رغم المسافة التي قطعتها لمشاهدة الزعيم ..لم أنـدم - نادي الهلال السعودي - شبكة الزعيم

الأصـــيـــل · #1 14/04/2009, 12:01 AM

اهــلا بالجميــع

وهاردلكم على الخسارة وخيرها في غيرها

اخوكم من مدينة الطايف .. مشيت للرياض مع الباص اللي تكفل فيه عضو الشرف الهلالي (مضيع اسمه والله

)

رغم اني حضرت مباريات للهلال في جده وفي مكه ..

لكن أول مره أحضر في (معقل الزعيم) والنصيب كان هزيمة (ادري بتقولون وجهك نحس

)

طبعا بحكم انه عندي واسطه جلست مع الرابطة

وعلى ذكر الرابطة اللي جات متأخرة وكان همهم لحد يجلس هنا الأماكن محجوزه لأعضاء الرابطة والجمهور يطالب انهم يشغلون المكرفونات ويشجعون لكن محد عندك

لكن اعجبوني جمهور الهلال في الواجهة لما وصل جمهور الاتحاد وبيجلسون في الواجهة الا جااك الاضطهاد اللي على اصـووله

لكن بكل صراحة الجمهور الهلالي كان افضل واحلى وأكمل شي في المباراة

الحمد لله على كل شي ورغم الهزيمة ما ندمت على كل هالمسافة لمشاهدة الزعيم لاني حسيت اني بين اهلي (حلو التعبير

)

للجمهور..ما قصرتوا وبيض الله وجيهكم وبإذن الله التعويض في كاس الملك والآسيويه وتفاءلوا بالخير

**من المباراة **

>> نجومية المباراة للاعب أحمد الفريدي اللي دووخ الاتحادين

>> خط الدفاع فيه أخطاء كارثية بانت في الهدفين اتمنى الوقوف عندها ومعالجتها..

>> ياسر القحطاني فعلا حبنا لك كل يوم يزيد ضحيت بصحتك ماقصرت يا أبو سعيـد

>> كان توقعي انه سول يطلع ويدخل بدله الشلهوب لكن توقعي كان خاطئ

>> طارق التايب اللقطه اللي شاهدتها منك بإم عيني يوم رميت المويه وطلعت على غرفة الملابس احترت في تفسيرها ربما حماس وحب لخدمة الهلال وربما شيء آخر

>> ويلي ورادوي مثل سوق الاسهم مره فوق ومره تحت

>> خالد عزيز ربنا يسامحك

>>عبد الرحمن بن مساعد .. مكانتك في القلب رغم الهزيمة .. لانك انت بحــد ذاتك بطـولـه