ೋѾ مجلس الجمهور الهلالي ... استعدادات ೋѾ - نادي الهلال السعودي - شبكة الزعيم

عالي الشان · #1 15/05/2009, 04:49 PM

السلام عليكم ورحمة الله وبركاته

الاربعاء 2009/5/20م الساعه 8.45
استاد الملك فهد الدولي

موعدنا مع مباراة غير عن اي مباراة
النقاط الثلاث مطلب جماهيري بالاول والاخير
ادارتنا ولاعبينا وجهازنا الفني مطلوب منهم العمل ليل نهار حتى موعد المباراة الكبيرة

الجمهور .... الجمهور ... الجمهور وش دورهم !!
وش الفايده من حضور 70 الف بدون فاعلية !!

مجلس الجهور الهلالي الكريم ... تعالوا شوي نتناقش ونرتب للملحمة الكروية الاربعائية
ما نبغى يوم الثلاثاء بالليل نقرا تكفل فلان وفلان ب 10 الاالاف تي شيرت و 5 الالاف بالون صوتي (مزعج)
نبغى شي جديد نبغى ترتيبات اكبر واحسن

جمهور مثل جمهور الزعيم .. وعنده ملعب مثل الاستاد ومباراة مهمه اسيوية في بداية اجازه نهاية الاسبوع حرام ما تستغل وتترتب حتى نبهر الجمهور العربي والاسيوي

المباراة الكل بيشوفها .. السعودي ... الخليجي ... وجزء من العربي والاسيوي من محبين الهلال والمعته

لآزم نظهر جمهور باحلى صورة يبهر ويدعم الفريق طول 90 دقيقه

انا بقدم اقتراحات كثير منها معاد وشي منها جديد وشي مجدد :

بداية من الانترنت :

1- المنتديات الهلالية بداية من يوم السبت وعبر مواضيع مثبته تبدا تحث الجماهير على الحضور وبمشاركة من لاعبين الهلال ومنسوبيه في الدعم .
2- الاعلان عن الحافلات الهلالية من كل مكان ( الشرقية - الغربية - شمال الرياض سدير والقصيم - جنوب الرياض ) واللي متوقع انه يكون الاقبال عليها كبير لأنه يوم الاربعاء يوم مناسب للجميع .

مجلس الجمهور والرابطة :

1- تبديل توزيع التي شيرتات النايلونية بشالات زرقاء خاصة انه الجو حار والواحد وده يصفخ هدومه من الحر .. وشلون عاد نلبسه شي اضافي .. صح والا انا غلطان

2- حركات جديده بالتشجيع ... يمكن حركة الزلزال حلوه ولكنها مو مناسبه للبعض .. خاصة للي لابس ثوب

فنبدلها بحركة تشبيك اليدين مع يد اللي يمينك ويسارك ورفعها لفوق وتحريكها يمين ويسار ( حلو الشرح والا

)

3- عند دخول الفريق للملعب رفع الشالات وفردها زي اللي بالصوره :

تخيلوا 50 الف مثلا مسوين نفس هذي الحركة !! شي عجيب بيكون

4- التكفل بتفصيل اعلام زرقاء كبيره وطويلة بدون شعارات حتى تدخل المعلب ويكون مكانها بين الفاصل العلوي والسفلي بالمدرجات الموجودة في واجهة الملعب ( مكانها واضح بالصوره تحت ) .. حتى نسترجع ايام زمان قبل ما كانت ممنوعه .

دور اعضاء الشرف وموبايلي :

طرح جوائز للحضور بداية من جوالات واشتراكات بموبايلي والجائزة الكبرى ( سيارة ) سعرها 50 الف ريال (مانبي نخسر موبايلي )

اخيرا .... اتمنى اتمنى من اميرنا المحبوب ... ان يطلق تصريح قوي ضد مخرجي art ودورهم في تعتيم الحضور الجماهيري الهلالي في كل المباريات الكبيرة الماضية .

