|
نعيب في سول والعيب فينا وما ل(سول) عيب سوانا+مواضيع أخرى بصراحه سول في المباريات الأخيرة يقدم مستويات أفضل من ويلهامسون مليون مره ويلهامسون يحرث الملعب بس بدون فائدة شوفوا كيف دخول الكوري سول قلب مجريات المباراه اليوم أمام الشباب جاب هدف وصنع أكثر من كره خطره أمام الباب سول الي مو عاجبكم لعب في أفضل الأندية الإنجليزية لاعبينا السعوديين يبغالهم ألف سنة ضوئيه عشان يحترفون في الدوري الإنجليزي بصراحه أشتم رائحه العنصرية تجاه الكوري سول مهما ابدع وتألق مستحيل الجمهور يشيد فيه لاعب أوفراته دقيقة لكن هجوم الهلال عقيم العنبر والصويلح لهم فوق ال6 سنين مع الهلال ومستواهم لم يشهد أي تطور والمشكلة لما نقترح لاعبين آسيوين أو خليجين يأتونا مطبلين العنبر والصويلح ويقولون انه الصويلح والعنبر الأفضل في الكره السعودية بصراحه وسط الهلال خرافي والدفاع كذلك لكن نحتاج إلى ظهير أيمن هل يعقل ان لايوجد في السعودية أو في الخليج أو في آسيا أو في العرب أو في العالم كله ظهير أيمن صاحي مثل الناس بالتأكيد فيه لكن للأسف لم نبحث وأتمنى من عبد الرحمن بن مساعد أن لايترك مسأله الأجانب للمدرب الجديد حتى لايروح الهلال ضحيه سمسرة الإبقاء على التايب+وجود نيفيز +سبيستيان سوريا(إذا صحت الأخبار)+ظهير أيمن أجنبي بهذه الصفقات أضمن لكم الهلال يكوش على جميع البطولات ل3 سنوات قادمة أبرز ماينقص الهلال المهاجم الهداف+ظهير أيمن متميز وأقترح بيع عقد ويلي+رادوي للأندية الأروربية خصوصا انهم مرغوبون في اورويا ولم يحدثوا فارق فني مع الهلال لعدم تكيفهم مع الأجواء الحاره |
سول الصراحه ماقصر ومستواه ممتاز وعكسياته خطيره مره اتمنى له الاستمرار وان يدعمه الجمهور |
سول لاعب كبير من زمان وكنت اتمنى يجدد عقده مع الفريق ... بس عفوآ عزيزي ترى كلمة عنصرية مرفوضة تمامآ ياليت تبعد عن هالكلام وبالنسبه للي يسيئون لسول مع احترامي لهم مايفهمون كوره و |
بلا لاعب كبير بلا تطبيل فاضي إذا ما سجل كورة مقشرة على خط الستة متى يسجل ؟؟ ذبحتونا تقيمون اللاعبين على مباراة وحدة أجل لو عندنا ابو شروان وش بتقولون ؟؟ ما في الهلال إلا خمسة لاعبين ,, الدعيع ,, هوساوي ,, التايب ,, عزيز ,, ياسر والبقية كمالة عدد أجل بالله الصويلح ذا لاعب ؟؟ أخونا في الله يبي يجيب هدف دبل كيك عند خط الثمنطعش ,, كأنه فايز بخمسة الحبيب ويتفلسف حرقوا دمنا وأنتم تطبلون لهم يا خسارة يوم مدحت فيه ذا اللاعبين اللي أشوفه فريق ثاني غير الهلال حتى أيام كوزمين بالكاد نفوز |
أخوي الغالي أشكرك على الموضوع بس عندي نقطه صحيح سول أبدع ودخل قول وصنع هجماات وقلب الشباب فوق تحت بس مايرضيني أنك تقول لاعبينا السعوديين يبغالهم ألف سنة ضوئيه عشان يحترفون في الدوري الإنجليزي حتىلو الكلام صحيح متنقص من لا عبينك خصوصاٌ أنهم سعوودين وبصراحه من هالنقطه أنت خربت حلاوت الموضوع ولك الشكر |
بلا لاعب كبير بلا تطبيل فاضي إذا ما سجل كورة مقشرة على خط الستة متى يسجل ؟؟ ذبحتونا تقيمون اللاعبين على مباراة وحدة |
