أي ضميرٍ أحمله أنا << :( - صفحة رقم 2 - نادي الهلال السعودي - شبكة الزعيم

sowaid · #16 03/05/2009, 05:15 AM

هلا مروان
رح سلم عليه واعتذر منه وان شاء الله يقبل عذرك

لاعدمنااااااكـ

Blue Sun · #17 03/05/2009, 05:45 AM

هلا وغلا مروان ..

الناس يحبون الخبز الحار وانت جالس تتمشكل مع العالم .. !!

إقتباس

الرسالة الأصلية كتبت بواسطة القيصر رهيب


	لا تخلي المشكلة يحلها الزمن فمثل ما الناس يحبون الخبز حار تحل المشاكل بسرعة برضو يكون أفضل

على ..

ممكن تشرح وش وضع الخبز الحار بالجملة هذي ..

مروان ليتك كل ابو يوم تتمشكل علشان نشوف لك موضوع ..

hilali-arsenali · #18 03/05/2009, 06:15 AM

ولا رح اسامحك
ولا انسى الي سويته فيني
يالدب

بريماكس · #19 03/05/2009, 11:10 AM

ياكثر ماتخطي بحقي واسامح

تراي للحين زعلان منك ياماراوان

وبعدين وراك تقول مانب قايل انه انت ؟

ترى الامر عادي واول ماشفت الموضوع تفهمت وقدرت .

يالله خل نشوفك تكفى ( بالمنتدى)

Fahad Al Sudais · #20 03/05/2009, 11:32 AM

هلا بك

اعتذر له بشكل مقبول.. بس مو لدرجة انك تهين نفسك.. الا اذا كانه هو يدوّر عليك الزلات ومبسوط بالهوشه هذا شي ثاني

كل اللي عليك مجرد اعتذار صادق.. رضى اهلا وسهلا.. مارضى الله يسمّح دروبه

ProudToBeSaudi · #21 03/05/2009, 12:08 PM

مروان ..
كيف حالك؟؟
ان شاء الله بخير..

أنا أتوقع لو صاحبك اللي زعلان منك عضو بالمنتدى أكيدرضى عنك خلاااص..
و لو انه مو عضو هنا صدقني لو ترسل له رابط الموضوع صدقني بيرضى..

الله يصلح بينكم يا رب..

و لا تحرمنا مواضيعك..

إقتباس

الرسالة الأصلية كتبت بواسطة بريماكس


	ياكثر ماتخطي بحقي واسامح تراي للحين زعلان منك ياماراوان وبعدين وراك تقول مانب قايل انه انت ؟ ترى الامر عادي واول ماشفت الموضوع تفهمت وقدرت . يالله خل نشوفك تكفى ( بالمنتدى)

أتمنى يكون الحكي جد مو استهبال..

إقتباس

الرسالة الأصلية كتبت بواسطة hilali-arsenali


	ولا رح اسامحك ولا انسى الي سويته فيني يالدب

والله مدري مين نصدق فيكم..

الهلالي دائماً · #22 03/05/2009, 12:25 PM

أخصمك آه

ازعل منك لا

هلا مروان

ومين اللي مزعلك لو انه M .. قلي بس اتفاهم انا واياه

من قريت رده وقلبي ناغزني

والحمد لله انك اعتذرت وان شاء الله يترجع العلاقة سمن على عسل

ومن ذا الذي ترضى سجاياه كلها ** كفى المرء نبلاً ان تعد معايبه

دمت بخير ,,,

MaRoUaNe · #23 03/05/2009, 12:38 PM

A.K.N 505
هلا بك أخوي

قلبي ماطلع إلا القليل من اللي أحمله من حب له
وأبشرك قبل الإعتذار

شوق الكويت
أهلا بأختي شوق

أنا وش ذبحني غير الضمير وتأنيبه

الكلاسيكي
أهلا بأخوي عادل

إقتباس


	الكلمه الحلوه بلسم ملطف على كل الجروح .. فلا تنساها ..

الحمد لله أعتذرنا منه بـ بلسم حلو ولطف جرحه
ومرورك بلسمٌ آخر ياعادل

هلالي كايدكم
أهلا بالهواجيس كلها

صديقي ولله الحمد سامحني لكن ! قلبي أنا ماسامحني حتى الأن
شاكر لك مرورك

M O H A N A D
أهلا بصديقي أبوخالد

إقتباس


	أشك في الأمر يا مروان

إقتباس


	أحس إنك تولف علينا

والله أمنيه إني أولف

لكن هذي هي الحقيقه

sowaid
أهلا بك أخوي

شاكر لك نصيحك ومرورك

fff
هلا بك أخوي فهد

والناس يحبون الفول مع الخبز الحار

أبجواب عن علي

قصده حل المشكله وهي توه حاصله

hilali-arsenali
هلابك أخوي
لا من جد تكفى سامحني
يالعصل

بريماكس
هلا بأخي الصغير إبراهيم

منب حاط قلب ماتستاهل

<< وره وتخب

زين إنك تفهمت وقدرت

أشكرك بعمق

الـصـخـرة
هلا وسهلا بالحصاة

لا إن شاء الله ماتاصل إلى الإهانة
أنا أعتذرت وهو قبل العذر
والعذر وقبوله صار برسائل بالجوال
لكن أنا حبيت أوضح شي بقلبي له بالموضوع لا أكثر ولا أقل

ProudToBeSaudi
هلا بك أخوي

أنا بخير ولله الحمد
ولاتصدق اللي فوق مهب هم

إقتباس


	و لو انه مو عضو هنا صدقني لو ترسل له رابط الموضوع صدقني بيرضى..

بيني وبينك متردد ارسله الرابط !
مرورك عسل

أشكركم جميعاً
والحمد لله قبل عذري
في الحقيقه كتبت الموضوع وأنا لم أفكر بما أكتب
كتبته لقهر بي بغض النظر عن قبوله العذر أو لم يقبل
اللي سويته أنا ماراح أسامح نفسي أبداً عليه
والله العظيم ضاقت بي الدنيا
يعني من جد أنقهرت قهر ولاتعشيت ولا كملت
المباراة وفوق هذا هزم الريال شر هزيمه

الأن بودي أن أرسله له الموضوع لكن متردد
لكن لعلي ارسله له ان شاءالله

MaRoUaNe · #24 03/05/2009, 12:52 PM

إقتباس

الرسالة الأصلية كتبت بواسطة ماجد مقبل


	أخصمك آه ازعل منك لا هلا مروان ومين اللي مزعلك لو انه M .. قلي بس اتفاهم انا واياه من قريت رده وقلبي ناغزني والحمد لله انك اعتذرت وان شاء الله يترجع العلاقة سمن على عسل ومن ذا الذي ترضى سجاياه كلها ** كفى المرء نبلاً ان تعد معايبه دمت بخير ,,,

هلا وغلا بـ ماجدونا ماتقصر معي ياقلبي

وإذا قصدك مهند فأتوقع لو هو مايستاهل الموضوع ذا كله

بس هذا أغلا من مهند والله

إقتباس


	والحمد لله انك اعتذرت وان شاء الله يترجع العلاقة سمن على عسل

بالحقيقه أنا متيقن قبول عذري منه قبل أن ارسل له وهذا مايكسر خاطري

وهذا ايضاً اللذي أزاد الهم هم لأنه حبيب وعسل

واذا كان صاحبك عسل لاتلحسه كله

ودي إلاه لعين وشر عشان أقول بلعنه .. لكن عسل

والسؤال الأهم كيف أسامح نفسي؟ !

marsal · #25 03/05/2009, 03:09 PM

اولا : اعتذر منك على ماحصل امس فكان كل شي لدي مسلوب والان عاد كما كان

فاهم صح

ثانيا : كلمات رائعه جدا وفتحت موضوع يغفل الكثير عنه وهو شجاعة الاعتذار
فاغلب الناس ليس لديه خاصية الاعتذار وان وجدت فليس لديه الشجاعه لقولها..
كم منا يعتذر؟؟ وكم منا يونبه ضميره؟؟ و كم منا يحس بقهر الطرف الثاني؟؟

موضوعك جعلني اعيد فتح حساباتي واراجع ملفاتي فكم من ملف اغلقته والسبب اني لم تكن لدي شجاعة الاعتذار..
كم شخص خسرته بحياتي واصبح ماضي بعيد والسبب اني عجزت عن نطق كلمة اسف..
بصراحه وانا اعيد قرات موضعك اصبحت كلماتك تتخلل الى قلبي وتزيد حماسي وشجاعتي على ان ارجع و اقول اسف ولو اطوى الزمن تلك الصفحات..
يمكن بعد هذه اللحظات ان اسافر الى التاريخ وافتح صفحات بعض الملفات ولو كانت شائكه واختمها بكلمة اسف...

شكرا مروان على الشجاعه النارده بهالزمان

و شكرا على أفضل موضوع قراته لا ابالغ ان قلت في حياتي

شبوط · #26 03/05/2009, 10:36 PM

هلا وغلا مروان يارجال كورة لاراحـت ولاجت

بعدين تعال من البادي انت ولاهـو يــلا مره ثانيه ماتكرر فعلتك

يامستر مروان هالكلام مرفوض ثم مرفوض ثم مرفوض

MaRoUaNe · #27 04/05/2009, 01:36 AM

إقتباس

الرسالة الأصلية كتبت بواسطة marsal


	اولا : اعتذر منك على ماحصل امس فكان كل شي لدي مسلوب والان عاد كما كانفاهم صح ثانيا : كلمات رائعه جدا وفتحت موضوع يغفل الكثير عنه وهو شجاعة الاعتذار فاغلب الناس ليس لديه خاصية الاعتذار وان وجدت فليس لديه الشجاعه لقولها.. كم منا يعتذر؟؟ وكم منا يونبه ضميره؟؟ و كم منا يحس بقهر الطرف الثاني؟؟ موضوعك جعلني اعيد فتح حساباتي واراجع ملفاتي فكم من ملف اغلقته والسبب اني لم تكن لدي شجاعة الاعتذار.. كم شخص خسرته بحياتي واصبح ماضي بعيد والسبب اني عجزت عن نطق كلمة اسف.. بصراحه وانا اعيد قرات موضعك اصبحت كلماتك تتخلل الى قلبي وتزيد حماسي وشجاعتي على ان ارجع و اقول اسف ولو اطوى الزمن تلك الصفحات.. يمكن بعد هذه اللحظات ان اسافر الى التاريخ وافتح صفحات بعض الملفات ولو كانت شائكه واختمها بكلمة اسف... شكرا مروان على الشجاعه النارده بهالزمان و شكرا على أفضل موضوع قراته لا ابالغ ان قلت في حياتي

لاعادي ماحصل شي ياقلبي

وأشكرك على الإطراء والمجامله .. على أني عرفتك لاتجامل أحد
لكنك كسرت القاعده في ردك هذا

كلماتك حمستني لأكتب موضوع آخر

وكلمة آسف والكلام الجميل مثل ماقال أخوي عادل كالبلسم يداوي الجروح
لكن أيضاً لاننسى شي وهو نمسك أعصابنا عند الغضب لكي لانجرح من نحب
وخاصتاً إذا كنا لانملك الشجاعة للأعتذار مع أني لا أرى ان في ذالك شجاعة
بل هو حق للشخص الأخر ويجب ان ندرك هذا !
نفعل مابي وسعنا من أعتذار وله القبول والرفض .
بصراحه ردك جميل وكفى

إقتباس

الرسالة الأصلية كتبت بواسطة شبوط


	هلا وغلا مروان يارجال كورة لاراحـت ولاجت بعدين تعال من البادي انت ولاهـو يــلا مره ثانيه ماتكرر فعلتك يامستر مروان هالكلام مرفوض ثم مرفوض ثم مرفوض

أهلا بصديقي شبوط

أي كوره يارجل

ماله دخل الكوره وتخسى الكوره واللي جاب الكوره تكون معترك خلافنا وزعلنا

بس السالفه اللي تكلمت عنه كانت بوقت المباراة فقط .
وكلامي مرفوض واللي تشوفه ياطويل العمر