اين التطوع فيمن صلى وصام وقال ربي الله ؟!! يبدو ان البعض نسى او تناسى ان هذه فروض واجبه على كل مسلم في العبادة ..
ما افهمه عن التطوع .. ان يأتي شخص على سبيل المثال يخصص ساعات يوم محددة ببرنامج عمل محدد للعمل الخيري ( هذا عمل تطوعي ) ويمكن ان امنح صاحبه لقب مطوع اذا اراد .. يأتي آخر يتطوع كل ثلاثة شهور للتبرع بدمه ايضا يمكن ان نمنحه لقب مطوع .. تجتمع الجامعه العربيه وتقرر ارسال متطوعين للقتال في موزمبيق هذا ايضا نمنحه لقب مطوع .... الخ الأعمال الذهنية او الجسدية التي يمكن للفرد ان يقوم بها وفق برامج عمل دون أجر قاصدا وجه الله الكريم ،،،
واجمالا ووفق السياق السابق للأخوان والأخوات ووصفهم ( للمطوع ) يجب علينا ان نعي جديا ان هذا الشخص رجل ( مظهره متدينا ) وليس عالم دين معروف بعلمه وصلاحه وبالتالي فهؤلاء مثل غيرهم منهم الطيبين والصالحين ومنهم المجرمين والفاسدين ،،،
زوج أختي مطوع كاتب عدل , ما شاء الله عليه قمة الأخلاق وعلاقتي فيه من أحلى ما يكون .. من قوة العلاقة صار عندي مكتبة شاملة من الكتب اللي يهديني إياها عشان أقراها وأحطها بالدرج << لما يسألني اذا قريت الكتب لا تخافون علي .. أعرف أصرّف
على العموم .. المطاوعة نفتخر فيهم ما نستحي أو نقول فشلة .. بس يمكن تكون اللي قالت هالكلام صغيرة أو عقلها صغير
اهليين اخوي المشاغب
مشكوور على هالدعوه الطيبه والله يرزقك زوجه صالحه ان شاءلله
وصراحه الله يهني اختك بزوجها يارب وياليت تتعلم منه بدل لاانت تطلع اشاعات بالمنتدى
واكيدد اللي قالت هالكلام عقلها صغير وسخيف بعد ......
حياك الله يالغالي >>> انت موصيني اقول هالكلمه لانك تحبها
بس انا اخذت فكره عن واحد يقرب لنا كان اكبر داشر وفجاه التزم تتدرون ليش ؟؟
عشان فكر لما يخطب وحده مارح تقبل فيه بدشرته قام التزم !!!!
والثاني سوا نفسه مطوع ويحضر ماجستير والدكتوراه في الفقه ..
ولما تزوج توزج وحده مدرسه تصرف عليه يوم فلسها تزوج الثانيه وبعد مدرسه <<< تخصص سم الله عليه ,,
اصرفوا عليه من كان بالجامعه لين ماخلص الدكتوراه ولما خلص وصار استاذ كبير
طلق اثنتين ,,, !!!
عشان كذا مااضمنهم ,,
يسلمووو شوق ..
اهلين ياقلبي العنود
ليييش تكرهينهم والله حبيبتي اكبر غلط نحكم على مجموعه من شخص واحد يعني لو قلنا مثلا وحده من البنات دخلت المنتدى وسوت علاقه محرمه مع شاب هل كل بنات المنتدى مثلها؟؟؟؟؟
بالعكس في ملتزمين يهبلوون وينحط عالجرح يبرا ويبروون زوجاتهم احسن بر
أنا كذلك قرأت أن كلمة مطوع لا تطلق على من أستقام على دين الله سبحانه وتعالى ...
قد يكون مطوع للشر _ أي كلمة مطوع من طاوع ومطيع _نحن هنا نقول ملتزم وقد قرأت أن الأفضل
أن يقال مستقيم من حديث الرسول صلى الله عليه وسلم (( قل آمنت بالله ثم أستقم ))
البنات عندهن فكرة ان المستقيم على قولتك(مطوع) متزمت ومعقد والحقيقة أنه غير ذلك تماماً
من عرف الله حق المعرفة حافظ على حدوده ....
يحفظك ربي ومن تحبين وجميع المسلمين ...
هلا وغلا اختي الضحى
اول شي انا وضحت بأول رد عن كلمة المطوع بانها هي المستخدمه عندنا بالكويت للرجل المتدين
وثاني شي فعلا اكثر الناس ماخذين فكره ان الرجل الملتزم معقد مدري ليش ممكن يكون في جذي صح لكن نادر يعني مو الاغلبيه
وحياج الله حبيبتي منوره الموضوع بطلتك
.وقالت لودرى أبوي كان ذبحني .,قالوا ليش ..,,قالت !!أبوي بالهيئه وصعب التعامل معاه .,.,
لاحــــــــــــــــول ولاقوة ألابالله .,
صدقيني مــش مهم مطوع المهم أنه أخلاقه وأفعاله تطغى ع الزين
والله يحفظ الشباب والبنات ويهديهم ويهدينا .,.,يــاربـــ
ويعطيكــ العوآآآآآآآآآآآآآآآآآآآآآآفي يالغلا.,.,.
هلا وغلا الخرزه الزرقاء
ردج اثار اعصاب بعض الناس
بس صراحه انا اخالفك بالراي يعني الرجل مايطق زوجته الا وهي مسويه غلط كبير وترى مو كل المطاوعه شرسين لهالدرجه المتوحشه........ وصراحه رفيجتج هي غلطانه اشلون تطلع وابوها مو راضي انااستغرب من البنات اللي جذي يعني اذا اهلي امنعوني من مكان اكيد من مصلحتي ليش يعني ارووح من وراهم ؟؟؟؟
خذت فترة إلا الاخت لابسه ذاك الشمآغ إللي طآحوا فيه موديل بغيت اقول لها ترا حرام قالوا
ما ادري مسوين مطاوعه على ايش! من جد هي وامهاو خالآتهآ فاهمين التطوع حرمان!
ولازم تشآور امها المرجع الديني حقها والشيخ المفتي
ما ادري يعني هل اني اكون مطوعه لازم اكون مخلقنه او رسميه او بدون اهتمام !!!
والله في ناس مطوعه ماشاء الله لبسهم يرد الروح من اناقته وروحهم حلوة.والجلسة ماتملها!
وفيه نآس (اللي نسميهم نص تطوع! او يسمعون بالطوع!) ذولا على قولة صديقتي (الطوع يخر من الكوع)
يخر= يتسرب لغير النآطقين بلكنتي
يعني يتشددون ويتزمتون بآشيآء ثآنويه ويتركون الأسآس!
وللأسف تلاقين تربيتهم هشه! اول ما يحصل فرصه ينحرف.
المطوع حلو بس نفهمه
كثير يحسدونا عشان ابونا مطوع
وتلاقي يقولون ياحظكم!
فيه نآس يتمنون هالشي!
الله يرزقنآ الهدآية وحسن الخآتمه. يآرب
شكرا شوق
اهليين حبيبتي وردة الهلال
اول شي شكرا على تصويتج لي بموضوع الاعضاء المتميزين
الله يخليلج باباتك
انا نفس الشي وحده من البنات تحلل اللي تبي وتحرم اللي ماتبي يعني اذا اهلها مو راضين على شي تقول حرام مو لازم واذا اهلها راضين تسوييه ولا ترجع على احد
وصرااحه انتي قلتي نقطه مهمه طافتني وهي المظهر فعلا في بنات على اساس انها ملتزمه خلاااص لايمكن تكشخ اشدعوه ان الله جميل يحب الجمال
بس والله اذكر عندي ايام الثنويه مدرسه اسلاميه ملتزمه هي سلفيه ماشاءلله عليها تلبس لبس مو طبيعي فعلا كشخه وحببتنه بالديانه زوود من تعاملها واخلاقها وادبها و (كشختها )
للاسف بنات وشباب هالجيل واللي انا منهم للافس..التفكير لديهم سطحي وقد يوصل للسخافه.. ومن هالاسباب الاعلام والتغذيه المعفنه لعقول المجتمع..اغلب المسلسلات تطلع المطوع بشكل سلبي..انا ما اقول كل المطاوعه تمام..بس الجانب السلبي قليل جداً مقارنه مع الاشخاص الايجابيين
هنا يأتي دور الوالدين..بتوعيه اولادهم ..اكيد البنت ما راح تكون ساكته طول الوقت راح تجي اللحظه ويحدث موقف امامها وتقول رايها في المطاوعه..وفي تلك اللحظه يجب على والدتها او والدها توعيتها ..واذا مره محجره يلعن ابو شكله لين تستوعب بالقوه....<---اخر جمله اسحبوا عليها..
شوق.. الله يزوجك بشاب صالح ووسيم ولا يناظر لوحده غيرك.. والله يهدينا جميع..
فيه احد ينضمن بهالوقت..؟؟
سلاااااااااااااااااااااااااااااااااام
اهلن اهلن اخوي ابو ناصر
منور الموضوع بطلتك يالغالي وكلامك والله صحيح يعني المسلسلات الله يهداهم دايم يطلعون المتدين بصوره وحشيه ويطق خواته ويكسر التلفزيون ومعقد ومن هالسوالف حتى العرب اللي برا الخليج قاموا يستغربوون ويتجنبون الخليجيين اللي عندهم لحيه من هالمسلسلات السخيفه
وشكرا على دعائك الطيب والله يرزقك زوجه صالحه يارب واذا كانت موجوده الله يخليها لك يارب ويرزقكم صبيان وبنات
ندخل بالموضوع حلوو لما يكون باباتي مطووع بس اللي اقصده مو متشدد مرة يعني مو كل شي ممنوووع وحرااام ولايجووووز اعرف خويتي كدا ابوها معقدها كل شي حرام ومايصير حتى جوال ممنوع الا لما تملك ولا تتزوج
وترى مثل مافي بنات يتمنوا يتزوجوا مطوع في بنات ماترضى عشانه بيمنعها من اشياء كثير هيا تعودت عليها وبالتالي بتتعب معاه
اسلوبك حلوو ومواقفه كثيره خلتني اتذكر مليون موقف يعطيكِ الف عافيه يارب والله يرزقك الزوج الصالح