لا تلومو الجماهير على عدم الحضور فالفريق يلعب بلا هجوم!! - صفحة رقم 3 - نادي الهلال السعودي - شبكة الزعيم

الربيع 20 · #31 11/05/2009, 10:05 PM

العنبر ..........الصويلح .........ياقبل لاتحزن......... استغفر الله

23شنايدر23 · #32 11/05/2009, 10:42 PM

الف شكر للاعبين على المستوى لاكن جاء اخر الدقايق

لو بدا الشوط الثاني بنفس المستوى كانت انتهت 6او7

ترانيم الزعيم · #33 11/05/2009, 10:48 PM

مهــــــــــــآجم واحد .!.

وتبي تفوز بالآإربعه !!.

الملك العائد · #34 11/05/2009, 10:54 PM

يعني ياتحط التشكيله على كيفك يا ماتحضر
اه ياليتني بالرياض

الزعيم بقلبي · #35 11/05/2009, 10:56 PM

ياحبيبي رووووقني بس

ياسر مين ياعمي .... يعني الهلال يلعب بدون هجوم اذا ياسر غاب ياحبيبي ياسر ماهو ياسر 2007

ياسر صار ثقيل ولا يفتح وينتظر الكوره ويقتل الهجمات بشكل غير طبيعي ولاتجي تقول لي عشانه يلعب لحاله

اذكر ايام بيسيرو كنا نلعب بمهاجم واحد نفس الخطه وكان ياسر لوحده وكان عامل الهوايل بالانديه السعوديه ونذكر وش سوا بالنصر والشباب والاتحاد

بس ياسر ماهو نفسه

الله يعين بس

~DARK KNiGHT~ · #36 11/05/2009, 10:58 PM

خــلاص ياناس انسووا هالمبااراه وفكــرو بالآسيويه

سامي أنت الهلال · #37 11/05/2009, 11:01 PM

نادي الهلال يلعب بمهاجم واحد ؟؟؟؟؟؟؟؟
شي يقهر

نطالب بمهاجم مع ياسر خطير خطير

من قدها الهلال قلبها · #38 11/05/2009, 11:02 PM

معصبه ولا ودي أغلط على احد

اقول الدعيع نجم المباراه وبس

ودود معك يا شلهوب · #39 11/05/2009, 11:05 PM

الهلال ينقصه مهاجم صريح

وظهير ايمن عصري

ياليت سمو الامير يسمعنا

ابن الهلال 2009 · #40 11/05/2009, 11:08 PM

ياخي موضوعك جميل لو كان بعد المباراة.!!

وما تردي لعل الله أن يلطف بحالنا ونتأهل..

VITO · #41 11/05/2009, 11:22 PM

شي عجيب

كننا حنا الي فايزين في الذهاب

المدرب قاعد يدافع هههههههههههههههههههههههههههه والله من القهر اضحك

W0LF · #42 11/05/2009, 11:37 PM

مع احترامي لك ولرأيك و رأي اللي قالوا موضوع جميل ولو كتب بعد ا لمباراه كان ازين ...

أنا اقولك موضوعك لا ينم عن حب للكيان ولا ينم عن عشق للزعيم ، تحريض بعدم حضور الجمهور لمبارايات فريقكك !!

ياخي اذا مو عاجبك الفريق لا تشجع ولا تحضر .. بس انك تحرض الجمهور هذا اللي ما نقبله

تبي فريق هجومي شوف لك اي فريق يجمع لاعبين هجوم زي لزق السن توب وشجعه ، بس تجي وتقول لا تحضروا !!

ياخي مو علي كيفك وبصراحه اللي يسمع ويصدق هالكلام اللي تقوله سخيف ماراح اقول زي موضوعك لإحترامي لك

فقط لإنتمائك للزعيم ، الجمهور المحب يقف مع فريقه بكل حالاته .. الجمهور يحضر جميع المبارايات دون تمييز نهائي

ومباراه دوري وآسيويه وغيره ، الجمهور المحب من يشجع الفريق ككل وليس خط معين من خطوط الفريق وينادي

ويصرخ ويهتف بإسم الفريق وليس لاعب مهاجم او وسط وحارس .. الهلال ينتج لاعبين شباب وناشئين مميزين

ويزخر بهم المنتخب السعودي بجميع فئاته ولكن تواجدهم بالفريق الأول يكون حسب وجهه نظر المدرب ..

واخيرا انا مع الزعيم بالحلوه والمره .. بالفوز والخساره .. بالذهب ومن غير ذهب

بكل بساطه انا مشجع هلالي

ونت العاشق · #43 11/05/2009, 11:44 PM

الحمد الله على كل الحال وابشروا بل الحضور ولكن الوقت غير مناسب

كـــاسرتـــــهم · #44 12/05/2009, 12:16 AM

إقتباس

الرسالة الأصلية كتبت بواسطة الزعيم بقلبي


	ياحبيبي رووووقني بس ياسر مين ياعمي .... يعني الهلال يلعب بدون هجوم اذا ياسر غاب ياحبيبي ياسر ماهو ياسر 2007 ياسر صار ثقيل ولا يفتح وينتظر الكوره ويقتل الهجمات بشكل غير طبيعي ولاتجي تقول لي عشانه يلعب لحاله اذكر ايام بيسيرو كنا نلعب بمهاجم واحد نفس الخطه وكان ياسر لوحده وكان عامل الهوايل بالانديه السعوديه ونذكر وش سوا بالنصر والشباب والاتحاد بس ياسر ماهو نفسه الله يعين بس

اوكي نلعب بمهاجم واحد .. لكن اربع مواسم نعتمد عليه في كل مباراه؟؟ .. واذا اصيب ولا راح للمنتخب ابتلشنا
المشكله .. مانصدق يرجع من المنتخب على طوول زج فيه

اعتقد لو رجل آلي كان مو بس خرب.. الا تحترق الماكينه

يعني لانجي هنا نلوم ياسر وماادري ايش

ياسر عذب الدفاع في المواسم اللي فاتت وهو لحاله قدام .. لكن الموسم هذا اللي نزل مستواه الاصابات المتتاليه والعمليات الجراحيه اللي سواها .. غير الاحداث الاخيره اللي صارت له ودمرت نفسيته

يعني الا يا ياسر لازم كل مباراه تبدع وتسجل واياني واياك ينزل مستواك ولا ترى بنشكك بهلاليتك !! !!

هذي غلطة الادارة من ايام فيصل بن محمد ... بعد اعتزال سامي مابحثوا عن البديل له.. حتى لا يكون العبء كله وانتقاد الجمهور منصب على ياسر

وتذكروا كلامي الموسم الجاي

بتشوفون ياسر 2007 بعد ماتريح نفسيته

وبإذن الله سيشكل هو وعيسى ثنائي قوي .. وبنشوف الهلال بإذن الله ( قذيفة تهديفيه ) الموسم الجاي

الفيلسـوفـ · #45 12/05/2009, 12:56 AM

والله انك صآدق بكلآمك من ناحية الفريق

قلت اللي بخآطري