ياسليم ياعزيزي ..

المباراه من وجهة نظري مد وجزر .. كل فريق اخذ له شوي .. مافي فريق استسلم للثاني ولا في مدرب استهان بالثاني ..

ايمري تعامل بالمباراه بالاوراق اللي عنده ..

فيه لاعبين من برشلونه ماظهرو بشكل جيد .. وهالشئ يرجع لمستوى الباتس الرفيع واللي قدرو يفرضو نفسهم على برشلونه خصوصا بدنيا .. وفي الدقائق الا تقول عنها ايمري سلم فيها المباراه لنا .. اشوف انه برشلونه سرعو لعب الكره اكثر من اي شئ ثاني ..

بمعنى آخر .. كل فريق يقدر يفرض نفسه على الثاني في دقائق معينه ..

====

بالنسبه للانذارات والحالات التحكيميه .. ممكن اصيغها لك بشكل ثاني .. فالنسيا من الانديه الا تتلقى انذارات كثيره ومن سنين سواء في الليقا او خارج الليقا .. ليه الحين صارت الحالات التحكيميه فيها نرفزه لهم ؟

عندهم لاعبين امثال البيلدا ومارتشينا .. جزارين باحتراف ..

حالات الانذار وكذا تظل تقديريه .. بعض الحكام مايطلع انذارات ويقولو مافرض قوته على الفريقين .. واذا عطى انذارات قالوا نرفز اللاعبين ..

الخطا الا تقول عنه والا صارعليه احتجاج من اللاعبين .. الحكم وقف طالع الموقف وفكر ومشى اللعب .. يعني هالحاله لحالها بس بتطير تركيز الفريقين ..

الجمهور .. كعادة جمهور اسبانيا .. جمهور اشبيليا .. بلباو .. خيتافي .. فياريال .. اوساسونا .. جمهور يصارخ على اي شئ .. فـ احيانا في لقطات تحسس الحكم او حتى المتابع انه غصب فيه شئ

===

عبود احبك

سلآلآلآم

مدري وش أقول مبروك على التعادل آو هاردلك كل ما اتذكر آننا سجلنا في آخر المباراة اقول مبروك و كل ما تذكرت سيطرتنا على الشوط الثاني كامل آقول هارد لك !

آولاً ، بيب مدري وش يحس به في ذا المباراة ! ، هنري آحتياط ؟! اوكي ان معك يا بيب ان انييستا مبدع في الجناح الايمن مكان هنري بس في هالمباريات لازم تحسمها بدري و لا تنسا ان قدامك تشيلسي بعد 3 ايام ! ، يعني لو كان هنري احتياط و رجع انييستا وسط لـ مكانه كان آفضل و يكون آكزافي احتياط بسب الآرهاق اللي واضح عليه من قبل هـ المباراة آو آن يكون عليب في الوسط و تلعب بـ يايا و كيتا و هليب في الوسط ثُم يحلها الف حلال في الشوط الثاني

مستوى الدفاع اليوم فاشل جداً ! بويول و بيكي كانهم اول مرة يلعبون مع بعض ! و المشكلة بعد الفراغات اللي بين الآظهرة و قلوب الدفاع و آكبر دليل الهدف الثاني لهم فراغ كبير بين الفيش و بويول ! آعتقد بآن ماركيز لازم يكون آساسي في مباراة تشيلسي مع أبو شوشه !

نجي لـ الهجوم ميسي على ايتو على انييستا ! اليوم صراحة مستواهم تعبان و لا قدموا شيء يذكر غير الهدف الاول ! ميسي يحتفظ في الكورة كثييير و تحسه ثقيل في بعض الهجمات ! آما الخال الكلب ايتو فـ مستواه من تالي نازل و بقووووة لا مناولات و لا يفتح فراغات لـ الاعبين الباقين ! آنييستا هو اللي على الاقل يبرد القلب شوي !

فالديس يا فالديس تبون الصراحة ما غلط اليوم إلا في الهدف الاول لهم آما باقي المباراة كان بطل صراحة آن شاء الله يفكنا من فلسفته الزايدة في المباريات الجاية !

