.. اطـفـالـنــا .. وهـبـالـهــم .. - صفحة رقم 2 - نادي الهلال السعودي - شبكة الزعيم

sowaid · #16 15/04/2009, 08:05 PM

يالبى قلووووووبهم بس
طبعا المواقف كثيره بس ماتنذكر<<<<<<< نصأأب

لاعدمناكـ

شوق الكويت · #17 15/04/2009, 08:19 PM

يااااربييييييييييي والله لما اقرا هالمواقف ودي يصير عندي عيال واشوفهم مزعجين ويلعبون ويعفسون وانا اضحك معاهم

والله الاطفال هم هبه من الله وهم حلاوه الحياة

انا اذكر ولد خالتي لما كان صغير كان عمره تقريبا 6 سنين وهو رايح مع ابوه المسجد وهم ساجدين ......................................................................

قام ومسك الميكروفون وقام يغني

والمشكله ابوه مطوع وله هيبه

تسلم اخوي عالموضوع البريء

Sami Cena · #18 15/04/2009, 08:28 PM

انا الي اذكره يوم كان عمري 4 سنوات ووداني ابوي المسجد

شفتهم يصلون قلت وش فيهم ذول بطيئين <<< سريع من يوم مانا صغير

قمت صليت وسبقتهم بعدين قعدت اصارخ خلصت قبلكم يافاشلين <<< وش احس فيه

والله احس ابوي انواع الاحراج بعد ماخلص

يالله لاتواخذنا

Blue Sun · #19 16/04/2009, 09:29 PM

إقتباس

الرسالة الأصلية كتبت بواسطة البــارونـه{sa}


	وعـليكم الـسلام و رحمة الله وبركـاته هههههههههههههههههههههههه أجـل لـعـبهآ عـليك الـبزر بخخخخخخ والله بـزاريـن هالأيـام مو صـاحيين فـيهم شـقاوه مو طـبيعيه بـالنـسبه للمـواقف الـبزران كـان ودي أشـارك بس مـآعندي لأني أحـاول قـدر الإمكـان أني أبعد عـنهم طـبعـاً أقصد مـا فـوق سن الـثلاث سنين لأن بـزرانـنا صـراحه مـا يـنقـربون مـشكور أخـوي فـهد عـالموقف الـحلو و يـاليـت تـزيدنا من هالمواقف تـقـبل مــروري

هلا وغلا البارونة ..

الله يرحم زمان اول كانت البراءة مقطعة البزارين تقطيع ..

بس بزارين هالايام ما لهم امان ابد ..

والمشكلة لا جلست مع بزارين وهم طايحين فيك تقطيع وانت ما تدري وش الطبخة ..

بس والله زين سويتي على الاقل تحفظي كرامتك شوي ..

شاكر لك ردك وتفاعلك مع الموضوع ,,

Blue Sun · #20 16/04/2009, 09:35 PM

إقتباس

الرسالة الأصلية كتبت بواسطة القيصر رهيب


	أنا عندي ولد خالة ( خالة هنا بمعنى أخت الام وليس بمعنى حتى ظلالي هلالي "تكرونية" ) مهستر وهو توه ما بعد تكلم زين ما تقدر تفهم عليه يسوي نفسه يشرب شاهي ويمد لك يده على إنه كأس يبيك تصب له أنت تبي تعطيه جوه وتصب له لكن البلا إنه إذا سوى نفسه يشرب الشاهي يقول أح على انه حار شكرا فهد << كثروا الأفهاد بالمجلس على فكرة

هلا وغلا القيصر علي ..

الحين وش سوا لك التكارنه يوم انك تغلط عليهم .. !! والله امزح

ولد خالتك احس انه راعي سوالف ..

الله يخليه لكم ..
نصيحة لك لا تعطيه وجه زيادة ولا بتشوف المزح على اصوله ..

الا على طارى الافهاد بعلمك شئ بس لا احد يدري ..

باقي لنا كم فهد ونسوي انقلاب على المجلس ..

شاكر لك ردك وتفاعلك مع الموضوع ,,

Blue Sun · #21 16/04/2009, 09:43 PM

إقتباس

الرسالة الأصلية كتبت بواسطة hilali-arsenali


	هههههههههههههههههههههههه اجل سواها فيك هالنذل .. .. انا حصل موقف ما انساه مع ولد اختي يومها كان عمره حدود 4 سنوات كنت جالس العب بلي ستيشن و متحمس في لعبة طرزان قربت اختمها جاء عندي يبغاني العبه كرشته مع الباب شوي مادري الا يوم انطفى التلفزيون مع البلي ستيشن النذل لف من وراي واستغفلني وانا مركز في اللعب فصل الفيش و حط رجله رحت معصب اركض وراه ... لكنه سبقني وراح توزى خلف امه انا رجعت مكسور الخاطر اجر حسرتي وراي

هلا وغلا hilali-arsenali

ايه والله سواها فيني اللي ما يخاف الله ..

بس والله ياولد اختك عرف كيف ياخذ حقة ..

بيني وبينك والله ما ينلام تلعب قدامه وما تبي تلعبه ..

شكله قبل ما يفصل الفيش شيك على خط النحشة حتى ما يمتسك ويروح فيها ..

شاكر لك ردك وتفاعلك بالموضوع ..

Blue Sun · #22 16/04/2009, 09:47 PM

إقتباس

الرسالة الأصلية كتبت بواسطة وليد القحطاني


	هلا وغلا فهد ياليل بثارة الوراعين هالأيام , وخاصة إذا كان يستلكع قدامك انا اخوي الصغير صف سادس بس شكله تقول صف رابع ! دائماً يلعب كورة في الصالة , طبعاً الكورة سفنج ابو ثلاث ريال ولا اذا كنت تصلي ويجي ورع قدامك ويقعد يناقز او في وراعين اللي قلبهم قوي يروحون عند الميكرفون ويتكلمون أذكر مرة وانا صغير خربتها ورحت عند المايك والامام جالس للتشهد الأخير وقلت : السلام عليكم بصوت عالي وبعدها هربت . هذا غير ماجاني من الوالد فهد الله يعطيك العافية

هلا وغلا وليد ..

ياشينها اذا جا يستلكع عليك بزرعنده بطاقة عدم تعرض ..

يرفع ضغطك ولا تقدر تسوي شئ ..

وعلى طاري المسجد اذكر زمان دخلت المسجد ولقيت بزارين يلعبون والعالم تصلي .. قلت بسوي خير وانصحهم ..
قلت لهم صلوا وبعد الصلاة العبوا عادي بس برى المسجد ..
وما سمعت الا هياطهم بصوت عالي وش دخلك انت ..

حى الامام عرف السالفة من صوتهم ..

كان ودي احط حرتي فيهم بس خفت الامام يسمع الصوت ويقطع الصلاة ..
رحت اصلي وانا مقهور بس ابشرك بردت حرتي فيهم .. دعيت عليهم في السجود ..

وبعدين وش جوك يوم تروح لم المايك وتسلم .. محمد عبده على غفلة ..

كاني ادري وش جاك من ابوك ..

شاكر لك ردك وتفاعلك مع الموضوع ,,

Blue Sun · #23 16/04/2009, 09:54 PM

إقتباس

الرسالة الأصلية كتبت بواسطة ابو طـــــلال


	ماشاء الله تبارك الله .. عسل هالولد .. أنا اشهد إنه ذيب .. لايكون طقيته بس ؟؟؟ ترى مثل هالولد مايطق .. بالعكس تنمى موهبته .. بكرا يطلع مجرم صح المواقف كثيرة .. خلني أتذكر موقف زين وارجع اقولة .. بس حضوري لتسجيل الحضور وحلاوة الموقف تقبل مروري يالغالي

هلا وغلا ابو طـــــلال ..

ايه عسل لانك ما جربت هباله ..

والله ياعليه حركات تحس ان مافي برأة بالزمن هذا ..

لا ابد ما طقيته حلينا الموضوع ودي .. ايه هين ..

بس والله فكرة يصلح مشروع مجرم ناجح ..

انا بتبنى المشروع من الحين واعمل على تطويره ..

الحلاوة هو ردك على الموضوع ..

وننتظر رجعتك واضافتك ..
شاكر لك ردك وتفاعلك مع الموضوع ,,

Blue Sun · #24 16/04/2009, 09:59 PM

إقتباس

الرسالة الأصلية كتبت بواسطة الـمـشـاغـب


	يا لبى البزران الوقحين فهد .. حبيت أسلم عليك وماشي ميرسيه على هالمواقف وان شاء الله ان رجعت حطيت لكم مواقفي مع البزران اللي دايماً أجرم فيهم

هلا وغلا سلطان ..

نورت الحتة ياباشا ..

بس ما كانك سبيت الوقاحة ..

يسلموو حبيب البي ..

وننتظر رجعتك بالمواقف المنيلة ,,

شاكر لك ردك وتفاعلك مع الموضوع ,,

Blue Sun · #25 16/04/2009, 10:08 PM

إقتباس

الرسالة الأصلية كتبت بواسطة عـز الهلال


	// و عليكم السلام ورحمه الله وبركآته .. .. و الله يآحبي لهم [ البزرآن ] " " و الله إنـي أعشقهم بس بــ صرآحه الحين مآعندي موقف ولا هم يحزنون لكـن أعجبني موقف قريبك الله يحفظه لكمـ .

هلا وغلا ريان ..

البزارين كلنا نعشقهم وهم عاقلين ..

لكن البلا اذا بدت بثارتهم .. وش يفكك منهم ..

تلعن الساعة اللي شفتهم فيها ..

الله يسلمك وياليت اذا تذكرت موقف تشاركنا فيه ..

شاكر لك ردك وتفاعلك مع الموضوع ,,

لي عودة مع بقية الردود ..

عاشق الموهوب 10 · #26 17/04/2009, 01:36 AM

ههههههههههههههههههههههه
تخيلت شكلك لما دخلوا عليك البزران وانت مسحوب على خشمك

والله تحزن

..

مشكلتنا اننا نستهين بالبزران والله أنهم أفهم منا منا بأمور كثيره

..
أنا حالياً ما تحضرني مواقف معهم رغم كثرها ..
لكن اللي أذكره ان اخوي و ولد خالي دائماً يستهبلون عليّ ويمسكون عليّ أشياء ..
مثلاّ يقولون ودينا الدبابات أو أي مكان ولا نعلم خالتي وأمي أنك تفحط أو تسمع اغاني << مثال طبعاً

..
عاد احراج يعلمونهم عاد انا مسكين مغلوب على أمري أوديهم غصب

يعطيك العافيه أخوي فهد

عالموضوع الحلوو وانتبه يضحكون عليك مره ثانيه

..

أخوكـ: علي ..