حمـ(الهلالي)ــد · #2 15/05/2009, 04:52 PM

اشكرك على طرح الموضوع المهم

الآن يجب ان يتوقف كل شيء ماعدا الحضور للملعب يوم الأربعاء القادم
مانبي نقد ولا اجانب ولا مدربين

نبي تحفيز الاعضاء للحضور

موضوع جميل جداً وان شاءالله المجلس مايقصر وان شاءالله يتواجد الجمهور وان شاءالله نشوف تفاعل من موبايلي

لاهنت اخوي

تحياتي لك

الأزرق الخلاب · #3 15/05/2009, 04:53 PM

والله مجلس الجمهور السنه هذي نايمه بالعسل , لا أعرف مالسبب ..

أتمنى نشاهد مجلس جمهور يليق بالهلال حتى لو تطلب الأمر لتغير الكفائات !

قلب الزعيم النابض9 · #4 15/05/2009, 04:53 PM

شكرا لك اخوي على الطرح الجميل

ونتمنى من الرقم الصعب الحضور في الموعد المحدد

اما قنواة الارتي فنتمنى من سموه التدخل فكثر الكلام عن هذه القناه التي حجبت جمهور الرقم الصعب

مرتاح البال · #5 15/05/2009, 04:53 PM

ان شاء الله يكون هناك فية دعم
بس ياريات من الادارة الهلالية تحط التذاكر مجاناً
ويكون هناك فية باصات من الشرقية ومن جدة وحائل ومن القصيم واكثر شئ يكون من القصيم لآن محبين الهلال واجدين هناك

الأصبع الذهبي · #6 16/05/2009, 01:55 PM

اتمنى الحضور بالزي الهلالي .. الأزرق ..
والثياب للمناسبات فقط .. مو للملعب ..!!

عالي الشان · #7 16/05/2009, 11:06 PM

إقتباس

الرسالة الأصلية كتبت بواسطة الأصبع الذهبي


	اتمنى الحضور بالزي الهلالي .. الأزرق .. والثياب للمناسبات فقط .. مو للملعب ..!!

ما تقدر تجبر احد على لبس التي شيرتات لأنها حرية شخصية .. لكن ممكن تتعوض بتوزيع الشالات بشكل مترب زي ما ذكر واحد من الاخوان في الموضوع وتكون عند البوابات

قناص القرن · #8 15/05/2009, 04:58 PM

بسم الله الرحمن الرحيم
وعليكم السلآم ورحمة الله وبركاته

والله فكرتك روووووووووووووعه

بس يآرب يكون الحضور متواجد .,. ما نبي بس 5000 او 10000 نبي 80000

wem11 · #9 15/05/2009, 04:59 PM

ان شاء اللله الجمهور راح يعملهاااااااااا وراح يكون الحضورررررررر فل ان شاء الله والله يوفق الهلال

شكرا لطرحك الراقي

pass-3yoon · #10 15/05/2009, 05:03 PM

وفيه فكرة ثانية ما ادري تعجبكم ولا لا الا وهي توفير باصات في الرياض نفسها لنقل الجماهير من جنوب الرياض او غربها على سبيل

المثال وش رايكم فكرة حلوة ولا؟

عالي الشان · #11 15/05/2009, 05:22 PM

إقتباس

الرسالة الأصلية كتبت بواسطة pass-3yoon


	وفيه فكرة ثانية ما ادري تعجبكم ولا لا الا وهي توفير باصات في الرياض نفسها لنقل الجماهير من جنوب الرياض او غربها على سبيل المثال وش رايكم فكرة حلوة ولا؟

صح فكره حلوه ... فيه كثير يعانون من بعد المسافة او وسيلة المواصلات ما تتوفر معاهم
هذا دور رجال الاعمال بالرياض ... وما اعتقد يكلف كثير

Yasser Aldaajani · #12 15/05/2009, 05:34 PM

أهم شي تخلون الرابطه تحظر المنتدى وتناقش الجماهير .. وتشوف حل مع التشجيع النايم

وربي تعبنا وإحنا نتكلم عن الرابطه والظهير الأيمن .. ولحد الحين ولا كأن شي صار

..!!

