بالنسبة للصحافه أعتقد فيه رقابه على الصحافه والا انا غلطانه ؟!
اللحين المشكله كلها مو في عدم المصداقيه هيّن هذا شيء منتهين منه
لكن يجيبون لك كاتب ماتدري هو مكمّل دراسته والا لا ويقعد يتفلسف علينا ويخلط الحابل بالنابل
هذا اللي ماينسكت عنّه ..!
بعض الكتّاب اللي يهديهم نسوا ان القلم أمانه وانهم محاسبين على هالكلام اللي يكتبونه
والأعظم من كذا انهم يشوفون انهم ماغلطوا ..!
لمّا ياكاتب يامحترم تسب رجال الهيئه لأنهم ماخلوا مجال لا لك ولا لأشكالك يمرحون ويسرحون على كيفهم
وقمت تكتب عنّه اللي فيه واللي مافيه ..!
هذا مو غلط ؟!
مدري متى بيصحصون شوي ويحسون انهم مؤمنين على عقول ناس ماتدري وين هي معه
امّا المجلات فـ والله أختك ماتشتري الا مجلات التسوّق
يعني الفنانه الفلانيه متسدحه على الغلاف والمانشيت يبرق ( فضيحة في مدري وين )
أبد ماألتفت لها .. وش دخلن بأمها انا باللي مايردها
القنوات التلفزيونيّه كلها صار فيها شات مابقى الا القناه الأولى وشكلهم ناوين بعد
بيني وبينك لو عندي قناة ماأركز أبد على وش هي تعرض بقد ماأهتم بالشات حقها
جد مكاسب من ورى هالمهبّل
شكراَ اخوي محمد موضوع مميز ويستاهل التثبيت
وأسلوبك ماشاء الله رووعه , من الناس اللي يحتاج المجلس تواجدهم الدائم
^^^ وجدان بدون مجامله اعجبني ردك وبالاخص بتاع القناة عاد تخيلي القناة الاولى فيها شات لووووووول احس بيكون كله شيبان وعجز من جد سوق الشات ماشي ماشي بس ماحب اي قناة فيها شات لان هدفه استغلالي مادي بحت
محمد يابعدي .. كيف حالك ؟ ماودي اعيد واكرر بالكلام وانت خابر وش ابقول
قريت موضوعك عالسريع ولاودي استعجل بالرد الا لما احفظه وبعدين تكل لمحت اسم مشاري بالموضوع ؟؟ هي جت امه اذا لا الله يجيبه
هلآ وغلآ ..اخوي محمد الإعلآم بكل غالبية منحط من برامج سخيفة وأغاني من هب ودب ..كلها رقص وهبال .. خلو العالم تتابع هالقنوات المريضة .. وأقسم بالله أنها مريضة >> لآ تحلف صدقناك
المشكلة أن في أناس يتابعونها بشكل مومعقول .. أنا عن نفسي ما أتابع إلة قنوات السياسة .. والإقتصاد ..وقنوات إجتماعية هادفة ..تبني ولآتهدم .. والقنوات الحـوارية >> عاقــل
الصحافة .. كل هرج .. وكذب عيني عينك .. والناس إلى الآن مصدقة مــا أقــول إلا الله يــخلف بــس ..المفروض الصحافة تــكون مرآة المجتمع ..لكن نحن العــكـس
الواحــد ..لآبــد أن يكون فاهم لكــل ما يطــرح ..ولآ يكون أمعــة لآيفهــم.. تحياتي لك ..ولموضوعك الجميل ..وإلى الأمام في درب الإبداع
أهلين وسهلين جرح دائمًا مواضيعك تعجبني أفكارها حلوة ومنوعة بنفس الوقت حاليًّا ماعندي تعليق الا على هالنقطة .. //
إقتباس
الراديو
مدري ليه وأنا أقرى جاء على بالي برنامج تركي النفيعي اللي يجي على mbc fm البرنامج هذا عنوانه ( ارسلوا ,, وترى ماعندنا شي بس نبي نزرفكم ) برنامج فيه كمية مصاله لامحدوده ,, سواءاً من المذيع ,, أو اللي يرسالونه اعداد للبرنامج مافيه ,, يعني مافيه ( عنوان ) معيّن يمشون عليه يعتمدون على ( رسايل ) المستمعين ومن خلالها ,, يخترعون لهم موضوع ,, ويقعدون يحكون فيه ,, ومن زين حكيهم عاد مره ,, جت رساله لـ ( تركي النفيعي ) تقول راعيتها ( انا خايفه من الاسئله من بكره شكلها صعبه ) عاد هو وش سوا ؟؟ باللهي شوفوا وش سوا قال : طيب اعزائي المستمعين ,, عندنا سؤال حلو هذا اليوم ( وش تتوقعون السؤال اللي بـ يجيكم بكره في الاختبار ) ؟؟ قسم بالله هذا سؤاله صدق يعني زي اللي يقول ( يلا يلا نبي رسايل نبي فلوس نبي نزرفكم ) وعاد خذلك الرسايل من المستمعين المخفات كلن قام يرسل السؤال اللي متوقع انه بيجيه بكره ,,, كنه موب جايهم الا سؤال واحد اذكر مرة قمت من النوم واهلي كلهم نايمين .. واخلاقي خربانة , والنت خربان , وماعندي شيء قمت فتحت على ام بي سي اف ام وقال تركي وش رايكم وش نحط موضوع الليلة كل واحد يرسل لي وش رايه قلت خل ارسل لهم أجرب والله مادريت انهم يزرفون خمسة ريال والا كان داقة على البقالة أصرف ارسلت كتبت : اسأل كل المستمعين الحين ( وش يحسون فيه وهم يسمعونك ؟ ) ومن سعة الوجه كتبت اسمي تحت .. رد قال اشكرك يا اخت (فلانة) بس ناقشنا هالموضوع قبل ..