ياخي بقولك شي احنا متناقضين لو لعب سول من اول المباراة قلنا ليه المدرب ما لعععب الشلهوب اساسي ويوم لعب الشلهوب كل الجمهور كان يطالب بسوول بمكان الشلهوب !! تدرون وش يميزنا ؟؟ يميزنا حبنا للزعيم ويعيبنا : عدم حضور الجماهير لمباريات الزعيم + الاستسلام وعدم التفاؤل بنجوم استطاعوا قلب الطاوله بأوقات صعبه جداً الموضوع مو وضوع سووول !! سوول بالنسبه لمستواه للدوري السعودي ماعندك مشكله !! لكن بالنسبه لنا كجماهير للزعيم لا نقبل به بتاتاً ولكن نقبل به في ظل الظروف الراهنه كغيابمحمدالشلهوب عن مستواه وانا من هنا ادعي من كل قلب ان يعود محمد الشلهوب لـ ( حطات انت وضميرك ) الدحمي ابن مساعد اعتبره من الرؤساء الحماسيين جداً ,, وكأبسط دليل لك ان ترى كيف تكون ردات فعله على محياه في اثناء المباريات وهذه هي عادات الزعماء يريدون من كل هجمه هدف قياساً على مهاجميهم ومستوياتهم يمكن طال ردي عليكم بهالموضوع ,, ولكن بالأخير اردد لو كان الهلال محظوظ كما ذكر النصراويين لوفففففق بهجماته الخطيره على الشباب ولكن الحظ لم يحالفنا وبنفس الوقت قد حالف الشبابيين كما حالفهم بمباراة الذهاب مبروك للشباب ويستاهلون وبرضو الاتي يستاهلون وهذا رأيي كمنصف وقد يختف عليه جماهير الزعيم بالأخير ما أقدر أقول الا وعدنا آسيا يا جمهور الزعيم |
انت من جدك ؟؟؟ لا قولي انك تمزح !! |
إقتباس:
سول احسن مافيه تمريراته بس حنا نبي مانه لاعب هدااف يسجل اهداااااف وشضيع زعيمنا غير مشكلة التهديف ذي |
the best player in alhilal now soal but some pple they don't understand football ...he his much better skill then any saudi player i hope see him next years in the team keep it up soal |
سول الصراحه ماقصر ومستواه ممتاز وعكسياته خطيره مره اتمنى له الاستمرار وان يدعمه الجمهور |
بصراحه سول اللي دخل مباراة الشباب غير اوفرات وتحرك بشكل سليم وتمرير اروع بصراحه ماعاد ندري هو كويس ولا .. لا .. بس اذا بيستمر زي المباريات الأخيره فمالمانع من استمراره |
والله مانعيب فيه بس مسيكين مقرود هالاعب |
والله سول لاعب جيد بس عيبه داخل الصندوق هذا غير انه مايعرف بخترق عن طريق العمق |
خل سول وماادراك ما سول ... ياخي الي يقهرني ولي 60 مليون على ايش ياخي ولا شي انا لو يعطيني 6 مليون وانا اعرج بسوي شي حرام والله عالاعب ماينفع بالهلال يحتاج من يخدم عليه ومن يستقبل تمريراته باي طريق لاعب صعب وربي غلطه نبي زي التااااااااااااااااااااااااااااااااااايب كورة انت وضميرك موب مطامر وسباحه بوسط الملعب يطيح اكثر من مايمشي !!!! |
إقتباس:
هذا سؤال دائماً مايحيرني !! صفقات بالملايين ولم نستطع سد الخانة بلاعب يشيل همنا كل الفرق تهاجمنا من خلال الظهير العصري نامي الله يصلحه بس ،، |
