شكرا لك على هالمقال الجيد

لكن فيه آراء لاأتفق معك فيها خصوصاً مايتعلق باستقدام المدرب الأجنبي

وأكيد اللاعبين الأجانب كلهم كانوا سيئين ماعدا رادوي اللي كان أحد نجوم الهلال في المباراة

وأغلب الناس اتفقوا ان أبرز لاعبي الهلال في المباراة أسامة هوساوي ورادوي والفريدي وبس

أما بقية لاعبي الهلال فكانو عاديين ( مثل ياسر المصاب ) أو سيئين جداً مثل سول والمرشدي

وأوافقك الرأي في ضرورة تغيير بعض اللاعبين الأجانب وبالتحديد سول والتايب اللي كانوا سيئين هالموسم

أما ويلهامسون اللي قدم مستوى كبير طوال الموسم وماقدم مستواه المعروف في هالمباراة فيجب بقائه

من الظلم ان لاعب قدم مستويات كبيرة وشبه ثابتة أغلب المباريات نبعده عشان مباراة واحدة ( لعبها وهومصاب )

ورادوي كذلك يجب بقاءه لأنه لاعب مهم جداً مع عزيز وكونوا أحسن ثنائي محوري في السعودية

واللي يدل على أهمية بقاء رادوي هو تألقه مع الهلال في أصعب الظروف وفي ظل نقص الفريق

وأقصد بهالشيء تألقه اللافت والرائع في مباراتنا ضد النصر أثناء طرد المرشدي وتألقه بعد طرد عزيز

فبصراحة حجتك بوجود محاور محليين كثر في الهلال ممكن يغطون غيابه غير صحيحة وغير منطقية

فأنت بنفسك ذكرت كبر السن عند الخثران والغامدي وكثرة إصاباتهم أما بقية المحاور فمستواهم عادي أو سيء

أما رأيك اللي فضلت فيه بقاء الحسيني مدرباً للهلال فيكفي مباراتنا ضد الوحدة لتبين عدم صحته !

وأخيراً يجب على الإدارة الهلالية إصدار عقوبة شديدة ضد خالد عزيز لتصرفه الأحمق وإهداره لجهد موسم طويل

تهاون الإدارة الهلالية في عقاب اللاعبين لطردهم غير المبرر جعل اللاعبين يتساهلون في هالشيء

والدليل طرد نامي ثلاث مرات وطرد المرشدي والعنبر ورادوي وأخيراً الطرد الكارثة لعزيز !