أحس هالبرنامج استغفال للمستمعين وتسليك للي يرسلون .. البرنامج أشبهه بسواليف ناس فيهم النوم ومسكت معهم سواليف ماصلة
,’ بس عاد كله كووم ولين دقت وحدة وييين اغنيييتي ؟؟ وين اغنيتي اللي طلبتها ؟؟ ترا ان ما حطيتوا اغنيتي و قسم بالله لا ازعل العالم تطورت عندها نت عندها مسجلات وهذي تدق على برنامج في الراديو الدقيقه بعشرة ريال و تقعد تترجاهم تقل تطر عشان يسمعونه اغنيه لا و مب كامله بعد و يروح نصها بصوت ذيك السامجه اللي تقول " معكم دائما ام بي سي اف ام "
// يعطيك العافية جرح موضوع ممتع خلاني اطلع اللي في حرتي
الأعلام يستغل نقاط ضعف .. لدى الشعب ,, لتكون في مصلحته ومنها :
- لايهمه إن كان سيخسر , على حساب شى هو يحبه :-
فمثلاً قناة أبوظبي التي تستغل حب الشعب للكرة , فيكسبون أمولاً خيالية
والواحد يخسر الألاف على التصويت والشات , فتجد الرسالة بـ 7 ريال
ويرسل باليوم أكثر من 10 رسائل .
- تصديق الأشاعات والخرافات :-
فـ قنوات التي تظهر مدى حب زوجتك لك , ويحصل في بعض الحالات
الطلاق إن كان النسبة متدنيه , وهذا لعدم وجود الوعي
كل هذا لعدم وجود الوعي في المجتمع ,,
فلا تستغرب أن يحدث كل هذا ..|
تحياتي لك ,, أسلوب رائع في الطرح
لاتحرمنا من وجود هذه الأبداع
جرح يشكي احترم نفسك وكلامك مردوود عليك اصحاب القنوات ناس محترمين يخافون ربهم ماعمرك شفت صالح كامل مجمع عنده كم مصري وملبسهم كم شماغ ويلقي عليهم محاضره انا معك ان الجرايد دايم يسون هالحركات ويحطون بنت مزيونه ومنسدحه على غلاف الجريدة ثم يحطون عنوان يشدك بس ياخي استنغرب انك تشتري هالاشياء ياخي احسها حقت بنات مره دق علي واحد من معرفة الجامعة الولد بيتوتي جداً دق علي وقال طارق عندك مجلات بغيت اسكر بوجهه تخيلت نفسي مجمع مجلات ابو حميد انا بكتفي بهالرد لاني توني قايم وراحت علي الجامعه ينطيك العافيه على هيك موضوع
ما شاء الله عليك انسجمت مع اعضاء المجلس سريع سريع ايه يا شيخ وش لك ووش للعالميه
نفصل الرد حبه حبه
إقتباس
حتـى الأن لم أرى إعلاماً مميزاً من جميع النواحي في أي دوله ..
أي إعلام دولة بالعالم تجد فيه الكثير من الأخطاء الكبيره .. وكثير منه يكون بالعمد .. إشاعات .. وإشعال فتن .. وغيرها الكثير ..