ياجمهور الهلال ياحبايبنا .. تعرفون الي جعل الهلال يصل الى تلك المستويات الباهته منذ اكثر من سنه ...؟؟؟؟ لا اشك ابد ان السبب هو ا بأننا نتصور بأننا نملك نجوم ..!!! ونخاف من تنسيقهم او بيعهم ..ولهذا لن ترون الهلال يرجع مثل ماكان مادمنا نرضى بالعاديين .....!!! الأرض مليانه مواهب ..لكن الأدارات الهلاليه هي السبب ....!! همها في الأعداد النفسي واللياقي ولم تهتم بالجوانب الفنيه ابدا .....!!!! هل تعلمون اننا لم نستعير اي لاعب هذا الموسم ؟؟؟؟؟؟؟!!!!......... الأداره الحاليه ركزت على المدربين والاعبين الأجانب وركضت خلف العقود الجباره ولم تنضر للمستوى الفني ...!!! ثم اهتمت فقط بالاعداد النفسي واللياقي ...لكن الأهتمام هذا الجبار على من ....؟؟؟؟؟ هنا السؤال الهام .... هل الهلال يملك لاعبين الآن يستطيعبهم ان يقارع الأتحاد والشباب الي يفزون على الهلال بأقل تركيز وبأقل جهد !!!!! مقارنه بين البرنس تاقو وولهامسون ؟؟؟ او بوشروان وولهامسون قارنوا بين الأسعار ؟؟؟؟ والمستويات ؟؟؟!!! انا اعتقد انه لو بدلنا لاعبين الهلال بفريق الحزم بالكامل لا اعتقد ان شيء سيختلف بينهم ...!!! ماداموا الحزماويون سترعاهم اداره تسكب علبهم اموال طائله وتشجيع ومتابعه ...علاوه على هيبته الفنله ...!!! الهلال يحتاج الى ترميم في جميع خطوطه وهكله كامله وتجريب عدد كبير من اللاعبين .... المهم كل المهم ..هو ان يطاللب الجمهور بان يجدد الفريق الهلالي تقريبا بالكامل ... |
و الله اللي يشوف موضوعك يقول وش ذا اللاعب الكبير والله يا سول ذا نكبة بالفعل جمهور عاطفي يعني علشان سجل هدف صار لاعب كبير |
كونك تجيب لاعب اجنبي لازم يكون افضل من الموجودين وسول مستوياته متواضعه يعني اذا تحرك في مباراه الثانيه ميت واذا بتقول ان سول افضل من ويلهامسون فانا اقولك بناء على المعطيات والنتائج ويلهامسون افضل واذا كان سول يلعب في الدوري الانقليزي فهذا مايعني اني ماانتقده اشكرك على طرحك ومهما اختلفنا نتفق على الهلال |
سول لاعب رائع لكن لم يتأقلم جيدا في الفريق ومستوياته متذبذبه اتمنى من ادارتنا التعاقد مع اللاعب حسن معاذ والتجديد مع رادوي التايب وويلي مع وجود نيفيز وتحاول تدبر جواز اسيوي لنيفيز لأن لعيبة اسيا مافيه احد يستاهل بصراحه انه يلعب للهلال مافيه الا كم اسم خليجي مثل اسماعيل مطر وسيباستيان وهالاعبين متمسكه فيهم انديتهم وأن فكوهم بيكلفون النادي مبالغ باهظه ..!! |
سبستيان سوريا ما نبيه ما عنده ما عند جدتي |
اخوي اخبارك انت طيب ان شاء الله |
بلا لاعب كبير بلا تطبيل فاضي إذا ما سجل كورة مقشرة على خط الستة متى يسجل ؟؟ ذبحتونا تقيمون اللاعبين على مباراة وحدة |بصراحه هذا الكلام بس وين الى يفهمون |
سول فاشل فاشل فاشل بكل ماتعنيه الكلمة واذا تقول سول لاعب خدم الهلال . تعال شوف ابو شروان ومتعب وش قدموا للاتحاد هذا هو اللاعب الاجنبي المهاجم موب سول الدلخ |
سول احسن من غيره قال نامي قال والله ما يسوا 100 ريال |
إقتباس:
|
أشوووووووووف الناااس تنتقد الصويلح والعنبر ومخلييين ياسر تقووول لهم 6 سنوات مستواهم ماتطور طيب وش المشكلة ماتشوووف ياسرك بعد |
كل المباريات الأخيره سول يقدم مستوى وولي ماعنده سالفه |
والله الحسيني كل ماله يكشف مصادر وطرق قوة للهلال مثلا يوم حط سول والصويلح هجوم صرنا افضل ولما حاط رادوي ظهير قوى الجهة اليمنى |
الهلال ناقصه لاعب مهاجم صريح لو يأتي مثل سباستيان سريع ورجل قويه ومهارات عاليه تشوف الزعيم ياخذ كل البطولات الدفاع (ممتاز) الوسط (متعه وتمريرات رائعه ) الهجوم برأس حربه واحد لايكفي لو يأتي سباستيان مع ياسر القحطاني وخلفهم طارق التايب ويلي يفوز الهلال بنتايج كبيره وانا اقول ان سباستيان فرصه لاتعوض |
سول لاعب كبير اتمنى من الإدارة أن يجدد عقده مع الفريق إذا ظل مستواه في تصاعد ... |
إقتباس:
أخي احترم وجهة نظرك ولكن أعتقد أن رادوي وهامسون أفضل مستوى و أكثر فائدة من سول سول سريع نعم يستطيع نقل الكرات العرضية ولكن أعتقد أنه في الكثير من المباريات لم يقدم ما يشفع له بالبقاء وأعتقد ان وجود رادوي في الشو ط الثاني من مباراة ذهاب مع الشباب أعطى دعامة لخط الدفاع وخط الوسط الهلالي وتغير أداء الفريق ولي من خلال هذا الموسم وبالتحديد النصف الثاني قبل مباراة الإتحاد قدم مستوى رائع و أعتقد أن الهلال قبل كل شيء يحتاج الى عقلاً مدبر وتكتيك ناجح قد ننجح بهذه الأسماء وقد لا ننجح وكل ذلك يعود بعد توفيق الله إلى من يوظف إمكانيات اللاعبين ومن يحدد مدى إستفادة الفريق منهم هو المدرب ولا غيره أحد |
الصراحه سيباستيان سوريا لاعب متميز ولكن مستواه هابت باخر سنين وانا اتمنى من الاداره انها تتحرك وتتعاقد مع فراس الخطيب لاعب النادي العربي الكويتي الصراحه لاعب مبدع وهو اللاعب الوحيد اللي يلعب بالعربي والله لو يقعد بالاحتياط خلاص ما يفوزون العربي واللاعب توه ما وصل عمر الاعتزال عمره 25 سنه ويلعب مع المنتخب واللي يشوف مستواه مع المنتخب ونادي العربي راح يعرف اللاعب عدل وما اتوقع انه راح ياخذ مبلغ كبير للتعاقد معه لانه يبي يطلع من النادي العربي هناك خلافات بينه وبين الاداره وصارله تقريبا 5 شهور ما استلم راتبه يعني اتوقع ان التعاقد معه راح يكون سهل وخاصه انه لاعب قناص وهداف وسريع ومهاري ويلعب راس حربه صريح وخلف المهاجمين واللي يبي يشوف له لقطات باليوتيوب يكتب فراس الخطيب ويشوفه وخاصه ان اداره نادي النصر قاعدين فاوضو اللاعب ومادري شنو صار بس ان شالله نشوفه بالهلال باذن الله |
سوول لاعب كبير على العين والرااس بس ياااخي تحس بعينه انه لااعب بس مو عاارف يندمج |
سيول ثلاث مباريات نايم ومباراة يلعب زي الناس ما نبي واحد عمره فوق الثلاثين وما في لياقة بدنية وتياجو نيفيز سيحل مكانه العام القادم وأتمنى بقاء رادوي وويلهامسون الموسم القادم الوعد العام القادم بإذن الله |
ههههههههههههه سول مقدم مستوى !!!!؟؟؟؟ غريبين يالجماهير 15 مباراه ولا يسجل الا هدف واحد وقدام المرمى مقشره وبغى يضيعها وتقولولي مقدم مستوى!!!!؟ والله ياويلهامسون انه افضل من سول مليون مره |
