السلام عليكم ورحمة الله وبركاته

في زيارتي اليوم لمعرض جايتكس ولو انها كانت في غير وقتها لأن المفترض اكون امام شاشة التلفاز لمشاهدة المباراة

المهم في الموضوع دخلت المعرض وكنت مهتما بالاطلاع على شركة الاتصالات وموبايلي والحقيقة ان اللي في المعرض ككل من زوار وعارضين متجمهرين عند هاتين الشركتين

لكن مالفت انتباهي هو الاستحواذ الكبير لشركة الاتصالات في المعرض من ناحية الموقع والسيطرة الدعائية
ووجدت عندهم زوار (بالهبل) قلت بس الزوار كلهم عند الاتصالات لكن قلت خلني اشوف موبايلي وكنت اتوقع عندهم هالة ضخمة لكن وجدت الكونترات فاضية استغربت مو من عوايدها لكن قلت اكيد فيه سر قلت خلني ادور على اي شخص لكن المفاجأة وجدت الجمهور والعارضين والزوار(ايش بالهبل) كنت ابغى اعرف وش يشوفون ماقدرت لكن في الاخير سألت واحد عندهم قال عندهم روبوت قلت ايه 1-0 لموبايلي

بعد صلاة المغرب كنت افكر ارع البيت عشان المباراة لكن تفاجأت ان موبايلي جالسة تعرض المباراة في جناحها وحصلت كم كبير من الزوار والعارضين متجمهرين عند الشاشة لكن ماصدمني هو انه يوم وصلت لقيت الاهلي 1-0 قلت بلاش اكمل الدوران في المعرض

وانا ادور في المعرض لقيت جناح الاتصالات يسحب على جوائز عشان يسحب الناس من موبايلي لكن توني وصلت عندهم الا واسمع صرخة دوت الصالة منها كان قلبي يقول الهلال جاب هدف وجريت لجناح موبايلي لقيته مثل اول 3ثلاث الا اربع الا خمس مرات ولقيت الموظفين يرمون الجمهور بجوائز موبايلي مع كل هدف بصراحة ولو ان جوائز الاتصالات ادسم لكن جوائز موبايلي كان لها طعم خاص وخصوصا انها تجي بطعم اهداف قلت 2-0 لموبايلي


لكن نسيت اقول لكم انه الاتصالات تبغى تسحب الزوار فبثت المباراة على شاشتها لكن عدد الجمهور 6 الظاهر من التعب حبوا يجلسوا يرتاحوا فقلت خلاص 3-0 لموبايلي وهاردلك يالاتصالات

على العموم مبروك للزعيم وعقبال البطولة بعد البطولة