|
ೋѾ مجلس الجمهور الهلالي ... استعدادات ೋѾ السلام عليكم ورحمة الله وبركاته http://www.ittihadnet.net/net/upload...1200962557.jpg الاربعاء 2009/5/20م الساعه 8.45 استاد الملك فهد الدولي موعدنا مع مباراة غير عن اي مباراة النقاط الثلاث مطلب جماهيري بالاول والاخير ادارتنا ولاعبينا وجهازنا الفني مطلوب منهم العمل ليل نهار حتى موعد المباراة الكبيرة الجمهور .... الجمهور ... الجمهور وش دورهم !! وش الفايده من حضور 70 الف بدون فاعلية !! مجلس الجهور الهلالي الكريم ... تعالوا شوي نتناقش ونرتب للملحمة الكروية الاربعائية ما نبغى يوم الثلاثاء بالليل نقرا تكفل فلان وفلان ب 10 الاالاف تي شيرت و 5 الالاف بالون صوتي (مزعج) نبغى شي جديد نبغى ترتيبات اكبر واحسن :) جمهور مثل جمهور الزعيم .. وعنده ملعب مثل الاستاد ومباراة مهمه اسيوية في بداية اجازه نهاية الاسبوع حرام ما تستغل وتترتب حتى نبهر الجمهور العربي والاسيوي المباراة الكل بيشوفها .. السعودي ... الخليجي ... وجزء من العربي والاسيوي من محبين الهلال والمعته :smilie47: لآزم نظهر جمهور باحلى صورة يبهر ويدعم الفريق طول 90 دقيقه انا بقدم اقتراحات كثير منها معاد وشي منها جديد وشي مجدد : بداية من الانترنت : 1- المنتديات الهلالية بداية من يوم السبت وعبر مواضيع مثبته تبدا تحث الجماهير على الحضور وبمشاركة من لاعبين الهلال ومنسوبيه في الدعم . 2- الاعلان عن الحافلات الهلالية من كل مكان ( الشرقية - الغربية - شمال الرياض سدير والقصيم - جنوب الرياض ) واللي متوقع انه يكون الاقبال عليها كبير لأنه يوم الاربعاء يوم مناسب للجميع . مجلس الجمهور والرابطة : 1- تبديل توزيع التي شيرتات النايلونية بشالات زرقاء خاصة انه الجو حار والواحد وده يصفخ هدومه من الحر .. وشلون عاد نلبسه شي اضافي .. صح والا انا غلطان :razz: 2- حركات جديده بالتشجيع ... يمكن حركة الزلزال حلوه ولكنها مو مناسبه للبعض .. خاصة للي لابس ثوب :d فنبدلها بحركة تشبيك اليدين مع يد اللي يمينك ويسارك ورفعها لفوق وتحريكها يمين ويسار ( حلو الشرح والا :d ) 3- عند دخول الفريق للملعب رفع الشالات وفردها زي اللي بالصوره : http://upload.alhilal.com/img/017/zDS1C_0075%20(4).jpg تخيلوا 50 الف مثلا مسوين نفس هذي الحركة !! شي عجيب بيكون :) 4- التكفل بتفصيل اعلام زرقاء كبيره وطويلة بدون شعارات حتى تدخل المعلب ويكون مكانها بين الفاصل العلوي والسفلي بالمدرجات الموجودة في واجهة الملعب ( مكانها واضح بالصوره تحت ) .. حتى نسترجع ايام زمان قبل ما كانت ممنوعه . http://rmar2003.googlepages.com/hhelal8.jpg دور اعضاء الشرف وموبايلي : طرح جوائز للحضور بداية من جوالات واشتراكات بموبايلي والجائزة الكبرى ( سيارة ) سعرها 50 الف ريال (مانبي نخسر موبايلي ) اخيرا .... اتمنى اتمنى من اميرنا المحبوب ... ان يطلق تصريح قوي ضد مخرجي art ودورهم في تعتيم الحضور الجماهيري الهلالي في كل المباريات الكبيرة الماضية . |