سبحان الله سول قبل تتمنون قلعته بأسرع وقت والحين تبون الجمهور يدعمه ويلي قبل ولا اروع منه والحين تبونه يروح والله لو الهلال على كيفكم شرط الهلال اذا خلصت مبارياته مايكون فيه ولا لاعب الحين الهلال من بدايته لنهايته يبيله تعديل قعتدوا على ويلي بس مااقول الا الله يهديكم |
سول مافي امل موسم كامل سجل هدف كم صنع 4 او 5 او 8 اهداف هذي محصلة تستند عليها مع احترامي سول لاعب (ان اقول فاشل ) ولكن لم ينجح معنا اما ويلي فامرة غريب مرة يضهر ويصنع ومرة يظهر ويسجل ومرة ما نشوفه الا بالدفاع |
آ هــــــــــــــــــــــــ ياسوول لو تجيب للهلال ملييون بطولة ماراح يغيروا نظرتهم فيك والله انك افضل لاعب محترف في الهلال ويدخل معاك طارق في بعض المباريات بالافضليه اتمنى انهم يمددوا له في الهلال |
فعلاء سول لاعب مميز .. ولا ننسى أنة لاعب وسط أو مهاجم ثاني وليس صريح والمطلوب منة ليس التهديف مثل ياسر .. ألب الجماهير لاتريدة لأنة لا يسجل .. ولكن تناسو أنة صنع أكثر من 8 او 9 منذو أتى للهلال .. لاعب يجيد اللأعب ع الطرف الأيمين والأيسر .. ويشكل هو وويلي مشكلة للدفاع الأندية الأخرى .. وهاذا ما يعية المشجع الهلالي .. كل الشكر لسول وكم كنت أتمناة موجود منذو بداية الموسم للهلال . لكي يعرفو قيمتة الهلاليين |
إقتباس:
اخوي اانت ما تفهم بالكووره عشان كذا ما تستاهل انك تكون من مشجعي الزعيم يعني انت انكرت اللاعبين الباقين للاسف ردك على الموضوع ما عجبني نهائيا وبعدين ثاني مرره اذا كنت بترد رد زي الناس مو تنكر نص الاعبين انت ووجهك |
إقتباس:
ولاتزعل يبغالهم الفين سنة عشان يروحون لدوري الهولندي مو الانجليزي الاَ من رحم اللّة مثل ياسر ومالك والفريدي ومن ناحية سول أنا اطالب ببقائة وبعنف على الأقل فــ الاَسيوية |
خل سول وماادراك ما سول ... </B> ياخي الي يقهرني ولي 60 مليون على ايش ياخي ولا شي انا لو يعطيني 6 مليون وانا اعرج </B> بسوي شي حرام والله عالاعب ماينفع بالهلال يحتاج من يخدم عليه ومن يستقبل تمريراته باي طريق لاعب صعب وربي غلطه نبي زي التااااااااااااااااااااااااااااااااااايب كورة انت وضميرك </B> موب مطامر وسباحه بوسط الملعب يطيح اكثر من مايمشي !!!! >>>>>>>>>>>>> صاحب هذا الرد ابو مرجوووووووووج ياخي نص ساعه وانا اضحك عليه اجل 6 مليون ها مشكور صاحب الموضوع مع اني اختلف معك بعض الشي</B> |
قسم بالله انك يالأسطوره عرفت ترد يا خي خارجنا انت وسول ما اردى من سول إلا موضوعك |
أقـول اسمحلي واقولها لك بالفم الميان ومع احترامي لك وللي يأيدونك الي يتبعون قوله مع الخيل ياشقرى اجل تتمنون يجددون لسوول ههههههههههههههه بالله تعرفون كورره تفهمون كوووره كيف الحـال ياروح سول أنـت..! |
الله بصراحة في المباراة االخيرة اتمنيت سول يشترك في المباراة كرأس حربة بدلا من العنبر والصويلح الا بصرراحة تثبيت للكورة ماهم عارفين .... قسما بالله انهم يرفعوا الضغط يعني سول كنترول سليم للكورة غير طول القامة وتراه هداف وقنيص بس الحظ واقف ضده في كم مباراة والكل شاهد هذا الشيء ... على العموم اللله يكتب الا فيه الخير لزعيمنا الهلالي ونتمنى الاسيوية تكون لنا دا الموسم ان شاء الله .... تحياتي / ماليزي والوضع ايزي |
