أول سواق يجينا ,, وتحدي نهايته مأساوية مضحكة :D - نادي الهلال السعودي - شبكة الزعيم

وليد القحطاني · #1 18/04/2009, 11:50 AM

السلام عليكم
كيفكم ؟ اخباركم ؟
الموضوع كاتبه سريع سريع لان وراي محاضرات ماني فاضي لكم

السواق

اول سواق جانا كانت جنسيته هندي , قبل اربع سنوات بالظبط

المهم رحت انا والوالد نستقبله في المطار وياليتنا ما استقبلناه

المهم اول ماشفته قلت للوالد : يا ابوي ترى شكله مايطمن

شكله غشيم

, قال ياولد اركد وشدراك انه غشيم قلت : الخطاب من عنوانه يا أبوي

المهم اخذنها ووصلنا البيت , الوقت مايمدي متأخر عشان نخليه نسوق ونشوف هو غشيم ولا لا

..
اليوم اللي بعده في الفجر صلينا ورحنا مخطط فاضي وكان معانا جمس موديل 2002 بعناه وراحت ايامه

المهم طفينا الموتر وعطيناه المفتاح وقلنا له يالله شغل السيارة
المهم ركب الدلخ

وقاعد يدور وين يحط المفتاح خخخخخخخخخ

هذي بدايتها اجل هههههههههههه

المهم الوالد شغل السيارة له قلت للوالد : يا ابوي من جدك انت ؟!
ماعرف يشغلها تبغاه يعرف يسوق

!
قال يارجال يمكن مكان المفتاح عندهم في الهند غير !
قلت براحتك

المهم الرجال ماعرف وش يسوي دعس دعسة قوية والقير على الــ P خخخخخخخ

المهم قال ابوي خلاص محمد انا رجع هند انت , انت مافيه معلوم سوق

وديناه والرجال قاعد يبكي , جيت انا مسوي بهديه قلت له : خلاص محمد مافيه مشكلة انت مافيه معلوم سوق !
قلت له انا اخو صغير مافي معلوم سوق مافيه مشكلة خخخخخخخخخخ

وانتهت القصة !

التحدي

قبل سنتين جاء عمي عندنا هنا في الشرقية يغير جو الديرة شوي

المهم طلعنا معه الهافمون واخذنا لنا 3 دبابات لي ولأخواني هو ما اخذ قاعد يفر
في الموتر ويشوف المناظر لان ماعندهم مثل ماعندنا

انا اخذت دباب عادي وبصراحة دباب ولا في الخيال

المهم في ع يمين وانت ماسك الشارع العام في الهافمون فيه شارع مسوينه
جديد قبل سنتين , وكان في الشارع زيت سيارة مدري من وين جاي

المهم قلت احلى تخميس بيجي وخمست وماصار شئ لحد الحين

جاء عمي وقلت له : تتحداني اخمس قال يالله اتحداك :
واجيك من بعييييييييييييييييييييد داااااعس ويوم وصلت عند الزيت سحبت الجلنط اقوى ما عندي !
الدباب زحف ع طول الزيت إلى ان وصلت إلا نهاية الزيت ونهايته كان زفلت .
وطرت في الهواء حوالي 6 امتار خخخخخخخخخخ

وطحت على راسي وعلى يدي وتعورت ذاك اليوم , وكان اسوء ايام حياتي

المهم بعدها جو الاسعاف والزحمممة وانا يدي تعورني مرررررة

المهم دخلوني السيارة وحطو الاكسجين في فمي , وزحمممممة كاني كنت في حرب وقسم

!

