انا بعض الاحيان من الخوف من المباراة اروح ادور بالسياره الين تخلص المباراة

ومن زود حماسي تطقني ام الركب بعض المرات

لكن ماقول الا يالله انك تستر علينا..

وبإذن الله يخف الحماس والتعصب الزايد اللي عندي وعند البعض

انا الصراحة يوم المباريات الحاسمة ياكون في الملعب ولا اتفق مع الشباب
نروح البحر او نكشت
او اجمع الشباب معي في البيت خد النكت ولا شغل لهم يافليم ولا مسرحية فك نفسك

او
حاول تشرب ماي كثير ع شان تروح اكرمك الله الحمام كثير ولاتشاهد المبارة

إقتباس الرسالة الأصلية كتبت بواسطة عيون ياسـ20ــر انا بعض الاحيان من الخوف من المباراة اروح ادور بالسياره الين تخلص المباراة ومن زود حماسي تطقني ام الركب بعض المرات لكن ماقول الا يالله انك تستر علينا.. وبإذن الله يخف الحماس والتعصب الزايد اللي عندي وعند البعض

هههههه حللوة ذي ام الركب>>والله جديدة صراحة..!

بس والله حلوة الفراراة بالسيارة..!

واتمنى والله من كل قلبي مثل ماقلت ان يخف شوي التعصب والحماس الزايد..

عواافي ابوي

نفس المشكلة معي اخوي ،،

اذا بلغ الحماس ذورته ، افكر ، اذا فاز الهلال بيجيني شي ؟؟ اكيد بأفرح كثير لكن ما راح يجيني شي ، وكذلك اذا خسر الهلال ،، واقر ان الكورة فوز وخسارة ممكن تفوز وممكن تخسر ..!

وبعد حط بنفسك ان الفوز او الخسارة الله كاتبه ...!

شوف نصيحتي لك ..: انك تروح تسافر مع ربعك وتريح اعصابك ،، ,واترك المباريات هذه الموسم كله ، وارجع تدريجياً الموسم القادم ...

لان مشكلتك بتكبر ( لا قدر الله ) مع الحماس الزايد والمتواصل ...! وبيأثر على جهازك العصبي ، حتى بيخليك غير قادر على التركيز ،، والعصبية الدائمة وغيرهـا ...

اتمنى لك الشفاء عزيزي ( قلب )

تح ــــــــــيآتـــــــــــي

وعليكم السلام ورحمه الله وبركاته

والله يااخوي اتوقع مشكلتك الكثير يعاني منها خصوصا الي متحمس لفريق معين

الواحد اثناء المبارهـ مايحس ان هالحماس ماراح يفيد
يعني لاشعوري تحصل نفسك متحمس وشوي لايوقف قلبك

والله انا احيانا اعاني من الحماس الزايد واكون متوترهـ جدا
ومشكلتي ايام المباريات مااكل شي ومع الحماس تحصل جسمي يرتعش

مع اللحظات الحاسمة اذا للخصم تلاقيني اغير القناة
او ارقى الدرج واخذ لفه وانزل >>حاله نفسيه
يعني حلو الواحد يغير وضعيته وهو يتابع قوم شوي خذ لفه علشان لاتوتر زياده


ومانصحك بجمع الصغار قدامك لانك بتكون متوتر وهم مزعجين وبتعصب زيادهـ


الله يعينك ويعينا ويهدينا ويفكنا من هالحماس

طبيعي جدا انا كذا

لكن هذي متعة المبارايات

ترا خطأ كبير تشوف مباراه مهمه نشافي
لازم يكون عندك فصفص و شاهي و عصيرات
والا ترا الهم بياكلك
نصيحه جرب و شوف الفرق
تحس انك تحط حرتك في الفصفص
اما نشافي عزالله راحت اصابعك فيها بتقضمها
ويزيد عليك الحماس
و في النهاية الشغله كلها كوره
طقها والحقها .. ماتسوى اكثر من كذا
تقبل مروري

هلا وغلا صديق ويلي


انت مثلي انا و2 من آخواني

مباريات الهلال والمنتخب

اذا بدت مباراة الهلال تشوفنا متجمعين شوي نطفي المكيف مع ان الجو حر تشوفنا نتنافض من البرد مع انه حررر واللي معنا بالغرفة مهوب لم المباراة ينافخ علينا شغلو المكيف حرر

واذا اشتدت المباراة ولا جا هدف ولا شي تحس انك منكتم وتحس بخمول وتحس انك بتنام خخخ الله يستر لاتصير نومة طويلة

حتى قبل المباراة بيوم او يومين .. ماننام واذا نمنا تلاقي احلامنا احيانآ عن المباراة يجي واحد ياعيال حلمت ان الهلال فاز ان الهلال انهزم

يعني حماس توتر اعصاب

والله يستر بس

والحمدلله انا اخواني معي ونفس المستوى زيك والله يستر علينا

والله آحيانآ نقول ياليتنا مانتابع مباريات وهي تتعبنا كذا
وآحيانآ نقول وشلون هالناس مايتابعون المباريات كيف وقتهم بدون حماس وكذا

الله يستر ويعافينا وياك


تقبل مروري يالغلا..’

يا رجال انا اخس منك اذا قفلت معي من المستوى اطلع من الملعب ولا من البيت اذا كنت في البيت

يالبى قلوووبكم كلكم وان شاءالله لي رجعه مع الردود..

مايصير كذا ياغالي لازم تهتم بصحتك والكورة ماراح تنفعك


انا كنت اتحمس حماس عير طبيعي مع المباريات ومستحيل تفوتني مباراة حتى لو كانت عادية واتابع الاستديو التحليلي قبل المباراة بساعتين ولا اكثر بس بعدها حسيت اني عطيت الكورة اكبر من حجمها واللحين حتى المباريات المهمة بعض الاحيان اسحب عليها



لازم مانعطي الكورة اكبر من حجمها وهي في النهاية للتسلية فقط اناا اشوف ناس كثير يمكن مايكلم ناس من غير فريقه مثلا الهلالي مايكلم النصراوي والعكس وانا والله استغرب من هالاشكال شدعووه كورة تفرق بيننا ترى في الاخير نبقى اخوان وكل انسان له ميول



الله يديم عليك الصحة والعافية وانصحك لاتعطي الكورة اكبر من حجمها واعرف انها والله ماراح تنفعك بشيء الا بتسلية فقط