نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «®•°•ღ•°امسكوا عيالكم وقصروا اصواتكم ..- خربشات هنوفية -«®•°•ღ•° !! ‏ ‏

المحبره · #3 16/05/2009, 04:03 AM

هلا الهنوووف

موضوعتس كله مشاهدات اجتماعية تنرفز

الرجال بالسوق ... عادي يشيل بعض الأغراض موب كلها

أو الطفل يحطونه بعربة يدفها الأبو

..
و الأكياس يعلقونها ع العربة

و الشنطة تشيلها هي ياملا الكسار

أنا برأيي إن الرجال أفضل مايروح مع الحرمة للسوق كثير .. يعني بعض المحلات صراحة وجود الرجال فيها يضايق المتسوقات الباقيات ..
خصوصاً في الزحمة أو مواسم التخفيضات .. دايم ألقى رجال شكله بايخ بين صفوف الحريم

حتى لو كان اللي يحاسب رجال .. الحساب في الأسواق مافيه أي احتكاك بين البائع و الزبون ..
حطي الأغراض و الفلوس و انت ساكته مافيه بكم هذا ؟ و لا شي

طبعاً إذا الرحلة للتسوق بس .. أما لو كان فيها ألعاب و عشاء و غيره .. أكيد طبيعي تروح العائلة كلها ..

أما الرجال اللي مايصلون في السوق .. و الله ياهم يغثون

خاصة لاصارت الحرمة موب لحالها
يامعها عيالها .. او اكثر من حرمة و هو جالس جنبهم

بالله مايحسون بنا ذولا ؟؟ ودنا نفتش شوي

<

الناس اللي ترفع صوتها .. سياستي معهم أسكت لحد مايخلصون .. بعدين أقفل الموضوع .. ماعندي استعداد أوتر أعصابي عشانهم !

إقتباس


	والمتزوجين الي عند حمولة(لان دايما الي عند حمولة مايلاقون يتهاوشون ويتناقشون الا بالمطعم )

هذي لحالها

فلتة الموضوع

على طاري الإزعاج بالمطاعم .. بعزمتس على مطعم ما يسمح بدخول الأطفال دون التاسعة

كانتس موافقة علمين أعلمتس اسمه

إقتباس


	وايضا هواية تجميع ااكياس المحلات طبعا مو اكياس ماركات فقط حتى لاتقولون فشخره لو كيس ابوريايلن هل احد يشاركني هالهواية

إيه

أختي تشاركتس الهواية

عندها هوس بتجميع الأكياس

و ماتتحمل تطلبين منها أي وحده

خصوصاً لاصار كبير

أو لونه حلو

موضوع حلو الهنوف

و تراي اختصرت بردي

و ماعلقت على كل المواقف عشان ما أطول

الله يعطيتس العافية