يجمعنا حب الهلال ][ رسآلة ][ - صفحة رقم 2 - نادي الهلال السعودي - شبكة الزعيم

مزراحي2 · #16 16/05/2009, 05:12 PM

هلا فيك يا ولد عمي 6

والله الهلال على عيني وعلى راسي

ريكيلمي · #17 16/05/2009, 05:21 PM

كلامك 100 / 100 وليد

لدرجة حسيت فيه عداوات هنا و انقسامات .. تبقى كورة تنتهي مع الصافرة

و يحق لكل شخص يفرح و لكن بدون ما يجرح أطراف أخرى .. نختلف و يجمعنا حب الهلال

skroo · #18 16/05/2009, 07:09 PM

السلام عليكم

لاهنت يا ولد عم واحد من اخوياي

شوف انا استغرب من اللي يزعل من النقاش الكروي !!!!

فيه قاعده عندي /

ناقش بيديك ورجليك بس اهم شي لا تقرب لليوزر او العضور
خل النقاش كله عن مضمون الرد والفكرة

لكن انك توجه القصف

لليوزر فهذا ودك تتوطى ببطنه

بعض الناس اذا قلت له فريقك ضعيف او فريق تحكيم يزعل وياخذها بخاطره ويحقد عليك وووو

بسم الله الرحمن الرحيم والله مادرو عنك ولا دريت عنهم

مدري وش فيها اذا انتقدو فريقي المفضل وسفلو فيه؟ الدعوه نقاش وكلام بس بعض الناس الله يهديه ودك تشتري له سيكل ومراجيح يلعب بهن من صغر عقله

وعلى فكرة , ترا الهلال مايجمعنا وبس
كثار هنا غير هلالييين

الف شكر لك على الموضوع الجميل يا ولد عم واحد معي بالدوام <=== اعجبته السالفة

MiLAN LoVeR · #19 16/05/2009, 08:50 PM

بيض الله وجهك يـ وليد ع الموضوع ..

وما ازيد على كلامك كفيت ووفيت ..

تحياتي لكـ

مدفعجي هلالي · #20 16/05/2009, 09:16 PM

ياخي قل خايف يخترق ايميلك وخلاص

صراحه موضوعك جا بوقته ولازم كل واحد ينتبه للنقطه هذي
بس اذا تبي الصراحه في شي اكبر منها
الي هي مشجعين الاتحاد الهلال والنصر والاهلي وكل الفرق السعوديه كل واحد صار يكره الثاني عشان الفريق الي ينتمي له
ونسو فكره ان الكوره شي مو اساسي وانما للتسلية
ونسو ان كلنا مسلمين من بلد واحد!!!!
هذي الي الصراحه مضيق خلقي اكثر شي
والا على الافرقة الاروبيه ان شاء الله المشكلة ما تكون كبيرة
وانت ما شاء الله للحين تشجع روما بعد 7 ماسنشتر

<<<<<< امزح والله امزح قسم امزح هههههههههههه
مشكور ولد عمي

على الموضوع العالمي <<< مو النصر لا موضوع خطير يعني

The ANGEL · #21 16/05/2009, 10:59 PM

ما يصح إلا الصح..
بالتوفيق للمانيو في النهائي..

دمـوع · #22 17/05/2009, 12:48 AM

أهلا بولد جيرانا

وش جالس تقول يا وليد ؟ اجل يجمعنا حب الهلال ؟! ترا كثير من الأعضاء هنا ما يشجعوا الهلال << جد والله مو مزحه .
لو انك قايل يجمعنا حب مالديني .. كان ممكن تكون عبارتك صحيحة

ما عليكم يا شباب .. هايطوا و تهاوشوا .. نبي نشوف ايقافات و بيانات

عندنا زحمه أعضاء نبي نخفف شوي

و تراكم معذورين .. كرة القدم تسببت بحروب بين دول .. وش يعني لو تهاوشتوا و هكرتوا على ايميل اللي يحارشكم .. عااااااااادي عااااااااادي

بس اياني وياكم احد يتحرش بميلان او ايطاليا .. خصوصاً انت يا وليد .. ترى ايميلك واقف على شعره بضغطه زر اسرقه

اذا انتم صلوخ طبقوا كلامي اللي فوق

موفقين جميعاً

وليد القحطاني · #23 17/05/2009, 07:55 AM

منورين والله
وبخصوص اللي يقول اللي هنا مو هلالية !
اللي اعرفه ان واحد فقط نصراوي !
مدري اذا كان فيه واحد غيره !؟

Madridi · #24 17/05/2009, 08:50 AM

إقتباس


	منورين والله وبخصوص اللي يقول اللي هنا مو هلالية ! اللي اعرفه ان واحد فقط نصراوي ! مدري اذا كان فيه واحد غيره !؟

انا اعرف هنا 2 اتحاديين و1 اهلاوي ونصرواي

تم تعديل الرد الاساسي في الصفحة الماضية

FLETCHER · #25 17/05/2009, 11:24 AM

^

فيه كثير غيرهم اعرفهم

وطبعا الله يحييهم وما الومهم هذا افضل قسم عربي للرياضه العربيه والعالميه..

عاشق هنري وهلالي موت · #26 17/05/2009, 04:48 PM

والله كلامك صحيح 100 %

حنا يجمعنا هنا حب و عشق الهلال

وان شاء الله نشوف جميع الاعضاء يفهمون الموضوع صح

مشكوور الخوي

والله يعطيكـ عافيه

تقبل تحياتــــــــي

ABADI ALHARBI · #27 17/05/2009, 05:22 PM

إقتباس


	انا وغيري الفريق اللي تشجعه اعلم انه ما درى عنك ولا فكر فيك

يكفي هالجملة لتعبر عن الموضوع الجميل يالغالي .

شكرا لك والله يعطيك العافية .