وعمي ورى الاسعاف يلحقنا , قلت لسواق الاسعاف خلاص وقف مافيني شئ
قال لا مايصلح كذا لازم نوديك المستشفى .
قلت ياخوي وقف ورانا عزيمة < كان الوقت ع المغرب

ووقف ع جنب ونزلت سالماً معافا

واثار الجرح في يدي إلى الآن

وبعدها ماسقت دباب من يوم الحادث إلى يومك هذا

وبس

في الاخير الموضوع مو مرتب اصلاً
ويازين المواضيع اذا جت ع الطاير

فمان الله وراي محاضرة ووراي بريزون بريك

سلااااااااااااااااااااااااااااااااااااام

القيصر رهيب · #2 18/04/2009, 12:03 PM

هلا والله بالدلوخ كلهم

ما أدري على إني اكرهك لكن اليوم أملك تجاهك مشاعر جياشة

<< ودهـ بكبسة ثانية

ما علينا قصة السواق أنت ووجهك فيها مغالطات كثيرهـ

وبذكر مغالطة وحده وما راح أدقق

أجل أبوك يقول لك يا رجال

أشوى إن صوته ذاك اليوم طالع من السماعه يقول وينك يا الهطف

بالنسبة للدباب فأنت غشيم غشيم غشيم
زيت يسوي بك تسذا يا كمخه

عالعموم الحمدلله على سلامتك وانقلع

نعساااااااااااااااااااااااااااااااااااااااااااااان

رجل من عالم آخر · #3 18/04/2009, 12:32 PM

تكفى مرة ثانية لاتحط مواضيع على الطاير
القصة الثانية مادري وش تبي

المهم أنا سواقنا الحين ما عمرنا طلعنا معه إلا يقشع السيارة

سياراتنا الحين مت تسوى ولا 10 آلاف من جيب مصري

اليوم أنا جالس في البيت موب مثلكم أراكض ورى المدارس

Blue Sun · #4 18/04/2009, 12:40 PM

هلا وغلا وليد ..

السواق وما ادراك مالسواق ..

يوم انك تقول للسواق اخوي الصغير ما يعرف يسوق يعني انك وقتها تعرف تسوق .. !!

وبعدين وش صار عليه سفرتوه ولا عرف يسوق .. ما كملت السالفة ..

على طاري الدباب ..
الحمد لله على السلامة
اختي الصغيرة طاحت من الدباب وعمرها 4 سنين ..
والحين عمرها 12 سنة و تكره شئ اسمه دباب ..
حاولنا نقنعها بكل الوسائل انه حادث يصير لاي احد لكنها رفضت ..

مرة ركبتها معي بالغصب كانت بتموت قبل احرك ..

ومرة كنا على الكورنيش ..

وتصادموا دبابين مقابلنا .. واحد منهم ما جاه شئ ..
اما الثاني جاته ضربه في مكان حساس ..

والله اني رحمته ما قدر يتحرك ولا قدر احد يساعده ..

واحد ما قصر خذاه بسيارته الخاصة على اقرب مستشفى ..

يعطيك الف عافية وليد على الموضوع ,,

هلالي من ارض اليمن · #5 18/04/2009, 01:03 PM

حقيقة يا وليد

لا اريد التعليق على الدباب والزيت

سأكتفي بقول سلامات بعد مضي عمر مديد

والله يعطيك العافيه ،،،

A.K.N 505 · #6 18/04/2009, 02:10 PM

أهلا وليد ,,,

ذكرتني بالسواق القديم , كان عندنا تقريباً ست سنوات و رحل لدياره

كانت أخلاقه حلوة , و يفهم اللي تبيه قبل لا تقوله

جاء قبل اسبوعين واحد غيره , و الظاهر راح يكون مثل سواقكم هذا

دمت بخير

الســفيرة · #7 18/04/2009, 02:15 PM

شسالفتك بالضبط وليد

جايبلنا سوالف اكل عليها الدهر وشرب

توك تصحى تكتبها عقب مامر عليها سنتين واربع سنين

^

احس اني هزئتك واجد

الحمدلله على السلامة عموما

ريكيلمي · #8 18/04/2009, 02:38 PM

الله .. ذكرتني بأيام أول سواق ( تكرمون ) يفسخ نعاله قبل يركب السيارة

أما موضوع الدباب .. 6 أمتار تقريباً ارتفاع فيلا .. سلامتك ما تشوف شر

و نهاية الأحزان يا رب

خالـ الشوق ـد · #9 18/04/2009, 02:43 PM

حقيقة يا وليد لا اريد التعليق على الدباب والزيت

سأكتفي بقول سلامات بعد مضي عمر مديد

والله يعطيك العافيه ،،،

أبو ميار · #10 18/04/2009, 03:47 PM

ودك يحطون منتدى تقييم خاص للمجلس قبل طرح أي موضوع

مجرد إقتراح جاء براسي ..

أرجع لموضوعك ..

تدري وش تمنيت تمنيت إن الهندي هو اللي كان يسوق سيارة الإسعاف

هامور البورصه · #11 18/04/2009, 04:39 PM

وليد يمدحون كتابة الاخبار

لا عمرك تفكر تكتب عن السواويق مره ثانيه

فتحت الجرووح (يا الخطاب باين من عنوانه

) ( نخليه نسوق اجل ) ابي افهم وش نخليه نسوق ولا انت وخشتك كاتب في الفجر قل من الفجر يا كمخه هههههههههههههه وليد يا حبني لك بـس واذا فيه شي بيكرهني فيك كرهك للملووك

‏Mr.RęLǻҗ · #12 18/04/2009, 05:40 PM

وليد .. لاعمرك تكتب مواضيع وانت طالع للجامعه انت خلقه يالله تاصل مفهي

؛ /

اما السواق

,

لا وابوك يقول يمكن مكان المفتاح هناك بالهند غير

وين اصرفها ذي

: )

يسلمك ربي ع الموضوع وليد

(ورده)

**نــواره** · #13 18/04/2009, 06:32 PM

تدري وليدوهـ آلموضوع بيطلع أكشـخ

لو إنك حآط صورة آلجرح آللي بيدك هع

بس مير ترى يمديك حطهآ لأني آلصرآحه شفت آلأعضآء هبوآ فيك وببثآرة آلموضوع

فـبكذآ بحركه بدون محد يحس صووور جرحك ونزل آلصوورهـ..

بيطلع أطلق موضوع في آلشهر

عوآفي يآولد آلعم

حتى ظلالي هلالي · #14 18/04/2009, 06:33 PM

وش فيكم انتم هاليومين

تجون على الوتر الحساس

لاتخلوني انفلت واتلكم عن السواويق
لا اجيب العيد الحين

سواق واحد بس الي مر علي بحياتي زين

والله لو بيدي ارجعهـ اني لا اعطيهـ الراتب الي يبي

صح انه يمون شوي

ومسوي كاتب لنا ذكريات

بس ياحبي له

احسن من غيره

ولا هالي عندي الي كل واحد اردى من الثاني

سؤال يطرح نفسه .. ليهـ يسمحون بالاستقدام من الهند ..!

يافيهم كماخهـ .. او بالاصح يتكيمخون ..
وملعن يافيهم خبث مو صاحي .. ونصب عيني عينك ..

يا حلالات اندونيسيا وفلبينو

هم اكوس ناس بالعالم

والحمدلله على السلامه بعد الطيحهـ الشنيعه قبل سنين

الا وش تحس فيه وانت موقف الاسعاف بالشارع ينزلونك

وليد القحطاني · #15 18/04/2009, 06:55 PM

إقتباس

الرسالة الأصلية كتبت بواسطة القيصر رهيب


	هلا والله بالدلوخ كلهم ما أدري على إني اكرهك لكن اليوم أملك تجاهك مشاعر جياشة << ودهـ بكبسة ثانية ما علينا قصة السواق أنت ووجهك فيها مغالطات كثيرهـ وبذكر مغالطة وحده وما راح أدقق أجل أبوك يقول لك يا رجال أشوى إن صوته ذاك اليوم طالع من السماعه يقول وينك يا الهطف بالنسبة للدباب فأنت غشيم غشيم غشيم زيت يسوي بك تسذا يا كمخه عالعموم الحمدلله على سلامتك وانقلع نعساااااااااااااااااااااااااااااااااااااااااااااان

هلا علي !
اقول تراك طولت علينا في الحافظة !

جبها في الاوريون وحطها في كيس وفي الشنطة

الله يسلمك يالغالي
منور