مباراة امس كانت كلها قهر ..توقعنا فوز ثم تعادل ثم تمنينا هدف واحد فقط !!من السبب!! - نادي الهلال السعودي - شبكة الزعيم

الذئب الأسود · #1 02/05/2009, 08:01 AM

بسم الله الرحمن الرحيم

السلام عليكم ورحمة الله وبركاته

وش اللي صار وش اللي حصل !!!!!!!!!!!!
اعذروني يا اخوان على الكلام بس من جد مقهوووووووووووور ويش اقول وايش اخلي

مباراة امس من جد قمة القهر ..... توقعنا الفوز بعدها تمنينا التعادل بعدها تمنينا نخرج بهدف واحد على الاقل
لكن الشباب ماقصروا وخلوها على الزيرو

لعب كله دربكه في دربكه كانهم في الحاره يلعبون

ياسر اخذ بطولة التمثيل مره يطيح هنا ومره هناك وان طالت منه الكوره يقوم يطيح نفسه .... وفي الاخير يقوم يصارخ على الحكم !!!!
انت مطرود مطرود يكفي المهازل اللي مسويها في الملعب وبعدها تصارخ في وجه الحكم ؟
يحسب ان الحكم باكستاني او فلبيني .... ترا يا ياسر الرياضه فن وذوق واخلاق
الله على اخلاق اللاعبين الكبار سامي والثنيان

التايب الله يهديك كل الكرات الثابته الفاولات الركنيات والاوتات خليناها وحطيناها من نصيبك ...ماغير نشوف يدينك ترتفع فوق وتشوت ولاكوره جايبها زي الناس كانك تلعبها للاعبين الشباب !!

ويلي لعبك كان جيد بس اقل احتكاك مسوي لي فيها الارنب الطاير .. الحكم عداها لك كم مره
اللاعب الوحيد اللي تعجبني اخلاقه وهاديء الطباع حتى بعد احتكاكه مع لاعب الشباب والظربه اللي تلقاها
الا انه كان هاديء ولم ينفعل

عطني اسامه

وش عندك من جزمة انت ... طالع ارض الملعب تربط عفش والا وشو ؟؟
العالم لعبت وسجلت وانت لسه خارج ارض الملعب تربط ... مو مهم اللعب الاهم الجزمه الله يكرمكم

سول من اول المباراه وهو يحاول ويحاول ولكن هالبني ادم حظه عاثر
والا فرص جاته بالهبل ومستغرب ان المدرب خلاك الين اخر المباراه

خالد عزيز والنامي ... امس اعتقد كانوا ناسيين بس المخدات والا الشراشف كانت موجوده
لالعب زي الناس كرات مخطوفه وضايعه

رادوي ...
شاهدت الاحتكاك ووقوعك كان متعمد على عبدالعزيز السعران قلبتها مصارعه حره ... وممكن كان يحدث كسر لخشم عبدالعزيز من الطيحه المتعمده عليه
قلت يمكن بروح رياضيه بتصافح اللاعب وتعتذر منه لا راح بعيد ويناظره كانه ناوي عليه حرش !!!!!!
ويجيك البوكس من الشمراني بكسر انف سبحان الله يمهل ولايهمل
ايضا ماعجبني موقف لاعبين الشباب وادارته اقل مافيها الشمراني وادارة الشباب يروحوا يزور اللاعب من باب الاخلاق الرياضيه
مو البلطان يطقطق كلام في الهوا نحن حلوين وحبايب ومانشوف غير كلام
وربنا يشفي رادوي من الاصابه ويشفي ابنه اللي سمعنا انه كمان اصيب بحالة تسمم

الدعيع لازلت حارس عملاق وان دخلت في مرماك 3 اهداف
ولكن موب على كل كوره تجلس تصارخ فيها صوتك ماشاء الله احسن من لعبك

المدرب تكفى لم عفشك وانقلع ... حزنت على ويلي يوم طلع والمدرب جالس يطلع حرته فيه
الا الذيب سامي مسك ويلي على جنب وجلس يهدي فيه

اه ياكوزمين مدري ايش قلت يوم شفت هالمباراه !!