اشكرك على طرح الموضوع المهم الآن يجب ان يتوقف كل شيء ماعدا الحضور للملعب يوم الأربعاء القادم مانبي نقد ولا اجانب ولا مدربين نبي تحفيز الاعضاء للحضور موضوع جميل جداً وان شاءالله المجلس مايقصر وان شاءالله يتواجد الجمهور وان شاءالله نشوف تفاعل من موبايلي لاهنت اخوي تحياتي لك |
والله مجلس الجمهور السنه هذي نايمه بالعسل , لا أعرف مالسبب .. أتمنى نشاهد مجلس جمهور يليق بالهلال حتى لو تطلب الأمر لتغير الكفائات ! |
شكرا لك اخوي على الطرح الجميل ونتمنى من الرقم الصعب الحضور في الموعد المحدد اما قنواة الارتي فنتمنى من سموه التدخل فكثر الكلام عن هذه القناه التي حجبت جمهور الرقم الصعب |
ان شاء الله يكون هناك فية دعم بس ياريات من الادارة الهلالية تحط التذاكر مجاناً ويكون هناك فية باصات من الشرقية ومن جدة وحائل ومن القصيم واكثر شئ يكون من القصيم لآن محبين الهلال واجدين هناك |
بسم الله الرحمن الرحيم وعليكم السلآم ورحمة الله وبركاته والله فكرتك روووووووووووووعه بس يآرب يكون الحضور متواجد .,. ما نبي بس 5000 او 10000 نبي 80000 |
ان شاء اللله الجمهور راح يعملهاااااااااا وراح يكون الحضورررررررر فل ان شاء الله والله يوفق الهلال شكرا لطرحك الراقي |
وفيه فكرة ثانية ما ادري تعجبكم ولا لا الا وهي توفير باصات في الرياض نفسها لنقل الجماهير من جنوب الرياض او غربها على سبيل المثال وش رايكم فكرة حلوة ولا؟ |
بس طريقة توزيع الشالات والبالونات غير كويسه:d رمي واللي تجيه تجيه المفرووض عند المداخل يكون التوزيع |
يدا بيد ياجمهور الزعيم يوم الاربعاء تكفووووووووووووووووووووووووووووووووووووووووووووووووووون |
إقتباس:
هذا دور رجال الاعمال بالرياض ... وما اعتقد يكلف كثير :) |
إقتباس:
وحتى بيكون اسهل على الموزعين :) |
أهم شي تخلون الرابطه تحظر المنتدى وتناقش الجماهير .. وتشوف حل مع التشجيع النايم :no: وربي تعبنا وإحنا نتكلم عن الرابطه والظهير الأيمن .. ولحد الحين ولا كأن شي صار s13s ..!! لكن اتمنى اشوف تغيير واضح بالجمهور نفسه .. يجبر الرابطه على انها تتحرك مع الجمهور ليش ما يكون فيه مجهودات شخصيه من بعض الجماهير .. نفس الموجودين في أوروبا ..!!:yes: يعني انت ابدا شجع وكلم اللي جنبك واللي جنبك يكلم اللي جنبك ..! إلخ .. وبكذا نكون حمسنا كل الجمهور هذي زبدة الكلام لأننا بصراحه تعبنا وإحنا نكلم الرابطه ..! ملينا وهم ما سوو ولا شي لحد الحين :d .!! |
ياررررررررررررب يوفق الزعيييييييييييم يارجاااااااااااال الزعيم الله الله بالحضووووووووووووور نبي المركز الاوووووووول يعني نبيه نقاااااااااط حلووووووه اتمنى من الرابطه التفااااااااااعل معاها |
والله افكارك كلها حلوة ملينا من التشجيع البارد نبي تشجيع كنك في اوربا منت بالرياض كلكم شاف برشلونة يوم مبارة الذهاب قدام تشيلسي هذا اللي اسمي تشجيع |
| الوقت المعتمد في المنتدى بتوقيت جرينتش +3.
الوقت الان » 05:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd