البارت الخامس عشر ...

فواز وببرود: جهزي اغراضك ... بنرجع للسعودية احين
قدمت رؤى ولفت يدها على رقبته وبدلع: بس انا لسه ما شبعت
فك يدها فواز بقوة وبعدها عنه لدرجة انها طاحت على الارض
رؤى: اييييييييييييييييييييييييييييييييييييي
فواز بعصبية: حسيتي بالالم؟؟؟ تعورتي؟؟؟ ولا لسه ما شبعتي؟؟؟؟ اكيد ما تشبعين ؟؟؟ مبسوطة ومكيفة عالاخر وانتي تعذبيني
رؤى وهي على الارض ... ما قامت من الصدمة ... ولا عارفة فواز عن ايش يتكلم ... رفعت راسها: انت ايش تقول ؟؟؟ انا مو فاهمة شي؟؟؟
فواز: كفااااااااااااااااااااااااااااااااااااااااااا ااااا اااااااااااااااااااااااااااااااية ... خلاص كفاية تمثيل ... ماله داعي خلاص ... انتي ايش تبين بالضبط؟؟؟ اببببببد ما توقعتها منك ... كنت متصورك الملاك البريء الطاهر ... انسانة طيبة لابعد الحدود ما تعرفين الحقد ولا الحسد ... بس الظاهر اني كنت غلطااااااااااااااااااااااااااان ... واكبر غلطان بعد
رؤى بهدوء والدموع خذت مجراها من كلام فواز ... مع انها لسه مو فاهمة ايش السالفة: فواز ... ممكن افهم ايش سبب الموال والكلام هذا كله؟؟؟
فواز: الكلب بلع العظمة اللي رميتيها له ... بس لما حس بالسم اللي يحتويها ... وقفت في حلقه وغص فيها ... وتنمى يموت ولا انه يكتشف انه بالغباء هذا
رؤى: فواز ... انا من جد مو عارفة عن ايش تتكلم؟؟؟
فواز: اذا انتي مو عارفة ... جوالك وملاحظاتك تعرف
دخل غرفته وصك الباب بالقوة ..
رؤى ما تحركت من مكانها ... تفكر بالكلام اللي سمعته ... الجوال .. الملاحظات ... الكلب ... ايه تذكرررررررررررررررررررررررررررررررررررررت ... لا فواااااااااااااااااااااااااااز
نقزت من مكانها وركضت للغرفة ... الباب مقفول ... جلست تطق الباب وهي تبكي ... فواز ... فواز ... فواز افتتتتتتتتتتتتتتتتتتتتتح ... انت مو فاهم شي ... تكفى افتح الباب
فواز: ...............................
رؤى: فواز ... والله انت مو فاهم شي ... لا تحكم بالسرعة هذه ... فوااااااااااااااااااااااز
فواز: .................................
رؤى: اسمعني فواز ... الله يخليك ... بس هالمرة اسمعني بعدين قول اللي تبي تقوله
فواز: ..................................
رؤى: فوااااااااااااااااااااااااااااااااااااااااااا ااااا ااااااااااااااااااااااز
فواز: ...................................
جلست رؤى عند الباب وهي تبكي ... انا الغبية ... انا اللي جبته لنفسي



فواز داخل يغلي من القهر ... كره نفسه وكره عيشته ... فتحت قلبي لها ... وعطيتها كل ما عندي ... فرحت بقربها مني ووجودها جنبي ... ما توقعت انها بالخبث واللعانة هذه ... الله ياخـ..........
حتى وانا في قمة غضبي ما اقدر ادعي عليك ... الله يسامحك يا رؤى على اللي سويتيه فيني
نزل شنطته من فوق الدولاب ... فتحها وجلس يرمي الملابس فيها من القهر بقوة ... صكر شنطته وفتح الباب ... شافها قاعدة عند بابه وتبكي
اول ما طلع نادته: فواز
فواز: ...........................
مر من جنبها يبي يمشي ... مسكت رجوله: فواز ... تكفى اسمعني
رفسها فواز باقوى ماعنده لدرجة ألمتها: جهزي اغراضك بسرعة ... بروح احرك المركب ... ربع ساعة وانتي جاهزة
تركها وصعد على السطح ... وتركها تندب حظها وغباءها اللي وصلها للدرجة هذه


حرك المركب ووصلها للشاطئ ... نزل وهو مو طايق يشوفها ... بس يالله يستحمل للسعودية ... ان شاء الله يلقى حجز بسرعة بس
نزل لقاها واقفة بملابسها ( الشورت والبدي) ووجها مليان دموع
فواز بعصبية: انتي لسه مالبستي؟؟؟؟ مو سواق ابوك انتظرك؟؟؟
رؤى: ايش البس؟؟؟ انا جاية من غير عباية ... كنت لابسة بنطلون وجاكيت طويل ... والبنطلون انت رميته ... وما في شي في الدولاب ساتر؟؟؟
فواز: من غبائي رحت ورميته ... دخل الغرفة وطلع لها بنطلون وتي شيرت من اللي عنده ورماهم في وجهها بعصبية ... البسي هذا وبسررررررررعة على ما الم الدي في دي والافلام تكونين جاهزة ... فاهمة؟؟؟
ولف عنها وقعد يفصل الدي في دي والاسلاك ... وهو بقمة عصبيته ... دخلت الغرفة وغيرت ملابسها وهي مو عارفة شلون تهديه او تكلمه
طلعت وهي لابسة ملابسه وفوقها الجاكيت الطويل اللي كانت لابسته يوم دخلت المركب ... وساحبة وراها الشنطة ... وبصوت مكسور: يالله فواز .. انا جاهزة
طالع فيها فواز: ايش هذا اللي وراك؟؟؟
لفت رؤى باستغراب: شنطتي!!!
فواز: فيها شي من اللي دخلتي فيه هنا ؟؟؟
رؤى: شلون يعني؟؟؟
فواز بعصبية: يعني فيها من اغراضك ؟؟؟ ولا كلها الاشياء اللي شريتهم لك؟؟؟
رؤى: لا ... انا ما دخلت هنا الا بشنطة يدي
فواز: مالك حق تاخذينهم ... مثل ما شفتيهم هنا ... انسيهم هنا
رؤى: لا فواز ... تكفى .. الملابس هذه عزيزة علي ... ما بتخلى عنهم
فواز باستهزاء: اكيد ما تتخلين عنهم ... مو هي كانت وسيلة من وسائل تنفيذ خططك؟؟؟
رؤى: فواز .. انت ليش مو راضي تسمعني؟؟؟
فواز: ما ابي اسمعك ... يالله ننزل
رؤى: طيب ابي الشنطة ... تكفى فواز طلبتك
فواز: بتنزلين مثل ما صعدتي للمركب هذا ... ما في الا شنطة يدك
نزلت دموعها: طيب بختار شي منها وباخذه ... شي واحد بس؟؟؟
فواز بعصبية: قلت لك لا ... وما ابي كثرة كلام ... زمن الدلع انتهى وولى ...وبصراخ: قدااااااااااااااااااااااااااااااااااااااااااا ااااا ااااااااااااااااامي
نزلت رؤى من المركب ودموعها على خدها ... واول ما حطت رجلها على الشاطئ التفتت للمركب وقالت في نفسها: فيك انولد حبي ... والظاهر انه مات فيك

في الطيارة ...
رؤى تسولف مع دانة ونست شوي موضوع فواز ... هو جالس قدامهم بمقعدين تقريبا
دانة انسانة طيوبة وحبوبة ومر الوقت عليهم ومو حاسين
وهم بوسط السوالف جاهم سعد: لوسمحتي اختي؟؟؟
رؤى: تفضل!!!
سعد: فواز مريض او يعاني من شي؟؟؟
وقفت رؤى بسرعة : فواز فيه شي؟؟؟
سعد: احسه يختنق او شي زي كذا ومو عارف اتصرف
ركضت رؤى له: فواز ... فواز ... فواز ... رد علي
فواز بدأ يتغير لونه ومارد عليها
مدت يدها لجيبه هو دايما يحط الدوا فيه بس للاسف مافيه شي
رؤى لسعد: ماشفت بيده علبة دوا؟؟؟
سعد: لا بس كان يدور في جيبه على شي ... والظاهر ماحصله
رؤى: يووووووووووووووووووووووه شكله ناسيه ... ايش اسوي؟؟؟
سعد: دوا ايش؟؟؟
رؤى: ربو
سعد: طيب خلينا نسأل يمكن احد عنده!!!
رؤى تذكرت ... وركضت لمقعدها وفتحت شنطتها وطلعت منها الدوا وركضت لفواز وبدت تعطيه اياه
المضيفات والناس كلهم تجمعوا حول فواز وكل واحد يعطي اقتراح
بس هي ماتسمع لاحد كل فكرها وبالها مع فواز
شوي شوي بدأ يرجع لونه وفتح عينه
اول ماشاف الناس مجتمعة حوله كره حياته دايما يكره هالنظرات في عيون الناس ويكره لما تجيه الحالة قدام الناس
رؤى وهي تمسح على شعره وجبينه: سلامتك حبيبي
فواز انفجر في وجهها: من وين جبتي الدوا؟؟؟ لايكون استخدمتي حق احد تعرفين اني ما اشتهي واقرف استخدم دوا غيري
رؤى انحرجت قدام الناس المجتمعة: لا هذه العلبة معاي من اول يوم سافرنا ... نواف عطاني اياها ... وقال لي انه ضروري يكون في شنطتي على طول
فواز بعصبية: مسوية فيها المنقذة ... ماكأنه الي صار كله بسبتك العلبة الي معاي مخلصة ... قلت اذا رجعت الفندق باخذ جديدة ... رجعت وحضرتك حاطة الاغراض ومقفلة الشنط وطبعا نسيت
الناس الملتمة حسوا باحراج جالس يصرخ على زوجته قدامهم حسوا انه بخير ومو محتاج شي رجع كل واحد مكانه
رؤى والدموع مالية عيونها: كل هذا مو مهم انت شلونك احين
فواز بعصبية: اذلفي عن وجهي

رجعت رؤى لمكانها ونزلت راسها وجلست تبكي من الاحراج والقهر
حست بيد على ظهرها رفعت راسها
:من اول ماجلست جنبك وانا حاسة انك موطبيعية
احين بس عرفت ... انتي وزوجك متخاصمين صح؟؟؟
هزت رؤى راسها بالايجاب
دانة: طيب اقدر اعرف السبب؟؟؟
صدقيني مو تطفل ... بس حاسة انك تحبينه ... وانا حبيتك واتمنى لك الخير ...
وكوني ما اعرفك من قبل ولا اعرفه ... بالتأكيد راح احكم من جهة محايدة!!!
سكتت رؤى شوي وبعدين قالت: قرأ في جوالي كلام وفسره على كيفه
دانة: يعني يشك فيك؟؟؟
رؤى: الكلام عن مشاعري تجاهه ... وهالكلام قبل لا احبه ... صدقيني ... وانا نسيت الموضوع لاني ما ارجع اقرأ الكلام الا بعد فترة طويلة
دانة: ليش مافهمتيه هالكلام؟؟؟
رؤى نزلت راسها: موراضي يسمعني!!!
سكتت دانة فترة: طيب انتي تحبينه؟؟
رؤى: امووووووووووووت بالتراب الي يمشي عليه ... ولا اتخيل حياتي بدونه
دانة: شوفي يارؤى ... انتي الغلطانة ... وشي طبيعي انه يفهم الكلام مثل ماقراه ... لانكم ببداية حياتكم ... وكل واحد مو متأكد من مشاعر الثاني تجاهه
رؤى: ادري اني غلطانة بس شلون اصلح غلطتي؟؟؟
دانة: لاتتخلين عنه ... حوطيه باهتمامك حتى لو سفهك ... استحمليه ... عيشيه ملك بوجودك ... تعلقي فيه ولاتتركينه
رؤى: اخاف اتعلق وبعدين اكتشف اني متعلقة بين السما والارض!!!
دانة: الرجال مثل الاطفال ... كلمة توديهم وكلمة تجيبهم ... استغلي كل فرصة تمر عليكم ... اذا مايعطيك مجال وانتوا بروحكم ... استغلي فرصة وجودكم مع الناس ...لاتقولين استحي او من هالكلام الفاضي ... هذا زوجك ان صدك مرة قربي له الف مرة!!
رؤى: من رايك؟؟؟
دانة وهي رافعة حواجبها: هذا اذا ماتبين تخسرينه!!!!
مسحت رؤى دموعها مثل الاطفال وهي تبتسم: بعدي خليني اشوف رجلي تسولفين واشغلتيني عنه
دانة: هههههههههههه تفضلي



راحت رؤى عنده لقته نايم مسحت على شعره وتأكدت ان تنفسه اوكي
سعد: لا تحاتينه ... انا موجود اذا حسيت ان في شي بناديك
رؤى: شكرا ماتقصر ... نام عادي؟؟؟
سعد: ايه نعم ... جلس شوي وعلى طول نام
رؤى: طيب اذا احتاج شي بليز لاتتأخر نادني بسرعة
سعد: ان شاء الله
رجعت رؤى مكانها بنفسية ثانية بعد كلام دانة

فواز ماكان نايم وحس برؤى وسمع كلامها لسعد
هه يعني مهتمة فيني ... مثل ماانتي ماتتغيرين ... اهم شي شكلك قدام الناس

وصلت الطيارة وخلصوا اوراقهم واخذوا اغراضهم وطلعوا للصالة الخارجية
شافهم نواف وتقدم منهم سلم على فواز وحظنه بقوة
اثر المشهد في رؤى وخصوصا انهم طولوا وهم حاضنين بعض ويتكلمون بهمس
نواف: وحشتني يالدب
فواز: تعبااااااااااااااااااااااااااااااااااان
نواف: سلاااااااااااااااااااااااااامتك ياخوي
فواز: ابي ارتاااااااااااااااااااااااااااااااااح
نواف: فواز ... لا تخوفني
فواز: آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآ آآه
نواف: تدري انك تطعني بكل كلمة تقولها ... انا ما استحمل عليك الشوكة ... بس لي جلسة معك ... بعد ... خلني اسلم على مرتك
فواز: خلها تولي ماشبعت منك
نواف: فواز فشلة الناس تتفرج علينا
بعد عنه وقرب من رؤى: السلام عليكم
رؤى: وعليكم السلام هلا نواف شلونك
نواف: بخير بشوفة فواز ... الحمد لله على سلامتكم
رؤى: الله يسلمك
فواز: نواف شكلك راعي طويلة ... خلنا نروح البيت واهذر على كيفك
نواف: هههههههههههههه هذا وانا مشتاق لك تستقبلني بهالكلام ... الله يسامحك يالله حياكم السيارة من هنا


اول ماركبوا السيارة ...
نواف: حيا الله من جانا
فواز وهو يسدح الكرسي الي قاعد عليه: الله يحييك
نواف بخوف: ايش فيك تعبان؟؟؟؟؟؟
فواز وهو يغمض عينه: سوق وانت ساكت
نواف: طيب البنت انطحنت وراك
رؤى جالسة وراه وهو نزل الكرسي للاخير وصار الكرسي في حضن رؤى تقريبا
فواز: تغير مكانها مو شغلي
نواف: ايش هالاخلاق التجارية ... رؤى انزلي واركبي من الجهة الثانية قبل لا احرك
رؤى تذكرت كلام دانة ...
رؤى: لا انا مرتاحة كذا
نواف: بكيفكم والله
حرك السيارة ورؤى قربت نفسها من فواز وهي تمسح على شعره
فواز فتح عينه وبهمس حتى ما يسمعه نواف: بعدي دام النفس عليك طيبة
رؤى بنفس النبرة: نام وانت ساكت
فواز: نعم
رؤى: يعني بس نواف يسوق وهو ساكت ... انت بعد نام وانت ساكت
فواز: شغلك في البيت

نواف: هي انت وياها ... اذا ماشبعتوا من بعض ليش راجعين؟؟؟ كان جلستوا بروحكم هناك ... ولا جايين تعورون قلبي وتقهروني واتزوج
فواز وهو مغمض: خلك على مجنونك لا يجيك الي اجن منه
حزت الجملة في خاطر رؤى وسكت نواف لانه عرف ان رجعتهم بسبب مشكلة بينهم مثل ماتوقع


الطريق للبيت ممل لاقصى حد كل على وضعه وساكت
عند اخر اشارة قبل البيت ...
نواف: فواز ... فواز؟؟؟
فتح عينه: ايش تبي؟؟؟
نواف: قوم عدل خشتك قبل لاندخل على الناس ... ولا بتخرعهم بوجهك المورم من النوم
فواز رجع غمض: من قال لك اني نايم؟؟؟ انا بس مسترخي!!!
نواف: ايش عليك مسترخي ويلعبون في شعرك ... اللهم ارزقنا!!!
فتح عينه فواز وعطاه نظرة: انا مو قلت سوق وانت ساكت


وصلوا البيت ودخل نواف السيارة وانواع الهرنات والازعاج ..... اتوقع الحارة كلها صحت
طلعوا البنات ركض وفيصل ولما يتسابقون من يوصل لهم اول وراهم عبدالعزيز ومنيرة
الكل سلم عليهم وكالعادة استقبلتهم منيرة بالدموع
قرب منها فواز ومسح دموعها بصبعه: يمه لا تضيقين خلقي بهالدموع
منيرة: يعني انت مبسوط؟؟؟؟؟؟؟
فواز: بشوفتكم
منيرة: يعل عيني ماتبكيك
ليان: متى بيخلص الفيلم؟؟؟؟؟؟
لف عليها فواز: وانتي لسه مابطلتي طوالة لسان؟؟؟
ليان: لا ... ولا ببطل
فواز: لاتبطلين ... لين تتزوجين وتفشلينا عند الرجال
نزلت رؤى راسها ومسكت دموعها لاتنزل
عبدالعزيز: يالله ياعيال عاجبتكم الوقفة في الحوش؟؟؟
ومسك يد فواز وسحبه على جنب
عبدالعزيز: بشر شلون صحتك؟؟
فواز: يبه يعني لازم تذكرني بمرضي في كل مناسبة؟؟؟
عبدالعزيز: لا تلف وتدور ... لونك مو طبيعي ... وباين انك تعبت اكثر من مرة وعلى بعض!!!
فواز نزل راسه
عبدالعزيز بعصبية: احسب حسابك ... اخر مرة تسافر من غير نواف ... رجله على رجلك ... لاتقول زوجتي ولاشي ثاني ... اذا انت بزر وتبي من يلاحقك على صحتك فتحمل الي يجيك
ترك يده ودخل وهو معصب على هالولد الي ماادري متى بيترك العناد على حساب صحته


دخل الصالة وشاف الكل قاعد وسوالف
عبدالعزيز: رؤى
رؤى: سم ياعمي
عبدالعزيز: يدخل فواز من هنا وتصعدون جناحكم على طول
ليان: يبه نقعد معاهم شوي
عبدالعزيز: رؤى اظن سمعتيني
قامت رؤى من مكانها: تامر ياعمي
على دخلة فواز قربت منه ومسكت يده: يالله فواز نطلع نرتاح
فواز: اطلعي بروحك بجلس معاهم شوي
رفعت نفسها لمستواه على اطراف اصابعها وساسرته: عمي معصب عليك وطلعتنا فوق بأمره
طالعها فواز بنظرة: بس انا ابي اجلس
رؤى بهمس: تكفى لاتزعل عمي ... شكله معصب عالآخر .. اصعد اليوم وبكرة اجلس معاهم على راحتك
فواز بنفس نبرة الصوت: كل الناس تدورين رضاهم وما تبين تزعلينهم ... الا أنا ... بآخر القائمة يارؤى ...صح؟؟؟
تركها وصعد فوق من غير ما يقول شي
نزلت رؤى راسها فترة وانتبهت انهم قدام الناس ... رفعت راسها وابتسمت للموجودين اللي يطالعونها منتظرين منها تفسير للي يصير
قربت لينا منها: رؤى ... ايش صاير؟؟؟ ايش فيه فواز؟؟؟
رؤى بابتسامة: كان وده يجلس معاكم .. وشكله تضايق لان عمي قال له يصعد يرتاح
منيرة: لاحقين علينا ... ليش معصب؟؟؟
رؤى: فواز يا خالتي ... ماتعرفينه يعني؟؟؟ ما يحب يسوي شي غصب عنه
منيرة: الله يهديه ... يالله يمه ... اصعدي وراه ... اخاف يعصب عليك
رؤى: عن اذنكم ... وصعدت فوق

--------------------------------------------------------------------------------

صبح اليوم الثاني ... الكل موجود عالفطور ... ومبسوطين برجعة فواز ورؤى ... سوالف وضحك عالآخر
عبدالعزيز: فواز
فواز: سم يبه
عبدالعزيز: متى بترجع للدوام؟؟؟
فواز: يبه مو عالأكل الله يخليك ... انسدت نفسي
عبدالعزيز: عن الدلع وارجع داوم ... دامك رجعت للديرة مالها داعي جلستك في البيت
منيرة: خل الولد ينبسط .. كم مرة بيتزوج ولدي؟؟
رؤى في نفسها: الله يستر يا خالتي بس
عبدالعزيز: يكمل هالاسبوع بس ... وبعدها يرجع يداوم .. .لا تخلص رصيدك كله ... جمع لك شي ... يمكن تحتاجه بعدين
فواز: من بكرة بداوم
عبدالعزيز: يعطيك العافية
منيرة: اتصلت فيني حنان عمتك يارؤى
رؤى: الله يسعدها .. وحشتني مووووووووووووووووووووووت
منيرة: اليوم ابوك مسوي لك عزيمة في بيته .. عندك خبر؟؟؟
رؤى: ايه نعم ... كلمته امس اول ما وصلنا وقال لي
عبدالعزيز: أي وكلمني بعد ... الله يجزاه خير
لينا: لازم تروحين للمشغل يا رؤى
رؤى: ما ادري ... بشوف
ليان: ايش تشوفين!!! لازم تروحين ... عروس وراجعة من شهر العسل ... لازم تكونين باحلى طلة
ناظرت رؤى بفواز: على حسب اللي بلبسه بقرر


فواز يغير مجرى الكلام: نواف ... بروح عند جدتي وامي نورة والبنات ... تجي معي؟؟؟
ما كمل جملته الا وينحذف بعلبة الكلينكس: ايييييييييييييي
الطاولة كلها: ههههههههههههههههههههههههههههههههههههههههه
فواز: يببببببببببببببه ... الله يسامحك ... ضحكتهم علي
عبدالعزيز: تستاهل ... الصراحة كنت مرتاح وانت مسافر ... نواف يداوم بانتظام ولا يغيب ... ولا يتحلطم اذا عطيناه مناوبة ولا شي ... اكتشفت انكم مع بعض ماتنفعون ... كل واحد بروحه احسن
منيرة: ويييييي بسم الله على عيالي ... الله لا يفرق بينهم يارب
عبدالعزيز بنفسه: وتلوميني اذا ما علمتك مين ولدك ... هذا اللي انا ابيه ... اثنينهم عيالك
فواز: يبه بس اليوم ... عطه اجازة وبكرة بنداوم مع بعض
عبدالعزيز وهو ياكل ولا رفع راسه لهم: لا
نقز له نواف وحب راسه: تكفى يبه ... طلبتك
عبدالعزيز: ما تستحي على وجهك انت ... الرجال متزوج وتوه راجع من السفر ... اكيد بيطلع مع زوجته
نواف: طيب انا قلت شي؟؟؟ خله يطلع مع زوجته عادي
عبدالعزيز: وانت وين رايح معاهم؟؟؟
نواف: عادي يبه مرافق ... بغمض عيني واصكر اذني عادي
عبدالعزيز: ياسلااااااااااام
نواف: ايه يبه ... ولا اقولك ... بفتح عيني واذني ... يمكن يحمسوني واتزوج ... مو كل يوم تحن علي تزوج وتزوج ... يمكن يخلوني اتحمس واحط الفكرة في راسي
عبدالعزيز وهو يضربه على راسه: راسك هذا يبيله تكسير
نواف: لييييييييييييش
عبدالعزيز: ما تستخدمه في اشياء مفيدة ... ما غير الهياتة والشطانة
نواف: يبه انت ليش ظالمني كذا؟؟؟؟
نطت لهم ليان: الله اكبر عليك يا نواف !!! انت مظلوووووووووم؟؟؟ اذا انت مظلوم احنا ايش نصير؟؟؟
نواف: اسكتي انتي مالك دخل
عبدالعزيز: كلكم عيالي يا ليان ... لا تقولين هالحكي
فواز: خلونا من هالموضوع .. يبه ... الله يخليك ... ما يصير كذا
عبدالعزيز وهو فاتح عينه: شنو اللي ما يصير؟؟؟
فواز: اروح بيت جدتي بروحي
عبدالعزيز: خذ زوجتك معك
فواز: اليوم معزومين ... واكيد بيحوسون ولا هي بفاضية لي
نواف: يبه ... خلني اروح معه احين ... واداوم بالليل .. اخذ مناوبة واداوم بكرة الصبح بعد ... شفتين ورا بعض ... ايش تبي اكثر من كذا؟؟؟
عبدالعزيز: ايه ... عشان الاقيك نايم لي بالمستشفى
نواف وهو يضحك: يبه كل الدكاترة والموظفين في المناوبة الليلية ينامون اذا ماعندهم حالات ... ماسكها علي يعني!!!
فواز: ههههههههههه ليش صادك وانت نايم؟؟؟
نواف: ياخي ضيقة خلق وانت مو موجود ... جاني النوم ونمت ... عاد الوالد الله يحفظه يبيها من الله
عبدالعزيز: ابيها من الله ها؟؟؟ قدامي على الدوام ؟؟؟ قدامي!!!
نواف: يببببببببببببببببببببببببببه
فواز: يمممممممممممممه ... كلميه .. بس اليوم
منيرة وهي تضحك: خلاص عبدالعزيز ... عشان خاطري ... بس اليوم اتركه
عبدالعزيز: وانا اقدر على زعلك ... عشان خاطرك بس ... ولا انا عارف ان محد مخربهم غير دلعك الزايد لهم
منيرة: الله يحفظهم ... من لي غيرهم
البنات بصوت واحد: واحنا؟؟؟؟
منيرة: الله يحفظكم كلكم ... ما اقدر استغني على ولا واحد منكم