ان شاء الله يرجع الهلال كما عهدناه مو كلما يخسر نظهر السكاكين وننكر اي تعب قدموه ... ويوم نفوز نرقص وننسى اي خساره ذقناها
لكن العتب من محبه

اخر كلامي يضل الهلال نادي كبير وصعب وهذه قد تكون درس ليتعلم من اخطائه

عبدالعزيز الخرعان · #2 02/05/2009, 08:21 AM

الحمدلله على كل حال ... الهلال تعرض من الإتحاد السعودي الضرب والإطاحه بزعيم الأنديه ولكن الله قادر على كل شي ... وبالتوفيق للهلال

هلالي الأنفاس · #3 02/05/2009, 08:24 AM

ذبحنا عبدالرحمن بن مساعد ببرودة وهدوء اعصابه الزايد عن اللزوم

وهذا سبب تمادي الاعبين

لازم يضرب بيد من حديد

^))الاخطبوط((^ · #4 02/05/2009, 08:28 AM

وفوق كل هذا يجينا الإتحادين السعودي والآسيوي

تركي الهديب · #5 02/05/2009, 08:32 AM

أول شي الحمدلله على كل حال
ثانيا
روح الزعيم مازالت غائبه في الفريق
متى مالعب الفريق بنفس الروح التي يلعب بها اسامه هوساوي اضمن لك التأهل للأسيويه
عموما الفريق كان يحتاج لمثل ها الصدمه عشان يحس ويعرف إنه يلعب بإسم الزعيم خصوصا اللاعبين
وان شاء الله الامل الباقي الاسيويه

احترامي لك

زعيم الهجولة · #6 02/05/2009, 08:35 AM

خلها على ربك يوم لك ويوم عليك

ان شاء الله سمو الامير والادارة يراجعون حسابتهم من جديد

ويكون مبدا العقاب قبل الحساب ...آآآآآآآة بس

مايرضي طموحنا بطوله نبي في كل موسم بطولتين ولايمنع ثلاث

لكن الحمدلله على كل حال ..

قدامنا اسيا والموسم القادم نعمل بقدم وساق الى الافضل

لاعب هلالي قادم · #7 02/05/2009, 09:15 AM

الحمدلله على كل حال
يبقى الزعيم زعيما
ولكن
لابد من الاستفاده من الاخطاء
ليس من العيب أن تخطأ ولكن أن تستمر على الخطأ
اتنمنى أن نعوضها في المباريات القادمه
وخاصة مابقي الا الاسيوية

الذئب الأسود · #8 02/05/2009, 10:00 AM

ااااااه يبقى الزعيم زعيما ً

هلالي_15 · #9 02/05/2009, 10:05 AM

كلامك صحيح الى على محمد الدعيع وش الي صوتك احسن من لعبك سلامات يابو الشباب والله لو تحط بوفون ماقدر على

الكور الي انشاتت على الدعيع بس الباقي صحيح اه اه وين ايام سامي اعتزل الذيب واعتزلت معه روح الهلال.

الذئب الأسود · #10 02/05/2009, 10:49 AM

إقتباس

الرسالة الأصلية كتبت بواسطة هلالي_15


	كلامك صحيح الى على محمد الدعيع وش الي صوتك احسن من لعبك سلامات يابو الشباب والله لو تحط بوفون ماقدر على الكور الي انشاتت على الدعيع بس الباقي صحيح اه اه وين ايام سامي اعتزل الذيب واعتزلت معه روح الهلال.

ياخوي هي كلها 3 كور انشاتت في المرمى ودخلت اهداف !!!!!! وان كان في اكثر كان ممكن يجيك رابع وخامس
والبقيه اما برى والا كورات بارده يصدها اي حارس مو زي كورة رادوي يوم شاتها على وليد عبدالله

هلاليه والعيون عسليه
تحليل سليم

şα3β αηšαķ · #11 02/05/2009, 10:06 AM

الحمد لله على كل حال

انت وش علمك
هذي مشاركه من الهلال

3 اهداف اهدوها لكوزمين

مو كوزمين درب السد القطري

وانهزم السد من الريان بـ 3 اهداف

وطلع من كاس ولي العهد القطري

الهلال بيبين لكوزمين انه مو بس السد ينهزم بـ 3

حتى الهلال ينهزم بـ 3

يعني تصير باحسن النوادي لايضيق صدرك ياكوزمين

يقولون كوزمين دق يتطمن على رادوي

شكل رادوي يدعي عليه

بيقول وين جايبني انت

مااتفقنا على كسر خشوم