السلام عليكم
دامك فتحت هالموضوع يالغالي ... بقول اللي عندي واللي من زمان كاتم على نفسي
 | إقتباس |  | | | | | | | | | |
لا أحد فينا يشكك في قدرات (( ليكنز )) التدريبيه فهو مدرب خبير وله ثقله ومركزه
بين المدربين المشهورين ولكن ربما
لايستطيع توصيل افكاره بالشكل المطلوب للاعبي الزعيم | |  | |  | |
اولا يالغالي ... راح اتكلم بوجهة نظر شخصيه بحته ... وبصراحه اشوفها هي الانسب بحكم التجارب والملاحظات مع مدربين اخرين
يالغالي انا ممكن اتابع مباراة تشيلسي في انقلترا ... علشان اتابع المدرب مو الفريق
في البدايه وعن ليكنز تحديداً :
- تاريخ المدرب يؤثر في نفسية اللاعبين بنسبة 50%... وليكنز للأسف تاريخ وماضيه فاشل جدا بحكم انه تلقى 3 اقالات !!!
اقالتة من منتخب بلجيكا
اقالته من منتخب الجزائر
اقالته من النادي التركي اللي كان فيه !!!
ع الاقل اعتبر نفسك لاعب ( انت ياصاحب الموضوع ) ... وتخيل انه وراك مدرب .. (خلنا نقول هيدينك) ... وصّل كوريا الجنوبيه لمركز الـ رابع على العالم ... كيف بتكون ثقتك فيه ؟ كيف بيكون ادائك ؟؟
انت بتقول في نفسك ... لو مااديت او اذا مافزنا .. بيقولون اللاعبين داجين ... لانه المدرب محنّك وذكي وله تاريخه
لكن لما يجيك مدرب نال من الاقالات مانال ... طبيعي ماراح تكون ثقتك فيه كبيره ... وراح تيأس من تطبيق تعليماته اللي لاتودي ولاتجيب
- القراءه الجيده للمباراه ... وللأمانه .... ليكنز يتقن هذا الجانب بشكل ممتاز .
- توظيف اللاعبين حسب امكاناتهم ... وهنا واقعة ليكنز وممكن نقول مدرب جديد ... معذور
- ترتيب خطوط الفريق .... هذي ليكتنز ماسمع فيها مع الهلال ابداً
واللي يثبت كلامي ... تصريح المدرب بكلامه انا احب اللعب الحر
يعني ... قدام ... ياسر انت عند الباب ... ويلي والتايب وسول انتوا وراه ... وبس !!!
طيب ياخي اهم شي في الفريق ترتيب خطوط الدفاع .... وخط الدفاع هو الخط الوحيد اللي مايقدر يلعب بدون ترتيب ابد
وين ترتيب الدفاع مع كوزمن ؟؟
وين المرشدي ايام كوزمن ؟؟ لاتقولون نزل مستواه ... المهاره ماتروح من صاحبها ... لكن وين اللي يوظفها !!
شفنا ناصر الجوهر في الخليجيه اتبع نفس اسلوب كوزمن في الدفاع ... شف وش صار المرشدي !!
-
العامل النفسي <<< حط تحتها مليون خط
ماحد فيكم سأل نفسه وش سر نجاح بيسيرو ؟؟ ومن قبله انقوس مع المنتخب مع العلم انه اثنينهم مااخذوا فرصتهم كفايه ؟؟
لاحظتوا نظرات ياسر يوم جاب هدف على اليابان في اسيا 2007 ؟؟
تحس انقوس شاحن اللاعبين بحقد على الفريق المقابل ... وهذا هو المطلوب
شف نظرات ياسر الثانيه 51
http://www.youtube.com/watch?v=XQCJy...eature=related
ونفس الشغل مع بيسيرو
تحس اللاعبين يقولون في نفسهم ... المفروض علينا اننا نفوز ... غصب
شحنهم بيسيرو شحن مهوب طبيعي ... صاروا اذا جابوا قول ... راحوا كلهم يجيبون الكره من الشبك
ولك في هدفنا على ايران عبره
وهدفنا على الامارات ( الثاني )
اقلها لاحظ مباراتنا مع اليابان في اسيا 2007
اذا جاء قول على اليابانيين ... راح يظربون الارض .... ليه ؟؟
حسوا انه لاعبينا مايأسوا ... وهم ظاربهم اليأس من فوق وتحت ... واهدافهم كلها من فنيات اللاعبين
حنا لا
من حماس ... وطبعا مع الفنيات
-قوة شخصية المدرب ... وهذا شي مهم جدا جدا ..
شف دائما المدربين اللي نجيب العيد معهم ... شخصيتهم بارده وعاديه ... مع احترامي للجوهر .. وفي الهلال ليكنز
في التدريب تلقاه يضحك مع اللاعب !! عسى ماشر ؟؟
نبي مدرب يطب في بطون اللاعبين ... بتسوي كذا والا انقلع
ااااااه بس ياليت تيجانا جاء للهلال . هذاك عليه شخصيه مو طبيعيه
تلقى اللاعب يحسب الف حساب قبل مايغلط ... لانه وراه واحد بيطب في بطنه
ولك في عزيز عبره في كل نهائي
على فكره ... كوزمن كان قوي شخصيه لكن مو مره ... كان حاسب اللاعبين مثل اخوانه
هذا هو التدريب ... تنظيم خطوطك ... حط تكتيكك .... اشحن اللاعبين نفسيا ... ادخل والفوز لك بإذن الله
انا مابي احكم على ليكنز من البدايه
لكن كرأي شخصي ...
ماراح يفيد الهلال ... بالعكس ... راح يستفيد من الهلال
يكفي انه سحب على فريقه السابق علشان الفلووووس ... يعني بالله لو كوزمن مكانه ... بيسويها ؟؟ هع
اه ياكوزمن بس
بالتوفيق للجميع واسف للإطاله
الوضع العادي