ياخي كل لاعبين الهلال الأجانب مو ذاك الزود ولا يصنعوا الفارق ماعدا التايب أصحي يا إداره وجيبي لاعبين يصنعون الفارق زي بوشروان الإتحاد وكماتشو الشباب مو تدفع من هالملاييييييييييييين على لاعبين مايستاهلوا اللحين لاعبين الإتحاد الأجانب كلهم ماوصلوا لعقد ويلي 60 مليووون ومع ذلك هم أكبر فائده ياخي أنا أبغى أقول للإدارة مو لازم تجيبول لاعبين غاليييييييييين علشان يكونوا كويسييييييين جيبوا لاعبين بفكر ببحث زي الشباب والإتحاد إللي مايضيعوا فلوسهم عالفاضي ولنا بإيلتون النصررر عبره عقده لموسم واحد ماتجاوز المليونييين ومع ذلك هو أكبر فائد من ويلي وسووول مجتمعييين أخ بس لو إني رئيس الهلال |
إقتباس:
|
اجل سوول لاعب حتى هدفه مع الشباب بالقوه دخله نسقوه وشوفو لنا ظهير ايمن اسيوي اعتقد بوجود نقيز والفريدي وويلي والشلهوب ونشالله عودة التايب بعد انهائ العقوبه مانحتاجه قال ايش قال لاعب كبير قصدك يمكن لاعب طويل هع عواااااااااااااافي |
والله يا طويل العمر مدري وش اقولك .. لكن ماتلآحظ انك غلطان فبيع ويلي ورادوي ؟ |
والله يخواااااااااااااااان انتم لايعجبكم العجب ولاصياااام برجب..................... |
والله سول لاعب رجع له مستواه من المباريات الاخيره واتمنى ان لا يذهب عن الفريق الهلالي لانه لايوجد لاعب اسيوي فاضي بمستوى سول |
لاعب كبير وفناااااااان بس ينقصه الاهداف |
سول يلعب ماهو في خانته الصحيحة شوف يوم لعب مع الشباب مركزه وأين وشوف وشلون جاب الهدف الوحيد له بصراة لازم يكون راس حربة أمام الباب مباشرة وشوفوا وش راح يسوي |
اوما سول يرحم امك قل غيرها لاعب مادري احس انه يلعب من غير نفس وتحس انه جاي سياحه مو ذالك يلي يلعب في دوري الانجيلزي ممكن لانه مالعبنها في مركزه وياكثرهم بس والله اني اشوف ويلي افضل منه بس يترك عنه طيحات يلي ماله داعي وبعدين لاعب الاوربي متعود على تكتيك معين مو مثل باقي لاعبين |
اعتقد اخي العزيز ان موضوعك ماله داعي ســــــــــــــــــــــــــــــــــــــول الفنــــــــــــــــــــان انتهى عقده او يبي يتنهي قريبا اذكروه با الخير وبابي سول الى غير رجعه او الى الحزم او الى الفتح الجديد :) تحيتي لك |
.. سوووول اخر المباريات صاير رووعه .. لعبه رائع جدا .. وصانع اهداف ممتازه جداً بس اذا فيه افضل ما عندك مشكله .. لكن خوفك يجيبون اردى منه هههههههههه .. |
إقتباس:
|
مشكورررررررررررررررررررررررررررررررررر بس والله ثم والله إن جدتي تلعب أحسن من سول |
مشكورررررررررررررررررررررررررررررررررر والله يعطيك العافيه على عقليتك بس والله ثم والله إن جدتي تلعب أحسن من سول [/U][/COLOR][/QUOTE] |
| الوقت المعتمد في المنتدى بتوقيت جرينتش +3.
الوقت الان » 10:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd