#1  
قديم 14/05/2009, 03:28 AM
زعيــم مميــز
تاريخ التسجيل: 09/07/2008
المكان: بزبوز المغسلة
مشاركات: 3,317
صرقعة بنات واخر تقليعات الزواجات

!!!
السلام عليكم ورحمة الله وبركاته

موسم الصيف قرب
ومعاه موسم الزواجات
الف مبروك للعرسان إللي راح يزوجون في الصيف الجاي

والف مبروك لكل من يصادف يوو من ايام العطلة ذكرى يوم زواجه

ندخل في الموضوع

في البدايه أحب أن أعرفكم على :






نوير مناحي ( الدلع صجه << سميت بصجه وذلك لأزعاجها الدائم ) : فتاه تبلغ من العمر 20 , مستوى الرجه ( 10 من 10 ) , المؤهل ( ثانويه )

ساره خليل ( الدلع سوير ) : فتاه تبلغ من العمر 22 , مستوى الرجه ( 8 من 10) , المؤهل ( تدرس اخر سنه في كلية الاداب)

محروسه مجرشي ( الدلع نانسي <<< سميت بنانسي وذلك بعد حركه فعلتها في احد حفلات الزواج ) فتاه تبلغ من العمر 20 , مستوى الرجه ( 9 من 10 ) المؤهل ( أول ثانوي )



عندما ترى تلك الغرفه تظن أنك في شقة جنود عزاب , الأوراق والملابس تملئ أرجاء الغرفه , رائحة الغرفه بخور ولو تدقق في الرائحه قد تشم رائحة ( مالبورو أحمر ) , صوت الطقاقه ( موضي ) تسمعه بخفيف , يطغى على صوت المسجل صوت ثلاث بنات في أجتماع طارئ وسري , سأضعكم بوسط ذلك الأجتماع حتى تعرفوا مايدور بينهن .



محروسه : يابنات بنت خالتي حكيمه الدبه حفل زواجها بعد يومين وللحين ماقررنا وش الحركه اللي بنسويها في عرسها وماتنساها طول عمرها ؟؟

صجه : أقولتس خلي الموضوع علي وكلها كم ساعه وراح أجيب حركه ماعمرها صارت في عرس في المملكه كلها .



تقاطعها سوير : أقول والله ياصجه ماعندك ماعند جدتي , أنتي وحركاتك البايخه , نسيتي اخر مره وش سويتي يوم ضحكتي العالم علينا .

محروسه ( تضحك بخبث حتى تقهر صجه ) : أيوالله وأنتي صادقه ياسوير , فضحتنا بحركتها أجل فيه وحده تجيب سيكل لحفل زواج وياليت السيكل نظيف , جايبه سيكل أخوها صنهات وكاتب على السيكل أبو بخيت وحاط بين كفرات السيكل علبة مويه فاضيه عشان يطلع صوت مزعج , وياليت بس كذا , تقول للطقاقه غني أغنية ( بئالي ليالي ماجاني حبيبي ماجاني )) وتسوي رياضه على السيكل يقالها تقلد روبي ؟؟؟ والله يوم شفت حركتها حمدت ربي أني ماني العروس لأني بسدحها قدام المعازيم وأخلي السيكل يتوسط بطنها .




صجه (( منفعله )) : الله الله , نسينا ماكلينا يامحروسه ؟؟ نسينا يوم تجيبين سطل مويه وتقولين للطقاقه غني أغنيه نانسي عجرم (( اه ونص )) وتجلس تغسلين سروال أخوك عبده والبنات يرقصون حولك وميتين ضحك ؟؟ والله لو أني مكان العروس ذاك اليوم لأ أجي وأشربك المويه اللي في السطل وأخليك تشربين عصير (( سروال عبده )) .



وأشتد النقاش بين محروسه وصجه حتى لاتكاد تفهم شيئاً منها .



صرخت سوير بأعلى صوتها : خلااااااااص , ماصارت , كلكم تفشلون , ولو أنا العروس أبجيب بودي قارد و أوقفه عند الباب وأعطيه صوركم وأكتب عليها ( مطلوبين ) عشان ما أشوف رقعة وجيهكم بالعرس .


