بسم الله الرحمن الرحيم ..

والصلآة والسلآم على أشرف الأنبياء والمرسلين سيدنآ محمد وعلى آله وصحبه أجمعين ..!!

أما بعد .. مديري الفاضل .. أساتذتي الكرآم .. أخواني الطلبة

هذا ياطويلين العمر والسلآمه قبل فترة كنا جالسين بمزرعه وسيروا علينا 3 شباب اصدقاء وآحد من أخويانا ..

جالسين هالعصورية نتقهوى وتعللنا وسولفنا وضحكنا ..!!

المهم دخل وقت صلآة المغرب قلنا ياشباب المغاسل ودورآت الميآة ( الله يعزكم ) هنا اللي يبي يتوضى

قاموا العيال الا وآحد جالس ماقام يتوضى قلنا أكيد عليه وضو رحنا توضينا ورجعنا ..

بعدين اقمنا الصلآة وقدم أمامنا يبي يصلي بنا والشخص نفسه اللي ماقام يتوضى ماقام يصلي معنا طبعا كلنا انتبهنا له

قلنا يافلآن يالله قوم صف معنا نبي نصلي قال لا صلوا انا ماراح اصلي !!!!

قلنا افا ليش لايكون عندك عذر شرعي هههههههههههه

قال لا والله بس انا من زمآن مااصلي ولو بصلي بصلي علشآن ارضي الله وماراح اقول اصلي قدآمكم وعلشآنكم ..

أحنا انصدمنا بكلآمه صرآحه .. كبر أمامنا وصلينا وطول الصلآة وانا قاعد اهوجس فيه وبكلآمه ..

انا مابين متضايق من انه مايصلي أبد .. ومابين اني مبسوط من كلآمه انه اذا يبي يصلي يصلي لله وماراح يصلي علشآننا ..!

المهم خلصنا صلآة وفتح معنا هالسالفه قال ياشباب انا انسان مااصلي من زمآن وأدعوا لي بالهدآية ..

وأقدر قبل شوي اقوم اتوضى واصلي معكم بس مااحب الرياء والنفآق ..

وان شاء الله الله يهديني واصلي على طول ..!!

.........

هذي السالفه بأختصار وأعذروني اذا فيها لخبطه بس بسألكم أنتم وش رآيكم بتصرف الشخص هذا ؟؟

انا بصرآحه أعجبني تصرفه وكبـر بعيني ودعيت له من كل قلبي أن الله يهديه ويواظب على الصلآة ..

لأنه انسان على خلق ومحبوب عند أغلب الناس بس سبحآن الله الزين مايكمل ..



تحيـــــــــــــــــــاتي

الطـفـل السعيد ..


لي عودة ..

والله مدام انه قالكم انا ما أحب النفاق والرياء انا عجبني يوم قالها..

وحلو انه قال اعدعولي بالهداية.. الله يهديه يارب والحمدالله انه يعرف انه هو على خطأ

الف شكر

أكيد هو على خطأ ..

لو نصحتوه قلتوا له : لو منت مصلي الآن متى بتصلي ؟؟ تضمن ترجع بيتكم ؟؟

....

افترض أن سائل كان بالمسجد يسأل الناس ..

لما مريت من عنده .. معي فلوس طبعا وزايدة .. هل أقول في نفسي أخاف من الرياء والنفاق ؟؟
الناس طالعين وزحمة عند الباب أكيد بيشوفوني ..

.....

كلامه غير منطقي ..

عجيب أمره .. ما أعجبه الرياء .. وأعجبه ترك الصلاة ؟!!!

لماقال الكلام هذا :

إقتباس وأقدر قبل شوي اقوم اتوضى واصلي معكم بس مااحب الرياء والنفآق

..

دليل على انه مايبغى يرائي .. صح ولا لأ ؟؟؟


طيب ليش ماقام وصلى ؟؟؟



عموما .. هذي كلها من الوسائل الشيطانية علشان يترك الصلاة ..


الله يهديه لأحسن الأعمال .. ويغفر لنا جميعا ..



سعودي أصيل

مشكورين على المرور

ونورتو الموضوع بطلتكم الحلوه

الله يهديه إن شاء الله

بس لازم تعلمونه بحديث الرسول صلى الله عليه

" العهد الذي بيننا وبينهم الصلاهـ فمن تركها فقط كفر "

يعني بالعربي إذا ما صلى فهو كااااااااافر و الكافر معروف ميصرهـ

و المسلم داخل الجنه داخل الجنه
و الكافر داخل النااااااااااااار داخل الناااااااااااار <<< طربان

اخــوي حتــى لـو (عج ـبكم) انه مايناق ومايحب الرياء ..الواجب ماتسكــتون لـه ..
كـان نصحتوهـ .. ,
وترى الصلاة امرهـا عظيــم .. والعهد الذي بيننا وبينهم الصلاة فمن تركها فقد كفـر ..


ارجوكم لاتتركــونه كــذا وانصحوه وعطوهـ كتيبات عن عقـوبـة تاركـ الصلاة ..

اسأل الله له الهــدايـه وجميع المسلميــن
والله يثبتــا ..

اهووو حلو تصرفه

بس خييييييييير ايش مايصلي وين احنا فيه الله يهديه ياااااااااارب

ودامه قابل بنصيحه ويقول ادعولي انصحوووه بلللليز

ما أعجبه الرياء وأعجبه الكفر ..!!
سبحان الله ..

هذي السالفه بأختصار وأعذروني اذا فيها لخبطه بس بسألكم أنتم وش رآيكم بتصرف الشخص هذا ؟؟

انا بصرآحه أعجبني تصرفه وكبـر بعيني ودعيت له من كل قلبي أن الله يهديه ويواظب على الصلآة ..

لأنه انسان على خلق ومحبوب عند أغلب الناس بس سبحآن الله الزين مايكمل ..r


اعذرني لايهمك
اللي مايصلي لايهمك وانا اخوك صحيح تدعو له بالهدايه بس ماعتقد انها حلوه انك تماشي واحد مايصلي


تحياتي

إقتباس الرسالة الأصلية كتبت بواسطة أحب الهلال ... ما أعجبه الرياء وأعجبه الكفر ..!! سبحان الله ..

بصراحه كلمتك بالصميم ولا فيه كلام بعد هالكلام

بس المفروض انه استحى وقام يصلي
ماهو رياء حياء والبدو عندنا قالو خوفك من اللي لا يستحي من الله
ولا يستحي من الناس

ذي دعـوهـ لكل مسلم ابتعد عن الصلاهـ فل يحاسب نفسه ويقول لمتى وانا كذا
هل يرضى ان يموت وهو على هذآ الحال

كلنآ مقصورين نسال الله لنا ولكم وله الهدآيه