«®•°•ღ•°امسكوا عيالكم وقصروا اصواتكم ..- خربشات هنوفية -«®•°•ღ•° !! ‏ ‏ - صفحة رقم 2 - نادي الهلال السعودي - شبكة الزعيم

o..7979..o · #1 14/05/2009, 02:13 PM

حي الله هنووف .. عاداول مره ارد لموضوع لك ..

نسوي اتيكيت <--- متعوب عليها

موضوعك قوود خيتوو

لي عوده ان شاء الله

--------------------

إقتباس


	فيه موقف تقوه خالتي واحد سعودي وزوجته اجنبية داخلين محل ذهب اول مادخل قال للبائع طلع لها كل شي تبيه كل شي ردت سعوديه (قالت لو انها سعودية ماقلت كذا )

من جد لو هي سعوديه بيقول ببليس يشري له ارخص شي - البعض وليس الكل

إقتباس


	انا عندي عقدهـ من الصوت العالي ماحبه ابدا فـ قصروا اصواتكم الله يعافيكم

لين تجيك حاله نفسيه بسم الله عليك يقصرون

إقتباس


	بعض الاشخاص الي يهديهم جوالهم ماينزل من يدينهم وتقليب بهالصور وبهالرسائل كانها اول مره تمسك جوالها

يعني شوفوا عندي جوال
او يقعد بالبلوتوث يشتغل .. والبنت بعد تقول لك اتونس

إقتباس


	نخلص من الازعاج يجيك طريقة الاكل فيه ناس نفس الشي ماودك تاكل معاهم طريقة اكلهم تنرفز >> ياكثر الي ينرفزك جد حلو الواحد يراعي ان فيه ناس قدامه وياكل بطريقة ماتدعوا للاشمئزاز والا يجي يخلص من الاكل ويرمى الملعقة بالصحن او قشر الفاكهه بالصحن نفسه

واللي ياكل وفمه مفتوح .. والا يسولف وياكل وتشوف الفم يمطر

اللهم زد وبارك لنا من خيرك

إقتباس


	@ طبعا موقف اخر للفضول الي شوي ويقلط معاكم بالسياره ويدخل من الشباك

صارت لنا بــ (( مابي اقول وين لا انذبح ))

الرجال دخل علينا يقول صورون

إقتباس


	@ نكون جمعه بنات تجي بنت تسلم على صديقتها وتترك البقية

اسخف من هالحركه مافي .. يوميا تصير معي

إقتباس


	هل احد يشاركني هالهواية

انا اختي تمشي وتشيل الاكياس بعدي .. أي شي اشتريه ارفع كيسه اقول الكيس الابيض لليوم الاسود

<-- اموت ع الحكمه

انا اتنرفز لا شفت سعوديه وعباته يبي له عبايه .. وان شفت الاجنبيه مستتره اكثر منه ..

والا اللي تفلت بناته بالسوق لحالهن وهي تقعد .. المشكله البنات توهن صغار

يعني للحين هذا الشي الوحيد اللي ينرفزني ومتذكرته
مشكوووره هنووف ع الخرابيش

الفواصل شي مره تكلفتي

هامور البورصه · #2 14/05/2009, 09:51 PM

هنووو وش سالفتك انتي كل شي بالسوق يضايقك

خلاص لعاد ترووحين للاسواق وريحي مخك

اما على طاري المطاعم يا زين مطاعمنا يبهذلك بزر تسمع ابوه يطرده
باسياب المطعم مره كنا بديره ودخلنا مطعم المطعم هذا فيه وحده تغني

المهم قعدت تغني وحنا نهز روسنا ماندري وش السالفه وصفقنالها

هي ماصدقت نصفق لها جت على الطاوله ترقص والحقيقه ان البنت متستره
من فوق بس

حتى انها لابسه كم طويل بس للأسف من تحت مو لابسه شي الظاهر

بس صراحه اتعب انا على الفواصل

فوااصل عجيبه

المحبره · #3 16/05/2009, 04:03 AM

هلا الهنوووف

موضوعتس كله مشاهدات اجتماعية تنرفز

الرجال بالسوق ... عادي يشيل بعض الأغراض موب كلها

أو الطفل يحطونه بعربة يدفها الأبو

..
و الأكياس يعلقونها ع العربة

و الشنطة تشيلها هي ياملا الكسار

أنا برأيي إن الرجال أفضل مايروح مع الحرمة للسوق كثير .. يعني بعض المحلات صراحة وجود الرجال فيها يضايق المتسوقات الباقيات ..
خصوصاً في الزحمة أو مواسم التخفيضات .. دايم ألقى رجال شكله بايخ بين صفوف الحريم

حتى لو كان اللي يحاسب رجال .. الحساب في الأسواق مافيه أي احتكاك بين البائع و الزبون ..
حطي الأغراض و الفلوس و انت ساكته مافيه بكم هذا ؟ و لا شي

طبعاً إذا الرحلة للتسوق بس .. أما لو كان فيها ألعاب و عشاء و غيره .. أكيد طبيعي تروح العائلة كلها ..

أما الرجال اللي مايصلون في السوق .. و الله ياهم يغثون

خاصة لاصارت الحرمة موب لحالها
يامعها عيالها .. او اكثر من حرمة و هو جالس جنبهم

بالله مايحسون بنا ذولا ؟؟ ودنا نفتش شوي

<

الناس اللي ترفع صوتها .. سياستي معهم أسكت لحد مايخلصون .. بعدين أقفل الموضوع .. ماعندي استعداد أوتر أعصابي عشانهم !

