها على لحن نحمد الله اللحن الرائع وبو فيصل يستاااااااااااهل

هلا بن جبله منور الموضووع

وانا اكثر شي اعجبني بالقصيده لحنها وعذوبتها

واتمنى من الجماهير حفظ البيتين من الان لكي يتسنى لهم قولها بالمدرجات

اخاف انا لحالي اعرض والباقيين يناظروني ناقدين علي

شكرا لك والله يوفق الزعيم ويوم الاربعاء موعدنااااااااااااااا

الله يعطيك العافيه اخوي وتوصل بالسلامه

وبإذن الله الرقم الصعب ما يخيبون الظن ويحضرون بكثااافه

إقتباس الرسالة الأصلية كتبت بواسطة قسامي هلالي الله يعطيك العافيه اخوي وتوصل بالسلامه وبإذن الله الرقم الصعب ما يخيبون الظن ويحضرون بكثااافه

الله يسلمك يالغالي ويالله روح اشتري تذاكر من الحين لك ولخوياك ولاخوانك وكل اللي بيروحون معاك