السلام عليكم

هاردلك مجلساوية .. مبروك للعالمية .. تشرفت بشوفه الوجيه الطيبة جميعاً .. واشكركم على الدعوة الكريمة .. خصوصاً ماجد وسلطان و عبدالله .. واعتذر نيابةً عن الشباب على عدم الحضور

هاردلكم .. وان شاء الله نلتقي في مناسبات ثانية

يا صباح يا رايق

مبروووووووووووووك للعالمية

مدري ليه يسمونهم الحالمية ..

هارد لك مجلسنا

والمرة الجاية دخلوني في التشكيلة عشان اسحب فيهم

اما رائدة اليوم يا عيني سهرانة على التشجيع ما بقى غير تروح للملعب

وهنو يا بعد روحي .. وفية الظاهر خافت من طارق تعرفون عضو استشاري لازم تظل مجلساوية ولا الود ودها شي ثاني

السلام عليكم ورحمة الله وبركاته << عدد الكلمات خمس بعدد أهداف المباراة ذيك

يا شباب العالمية .. والله أني أحبكم لكن والله ما فيه فقش ولا فقس ..
تبون تشوفون من اللي يكسر أكثر .. شوفوا عدد الفاولات اللي لنا واللي عليكم ..
وشوفوا عدد الانذارات .. مع أن الحكم تغاضى عن انذارات وكروت حمراء مستحقة لكم بعد ما تحسبون بالحاسبة بتشوفون من اللي فقش ومن اللي ما فقششي

بصراحة .. تقرير المباراة ما عجبني .. وغريبة أن جرح يشكي قصر في وصف اللقاء ..
كان من المفترض على الأقل وصف الأهداف كيف جات .. هذا غير الهجمات اللي لنا واللي علينا .. وكذلك الفاولات والإنذارات ..!!

على العموم .. كان باين على العالمية التجانس والانسجام .. وباين أكثر اصرارهم على الفوز وكان حماسهم طاغي وهذا ما سبب لنا الإصابات ..!

حضور شرفي وجماهيري كبير لصالح العالمية .. الله يقول الحق أنهم مثل النصر إذا جات مباراة الهلال يجتمعون وينسون كل خلافاتهم .. وبعدها يحلها ألف حلال

الصراحة وللأسف وأقولها من قلب .. أن أخواننا بالمجلس خذلونا ..!!!
حتى الحضور الجماهيري لفريقنا كان قليل .. وأعضاء الشرف غابوا ولا سألوا عن الفريق .. عاد كان لهم ظروف أو ما لهم .. الله أعلم
المشكلة ما وقفت لهالحد .. بالعكس ,, يجيك بعض الأشخاص حتى قبل المباراة يقول أن الفريق بينهزم بالسبعة وبالثمانية .. وبعد الخسارة أحط علامة استفهام وبعدها تعجب ..؟!

طبعاً هذي مو أعذار .. لكن بصراحة الفريق ما قصر .. وكان هناك أخطاء في الفريق .. داخل الملعب وخارجه ..!
أهدافهم من أخطاء دفاعية بحتة لو لا القدر ثم هالأخطاء ما كان جات أهداف .. لو الدفاع ما كان يعدّي وشات ما كان جاء الهدف الأول والثاني ..!

بعد .. المدرب اللي جابه ماجد مقبل باجتهاد منه كان وجوده وضرره أكثر من نفعه ..!
المدرب محترف وغلط أنه يتعامل مع هواة أكثرهم أول مرة يلعب مع بعض ..
بين الشوطين يقول لنا المدرب .. هذا مو لعب محترفين هذا لعب حواري
ردينا عليه .. بأننا فعلاً مو محترفين وأننا نلعب حواري ... وبعدها غسل يده مننا
مدرب ما يعرف فريقه .. كيف تجيبه يجبرنا على تكتيكه؟ ..

عن نفسي .. والله لياقتي معدومة وأعترف أني سيء .. لكن كم كورة وصلتني؟
عشان أوصل للكورة لازم أرجع للنص .. ولما أرجع يصيح المدرب بأن أتقدم .. ولما أتقدم ما توصل ولا كورة صح ..!
تلعب يا مدرب بمهاجم واحد ليش؟؟! والله لو أنه ريان بلال ما أكل معهم عيش هالجزارين ..
الكورة اللي لامني المدرب فيها هي يوم أني رجعت وراء شوي وأخذت الكورة بعد ما تجاوزت الكرة مدافعهم , تقدم طارق قدام وكنت بأعطيه إياها ..
كنت أنتظره يدخل العمق الفاضي واعطيه اياها من فوق .. لكنه جنّح يمين؟!!! ولحقوه الثلاثة يغطون .. ما لقيت غير أعكسها من فوقهم لي للعمق لأن لو عطيتها طارق
بتضيع في الجناح مع هالثلاثة خصوصاً أن الكرة مرتفعة .. الثلاثة فعلاً انسحبوا مع طارق وغيرت الكرة لي من فوق وحاولت أستغل سرعتي لكن دفاعهم المتراجع
كان أسرع ..!! طيب يا مدرب اذا اجتهادي ما أعجبك علمني وش رجعني أصلاً وراء وأنا المفروض أكون المهاجم اللي توصلني الكرة ؟!! مدرب الغفلة عامل فيها باكيتا وكوزمين بالمهاجم الوحيد
الكورة الوحيدة اللي وصلتني كانت من أفضل لاعبي المجلس في المباراة ( هلالي الشماسية ) في الشوط الثاني وكانت الكورة الوحيدة الصحيحة والخطيرة
الفريق ككل ما قصر .. لعبوا مباراة حلوة وما خسرنا غير من أخطاءنا .. وكنا بالشوط الثاني أفضل من الأول ..
رغم كل الكدمات في أغلب اللاعبين إلا أنهم واصلوا اللعب عشان المجلس بس
كنت أتمنى لاعب يغيره المدرب لأنه رفع ضغطي بصراحة وكنت قالبها في الملعب مناحة بسببه
كل اللاعبين ما عليهم قصور ولا ينلامون ما عدا هاللاعب لأنه هو اللي وراي والكور المفروض توصلني عن طريقه .. لكن إن شاء الله كل شي بأجره
المهم لما بغى المدرب يغيره ويفكنا منه ويدخل ماجد مكانه .. طلب ماجد أن اللاعب يستمر ( لسبب معين أحتفظ به ) وطلب أنه يغيرني ويدخل مكاني << لعاد تمون ثاني مرة يا ماجد
بأمانة .. والله العظيم كانت لياقتي زفت وكنت أكابر وأركض مع أن ودي أرتاح كله عشان ما يغيرني المدرب ويخلي هالعاهة المستديمة في الملعب
وربي لو كان واحد غير ماجد اللي بيدخل مكاني كان رفضت التغيير لأن فيه لاعب أسوأ أغلب كوره مقطوعة وما يناول لكن للأسف .. حبيبنا ماجد ما نقدر نقول له لا

المهم .. المباراة انتهت بخيرها وشرها .. وكلنا ندري أن المجلساويين كل قلوبهم معنا وأن كلامهم مزح لكن قبل المباراة كنا نحتاج الدعم المعنوي أقل شي ..!
لو شفتوا اللي شفناه وحضور كل مشرفي العالمية واستشاريهم وجماهيرهم ما لمتونا

نسيت أشكر كل من دعمنا وشجعنا .. وبإذن الله معوضين في الكأس الجاي

ههههههههههههههههههههههههههههههههههههههههههههههههههههههههه
3-0 يافاشلين خخخخخخخخخخخخخخخخخخخخخ

ماجد وش بغيت مايدق جوالي ؟!!

كم النتيجه !! من فاز << حاضر بس مضلل ..

ومادري كيف حطوني وهقوني مدير الكره وانا جاي والمباراه بدت

المهم .. ياخوان هذي مباراه حبيه , مانبي توصل لامور ماتوقعناها ..

راس مالها مباراه كره قدم حبيه انتهت ولا كان شي صار .. ومبروك للعالميه ..

ومثل ماقلت .. زمن ادارتي وادارة ابو طلال والهاوي انتهى وجاء زمن الخمسات ياماجدونا خخخ


الموضوع راح يغلق بعد 5 دقائق

بس حبيت اقول تشرفت بشوفة الاعظاء والله !
وانا جاي للرياض مو عشان العب وامشي لا والله !
جاي اشوف الوجيه الطيبة
هاردلك شباب
فمان الله وتصبحون على خير

إقتباس الرسالة الأصلية كتبت بواسطة وليد القحطاني بس حبيت اقول تشرفت بشوفة الاعظاء والله ! وانا جاي للرياض مو عشان العب وامشي لا والله ! جاي اشوف الوجيه الطيبة هاردلك شباب فمان الله وتصبحون على خير

وليد والله كان نفسي اشووفك واشوف عزام الي يدق ويسكر
واشوف علي مع اني مواعد علي لكن المره الجايه إن شاءالله نشوفكم
ولا يضيق صدرك تعال المره الجايه وبتفوز تدري ليه ؟ لاني باجي
بعدين تراهي مباراة لا راحت ولا جت اشوف بعض الاعضاء مكبرين الموضوع !!

إقتباس الرسالة الأصلية كتبت بواسطة هامور البورصه وليد والله كان نفسي اشووفك واشوف عزام الي يدق ويسكر واشوف علي مع اني مواعد علي لكن المره الجايه إن شاءالله نشوفكم ولا يضيق صدرك تعال المره الجايه وبتفوز تدري ليه ؟ لاني باجي بعدين تراهي مباراة لا راحت ولا جت اشوف بعض الاعضاء مكبرين الموضوع !!

ما قصرتوا يا احلى اعضاء بالعالم يكفي شوفتكم لبعض وهذا الاهم وتحيه كبيره لـ جرح يشكي وليد والمشاغب وقيصر وهلالي الشما والعنقود

وكل اللي شاركوا واخص بالذكر المشرف المتألق ماجد مقبل وكذالك مواصل اللي بيلعب بثوبه هههههههه

كنت اتمنى احضر المباراة وكنت ناوي اسافر من المدينة للرياض وكلمت ناس هناك واكدوا لي انهم يدلون المعلب

لكن للاسف حصل عندي ظرف وما قدرت اجيكم واستمتع ......

كنت متابع لكم من خلال هالموضوع واستمتعت صراحة بروح الاعضاء الطيبة
واللي حصل من البعض ما يتعدى باب العتب والاخوه تبقى هي الطاغيه على هالمجلس وعساها دوم