آهم شيء في الموضوع كله آن برشلونة لعب قدام فريق قوي عشان بعض الآعضاء اللي مو مقتنعين بآفضلية البرشا على اوربا يقتنعون و لا يصير لهم عذر كـ العادة ( برشلونة ما قابل إلا الآن فريق قوي ) !

بـ التوفيق

الرؤساء حبايب .. وهم اللي لهم مصالح فعليه من هالمباريات .. واحنا هنا نتلفظ على بعض بالفاظ مانحبها لأنفسنا وعلى ايش ؟

مادري .. ماعندي اي اجابه على اللي شفته ..

ههههههههههههههههههههههههه شوشه تنثر حكما ههههههههههههههههههههههههههه هلكتني فيها هههههههههههههههههههههههه حسيت نفسي اختراع

===

ماعندي لقطات حاليا للاسف ..

اذا شفتها برسلها ع الخاص لك

يالبى تحكيم الليقا

خلانا نتعادل مع فالنسيا وفي المستايا ؟

يالله لك الحمد والمنه يارب تكتمل مع الريال بعد ويعطينا بلنتي ويقعد كاسياس يرفس في احد لعيبتنا لما يلحقونه بيبي
وشوله الشد هذا كله يعني لين خذ فيا بلنتي بيسجله ؟ وكأن فالديز مهوب موجود ياخي ليه هالتهميش

اللي شاف مباراة خيتافي مع برشلونه بيقول يازين مباراة اليوم في التحكيم

هاردلك برشلونه ويارب يفوز ريال مدريد ونشوف كلاسيكو جميل ينسينا لقاءات الفريقين في العامين الأخيره بس طبعاً بيفوز برشلونه


مرق

الله عليك يالذهبي

يا بوي ذا يتلوى .. تقول لي يسجد .. طالع رجليه الله يسامحك .. بيجينا مدرعمين واجد

إقتباس الرسالة الأصلية كتبت بواسطة PUYOL Carles لاحول الله وش صاير فيكم يا شعب .. خلوكم حلوين .. تراها كوره فيصل .. شئ طبيعي ابني الشئ على فرضيات .. لأنه التحكيم شئ انا ماعشته ولا انت عشته علشان نعرف كيف يكون ضغطه .. لكن لما نشوف مكتوب رشاوي وفريق حكومه .. تتوقع هذا رد منطقي .. ممكن فرضيتي تقنع البعض وممكن الاغلبيه مايقتنعو بها .. لكن على الاقل ضمن حدود المعقول .. مو فريق مدعوم ومادري ايش .. انا انتقد البرشلونيه الا يقول عن الريال كذا .. فـ ليش ماانتقد الا يقول عن برشلونه كذا بعد .. ناس تقول لك احنا دفعنا لسرقسطه ذيك السنه .. والله حسيتهم في اسبانيا عايشين واجدادهم ماسكه مناصب في اندية اسبانيا .. انت يافيصل ماشفت المباراه .. فـ كيف تقول الفريق مظلوم ومادري ايش .. اذا شفتها قول رايك حبيبي .. موتجي على نقاشي معاك يوم مباراة اشبيليه ببساطه .. وبرأي الشخصي المتواضع .. كرة سيلفا مافيها بلنتي .. ومن المستحيلات اشوف بلنتي كذا .. الكره الثاني اللي لـ فييا .. ممكن جدا .. لكن اصلا الحكم حسبها تسلل والا بنظري ماكان صحيح .. يعني مجرد اخطاء اعتياديه اسبوعيه نشوفها وبشكل متكرر على كل الانديه .. ليه فريقنا صار مرتشي الحين ؟ ومازلت مقتنع بنظريتي يافيصل .. طول ما ان الفريق قدر يقلب النتيجه ويتقدم .. وماصار اي خطأ تحكيمي يغير مجرى المباراه بعد قلبه للنتيجه .. اذا ماله داعي نرجع نتذكر الاخطاء التحكيميه المبكره .. واذا ماعجبتك اطمرها يا بعد حيي الشئ يرجع بعدين لنتائج الريال وبرشلونه المباشره .. يعني يعتمد كم تسجلو علينا وكم نسجل عليكم اذا فزتو علينا .. وعلى العموم قلتها لقناص مدريدي من بداية الموسم .. اتمنى نتعادل معاكم بالنقاط وكل شئ وناخذها بنتيجة الكلاسيكو علشان تذوقو الا ذقناه في موسم كابيلو صح ههههههه

ماراح اطمرها يابعد حيي .. فاضي واجازة وماوراي الا انت ؟


وش جاب طاري الرشاوي ومباراة سرقسطة ؟ ..
أنـا اناقشك في نظريتك ياجدي .. طيب البلنتي مـو 90 % هدف ؟ ..
طيب جا هدف فالنسيا ماراح تصير 3-2 ؟؟ ..



خخخخخخخخ اما عن سالفة اللقب ماراح تصير درجة الغبنة الي سويناها لكم لو سويتها هالموسم لنا !
لأنه انتم متصدرين من بداية خخخ يعني لو احنا متصدرين وحصل هالسيناريو راح توصل درجة غبنة موسم كابيلو لكم

بعدين تهقا نفوز عليكم ثلاثة مثلاً خخخخ .. صحيح انتم قدامنا تجيكم ام الركب ويصير من افضل نادي بالعالم للأوطى واخس نادي بالعالم .
. بس احنا مانهيئ اننا نفوز ثلاثة ممكن واحد ويخب خخخخخ


للحين مااحد جاب سحبة سيلفا للدراجة ؟

.

من أحسن مباريات الليقا الفترة الأخيرة ، مباراة استمتعت فيها والله نظراً للمستوى الحلو والتنافس الكبير اللي صار بين الفريقين ،،،

اجمالاً التعادل 2-2 نتيجة عادلة للطرفين ، فالنسيا ماجاب هدفين لأن برشلونة سيئ لا جابهم لأن فريقهم جيد ولعب كورة حلوة أمس تعب فيها برشلونة ، ونفس الكلام ينطبق على برشلونة طبعاً ، حتى طريقة الأهداف نفس الشي ضرب خط الدفاع بـ ون - تو وتقدير خاطئ بالخروج من الحارسين .

الشوط الأول الأفظلية كانت فيه لفترات تقدم برشلونة وبآخر4 دقايق فالنسيا قلب الطاولة بهدفين ، الشوط الثاني برشلونة كان متسيده أكثر لكن فالنسيا كان خطيييير بالمرتدات .

أداء لاعبي برشلونة بكل الخطوط راضي عنه أمس وأشوف ان اللاعبين أدوا اللي عليهم وان كان بويول ببعض الفترات مو في جو اللعبة .

مبرروكـ لنا وللفالنساويه الأداء والنتيجه بحكم انها عادلة ، ونقطه أحسن من لاشيئ وماتدري يمكن هالنقطة تكسبك اللقب ، حتى معنوياً وخاصة أن التعادل جاء متأخر نوعاً ما بيكون تأثيره لقادم المنافسات أخف من الخسارة .

بالنسبه للحكم ماتوقعت بيكون فيه نقاش عنه أصلاً ، أشوفه أدار المباراة بشكل حلو !

أجل حق سيلفا بلنتي من جدكم ياعيال لقطه عادية جداً ، حتى كورة فيا حاولت أدور اعاقه من بويول مالقيت وبالأصل الحكم المساعد كان رافع الراية .

سليم لاتقول فيه لقطات واجد الحكم تساهل مع لاعبي برشلونة ماأعطاهم كروت قل فيه لقطه واللي هي حقت بيكي وأنا معك أما لقطات جبلي غير هالحالة ؟
بالمقابل ألبويول كسر تشافي جنب منطقة الجزاء من قوة الضرب طاح على بطنه والحكم ماأعطاه بطاقة ، البطاقات اللي وزعها الحكم كلها مستحقه ومافي حالات تستوجب بطاقه والحكم ماأخرجه الا كورة بيكي وألبيول ، كان فيه أخطاء ماله داعي تنحسب وخاصة لفالنسيا لكن متعودين أن الحكام الاسبان مايحبوا أي التحام أو لعب بدني .

نجم المبارة من فالنسيا بابلو هيرنانديز


،،،