لكن اتمنى اشوف تغيير واضح بالجمهور نفسه .. يجبر الرابطه على انها تتحرك مع الجمهور

ليش ما يكون فيه مجهودات شخصيه من بعض الجماهير .. نفس الموجودين في أوروبا ..!!

يعني انت ابدا شجع وكلم اللي جنبك واللي جنبك يكلم اللي جنبك ..! إلخ .. وبكذا نكون حمسنا كل الجمهور

هذي زبدة الكلام لأننا بصراحه تعبنا وإحنا نكلم الرابطه ..! ملينا وهم ما سوو ولا شي لحد الحين

.!!

تركي الهديب · #13 16/05/2009, 12:29 AM

إقتباس

الرسالة الأصلية كتبت بواسطة YASSER_O


	أهم شي تخلون الرابطه تحظر المنتدى وتناقش الجماهير .. وتشوف حل مع التشجيع النايم وربي تعبنا وإحنا نتكلم عن الرابطه والظهير الأيمن .. ولحد الحين ولا كأن شي صار ..!! لكن اتمنى اشوف تغيير واضح بالجمهور نفسه .. يجبر الرابطه على انها تتحرك مع الجمهور ليش ما يكون فيه مجهودات شخصيه من بعض الجماهير .. نفس الموجودين في أوروبا ..!! يعني انت ابدا شجع وكلم اللي جنبك واللي جنبك يكلم اللي جنبك ..! إلخ .. وبكذا نكون حمسنا كل الجمهور هذي زبدة الكلام لأننا بصراحه تعبنا وإحنا نكلم الرابطه ..! ملينا وهم ما سوو ولا شي لحد الحين .!!

أول شي كلامي لكاتب الموضوع
يعطيك العافيه وباذن الله بكره نازل بيان من المجلس مع التجهيزات
اما لك اخوي ياسر واللي انا شخصيا طالبت انك تضيفني على الايميل
وأرد دايم عليك ولا القى منك تفاعل
عزيزي
في كل موضوع يتحدث عن الرابطه تجي انت وتسيء للرابطه وللمجلس وماعندك الا كلام وهذره
عندك شطاره عندك افكار واقتراحات ومجهودات تعال للملعب
والواضح انك ماتدري حتى طريق الملاعب ومن الناس اللي ماتدري عن التشجيع وللمعلوميه وحط كلامي في راسك زين:
اللي يحب ويعشق الهلال ما يسيء لاي طرف في النادي
وانت ماشاء الله عليك ماغير هذره في كل موضوع
يوم الاربعاء ان شاء الله اتمنى يكون بيني وبينك لقاء في الملعب هذا اذا انت بتكون موجود لاني ياما طالبت بها الشي
ولا شفتك ولا القى حتى رد على اي موضوع ترد فيه انت الا اذا انت من النوع اللي برضو يبي يزيد عدد مشاركاته فهذا شي ثاني
عموما : احترمك كشخص بس ما ارضى بالكلام اللي توجهه دايما على الرابطه والمجلس كوني اخد الاعضاء واقدر الشغل اللي يتعبون فيه وانت في بيتكم ما تدري عن الاشياء اللي تصير
احترامي لك

ســـــMـــــاوي · #14 15/05/2009, 05:10 PM

بس طريقة توزيع الشالات والبالونات غير كويسه

رمي واللي تجيه تجيه

المفرووض عند المداخل يكون التوزيع

عالي الشان · #15 15/05/2009, 05:26 PM

إقتباس

الرسالة الأصلية كتبت بواسطة ســـــMـــــاوي


	بس طريقة توزيع الشالات والبالونات غير كويسه رمي واللي تجيه تجيه المفرووض عند المداخل يكون التوزيع

من زمان حنا نطالب بهذا الشي بس محد سمعنا
وحتى بيكون اسهل على الموزعين