اتفق معك هنا .. لكن هل تتفق معي في ان مجتمعنا يختلف عن باقي الدول .. للاسف بعض افراد مجتمعنا محدودي الثقافه " ان لم يكن الاغلب " الى الان ربعنا يصوتون لـ الشاعر فلان .. والاعب فلان .. والمغني فلان .. في الاخير " وش بـ تستفيد من هذا ؟" .. وش نقول بس ..؟؟
إقتباس
على طاري الراديو .. أحد فيكم سمع إعلان ( مسابقة الحلم ) على بانوراما وام بي سي اف ام ؟ حق ( مسفر وعائلته ) ؟ اقسم بالله سمااااااااااااجة الدنيا كلها في هالاعلان
عمري ماشفت اعلان سامج بهالشكل .. اتعب وانا اقول : سامج سامج سامج ؟ يعني معقوله ماعندهم القدره أنهم يتذوقوا ثقالة دمهم وسماجتهم ويتوقفوا عن عمل اعلانات سامجة زي كذا ؟
ماي مذر وير ار يو رو هههههههههههههههههههههههههههههههههههههههههههههه
من ناحية انه سامج وبقوه ما فيه كلام .. بس اعلان نااااجح ومن انجح الاعلانات واكبر دليل ان الناس يتكلمون عنه
بس ما ودك تفقع وجه مسفر هههههههههههههههههههههههههههههه
إقتباس
فكل شخص يكتب من خلف الشاشه .. والبعض من هم فقط يطبقون مايكتبونه على حياتهم الواقعيه خارج النت ..
هلا بك اخوي جرح يشكي..
الاعلام بجميع وسائله فقد المصداقيه فقد لغة الثقافه
ليس هناك مايطور فكرنا ونظرتنا للحياة
والدي حفظه الله
دائما يحرص بقرائه مجلة العربي مجله فيها الكم الهائل من الثقافه والمعلومات الجديده
دمت بخير
اهلاً وسهلاً بك اخي محمد , انرت بطرحك الراقي .. واتفق معك بكثير مما ذكرته باعلامنا , والحقيقه ان معنى واهداف الاعلام تغيرت الآن .. فسابقاً كان يسعى الاعلاميون الى الرقي بفكر المستمع او المشاهد او القارئ , بالاضافه لتوعيته وافاده واضافة امر يضيف شيئاً من المتعه والفائده للقارئ او المستمع او المشاهد ..
اما الان للاسف , اما برامج مكرره ومستهلكه وئمنا من تكرارها .. او مواضيع وبرامج الهدف منها ربحي 1000.000% او ان وضعها بطلب من فلان او علان صاحب المنصب او المنشأه ! وكل هذا يضر المتلقي سواء قارئ او مستمع او غيره , والامر المحزن ان التلاعب على المتلقي لازال منذ سنوات طويله ,وحتى الآن جاري سلب الفلوس بكل الطرق ..
ويبحثون عن الطريقه الاسهل للوصول لجيب الشخص ! نمتنى ان نرتقي , وان نتفهم , وان نكشف حقيقتهم ..
ولكن كلمة حق يجب ان تقال ,هناك مجله قد تكون غير مرغوبه ولم تاخذ حقها وهي مجلة " نــــــــون " مجله تستحق الثناء , والثناء لله اولاً .. جمعة الكثير من الفائده , والكثير من الحروف التي تستحق ان تقرأ ..
اخي محمد , الف شكر لك ولطرحك القيم .. وتقبل احترامي وتقديري ..
موضوع جميل جدا وطرح رائع كما هي عادتك
لا اخفيك قرأت الموضوع في حينه واجلت التعليق حتى
تفتح الازهار في عقلي وتثمر الاشجار ي كلماتي
لكن للأسف لم اجد لي اضافة فالموضوع حوى المضاف والمضاف اليه والخبر والمبتدأ
شكرا اخي الغالي محمد
واعذرنا على القصور
وعليكم السلام ورحمة الله وبركاته مرحباً اخي جرح يشكي اللي انا اعرفه عن مهمة وسائل الاعلام والرسالة التي وجدت من اجلها هذه الوسائل زيادة الوعي الثقافي لدى المتلقي ورفع ثقافات المجتمع لكن مع الاسف مانشاهده في هذه الايام ان اغلب هذه الوسائل وسائل هدم وتسببت في انحطاط بعض فئات المجتمع نعم جرح انت تقدر تتحكم في نفسكـ لنكـ وصلت مرحلة النضج لكن فيه فئات تحتاج الى توجيه ومع الاسف سمحت هذه الفئة لهذه الوسائل ان تتحكم بهم وتوجههم كيف ماشأت هذه الوسائل وبالاخص القنوات الفضائية اخي جرح شاكره لكـ هذا الطرح الرائع وامدكـ الله بالصحة والعافية ودمنا ودمت في رضا الرحمن
( فضيحة في مدري وين )
وبالاخص بتاع القناة 
بس ماحب اي قناة فيها شات لان هدفه استغلالي مادي بحت 
الراديو 
الوضع العادي