بعد الفطور ... صعد فواز يغير ملابسه لانه بيطلع لجدته وامه ... طلعت معاه رؤى ... دخل الحمام وهي جلست تنتظره
طلع من الحمام وهو لابس ... وقف قدام المراية يمشط شعره
رؤى: طالع؟؟؟
لف عليها فواز: انا كم مرة قايل لك ما ابي هالاسئلة الغبية حقتك!!! ماتشوفيني لابس؟؟؟؟
قربت منه رؤى: لا مو عشان شي ... بس ابي اروح للمشغل
طلع فواز مبلغ من محفظته وحطه على الطاولة: تفضلي
رؤى: لا مو هذا قصدي ... معي فلوس ... انت مو مقصر معي
فواز: اذا ما تبين فلوس ... ايش تبين بالضبط؟؟؟
رؤى: ابي استاذنك
فواز: ذلفي أي مكان تبينه
رؤى وهي منزلة راسها: طيب ايش البس؟؟؟
فواز بعصبية: وبعديييييييييييييييييييييييييييييين ... مابنخلص من سخافتك ... ايش علي من لبسك ... أي شي تبين البسي
رؤى ودموعها بدت تنزل: مو انت دايم تقول لي ما تلبسين الا اذا سالتيني؟؟؟
فواز: هذاك اول ... لما كنتي تهميني ... اما احين ... انتي والجدار واحد يارؤى
تركها وطلع لنواف اللي ينتظره ... وهي رمت نفسها على السرير تبكي


في الطريق كلم نواف جدته ... وعرف انها في بيت امهم نورة ... بس ما قال لها ان فواز وصل ... بيخليها مفاجاة لهم ...
راحوا بيت نورة ودخلوا عليهم والكل تفاجأ بوجود فواز ... واستلموه احضان وسلام حار ... وكل واحد يسحبه من صوب
(بنات واخوهم واصل من السفر ... لازم شوي من افلامهم)
ام محمد: خلاص ذبحتوا الولد ... اتركوه
فواز: لا يا جدة ... خليهم على راحتهم ... وحشوني موت
جود: مو علينا هالكلام ... واحشيني ما واحشيني ... وين هديتي؟؟؟
نورة: يا بنت استحي على وجهك
وعد: وليش تستحي وهي الصادقة ... وين هدايانا؟؟؟
رغد: لا وانا ابي هدية البيبي بعد
فواز: واي واي ... اكلتوني ... لا تخافون ما نسيتكم
نورة: وانت تقدر ... ياكلونك بقشورك ... كانهم مو شايفين خير
فواز: ههههههههههههههههههههههههههههههههههههههههههه
حقهم يمه ... ولازم يطالبون فيه
لف على شهد وشافها تبتسم معاهم بس من غير نفس
سبقه نواف: ايش فيك يا شهد؟؟؟
شهد: سلامة قلبك حبيبي ... الحمل تاعبني بالمرة
نواف: يا هالحمل ... كانه محد حمل غيرك ... احس انك تعبانة بزيادة
نورة: هو كذا ... في ناس يتعبون اكثر من ناس
نواف: بس مو للدرجة هذه ... هذه رغد قدامك .. الحمل حلاها
رغد: نععععععععععععععععععععععععععم ... يعني من قبل كنت شينة؟؟؟
نواف: توك تعرفين انك شينة؟؟؟
رغد: طيب يانواف ... وانا اللي كنت ناوية اسمي ولدي على اسمك ... طييييييييييييييييييييييييييييييييب
نواف: هذا اللي ناقصني .. تسمين ولدك على اسمي ... تبيني اكره نفسي؟؟؟
رغد: يحصل لك

فواز: شهودة .. أي شهر وصلتي؟؟؟
شهد بابتسامة باهتة: السابع
فواز: الله يقومك بالسلامة ... ويطمن قلبك
شهد: يارب
فواز: جهزتي اغراض البيبي؟؟؟
شهد: لا
فواز: ليييييييييييييييش؟؟؟
شهد: ما ادري ... تعبانة ولافيني حيل اتسوق
فواز: شاري لك اشياء تجنن
شهد: تسلم يا خوي ماتقصر
فواز: وتجهيز الغرفة اللي بتستقبلين فيها الضيوف علي
شهد: لا تكلف على عمرك يافواز
فواز: لا لا لا لا لا لا لا لا ... اول مرة اصير خال ... لازم احتفل بالمولود
نورة: عقبال ما تحتفل بولدك يارب
فواز: طيب أي غرفة بتستقبلين فيها؟؟؟ خليني اشوف الترتيبات
شهد: بدري يا فواز ... باقي شهرين
فواز: لا مابي اسويه بسرعة بسرعة .. ابي كل شي مضبوط .. وهو يغمز لها ... قومي وريني الغرفة واللي خاطرك فيه
فهمت عليه شهد وقامت معه للغرفة ...
فواز: بشري ... ايش صار؟؟؟
شهد: ولا شي ... على حطة يدك
فواز: ما رجع من السفر؟؟؟
شهد: ولا اتصل حتى
فواز: لاحول ولا قوة الا بالله ... طيب ليش ساكتة؟؟؟
شهد: امي تقول اصبري عشان اللي ببطنك ... ومصيره بيعقل
فواز بعصبية: ايش هالكلام ؟؟؟ شنو اللي مصيره بيعقل؟؟؟
شهد: هدي يافواز ... امي لو عرفت اني قايلة لك شي بتذبحني
فواز: والحل ؟؟؟
شهد: مالنا الا الصبر يا فواز
فواز: طيب انا حاليا بسكت ... بس اذا استمر الوضع كذا ... ما علي من احد ...بلغيني بكل شي يصير ... فاهمة؟؟؟
شهد: الله لا يحرمني منك ياخوي
فواز: خلينا نطلع قبل لا يحسون فينا

فواز ما قدر ينام بسبة حركة رؤى الكثيرة ... يحس كأنها تدور حول نفسها عالفراش ... قسى قلبه ساعة ... بس بعدها ما قدر خلااااااااااص ... قلبه عوره عليها ... وراح جنبها
:رؤى
رؤى: .................
فواز: رؤى؟؟؟
رؤى: ................
فواز: لا تقولين نايمة ... حاس فيك ... مو قادرة تنامين ... كلميني
رؤى: ...............
قام فواز وفتح النور الصغير يبي يشوف وجهها ... واول ما فتح النور وشاف دموعها انفجع ... ماتوقع الصراحة ... توقعه الم بسيط وتتدلع ... بس انها تبكي
فواز: رؤؤؤؤؤؤؤؤى ... تبكين؟؟؟
رؤى انفجرت بكي خلااااااااااص
فواز: طيب وين يألمك؟؟؟
قامت قعدت: مافي شي يألمني
فواز: رؤى؟؟؟ تكلمي؟؟؟ وين يألمك؟؟؟
رؤى: صدقني الم بسيط ويروح
حط يده على جبينها ... مافي حرارة ... حس فيها تمسك بطنها وتشيل يدها بسرعة حتى ما يحس ... مسكها ونومها على ظهرها ... وحط يده على بطنها: بطنك؟؟؟
لفت وجهها للجهة الثانية وهي تبكي
فواز: ردي يا رؤى ... بطنك؟؟؟
هزت راسها بايه من غير ما تتكلم ...
فواز: وين بالضبط؟؟؟ ( وهو ما نزل يده من بطنها )
مسكت يده وحطتها اسفل بطنها من غير ما تتكلم
فواز: الدورة يارؤى؟؟؟؟
لفت راسها وهي تبكي ...
رجع وجهها جهته بيدها: كل هالحوسة عشان الدورة؟؟؟
رؤى: ...............................
فواز: دايم يصير فيك كذا؟؟؟
هزت راسها بلا ... كمان من غير ما تتكلم
فواز: طيب هذه اول دورة تجيك بعد الزواج؟؟؟
هنا بعدت رؤى يده وعطته ظهرها وجلست تبكي ...
رجعها فواز لجهته: رؤى ... مستحية مني؟؟؟ اعتبريني الدكتور المناوب اللي كنت بوديك عنده ... الحمد لله ما وديتك ... ولا كان ضحك علي ... دكتور ومودي زوجتي المستشفى عشان دورة!!!!
رؤى نزلت راسها ...
رفع راسها: ردي علي ... اول دورة تجيك بعد الزواج ... صح؟؟؟؟
هزت رؤى راسها بايه ...
فواز: طيب ليش خايفة ومستحية ... عادي ... متغيرة عليك الهرمونات بس ... ما يبيلها كل هالحوسة
رفع السماعة ودق على لينا
لينا: الو
فواز: هلا لينا ... عندك جربة للموية الحارة؟؟؟
لينا: ايوه ... ليه؟؟؟
فواز: الله لا يهينك ... حطي لي فيها مو ية حارة ... وجيبيها لي مع شي دافي ينشرب وحبتين بنادول
لينا: رؤى تعبانة كثير؟؟؟
فواز: بلا كثرة حكي .... وجيبي اللي قلت لك عليه
ضحكت رؤى على جملته ... وشافها: ايش يضحكك
رؤى: بلا كثرة حكي ... يعني مو تقولها لي انا بس؟؟؟
فواز: ههههههههههههههههه وانتي جالسة هنا رادار؟؟؟
ابتسمت رؤى ونزلت راسها
قرب منها فواز وشالها بين يدينه
رؤى: وين؟؟؟
فواز: عالسرير ... ولا ناوية تموتين علي اليوم؟؟؟
رؤى: يعني اهمك؟؟؟
فواز بخبث: مو نا قصك تموتين في بيتنا
نزلت رؤى راسها وتذكرت جملتها له يوم الملكة ... يا ربي ايش كثر كنت غبيييييية
نزلها على السرير ... وراح للباب لانه سمع صوت لينا ... فتح لها واخذ منها الاغراض وما خلاها تدخل لانها جايبة معها ليان ... وهو يحب يرفع ضغطهم ... طردهم بحجة انهم مالهم دخل بينه وبين زوجته
حط الجربة على بطنها ... وقرب منها الكاسة: يالله اشربي وخذي البنادول وللصبح بتصيرين احسن ان شاء الله
رؤى: ههههههههههههههههههههه
فواز: ايش يضحكك بعد؟؟؟ ما قلت بلا كثرة حكي؟؟؟
رؤى: لا بس فيصل قال لي اكسري خاطره ولا تشربين شي عشانه
فواز: وانتي مبسوطة على حكيه؟؟؟
رؤى: طببببببببببببببعا ... حبيبي ما استغنى عنه
فواز بقهر: خل ينفعك حبيبك ... كنتي قعدتي اسبوع وهذه حالتك من غيري
رؤى: لا مسكين ... هو جاب لي شوربة وقال لي خذي بنادول .. يعني نفس علاجك
فواز: بلا كثرة حكي واشربي دام النفس عليك طيبة
رؤى: اووووووووووف هاته
وشربته ووراه البنادول ... وحطت راسها ونامت وهي تردد: الله لا يحرمني منك يا فواز ... الله لا يحرمني منك يافواز ... الله لايحرمني منك يا فواز



الصبح في سيارة فواز وهم رايحين المستشفى ...
نواف: صح ... سلامات؟؟؟ ايش فيها زوجتك؟؟؟
فواز: كانت تعبانة وشكلها صارت احسن
نواف: يعني راضيتها؟؟؟
فواز بعصبية: مين المفروض يراضي الثاني؟؟؟ انا ولا هي؟؟؟ مو هي الغلطانة وهي المفروض....
قاطعه نواف: هي هي هي هي خلاص ... اكلتني ... غلطنا ... اقصد رضيت عليها
فواز من غير نفس: لا
نواف: ايش دراك انها احسن !!! تتمصخر علي حضرتك؟؟؟
فواز: يعني لو زعلان منها ما اقدر اعرف اذا هي صاحية او مريضة؟؟؟
نواف: يووووووووه!!! مو انت ما تكلمها؟؟؟
فواز: ايه ... بس لما هي تعبانة ومريضة يختلف الوضع
نواف: مو صاحي ... شكله فيك انفصام في الشخصية ... يعني ساعة تكلمها وساعة تسفهها؟؟
فواز: ايه
نواف: مهبوووووووووووووووووول
فواز: نواف؟؟؟
نواف: لا تقول نواف ولا غيره ... انت تموت عليها ... ماله داعي هالمكابرة كلها
فواز: نواف ممكن تسكت؟؟؟
نواف: هذا انت ... لما الكلام مايعجبك ما تسمعه
فواز: .................................
نواف: اسكت اسكت وانت الخسران بالنهاية


( عرس لينا وخالد )

الصبح على الفطور ... الكل موجود ماعدا لينا ... التموا حول الطاولة
عبدالعزيز: وينها لينا؟؟؟
ليان: ما رضت تصحى!!!
فواز: يا سلاااااااااااام وتبونا نفطر من غيرها ... انا مو مستحمل فكرة انها ما بتنام الليلة هنا ... حتى اخر وجبات مع بعض ننحرم منها؟؟؟
ليان: حاولت اصحيها ما رضت!!!
رؤى: حتى انا مريت عليها ... ما رضت تصحى؟؟؟
نواف بخبث: فواز ... تجي معي؟؟؟
فواز: انا معك على طوووووووووووووووووووووووووووول
وركضوا فوق ...
عبدالعزيز وهو يهز راسه: انا ما ادري متى بيعقلون؟؟؟


وقفوا عند باب غرفة لينا
نواف: واحد ... اثنين ... ثلاثة ... هجوووووووووووووووووووووووووم
دخلوا الغرفة ونقزوا على سرير لينا ... وهم يسحبون الغطا عنها ... وهي مو راضية ماسكة الغطا بالحيل ولا راضية تفكه عنها
نواف: لينا ... يالله بلا سخافة ... مو معقولة النومة ما طارت ؟؟؟
لينا: .................................
نواف: لينا ... لينووووووووووووووووووووووووووووووه
فواز اشر لنواف انه يسكت ... حس ان لينا مو طبيعية ...
فترة سكووووووووووووووووووووووووووووووووووووووووووو وووت
وفجاة رفع الغطا عنها ... هي لما سكتوا ... خفت مسكتها للغطا
قرب فواز منها ومسك راسها بيده: تبكيييييييييييين؟؟؟
قامت لينا ورمت نفسها في حضن فواز: ..................................
فواز وهو يمسح على راسها: من جدك لينا؟؟؟ تبكين!!! اللي تاخذ خالد ترفع راسها وتمشي بين الناس وهي تفتخر ان زوجها خالد ... مو تدفنين راسك تحت هاللحاف مثل النعامة!!!
لينا وهي بين دموعها: بتوحشوني ... وتوحشني حنيتك!!!
فواز: بس كذا؟؟؟ كل هالدموع لاننا بنوحشك؟؟؟
لينا: فوااااااااااااااز
فواز: عيونه!!!
لينا: فواز ... انا اتكلم بجد
فواز: وانا اتكلم بجد
لينا: فوااااااااااااااااااااااااااز
فواز: عيونه!!!
لينا: الله يعين رؤى عليك
فواز وهو يلعب بشعرها: اعترفي اعترفي ... اصلا انتي ضايق خلقك لان مو محصلك واحد مثلي
رفعت لينا راسها وناظرته: معك حق ... مستحيييييييييييل احصل احد بحنيتك ... الله لا يحرمني منك يا فواز
نواف: هي انت وياها ... ما خلص فيلمكم؟؟؟
لينا: نواااااااااااااااااااااااااااااااااااااااف
نواف: ايش تبين؟؟؟
لينا: بتوحشني دفاشتك!!!
نواف: قومي انزلي افطري معنا
لينا: والله انت اللي الله يعين زوجتك ... ما عندك اسلوب ولا رومانسية اببببببببد
فواز: هههههههههههههههههههههه هالاشكال لا تخافين عليها
رماه نواف بالمخدة: اشكال ها؟؟؟ قوموا قوموا ... ابوي جالس تحت وانتوا هنا تنكتون؟؟؟
لينا: وااااااااااااي بقوم ... سبقوني تحت بروح الحمام واغير ملابسي وانزل وراكم

في الليل ...
لينا واقفة بفستانها الابيض الناعم ... وطرحتها الناعمة ومسكتها الرائعة ... واقفة والمصورة مستلمتها تصوير وحركات
دخلت عليها رؤى بفستانها اللي ماشافه فواز كالعادة: يالله لينا ... ما خلصتي؟؟؟
لينا: فكيني من هذه وانا خالصة
رؤى: هههههههههههههههه خليها تشوف شغلها
لينا: بالذمة في احد بيفتح هالصور؟؟؟
سكتت رؤى وكانها تذكرت شي ...
لينا: وييييييييين رحتي؟؟؟
رؤى: هنا معاك ... يالله خلصي بسرعة
دخلت عليهم ليان: الصراحة فرق بينك وبين زوجك!!!
لينا: ليش؟؟؟
ليان: من احين يدق على ربى يبي يدخل ... وانتي بكل برود جالسة فوق ولسه مانزلتي
رؤى: ههههههههههههه يا حليله خالد ... طيب وحبوب ... الله يسعدكم يارب
لينا: امييييييييييييييين
ليان: خلصوووووووووووني يالله خلينا ننزلها


نزلت لينا على زفتها اللي مجهزتها لها ليان ... والكل يصلي عالنبي على جمالها ونعومتها ... وطبعا امها واقفة على جنب وتمسح دموعها من غير لا ينتبه لها ...
وصلت للكوشة وجلست ... والبنات اشتغلوا رقص ووناسة ... وبعد ما خلصوا رقص ...
قربت ربى من لينا: حبيبتي جاهزة؟؟؟ خالد بيدخل؟؟؟
لينا: لسه بدري!!!
ربى: بدري من عمرك حبيبتي ... ما بقى عالفجر شي؟؟؟
لينا: .....................



عند الباب ..
خالد: انتوا من جدكم تبون تدخلون معي؟؟؟
نواف: محد طلب رايك ترى
خالد: لا ظلم ما ارضى؟؟؟
فواز: وليش ان شاء الله؟؟؟
خالد: انتوا تدخلون في عرسي وانا ما اقدر ادخل في عرسكم!!!
فواز: والله محد قالك تاخذ اختنا؟؟؟
خالد: حظي الردي
نواف: متحسف وما ودك ؟؟؟ عااااااااااااااااااادي ... اذلف وناخذ اختنا على بيتنا ... الصراحة عاز علينا فراقها
خالد: لا لا لا لا لا لا لا لا لا لا ... ايش تاخذونها بيتكم؟؟؟ انا ما صدقت!!!
فواز: مو توك تقول حظي الردي؟؟؟
خالد: حظي الردي انها اختكم ... ولا لينا ما في مثلها
فواز: بلا كثرة حكي ... يالله وقف خلنا ندخل

دخل خالد ومعه ابوه واعمامه عبدالعزيز وتركي ... طبعا نواف وفواز وفيصل ... وصلوا المسرح وسلموا على لينا وصوراو معاها ...
وهم واقفين عالمسرح عبدالعزيز يكلم تركي: تركي؟؟؟
تركي: سم
عبدالعزيز: دور لك وحدة من هالمزايين خلنا نخطبها لك
تركي: ههههههههههههه وانا شايف شي؟؟؟ مو باين الا سواد عبيهم
عبدالعزيز: عجزت معك وانا اقنع فيك ... قلت يمكن تفتن بوحدة من عبايتها
تركي: ههههههههههههههههههههههه يعل عيني ما تبكيك ياخوي
عبدالعزيز: تركي عن جد اتكلم ... ما تحمست؟؟؟
تركي: طبعععععععععععا تحمست ... حتى شوف
ونقز للنص وهو يرقص ... ووراه نواف وفواز ... والبنات كلهم فاتحين فمهم على الشباب المزايين اللي واقفين بالنص ورقصهم جنااااااااااااااااااااااااااااااااان
عبدالعزيز في نفسه: الله يهديك يا تركي ... تقلب المواضيع على كيفك
لينا من شافتهم وهي ماسكة دمعتها حيل لا تنزل ... وتردد في قلبها ... الله لا يحرمني منكم


طلعوا الاعمام وبقوا نواف وفواز واقفين
خالد: ما ودكم تطلعون؟؟؟
نواف: لينا حبيبتي متضايقة من وجودنا؟؟؟
لينا: لا طبعا
طالعها خالد بنظرة: طبعا بعد ... طييييييييييب اوريك؟؟؟

قربت رؤى من فواز وقربت من اذنه: عاجبتك الوقفة؟؟؟
فواز: ليش في شي؟؟؟
رؤى: اكيد مبسوط ... واقف وسط البنات وهم يتفرجون عليك
فواز: ههههههههههههههه مجنونة!!!
رؤى: مجنونة مجنونة ... بسك خلاص ... اختك وشفتها ... مالها داعي الوقفة

لينا: رؤى
رؤى: امري
لينا: دامك لابسة ومتكشخة ... خذي المصورة وخليها تصورك مع فواز بالغرفة
رؤى: لا حبيبتي ... هذه صورك
لينا: بلا دلع وسخافة ... يالله روحوا صوروا ... ابي اشوف مين صورهم احلى ... صورنا ولا صوركم؟؟؟
فواز: طبعا صورنا ... تقارنيني بزوجك وجه العنز
لينا: حرام عليك
طبعا من الازعاج ... خالد مو سامعهم ومستحيل يسمعهم ولا كانت علوووووم
لينا: يالله روحوا بسرعة قبل لا نقطع الكيكة لاننا نبي المصورة بعدين
فواز: يالله رؤى ... مسكت يده ومشت فيه على الممشى وطلعوا للغرفة
نواف: شوف قليل الخاتمة ... تركني وطلع!!!
خالد: عنده دم الصراحة مو مثلك
نواف: الصراحة انا استحي اطلع بروحي ... ودام فواز طلع وتركني بنتظركم لين تطلعون واطلع معكم
خالد: نعععععععععععععععععععم
لينا: خالد ... انت واقف قدام الناس ... انتبه لتعابير وجهك
خالد من بين اسنانه: واخوك مخلي فيها تعابير؟؟؟
نواف: لا بجد ان دل على شي فهو نحاستك ... واقف قدام هالعالم كله ومو مضايقك الوضع ... وانا يعني اللي مسوي لك ازعاج؟؟؟
خالد: الصراحة ايه .. انا ما ودي ...
قطع كلامهم صوت منيرة: نواف يمه ... خلاص اطلع ... بنت عمك وامها اكيد يبون يصورون مع ولدهم
نواف: تامرين امر يمه ... بشرط ... نادي لي وحدة من الحسناوات توصلني برا
منيرة: والله تزوج وزوجتك توصلك ... خلك على عنادك نشوف وين يوصلك
نواف: لا اذا السالفة فيها زواج خلاص بخلي لما تطلعني
__________________