ليه حظي كذا دايم . .
عمري ماحسبتها صح . .
دخلت الأسهم وطاحت بعدها بيوم . .
تسلفنا وشرينا أرض . . نزل سوق العقار وابتلشنا
لاقدرنا نسدد الدين ولا نبيع الأرض . .
حتى ولد أختي الي كنت أبي اسجله بنادي واحصل من وراه كم قرش 
هون مايبي يلعب كورة يقول أخاف يطلعون عني إشاعة 
تقفلت من جميع النواحي . .
تدرون مافي إلا النوم ينسيك الهموم
/ \ / \ ((بعد 15 ساعه نوم < < <
جوالي العنيد يرن <<<تنا نانا تنا نانا تنا نانا ناااااا 
وأشوف المتصل 
الدحمي ولد جيرنا أول
هالولد انا شاك انه هو سبة نحسي الي انا فيهـ 
والله وأكملها نومه
15 ساعه ثانيه 
بعدها صحيت وأحس أني نشيط بالحيل 
وأغسل وجهي والبس ثوبي وأفصل الجوال من الشاحن
وأتفاجأ 
155 مكالمة فائتهـ كلهن من الدحمي . .
قلت أكيد الموضوع في وفاة . .
والله وأتصل على الدحمي
أنا:هلا الدحمي يالله حيه ولد جارنا الدحمي: وراك ماترد ياولد . . . <<<يعرفون أسم أمي اول أنا: والله كنت نايم خير وش بغيت . .
الدحمي : تخبر مكينة الخياطة الي عندكم الي كانت جدتك تخيط بها دراريع حريم الحارة 
أنا: أيه اخبرها موجوده للحين مع اغراض المرحومة 
الدحمي: طيب تعالي السوق اليوم وهاتهـ معك . .
أنا : ليهـ
الدحمي : أقولك هاتها لاتضيع وقت لاتنجلد . .
خلصت المكالمة . .
الي مدتها ساعه << بطران 
وانا الي ادخل لغرفة جدتي واخذ المكينة وأطلع للسوق . .
* * *
على 20 على 20
خلطات تخلي الزوج خاتم بإصبع مرته والحريم المهبل مجتمعات عنده . .
المهم مشيت الى ان انتصفت السوق ولا ذاك الي يسحب المكينة مني
بكل دفاشة
^
^
الدحمي
مشينا إلى أن
ووصلنا لنهاية السوق
ولا ذاك التجمع الكبير وأسمعهم يحرجون بمبالغ كبيرة
واقول للدحمي وش السالفة يقول هذي مكاين الخياطة
مرتفع سعرها وواصلة للـ 100 الف 
<<<كذا خشتي وقتها يقولون فيها زئبق و تحضر الجن 
دخلنا في وسط الجموع الى ان
وصلنا للمحرج
وقاله الدحمي هذي مكينتنا شف كم تجيب
والله ماتسمع إلا أسعار فوق فوق
الي يقول 100 الف والي يقول 200 الف
وانا الي يغمى علي <<<اول مره اسمع بهالمبالغ عاد الدحمي ركض بي للمستشفى
وقالوا للدحمي ترى خويك
عنده انفلوزنا ام اسد وتراه مرض معدي
بعدها ماشفت خشته الهيس 
رمى هالمكينة جنب السرير وانحاش
وانا ماشفيت من المرض الا بعد شهرين
وطلع حساب المستشفى 35الف ويوم رحت للسوق بأبيع المكينة طلعت ب200 ريال عاد الحساب
سددوا بعضه أهل الخير . .
والباقي أجمعه منا ومنا وأتسلف . .
أقول عندكم سلف ؟
/
\
/
\
سؤال:- وش يحسون به المهبل الي مصدقين انهم بيصيرون أغنياء
من ورى مكينة خياطة . . ؟ لا وأم أسد ولا ماينفع . . ! !
أصحاب العقول في راحة . .
تحياتي للجميع 
الموضوع برعاية
الوضع العادي