صجه : على الأقل حنا أحسن منك أنتي وخواتك , نسيتوا يوم عرس أختك الكبيره يوم تدخلون علينا وقت الزفه وأنتم شايلين تابوت وتبكون , وخواتك الصغار يصايحون ويقولون العروس ماتت ؟ والمعازيم يبكون حتى أتذكر عجوزين جالسين يبكون ويقولون : شكلها ماتت من الخرعه تحسب الرجال رايح ياكلها !! ويوم نزلتوا التابوت , فتحت أختك نوره التابوت وطلعت أختك البندري من التابوت تضحك والطقاقات قاموا يغنون (( أنا عايش ومش عايش ومش قادر على بعدك )) , وأنتي تضحكين وتأشرين لي أنا ومحروسه من بعيد وتقولين وش رأيكم بحركتنا ؟؟؟



محروسه (( تضحك على سوير اللي صار وجهها مثل الروج اللي على شفاها أحمر )) : والله يابنات كلنا مهابيل ونفشل , بس ماقلتوا لي وش الحركه اللي تبونا نسويها بعد بكره ؟؟


صجه : قولي لنا صفات بنت عمك حكيمه عشان نسوي شي يبسطها .



محروسه : بنت عمي حكيمه عمرها 23 , بطوطه وماهي أحلى مني ومدري كيف خطبوها وأنا موجوده بس الله يوفقها على كل حال <<< يقالها ما حسدتها الحين , تحب تسمعي للفنان أبراهيم الحكمي عشانه أكثر شخص قريب لها شكلاًُ وأسماً , وتموت في شي أسمه نادي النصر , وأذا سمعت أسم ريان بلال خلاص يطير عقلها ويشرد ذهنها فيه .



تصرخ سوير قائله : لقيتها الحركه يابنات لقيتها .



تقول لها محروسه بحماس : طيب وش الحركه شوقيتني أعرفها .



تقول لهم سوير : قربوا أذانكم عشان محد من اللي يقراء الموضوع يعرف حركتي الجديده .





التاريخ الان : يوم العرس .

المكان : في صالة الأفراح في قسم النساء .

عفواً غلط مطبعي ,,,

التاريخ الان : يوم المباراه

المكان : في مدرجات النصر .

عفواُ غلط مطبعي للمره الثانيه

التاريخ الان : يوم العرس

المكان : في صالة الأفراح في قسم النساء





ولكن عندما تشاهد الكوشه والزينه التي على الطاولات تظن أنك في نادي النصر ,الشال النصراوي المطعم بالأصفر والأزرق يطغى على جنبات الصاله , حتى الكوشه عليها علم مكتوب عليه (( عفواُ العروس نصراية )) ومكتوب أيضاً (( دق التحيه قدامك العروس نصراويه )) ومكتوب أيضاً (( بلا أختبارات بلا هم , عرس حكيمه هو الأهم ))







بداء صوت الزغاريد معلناُ زفة العروس وقدومها للكوشه , البخار الان يحمل اللون الاصفر والازرق يتصاعد أمام مدخل المنصه , وتخرج من بين البخار العروس مع أنطلاق صوت المطربه وغنائها لأغنيه (( الهمه الهمه الهمه , ياحكيمه والموعد القمه ))



محروسه وصجه وسوير مطقمات أثياب عرس لونها أصفر وأزرق ويتراقصون على المنصه , وفجأه تدخل أم العروس وتطلب من البنات النزول من المنصه لأن العريس قادم في الطريق للكوشه , تنزل جماهير النصر عن المنصه عفواً البنات الثلاثه , وبعدها بلحظات دخل العريس , ثم عاد أدراجه , مسكته أخته صبوحه من بشته وقالت له بلهجه غاضبه : وين رايح يامهبول هنا الكوشه ,,,

يرد العريس : ياصبوحه متأكده أننا في الصاله مو في ملعب الملز مع جمهور النصر !!

مسكت يده أخته صبوحه وقادته حتى الكوشه ووضعته جنب حكيمه .