إقتباس


	والمتزوجين الي عند حمولة(لان دايما الي عند حمولة مايلاقون يتهاوشون ويتناقشون الا بالمطعم )

هذي لحالها

فلتة الموضوع

على طاري الإزعاج بالمطاعم .. بعزمتس على مطعم ما يسمح بدخول الأطفال دون التاسعة

كانتس موافقة علمين أعلمتس اسمه

إقتباس


	وايضا هواية تجميع ااكياس المحلات طبعا مو اكياس ماركات فقط حتى لاتقولون فشخره لو كيس ابوريايلن هل احد يشاركني هالهواية

إيه

أختي تشاركتس الهواية

عندها هوس بتجميع الأكياس

و ماتتحمل تطلبين منها أي وحده

خصوصاً لاصار كبير

أو لونه حلو

موضوع حلو الهنوف

و تراي اختصرت بردي

و ماعلقت على كل المواقف عشان ما أطول

الله يعطيتس العافية

الهنوووف · #4 18/05/2009, 10:54 PM

هالردود نتعب عليها واشك ان اصحابها يرجعون للموضوع

مدري من اخترع فكره الرد على الردود

R D H

هلا والله

بالمجلسعالمي

انا بخير يامال الخير

هههههههههههههه يقالك تذب انت وهالجامعه ماسوا خير ابوطلال

بس وعده عندي

خلاص تراني بديت استحي

قطرات الندى ولاتزعل

نمنومه شي مهم واتصال مهم ياكثرهم واخرتها سوالف على غير سنع

\

/
الف شكر لك اخوي ابراهيم
ومن هالمنبر احب اشكرك على نشاطك وتفاعلك بالمجلس الذي اصبحت احد ابناءه
غصب عنك

لاتقول عالمي
اسعدني حضورك وماننحرمش

"""""""""""""""""""""""""""""""""""""""""""
:"""""""""""""""""""""
"""""""""""

هلالي واعاني

هلا والله

بس ليه هلالي وأ عاني

خلك متفائل

ترا الاسم ياثر حط هلالي متفائل

حلوة شوي ويشيل الخدامة
ذكرتني بالي بالسوق كل سوالفه ونقاشه مع الخدامة تقول هي المدام من كثر ماتعرف للاطفال

وللبيت
مانقول الا الحمد لله على العافية ماودنا نتهزأ ونصير اردى

طبعا هذا الي كنت اقصدهـ لما الرجال يكون محمل بكل الاغراض وماتشوف الا عيونة

كثير نفس هالنوعيه وخوالي فيهم هالطبع ماتدري يتهاوشون او يسولفون

بالنسبه لـ الرومانسيه بالمطاعم صدقت والله وياكرهي لهالحركات ياناس راعو الوضع العام

فيه ناس استغفر الله مدري نقص او لا بس يحبون يظهرون مشاعرهم قدام الناس

ذكرتني بطقطقه الملاعق بطقطقتي بالريموت

هالمسلسلات صارت مسخره

\

/
الف شكر لك اخوي هلالي اعاني
سعدت بحضورك

والله يبعد عنا وعنك المعاناه

""""""""""""""""""""""""""""""""""""""""""""""""""""
"""""""""""""""""""""""""""""""""
""""""""""

بركان ازرق

هلا والله

تعبت من التنسيق وشفيها لو نغير يوم نتميز

حنا السوق ضروري لنا مع اني صرت اكره السوق وزحمته بس للضرورة احكام

مشكله فيه ناس فيه تناحه يشوفونك حاط رمز للقفل يقول كم

بالله لو بعلمك وش له حاطه

كفو والله ياااخو بركان

غير الزيت اجل

\

/
يعطيك العافيه اخوي بركان
والله يكفينا شر البراكين

حياك

تعبت......

marsal · #5 19/05/2009, 10:38 AM

إقتباس


	بالعادة تفكر بالموضوع اسبوعين وتجمع اسبوعين وتنسق اسبوع

يالله الموضوع يجلس شهر لاجل يخرج

جربي تنزلي موضوع سريع اول ما تنزل الفكره براسك استخدمي ثقافتك ومعرفتك العامه وصيغيه معا وشوفي النتائج وادعيلي

........
بعض من ما ذكرتي بموضوعك يدخل ضمن التربيه الاسلاميه العامه التي يعتقد البعض ان مفهوم التربيه هو دين ومسجد بحت دون التفاصيل الاخرى..
فالتربيه الدينيه تحث على كثيرا من الاخلاق العامه الي نحتاجها بحياتنا اليوميه
فقوله تعالى:
{وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ}
وقوله صلى الله عليه وسلم (( من حسن اسلام المرء تركه ما لا يعنيه)
ماهي الا دلائل على اهمية غرس الدين بواقعنا حتى تكون الثقافه العامه ثقافه دينيه مشمولها على مكارم الاخلاق..
فمتى حسن ديننا حسنت اخلاقنا وغابت كثيرا من الامور الدينيئه البغيضه التي نصادفها باستمرار...

إقتباس


	بعض الاشخاص الي يهديهم جوالهم ماينزل من يدينهم وتقليب بهالصور وبهالرسائل كانها اول مره تمسك جوالها ...دامك هذا حالك وش جابك لهالجمعة

فعلا تكاد هذه الصفه تكون ظاهره عامه
و للاسف ان الاجتماعات سابقه كانت فرصه للتعارف والتقارب والفائده ايضا بخلاف اليوم فاغلبها يدور حول مقطع جوال او تبادل مقاطع او سوالف سريه بالرسائل وصدق من قال للاسف راح زمان كلمة مجلس رجال

شكر الهنووووووف

~DARK KNiGHT~ · #6 14/05/2009, 02:19 PM

هــلا ومرحباا الهنوووف

أنا أكثر شيء يرفع ضغطي اثنين من اللي ذكرتيهم

الاول وهو تقعد جنب الواحد ويتكلم بصووت مرتفع

يخلي كل خلق الله يسمعونه ويكون لاصق فيك

مافي مجال للتنفس والوضع قابل للاختناق

يعني وش خايف ان الواحد يطير عشان تقعد تلصق فـــــيه

والثاني هو الواحد يمسك الجوال بدوون سابق انذار

ويقعد يفتش بالرسايل والأساامي

يعني والله عيب التدخل بخصوصيات الآخرين

عالأقل استأذن منه

شـاكرلك الهنوف عالخربشات

فنون هلاليه بجنون · #7 15/05/2009, 04:05 PM

(( هلا والله فيكم يالغالين ))
هلابش هلابش ويمطر سحابش

اكثر شيء شدني في الموضوع
هالفيس

واواااااات ياملحنا يانات وملح غمزتنا

استروا ماواجهتوا ترا بدون تدقيق
نستر مافي شيء نستره

والله ياحبّيبة البي موضوع شحلاته

ومش غريب عليش ...!! بسم الله عليش

والله يعينك ع ردي

وأنتي تقرأينه
مره مره مره قصير

إقتباس


	تخيلوا شايل شنطة الطفل وشايل الطفل معاه بشكل غبي والمدام مامعها الا شنطتها الصغيره

كنك والله داريه ياهنو هالموقف صار لي ذاك الاسبوع واحد من اقاربي شايل شنطة ولده وولده الدبدوب يالبى قلبه

وماادري ((ايش )) معه بعد ..!! والمدام ضيفه شرف نقول طفره بما أنه بكره بس معليش ..!! حلو التعاون ومااحد يكره بس بحدود

محل الأستغراب والله أنه احلى من حرمته ويفوقها جمالاً بس السخره يقولون لي خواتي شوفي السخره لاجت مو ع الزين

أهم شيء السخره

ماشاء الله الله يسخرلنا ..!!
يعني المعتاد عندنا دائم الأب يشيل طفله والمدام الشنطه حقت البيبي وشنطتها

وواحد بعد من المحيط الي حولي نفس الحاله كل شيء يشيله إلى درجه حتى الجزم الله يكرمك يلبسها عياله بنفسه

وبأمر من مدامه

أنا مو معناها أني اكره التعاون
لكن كل شيء بحدود المعقول

ع قولة واحد من اخواني (( البنت له اشياء عليها والشاب بالمثل عليه متطلبات وكلن يقوم بالي عليه ولايتدخل بالثاني ))
مفهوم عبارتي وصلت

يعني مثلاَ لو بنرجع من سوبر ماركت ومعانا اغراض وبندخل البيت يقول انزلي وادخلي لاتشيلين ولاشيء هذه مو
وظيفتك تشيلين الأغراص مو عليك علي

بس أنا طبيعتي ارفض

لأني انتقد الناس واصير مثلهم

الحياة تعاون وكلمه تسمع من الطرفين مو طرف واحد

إقتباس


	ايضا بعض الرجال الله يهديهم وقت الصلاه بالسوق مايصلي ويجلس جنب حرمة المصون سوالف وضحك يخاف تضيع الظاهر

هذا الموقف مو أنتي بس رافع ضغطك أغلبنا

وربي يقهرون وخاصه بالفترة الآخيره فئه كبيره من الرجال مايدخلون يصلون

والمسجد في السوق مقيم

ع قول وحده من صديقاتي تقول لاشفته جالس جنب المدام والمسجد يصلون بالسوق {{ ودي والله اجيب
السوط

واجلدهم لين يدخلون المصلى ويقولون لاإله إلا الله }}

ووحده ثانيه منسمه تقولي ودي اتفل عليه وانحاش ههههههههههههـ

قلت ماشاء الله حلو اسلوبك بالنصيحه

ودنا بدورس خصوصيه منك ههههههههـ
الله لايخسفنا بس كل شيء عاد ولاالصلاة والله لو هذا رجلي الي مخليته جنبك ولايصلي شته مع الباب

الله لايرزقنا مثل هالاشكال ..!!

إقتباس


	وفيه شي ينرفز بعد الي يسولف وهو مقابل وجهك مافي مسافه كافية للاكسجين

<<

عادي وش فيها

هذا حركتي وصفه فيني ومن زمان احم احم

يعني لكنت مهتمه للموضوع لابد اني اقرب مره من الي جنبي

وإلا مااعرف اتكلم وأنابعيده لو شوي

بس اخلي مسافه للأكسجين

وطبعاً لاكنت أنا المتحدثه مو مستمعه واروح الصق في الي جنبي ..!! الا كان نادني

هالصفه فيني يعني اتركها

(( بس ماشوف أنها تضجر الي قدامي لأني أنا اكون مهتمه للموضوع

فمااحب يكون مسافه بيني وبين الي قدامي

))
كم مره تكررت كلمه قدامي

بس كل شيء والله لالصق احد جنبك وريحه الفم فواحه

عاد أنا طبيعتي قرافه مره ماتحمل ..!! واستغرب صراحه من هالناس وصلو لمرحله عمريه
متقدمه ولاهم دارين عن روائح فمهم ولثتهم ياقليببببببي ..!!

إقتباس


	اتوقع الكثير منكم جرب يتعشى او يتغدى بمطعم وبعض المطاعم يافيها ازعاج تقول حضانة اطفال ومن زود الوقاحه ببعض الناس تلاقي عيالهم يطلون من فوق والا يقلطون معاكم بالطاولة

ههههههههههههههههههههههههـ ياعمري عمرهم هالبزران
والله

وبالأخص في وقتنا الحالي مانبيهم ابدا معانا حتى بالمطاعم ماادري وين يفرغون طاقتهم فيه

بس احلى شيء أذ كان تمنع اصطحاب الأطفال

لاتفوتك

وع طاري مانبيهم معانا امس وحده من خواتي تقولي فنو قاعدين نفكر وين نجمع بزرانا وشغالتهم الخميس القادم ..!! عندنا عزيمه ببيتنا

وخواتي ماراح يجيبون عيالهم

تلقين الوحده ماعندها الا طفل واحد او اثنين وماراح تجيبه
ياعمري هم

حتى بيت خوالهم الاهم حنا بنحرموهم منه الأسبوع الجاي

بس حلاة جماعتنا

مايجبون ولابزر قبلنا هدوء جمعاتنا

وتطلع أحلى

إقتباس


	@ فيني طبع غريب احب اشتري اكواب كل ماروح سوق اطلع بكوب

غريبه هوايتك

أنا مااحب الآواني

لاراحت امي ماروح معاها

هوايتي أنا بالحياة الساعات

فيني شغف فيها اموت
بالساعات ومحلاتها

<<الله من الدلاخه الساعات وين تنباع فيه

لو ادخل اتفرج عليها واطلع

عاد جيرانا الدهام حقين الساعات يقول واحد من اخواني ورى ماتقولين لبناتهم

يهدونك ساعات

والاكروت تخفيض

ويريحوناهههههههههههههههههههـ

اقول ليتني بنتهم

اسعد الله كان كل يوم ساعه

<<كويس تعرفين تستحين

خليني لو بالنت احس اني حيويه

واخلاقي صايره سياحيه

واستري ماواجهتي في الرد << ابد ماقلد جملتش

ترى هالثلاث الايام والله اخلاقي سياحيه وبس اهزىء في خلق الله

لدرجه امس وحده من البنات نايمه وتسمعني اهاوش قامت من النوم

الي اني اناقش وحده من البنات في احداث المسلسل ليه تصير كذا

قالت هيييييه فنيصوه

(( لاحول ولاقوة الابالله حتى المسلسل ماسلمو منك تهزءين بعد ماخليتي احد في حاله ))

مت والله ضحك عليها

ختاماً سأقول
{{ أذ كتبت الهنوووف فخبروني فأنا الأبداع منبعه هنوُفو (

)
وإذ أتى سامي فخبرُو الهنوُفو (

)
فأنها ذات قلبُن رهوُفوُ وله شغُفو }}

<< آخر صيحه الكلمات تكون
مكسره

وبلغه جديده استحدثتهاحصرياً وش رأيك هههههههههههههـ

(( اراك على خير لك مني اطيب االدعوات واصدقها ))
فـــــــــــنــــــــــووون.

الهنوووف · #8 21/05/2009, 06:46 PM

رائده الزعيم

هلا وغلا

موقف الحرمه والخدامه كثير نشوف هالمناظر الله يهديهم يحسون ان الخدامه مو بشر

الله يعينك وعندنا وعندك خير اختي دايم اعصب عليها لما تسولف بالجوال صوتها احسه عالي

هو التعليق على الي بجوالك او مستنداتك هو الي يخليها نكره احد يشوفها
ناس لقافه وتحاسبك على خصوصياتك

ولاتدخلين نت كثير وحولك احد صح اني احيانا اسويها بس ماحبها

\

/
وانا اشتقت لحروفكم بس ياختي الكبر شين

يعطيك العافيه عريب على الحضور الي سعدت به

والف شكر لك ولاتحرمينا طلتك

\

/

\

/

هامور البورصه

هلا وغلا بهامورينهو

لو بكيفي مارحت بس لازم نروح نتقضى

واحيانا نغير جو
هذي المشكلة بعض الاهل مايحسون انهم بمكان عام تلاقيهم مطارد وصراخ مع عيالهم

يجيبون المرض
اقول اها بس وش هالديره الي بها بنت ترقص

فواصلي تجنن صح ادري من كثر ماعجبتك خانك التعبير

\

/
يعطيك العافيه اخوي طارق على حضورك الي افتقدناهـ
ونتمنى نشوفك اكثر واكثر

والف شكر لك

\

/

\

/

الكلاسيكي

هلا والله بك خيو

مسوي عاد ينزل موضوع كل اسبوع حتى انت زمان عنك

هين الحوادث هذا شي مفروغ منه مشكله تجمهر بدون فايده يعيقون السير وبس

حتى الاغراض مافيها مشكله لو شالها الرجال ومفروض هو يشيلها بعد لانها تسبب زحمة مع العبايه

بس طبعا اذا كثيره يشتركون فيها

وش حلاق .......؟

\

/
حضور جميل اخوي الكلاسيكي
ماننحرم من تواجدكم
والف شكر لك

الهنوووف · #9 21/05/2009, 07:09 PM

مواصل من عام 1413

هلا بك خيوو

ماشاء الله بس بيني وبينك وين الاماكن الهاديه غير البيت
وبيتنا طبعا لاني اتوقع بيوت الناس مزعجه لان عندهم اطفال

والله صدقت هالزحمات تكرهك بالطلعه

والله الرياض يبي لها حل من جد الوضع صعب صعب جدا

عاد المقاطعه حلوه بس مو مره مره احيانا تحتاج تشوف ناس مع اني تعودت على البيت وصار الامر طبيعي

بخصوص اني غريبه تم الاجابه عليك برد اخرر ولاني غريبه ولاشي

\

/
يعطيك العافيه على تواجدك الي سعدت به
ولااخفي عليك اني اصبحت من المتابعين لك بشغف
الف شكر لك خيو

\

/

\

/

هلالي من ارض اليمن

هلا وغلا بجزيرتو صديق المهنه

لاوالله ماراح اقول جنتلمان بالعكس ترى هالتصرفات حتى لو اعجبت المراه بس بداخلها تفقد الرجل شي من اهميته
اكيد بننبسط لما يشيل ويساعد بس مو لدرجه انا خاليه اليدين وهو محمل كانه عربيه

بترد عليه جعل قلبك مانيب قايله

العجله بالكلام اتوقع بكل مكان عاد مشكله اذا طلعت اللهجه مدري كيف وسريع بتروح في ستين داهيه

وماعليك الا ان تبتسم

الحين تقول عواطف كاذبه اذا جا وقتك بتقول يازينها من عواطف >>تردها لك

بيني وبينك والله ماكذبت احيانا تحسهم ناس قلق بكثر المكالمات فتره الخطوبة

خصوصا الرجال يصيرون نشبه
رحمته بس يستاهل

طريقة الاكل ياهي تنرفزني بشكل ماحب اجلس مع ناس اكلهم مدري كيف قايل
لاني للاسف احصل نفسي اتابعهم لاشعوري

طبيعي البرستيج من ضروريات العصر ولكن مافيه احد يسمع

مالقيت الا انا اوجه صفعه

\

/
حضور مميز كـ صاحبه
مداخله جميلة دائما تثرينا بقصصك

حمستني اتغرب

الف شكر لك اخوي

وماننحرم من طلتك

\

/

\

/

فنون هلاليه بجنون

هلا وغلا بالغايبه

ادري انه حلو بس لاتسرقينه

الجمال ماله دخل بالحياه الزوجيه سبحان الله لان الاحترام والتقدير والمحبه تفوقه
والله يسخر لنا ويسخرنا

اما الي يشيل جزم عياله اممممممم شفت هالموقف بس للضرورة احكام اذا امهم مو حولهم ممكن اما اذا هي فيه فـ no

المساعده والتعاون شي حلو الحمد لله في بيتنا اشوف هالشي قائم
صحيح ماعندي اخوان شباب بس ابوي وحنا واحد

يشيل معنا نشيل معاهـ

مو بعيده بعيده بس حلو مسافه بينكم للاكسجين وللراحه النفسيه بعد

يالله اهديني ساعه اجل دامك تحبين الساعات

إقتباس


	{{ {{ أذ كتبت الهنوووف فخبروني فأنا الأبداع منبعه هنوُفو ( ) وإذ أتى سامي فخبرُو الهنوُفو ( ) فأنها ذات قلبُن رهوُفوُ وله شغُفو }}

ههههههههههههه

ياحبي لك
بس وش شغفو انا احب كل الهلالين واكيد ابوعبدالله له مكانه خاصه لجهودهـ بس مو حب مراهقات

وشغف وخرابيط

\

/
يعطيك العافيه فنو على هالرد الي اسعدني وضحكني

وكان ودي اعلق على كل شي بس تعبت

ماننحرم من تواجدك ولاتقطعين

لك

ابو طـــــلال · #10 14/05/2009, 02:29 PM

ياثقل دمك يالصخرة .. ويابثرك على قولة أبو ميار ...

وإلا الموضوع ماله دخل بالصخرة >>>>>>>> آآآآآآآآآآآآبيييييييييييييييييييييييييييييييه

======

الهنوف مرحبمبم .......

الرجال اللى يشيل الطفل ... والشنطه ... وبنفس الوقت يدف العربية ... إضافة إلا إنه هو اللى يدفع فلوووس .. هذا رجل ( عاشق ) >> إيه هين

الله لايجعلنا نعشق مثل عشقة

أنا مره بالسوق ومعي ( الموودام ) وكانت شايله فارس وهو صغير قبل مايمشي ... ومعي طلال ... وكانت شايلة الشنطة .. وتخبرين بعض الحريم شنطه صغيره .. وشنطه للبزر .. وشنطه للمكياج

المهم قبل ماندخل بوابة السوق وإلا أسمع صوت ( طيحة ) وألتفت ادور المعزبة والولد مااشوف غير ( غبار ) وواحد يقول بسم الله سلامات سلامات ؟!! وانا للحين مادري وش السالفة .. بعد ماانقشعت الضبابه وزالت الغبرة .. لقيت ( المره ) طايحة والولد معها طايح .. والشنطة منتثرة ... وقومتها هههههه عاد المعزبة تظحك !! وولدي ساكت .. وشكلها تقول منسدحة بحوش تتشمس ومتوسدتن مصلاها !! بعدها صرت احط فارس بالعربية ... والحين الحمد الله يمشى .. وإرتحنا ..

بعدين بعض الحريم لابغن يطلعن لازم تجيب معها شناط !! يعني لابغيت اروح للثمامه مثلا .. لازم خمس شناط !!! قلق !!

الغر يبه ليه الحرمة لاطاحت تظحك !! دايم اشوفهن بالسوق .. ويركضن هههههههههه شكله من الفشيله

--=========

اما دخول وقت الصلاة .. عاد تختلف بين الناس .. فيه بعضهم ترى موسوس زي ماقلتي .. انا الحين اخذ معي طلال .. واترك الأم ومعها فارس ... بس أيام الزواج .. مااخليها أبد بالسوق .. تخبرين أخاف عليها .. وتوني دافع فلوس المهر وخسران بالزواج ..

==========

المطاعم .. على إني احب أخذ معي طلول .. إلا اني ألعن ابو اليوم إللى اخذته فيه .. ياهو قلق .. وبلشه .. وبثر في المطعم .. يذكرني بالصخرة بالبثارة >> آآآآآآآ بييييييييييييه

بس ميزته إنه مايوذي احد .. بس الشطانه ندي وعلى طاولتي

بس كل شي يهون لعيون أبو الطل ..

=========

عادة كثرة ( التعبث ) بجوال الغير مره واحد أخذ جوالي .. قلت يمكن يبي يشوف وش موديلة .. وإلا الرجال فتح صندوق الوارد حقي ... وظحك .. يقول حلووه النكته ويظغط على الرسالة الثانيه وبرضه طلعت نكته .. مابغيت أقول شي ... بعد الرسالة الثالثه .. قلت ماتستحي إنت ؟؟ شفتني ساكت تحسبني ( راضي ) قالي شوي بس بشوف تكفى الصندوق .. قلت مهوب من حقك !! الرجال مصر ... قلت .. ياخي فيه رسايل خاصه من ال( مووودام ) حط جوالي بسرعه وقالي آسف والله

يعني لازم أكذب ؟

=========

اللقافة عاد تخصص ( حريم ) غالباً فأترك التعليق عليه لأخواتنا العضوات

يالقفهن لقفاااه

========

الأسواق أحب الأجهزة الألكترونية ..

==========

يابثرك يالصخرة .........>>> آآآآبيه صدق

=========

شكرا لك الهنوف .. ودعو اتك لفريق المجلس العام في بطولة ( الشبكة ) القادمة

تحياتي لك

عقد الياسمين · #11 14/05/2009, 07:13 PM

يا مية أهلا وسهلا ..

على فكرة هذا أول موضوع لك أرد عليه يا هنووو

..**..

* بالنسبة لموقف الرجال والطفل الي شايله والشنطة , عادي ترا أنا كذا ..
أخوي يشيل لي شنطة يدي و اذا معي أكياس يشيلها بعد .. حتى قارورة المويا ما أمسكها

**

إقتباس


	وفيه شي ينرفز بعد الي يسولف وهو مقابل وجهك مافي مسافه كافية للاكسجين

تدرين أنا اللحين صرت أخلي مسافة بيني وبين اللي قدامي أقل شي نص متر !

لأن ماله داعي تقرب أكثر ! يعني خير وش تبين مني

ماني صهباء أو بعيدة عشان تقرب لمسافة كبيرة ..

**

المطاعم وإزعاجها!! شي جنوني ..
صراحة صرت ما عاد أروح للمطاعم كثير و ما ادخل الا مكان هادي ورايق .. لأن المطاعم الأمريكية والسريعة تكون مزعجة وكل العالم فيها .. لكن المطاعم الرايقة شي ثاني ..

**

بالنسبة للقطة ..الفضول على قولتك ..,

أنا ما استحي اذا اي احد يسوي فيني حركة لقافة أعطيها بوجهها .. خير! وش تبين !

ومرة قلت لوحدة ملقوفة تطالع بأوراقي وتشوف وش أكتب .. قلت لها ممكن ما تناظرين ؟ ناظري قدامك لو سمحت ..

..**..

خيتو هنوو

لا خلا ولا عدم من هالمواضيع الحلوة ..

يسلمو حبيبتي ..

яęęм · #12 14/05/2009, 08:09 PM

يآهلآآ والله بـ هنووو ..

بالنسبه لـ الرجآل اللي يشيل أغرآض زوجته عآدي يسآعد زوجته لكن مو لدجه يشيل كل شي .. يعني بحدود .. << وأساساً نادراً ماتشوفين سعودي يشيل أغرآض زوجته

..

وبالنسبه للآزعآآج بالمطآآعم .. أحس نآآآس كثير ماتهتم بأطفآلهآآ .. وإزعآآج << يعني طلعنآكم سو اللي تبغونه .. بجد قلة أدب ..

..

كل شي يهون الا اللقآفه والفضوول .. يآشينهآ .. أتذكر وحده من زميلآتي ما تمون معآي كآنت تآخذ الجوآل وترسل اللي تبغى لهآآ .. وقلت لهآ مره فيه أشيآء خآصه أتمنى ماتفتحيهآآ .. بكل وقآحه ردت وليش تحطين الأشياء الخآصه بجوآلك .. ما أدري وش دخلهآآ .. << إنقهرت منهآ أكلمهآ تقوول ما أكل جوآلآت أنآآ .. طيب أنآ ماقلت كذآ .. بس مرآت فيه مسجآت خآصه وسوآلف وصور يعني الوآحد يحترم نفسه ولا يقط عمره مع كل شخص ويقول عطني جوآلك ..
<< نآآس متخلفه للآسف ..

..

بالنسبه لهوآيآتك غريبه بس حلوووهـ .. كم كيس جمعتي للحين .. << أحسهآ تسبب زحمه بيمتلي البيت من كثر الأكيآس ..

أمآ الآكوآآب فآنآآ قريبه منك .. أحب أشتري أكوآآب ..

..

خربشآآت رووعه مثل كآتبتهآآ ..

هنوووو ...

الله لآ يحرمنآآ منك ..

مَاهِينُورْ · #13 14/05/2009, 08:38 PM

السلام عليكم
~> بسوي تسجيل دخول بدل ماكتب ماهينور كتبت الهنوووف

ما شاء الله من متى منزلة موضووع لو دريت واصلت الى الظهر

هالرد للحجز إلين آخر الليل

~> خبرتس كائن ليلي ماتدخل الى اخر الليل

شكل الموضوع شيّ خاصة الفاصل

.*

باكـ

إقتباس


	هلا والله فيكم يالغالين

هلابتس

يا هلا والله وغلا بالهنوووف

~> دلبووتش ياملحة ذا الي يغمز

بآخذه

.*

ما شاء الله موضوع مميز ويحاكي واقعنا

.*
الأسواق

مع اني مانب بحبّه وقليله رواحتي له

بس لا بد من مشاهدة المواقف اللي تنرفز

موقف الرجال الخمسيني

,,ما شوف بهالموقف غرابه

إلا إذا كان يعاملها كذا لأنها أجنبيه

إذا كانت المره جاية فعلا تتسوق ليش يكون معها شي يلهيها إذا تبي تخلص بسرعه

حتى الشنطة تغثك مع التسوق للي ماتعود

~> شنطتي وشنطة أمي أو اختي وحده

ماحب يكون بيدي شي غير الأكياس لأني بضيّعه

~> هذا بعد ان مانسيت الاكياس بالمحل

الطفل مايصلح له الا العربية واللي يدفه الأب مو الأم

الطفل صعب انك تشيلينه وأنتِ تتسوقين

~> أعصابتس

.*

إقتباس


	@ وايضا بعض الرجال الله يهديهم وقت الصلاه بالسوق مايصلي ويجلس جنب حرمة المصون سوالف وضحك يخاف تضيع الظاهر ياهالموقف يرفع ضغطي خصوصا لو كان المجمع كبير وفيه ناس ومغلق ماراح يجيها شي ان شاء الله مدري هو وسوسه او تهاون بالصلاة

لا حول ولا قوة إلا بالله

الله يهديهم

إذا خايف على زوجتك وعيالك إستودعهم الله ورح صل
حتى المرأة إذا خايفة تروح لمصلى النساء إلين يخلص رَجلَهْ وتطلع له

.*
بالنسبة للأمور اللي ضايقني بالسوق كثيرة والله

من أهمها زي ماقالت 7979 تهاون البنات بالحجاب الله يهدين

واللي تقهرني أكثر أو أحسدهن ممكن

اللي تجي للسوق لا بسه كعب مدري كيف ماتتعب

هذا غير انه تفتن مع هالطقطقة

أيضاً إنك تشوفين المرأة تتكلم بصووت عالي بالسووق وأحياناً بتغنج تقولين تكلم رجله

وبعد اللي يكون معها زوجها أو أخوها واللي يسأل ويكاسر

العمال المره وهو ساكت

وش سنعك يوم انك جاين معه ورا ماتحتسي أنت ؟

صدق يقهروون غيرهم البنت تتمنى اللي يروح معه عشان يكلم العمال وهذا منطم

.*

الأصوات العالية

معااناتي

اللي يجلسون معي يااكثر ما أقولهم قصّروا أصواتكم تعورني أذاني

~> طبعاً غاثتن أختي

بس تقول مااعرف لك أذانك غريبة

مرة ماتحبين الصوت العالي ومره ماتسمعين شي

أعتقد إن أغلب اللي يعلون أصواتهم خاصة إذا كان بين مجموعه كبيرة يكون ماعنده ثقة بنفسة يعلي صوته لا شعورياً عشان يغطي على عيوب كلامه

~> طارق الحبيب

اللي يقهر سوالف الحريم الله يصلحهن زيادة على علو الصوت تكون كل وحدة تهرج بجهة وماتدرين من تسمعين

وكل وحدة تبيك تكونين منتبهه معها

فـ تضطرين تستأذنين وتقومين أو تنسحبين بدون ماحد يحس

~> ياكثر ما أسويها

.*

إقتباس


	وفيه شي ينرفز بعد الي يسولف وهو مقابل وجهك مافي مسافه كافية للاكسجين

وععع

خير ان شاء الله قلة حياء

حلها سهل هذي ابعدي عنها وارتاحي

..
.*
استخدام الجوال بكثرة

مانب منهم ولله الحمد

يمر علي الشهر والشهرين ماكلمت أحد أكثر من خمس دقايق

لكن صدق والله حركة بايخة خاصة من البنت إذا صارت عند ناس ماتمون عليهم .!
وتلقينها مكالمات ماهي بضرورية

.*

تعبت

عاد مو كل المواقف لازم أعلق عليها

~> انفصل ظهري وانا أكتب الله يعينكم يا أصحاب المواضيع

.*

إقتباس


	في النهاية ياليت كل واحد يتطرق للمواقف او الامور الي تضايقه بالي حولة منها نتعلم لان الكثير يقع بالشي ومايدري انه يضايق الي حولة

كثيرة الامور اللي نتضايق منها
لكن أحاول ما أراقب الناس لأن من راقب الناس مات هماَ

من الامور اللي تقهرني الي تتبع كل صغيرة وكبيرة عند الناس وتحاول تطلع عيوبهم

.*

إقتباس


	مثلا ماحب عزيمة او جمعه بسيطة ماتتجاوز 30 نفر تقدمين العشاء بصحون وملاعق بلاستيك

هههههههـ

معقوله هذي تضايقك ؟

بعدين 30 نفر واجد فاضية أنا أغسّل المواعين

لكن إذا كانت مجموعه صغيرة أو حتى ماهي صغيرة لكن الضيوف أول مرة أعزمهم ممكن ماحط لهم بلاستك
أما اللي أمون عليهم لا والله بحط لهم ببلاستيك إلا ان كانهم بيقومون يغسلون معي المواعين مايخالف أحط لهم اللي يبون

~> ياعذابها هي وتغسيل المواعين مقطعن ايديها

على الطاري

في أمر يقههر إنه يكون من الضيوف بنات صغار مو صغار صغار بأعمارنا

لما تنتهي من العشاء تقوم البنت تغسل وتعدل مكياجه وتجلس

طيّب ورا ماتقومين تشيلين السفرة من أهل البيت

~> خاصة إذا كانت تمون عليهم وأولهم بعض زوجات الأولاد

يقهرني اللي كذا

ماقالوا لها تعالي غسلي الصحون بس شيليهن ياملا الصلاح

مو كل شي على ربة البيت وبناتها

خاصة إذا ماعندهم شغالة

~> طبعاً هم ماراح يقولون لها اشتغلي معنا لكن من باب الذوق انه تقوم تساعد

وقومـ(ن) تعاونوا ماذلّوا

~> جابت سواليف أمّها

.*

إقتباس


	@ فيني طبع غريب احب اشتري اكواب كل ماروح سوق اطلع بكوب وايضا هواية تجميع ااكياس المحلات طبعا مو اكياس ماركات فقط حتى لاتقولون فشخره لو كيس ابوريايلن هل احد يشاركني هالهواية

يا سلااام في أحد مثلي أحسب هالهوايتين عندي أنا بس

من زمان أشوف بيننا صفات مشتركة

أنا مو بس الأكواب أحب أشتريها أغراااض المطبخ كلها

~> أعرف وحدة تقوول لو يخيروني بين انهم يودوني لمحل ذهب ولا محل أواني أخترت محل الأواني

بالنسبة للأكياس
هذي بعد من هواياتي

عندي من الأكياس إلى الليل

أحب أجمعهن , كل شي أحب أجمعه ماحب أفرط بشي

ومنها كراتين الجزم " وأنتم بكرامه " أحب أجمعها

..
كل شي أقول بيجي له يوم أحتاجه

.*

إقتباس


	@@@ ليس من الضروري أن تكوني من طبقة أرستقراطية حتى تكوني سيد\ هـ مجتمع لبقـ \ هـ

ومامعنى أرستقراراطية؟

*.
.*

ْ{ الهنوووف }ْ
تعجز الكلمات عن التعبير والكيبورد عن الكتابة في مدحك فأنتِ جوهرة تتلألأ في مجلسنا

~> أقول أها بس لا عمرتس تمدحين

الصدز اني مدري وش أقول

شكراً على الموضوع اللطيف والخفيف والضريف

استمتعت في قراءته وفي ردي عليه
واعذريين أدري اني طوولت

نطلب منكِ السماح

واسمحي لي تراي سرقت تنسيقك بالخط لأني أشوفك تاركته

عسى ماشر عسى مانتي بزعلانة عليه ؟

.*

في ردود أعجبتني وضحكت عليها

~> مااقصد رد ابو طلال

ودي أرد وأعقّب عليها بس انهد حيلي مااقدر

~> لا تكفين ردي

.*
في أمان الله

الســفيرة · #14 14/05/2009, 07:47 PM

ياهلا والله بهنوو منورة الحتة

إقتباس


	@ وايضا بعض الرجال الله يهديهم وقت الصلاه بالسوق مايصلي ويجلس جنب حرمة المصون سوالف وضحك يخاف تضيع الظاهر ياهالموقف يرفع ضغطي خصوصا لو كان المجمع كبير وفيه ناس ومغلق ماراح يجيها شي ان شاء الله مدري هو وسوسه او تهاون بالصلاة

فعلا هالشي قاهرني !!

رجال قاعد ويامرته ينتظرون الصلاة تخلص عشان يكملون دوارة !!

ولا شباب يمشون سوا وقت الصلاة

وش يحسون فيه بالله !!

إقتباس


	يافيه ناس ماودك تجلس جنبها وهي تسولف شوي وتتفجر الطبلة من ارتفاع اصواتهم مما يجبرك تقول بنفسك متى يسكت ازعجنا علما ان كلامة شيق ولكن ارتفاع الصوت الغير مبرر ينرفزك ومشكلة ثانية غير ارتفاع الصوت هي السرعة بالكلام يخليك تهز راسك وانت ماتدري وش الطبخة ولاسمعت شي انا عندي عقدهـ من الصوت العالي ماحبه ابدا فـ قصروا اصواتكم الله يعافيكم وفيه شي ينرفز بعد الي يسولف وهو مقابل وجهك مافي مسافه كافية للاكسجين

قوليلهم قصري صوتك ترى عندي اذنين الحمدلله

الي يتكلمون بسرعه هذول حاجة ثانية

قوليلهم شوي شوي بفهم عليك

اما الي يلصقون وع صراحه ماستحمل

الحمدلله اني ماجامل ابد بهالامور

إقتباس


	اتوقع الكثير منكم جرب يتعشى او يتغدى بمطعم وبعض المطاعم يافيها ازعاج تقول حضانة اطفال ومن زود الوقاحه ببعض الناس تلاقي عيالهم يطلون من فوق والا يقلطون معاكم بالطاولة

ههههههههههههههههههههههههههه

مرة طالعة ويا اهلي نتعشى بغير عن جو الامتحانات شوي كان عندنا فاينل
واحد قاعد بالطاولة الي جمبنا مع عياله ،، الحرمة كانت تسمع للولد توحيد استغفر الله جابتلي كآبة يعني لهالدرجة مافي وقت تسمعين له بالبيت !! طالعة انا من جو الدراسة تدخليني فيه غصب ليه

وشوي ويدق جوال الرجال وصوته عااااااااااالي تقولين يكلم اصمخ

والبلى يقوله ( والله انا بالبيت الحين) لعنبو ابليسك تكذب وبصوت عالي بعد

يعطيك العافية هنو على هالمواقف

عريب عبدالله · #15 14/05/2009, 08:57 PM

الغالية هنو منزلة موضوع

من زمان عن حروفك الجميلة

اممممممم نخش في الموضوع

من ناحية السوق والرجال اللي يشيل أنا أشوف لازم يكون فيه تعاون وتقاسم للأغراض

تخيلي مرة كنت بالسوق وشفت حرمة سخيفة مخلية الخدامة تشيل ولدها النايم + تدف العربية المليانة أغراض
+ شايلة شنطة كبيرة في كتفها

أما الحرمة تمشي قدامها شايلة شنطة يدها الصغيرة

أرتفع ضغطي حتى لو كانت خدامة أرحميها وشيلي معها وش هالنذاله

التعاون شي جميل لكن بدون ما نظر بالطرف المتعاون

نجي للمطعم تصدقين أمس جالسين نتكلم عن هالموضوع

وأنا رأيي من رأيك طالعين مكان عام ما أبي أسمع لكم صوت

طبعا اللي معها عيال ما أقتنعت واللي لسانها طويل برضو ما أقتنعت وفي النهاية صرت أنا معقدة

وخذ لك يامسخرة اللي تقول يبي لك تروحين مطعم أنوار رومنسية وشمعات عشان يمشي مع جوك

وأنواع المسخرة علي لمجرد أني طالبت بحقي أن أنعم بالهدوء

طبعا نفس المجموعه اللي كنت معها ما يعرفون شيء أسمه هدوء

وإذا أقلقوني وقلت لهم أص خلاص صدع راسي تكلموا بشويش برضوا تتريقوا علي أني ناقص أولع لهم شموع ولمبه حمرا

وش المشكلة نولع شموع ولمبه حمرا المهم ننعم بالسلام الداخلي

بس من جد مهما رفعت صوتي ما أحد يسمع ينبح حلقي و ما أحد يسمع لأن أصواتهم عاليه

أحيانا أحس أني جالسة مع صقهان لأن اللي مايسمع صوته يصير عالي

بالنسبة للمسافة أنا أحب أحتفظ بمسافة قانونية بيني وبين بعض الأشخاص ما أحب أحد يتكلم في وجهي

وكله كوم والشخص اللي يسبحك كوم ثاني لو تكلم بشويش ما طلعت نوافير مع كلامه

أما جوالي فدايم في الشنطة لكن اللي يرفع ضغطي لما تجي سخيفة وتفتح الشنطه وتقلب فيه

خيرررررررر

ما أحب اللقافة أو تجي سخيفة ثانية وتفتح الاب وتدخل المستندات وتعلق على اللي فيها

بالنسبة للي طول الوقت يكلمون أنا طول الوقت و لابتوبي معي وين مارحت

أحيانا يطفشون مني وأنا طول الوقت على الشاشة ومطنشتهم

التوافق الفكري معدوم بيننا فإن ما فتحت الكمبيوتر فتحت التلفزيون سوالفهم ممله

لكن فيه أماكن ماله داعي تكونين فاتحة الجهاز لأنه قلت أدب إذا فيه ضيوف جديدين أو حريم كبار غريبين

فيه حدود للأدب مع الناس اللي تمونين عليهم واللي ماتمونين

كل يوم نزلي موضوع هنو أشتقنا لهنوفياتك

بالحب والإشراق