|
ياجماعه ,,
اللي قاعد يصير بالهلال طبيعي ,,
الهلال تعرض لعدة ظروف جبرته أنه يظهر بهالمستوى ,,
وربي اللي تعرض له نادي الهلال خلال هالموسم ما تتحمله جبال ,, ظروف تهد الحيل وتدهور اي فريق يتعرض لمثل هالظروف !!
فريق ينسلب منه مدربه اللي كان يتمتع معاهـ باستقرار ذهني ونفسي وفي وقت صعب جدا ,,
ومع ذلك حاول الفريق واجتهد عشان يظهر بمستواه ,, نعمة كريم أنه ظهر بمستوى ممتاز بالبطوله الآسيويه وضمن 70% من التأهل للدور الثاني ,, رغم خسارة الدوري على أرضه ,, هذا غير الظروف اللي تمر فيها اللعيبه ,,
مهما سوا الكابتن ياسر صراحة ً ما الومه ,, اللي صار معاه مب شويا ,, أوكي ياسر لاعب كبير وماتهزه هالأمور ,, بس هاذي سمعه وشي رهيب صدقوني محد يتحمله ,, الرجال لحاله في خط المقدمه ,, والأهداف كلها اليوم جت أخطاء مدافعين ,, ولو كان هين اللي يمر فيه ما طلع الكابتن سامي يصرح بأن اللي يتعرض له ياسر لايتحمله أحد اطلاقا ,,
هذا غير ضغط المباريات ,, لاحظوا أن في آخر تقريبن عشر مباريات ,, بين كل مباراة والثانيه تقريبن 3أو 4 أيام بس !!
ناهيكـ عن الخشونه القويه جدا اللي يتعرض لها اللعيبه ,,
الفريدي الله يشفيه ,, والغآمدي التواء ,, والمرشدي ,, وألحين رادوي أنكسر أنفه ,,
:
هذا غير التحكيم البيئي اللي يتعرض له نادي الهلال ,,
والله ظروف محد يقدر يتحملها ,,
:
اذا حنا جمهور الهلال ما عذرنا فريقنا ,, مين يعذره بالله ؟؟
وبالنسبه للمباراة الجايه ,, مافي شي نستحيل في عالم الكره ,, قادر باذن الله الهلال أنه يجيب الثلاثيه ,, مآعلينا الا أننا ندعيله بالتوفيق ,, بالله مين كان يتوقع ثلاثيه اليوم ,, يمكن نكررها المباراه الجايه ,, ونقلب الطاوله عليهم ,, ربنا على كل شي قدير ,,
ان شآء الله تكون هالخسآره خير لنا ,,
::
سبحآنكـ اللهـم وبحمدكـ ,, اشهد أن لا اله الا انت ,, أستغفركـ وأتووب إليكـ ,,
~
|
<-- مكانه اصلاً بالدوريات الاوروبية , بعد مهازل الاتحاد السعودي ضد الهلال .. 
الوضع العادي