جلس العريس بجانب زوجته وداعبها ببعض النكات حيث قال لها في احد النكات : تصدقين يوم شفتك جالسه بالكوشه بغيت أروح للسياره وألبس فانيلة الاتحاد وأجيب الكوره وأشوتها عليك أشوفك تصدين الكورة ياعمري والا تخلين الكوره تدخل في الكوشه كهدف ياهدف حياتي <<< يلعن أم السماجه



ترد عليه حكيمه : وأنت بعد يوم دخلت علي كان ودي أنك لابس قميص النصر وحاط عليه رقم تسعه وتسوي حفل أعتزالك للعزوبيه مثل ماجد عبدالله يوم سوا حفل لا أعتزاله الكوره <<< ما أسمج منك الا زوجك



بعدها يغادر العروس والعريس أرض الملعب عفوا المنصه وسط صيحات الجماهير عفواُ قصدي صيحات المعازيم <<< لاتلوموني يوم أغلط كثير لأنكم لو دخلتوا الصاله والله راح تحسون أنكم في ملعب الملز في قسم مدرجات النصر







أنتهت القصه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,



قرأت في اخر شهرين عن بعض الزفات الغريبه اللي تشهدها مملكتنا , قبل شهر تقريباً قرأت في أحد الجرائد أن المعازيم تفأجاوا في احد الأعراس ببكاء شقيقات العروس وصراخهن وهن يرفعن فوق رؤوسهن تابوت فيه العروس , ولما بداءت الطقاقه بالغناء بأسم العريس , خرجت العروس من التابوت وكأنها كانت متوفيه وأحياها أسم العريس (( أستغفر الله العظيم , ويارب لاتؤخذنا بما فعل السفهاء منا ))

وقبل كم يوم قرأت أيضاً في احد الصحف أنه في أحد حفلات الزواج تم تشغيل أغاني لأحد الأنديه وذلك بطلب من صديقات العروس لعلهم بحب صديقتهم العروس لذلك النادي , وكأنهم في ملعب وليسوا في حفل زواج محترم .

ماذا بعد يابنات وطني ؟؟

الركاده زينه , وللفرح عدة أشكال وطرق فليحرص الواحد أن يفرح بشكل غير مقزز ومخجل ومؤذي للمنظر العام







هذا ماعندي وياليت ياصجه أنتي وخوياتك محروسه وسوير ماتطبون عرسي ماني ناقص فضايح عن جماعتنا <<< اللي يسمعك يقول عرسك بكره



ابغى كل واحد يقول وبكل صراحه لللمتزوجين وغير المتزوجين

لو صاروتزوجت او رجع يوم زواجك هل ممكن انك تسوي شي

يبين انك هلالي؟

او انك تسوي شي غريب مااحد سواه؟




او انك يوم زواجك تمنيت شي معين لكن ما تجرئت انك تسوية؟
اضافة رد مع اقتباس
  #2  
قديم 14/05/2009, 03:35 AM
زعيــم مميــز
تاريخ التسجيل: 23/06/2003
مشاركات: 1,552
هههههههههههههههههههه

مشكوره اخت وسن على الموضوع الرائع

والله بنات الله ايعين عليهم شكلهم جنون

والله انا بيوم زواجي راح اكووووووون معزوم عند جيرانا

ههههههههههه تحيـــــــــاتي
اضافة رد مع اقتباس
  #3  
قديم 14/05/2009, 04:08 AM
الصورة الرمزية الخاصة بـ BEST_01
زعيــم مميــز
تاريخ التسجيل: 03/10/2008
المكان: كل يوم في ديرة
مشاركات: 2,442
والله من اساميهم تعرفين انهم من جنبها ... دواهم من كفخهم ... وعسى ينفع بعد

انا على كذا ...
بخيلهم يحطون في الزفة محمد عبده اغنية وطنية ,,, وبروجيكتر لمقاطع طيارات
وفجاءة والجماهير,,, قصدي المعازيم <<< يبي يعلمك انه خاش جو مع القصة
فاهين مع المقاطع ,,, الا واطب عليهم بالبراشوت

لاتشيلون هم ... التكشيخ والترسيمة بصمغها صح ,,, ما راح تخرب


شفتوا كيف ان الدعوة بتصير فوضى ,,, لو كل واحد جابها على جوه بزوووووووووووووووود


مشكورة اختي وسن على الموضوع ... ولاتحرمينا جديدك


وتقبلي مروري

.
اضافة رد مع اقتباس
  #4  
قديم 14/05/2009, 04:57 AM
زعيــم مميــز
تاريخ التسجيل: 14/04/2009
المكان: ][ الريـآض لـآنـد ][
مشاركات: 3,888
يـوم زواجي راح يكـون عـآدي ورسمي

انا ضد هالتقليعـآت كلهـا



يعطيك العافيـه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:44 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube