إلى متى المجاملات والله تعبنا ياعالم حسوا اذا تبون اسيا بهالفريق والله

مافي امل ...

**روح اللاعبين في مباراة الشباب وين روح اللاعبين يمكن مافي الا هوساوي

والتايب والدعيع اما الباقين ما ادري وشفيهم ..جاهم تشبع من الكورة

**وبعدين تسمون نامي لاعب من وين لك لاعب خلاص كم لكم تسلكون له

وبعد ما انضم المنتخب زاد التسليك وين يفيد فيه ..

**واللاعب فهد المفرج نفس حركاته تذكرون هدف اسماعيل مطر العام اللي راح

نفس الحركة يحرس الكورة للاعب اللي قدامه هذي اساسيات كورة القدم وين

المرشدي نزل مستواه ولاكن اتوقع انه اخذ درس من دكة الإحطيات

**ومعليش انا ابي اتكلم على اللاعب الخطير اللي مكينته ديزل ياحبيبي

عمرك شفت كوري بطئ من يوم ماجاء وهو مدري وش يبي يلعب

ما انكر انه ابدع ثلاث مباريات وصلح كم هدف ولاكن ذبحنا اذا يبي الهلال اسيا

ما اتوقع انه يقدر يقابل الانديه اليابانيه والكوريه بهاللاعبين ...

** وبعدين وش هالحصانه اللي على سول ودي اشوفه في يوم من الايام على دكة

الإحتياط ولا يبدلونه امس اللي اسوأ مباراة لعبها ما تبدل ليش يقهر والله

** مالاحظتوا عزيز افضل محور ليش مستواه منخفض من بعد الإيقاف

يمكن في شئ بينه هو والإدارة ولا مع المدرب ...ليش يخصمون عليه ثلاث شهور

والتايب يطلع بدون خصم رغم انه كسر ونافخ وفعل وماجلس مع الإحتياطيين

**والله العظيم ان كل هلالي يستحي من الأمير عبدالرحمن بن مساعد وعلى اللي

يسويه للنادي وانه حارق دمه ..انا مشجع هلالي واحس اذا ماحضرت في الملعب اني

حقير ..اجل اللاعبين اللي يلعبون بدون نفس ودي اعرف وش ناقصهم وش يبون

اكثر من كذا رواتبهم ومكافأتهم اول بإول كأنهم موظفين في شركة

** رئيس متعب نفسه ويسهر طول الليل ويحرف دمه واخر شئ ما يلاقي لا جمهور

ولا لاعبين داخل الملعب اللي متشبع من الكورة يطلب من النادي انه مايبي يلعب

وعندي لاعبين ودهم يحرثون الملعب مثل الشلهوب وغيره ...

**اتمنى من الأعضاء انهم يدورون وين محمد الجيزاني والله هذا اللاعب

إذا طلع في نادي ثاني الهلال بيدفع ملايين علشان يجيبه ...

والله اني ماقلت هالكلام الا علشان قلبي محروق على النادي اللي عشقته منذ الطفولة

اتأسف لكم على كل حرف كتبته ضايقكم ولا جرح احد ..

اتنمى انكم ماتحذفون الموضوع ...

ان اصبت فمن الله سبحانه وإن اخطأت فمن الشيطان