..[ زعفران الهرج ] .. [ الأمير بندر بن محمد] ... - صفحة رقم 2 - نادي الهلال السعودي - شبكة الزعيم

الـوفـا ديـــن · #1 16/05/2009, 12:54 AM

.
.

قاف ٍ يجي بالغصب ما هوب قافي
و مدح ٍ أساسه كذب مذموم كله
لا جيت أبنظم ما رجيت القوافي
ولا جيت أبمدح شخص جبت الأدله
صافي زلال الهرج و المدح صافي
بن ٍ هرر في دلـة الـهـيل أزله
يا زعفران الهرج بندر و كافي
لا قلت بندر زان هرج ٍ يجله
بحر الشعر شخصك غداله مرافي
لا من تغرّب جاك يطلب محله
يا وافي ٍ ما زلت بالطيب وافي
يا من ورثت الطيب دقه و جله
لا يـا كريم ٍ بالكرم ما ينافي
إلاّ طبوع اللي خذا الشح مِله !!
لا يـا حرار ٍ ما تعوّد يجافي
سفح الجبال الشاهقات المطله
وقت الشدايد بالحقايق توافي
رجلٍ شجاعٍ قوّ باسك تسله
تِسكت نعيق الحالمي و الخرافي !!
يوم الغراب يخاف لا شاف ظله!!
جننتهم في واحدٍ ما يـخافي !!
لاعب خفيّ عندك مقيّد سجله!!
كل ما تصرّح صاح صوتي عوافي
صوت المحامي كل ريقٍ يـبلّه
حبك للازرق حب ما هو بخافي
يا سيدي واضح و ضوح الأهله
و الحب لك ما ترجمه بوح قافي
لكن على الله تقبل البوح كله !!!

.
.

الوفا دين

خالص الشكر لأختي سديم على التصميم