والله ياخي مدري وش أكتب ومدري وش أقول .. لكن ماخبرتولي مكينة ( خياطة ) قديمة للبيع - صفحة رقم 4 - نادي الهلال السعودي - شبكة الزعيم

Ṩάḓὲὲм~ · #1 13/04/2009, 03:51 AM

خخخخخخخخ
أما مكينة وزئبق

ياحليلهم العالم بسرعة ينلعب عليهم

الحمد لله على كل حال وربي ماكتب لنا هالبطولة
مشكلتنا يالزعماء نبي كل شي نآخذه ومن حقّنا
بس الدنيا ماتجي دايم على الكيف

هاردلك أخوي أبو طلال والجاي أحلى بإذن الله

ابو طـــــلال · #2 13/04/2009, 07:15 PM

إقتباس

الرسالة الأصلية كتبت بواسطة ’’سديم الهلالية’’


	خخخخخخخخ أما مكينة وزئبق ياحليلهم العالم بسرعة ينلعب عليهم الحمد لله على كل حال وربي ماكتب لنا هالبطولة مشكلتنا يالزعماء نبي كل شي نآخذه ومن حقّنا بس الدنيا ماتجي دايم على الكيف هاردلك أخوي أبو طلال والجاي أحلى بإذن الله

إن شاء الله القادم أجمل للزعيم وجمهورة .. والوعد يوم الجمعه الجاي .. بس يبيلنا وقفة مع الفريق ..

أما سالفة المكينة ... يقالك تضحكين على هالعالم و إنتي ( زارفة ) مكينك جدتك ..

بس ترى صدق طلعت إشاعه يعني رجعي المكينة حرام عليك .. وقوليلها كنت أصلحها !!

حياك سديم ..

الفيلسـوفـ · #3 13/04/2009, 03:53 AM

ابو طلال شرايك بـ نآمي ؟ يستحق الإستمرار

ابو طـــــلال · #4 13/04/2009, 07:26 PM

إقتباس

الرسالة الأصلية كتبت بواسطة الفيلسـوفـ


	ابو طلال شرايك بـ نآمي ؟ يستحق الإستمرار

الهلال صبر على لاعبين واجد .. ماقدموا ولا شي للهلال .. من باب اولى إنهم يصبرون على نامي اللى قدم الكثير لكن هبط مستواه بعد مباراة منتخبنا مع إيران !! على إنه أخذ افضل لاعب في تلك المباراة ؟؟ مدري وش فيه نامي ..

رجوعة قريب بإذن الله !! لازم يستمر لأنه أفضل الموجودين

شكرا يافيلسوف

الفيلسـوفـ · #5 13/04/2009, 03:57 AM

ابو طلال المصيبه على ان الهلال يمر بظروف صعبه اللي زاد الطين بله وجود كديش بالهلال كـ نامي

لازم يعالجون هالنقطه السلبيه بالفريق لكي لا تصارع المشاكل من الخارج والداخل

الفيلسـوفـ · #6 13/04/2009, 03:59 AM

خابر لك مكينة كرسيدا 4 سلندر < فاهم غلط

هـ بحت ـلالي · #7 13/04/2009, 04:01 AM

هههههههه

من بغاه كله خلاه كله

كذبه ابريل المكينه

زعيمه قديمه · #8 13/04/2009, 04:02 AM

ابو طلال...اول مره ينهزم الهلال ويخسر البطوله ولا ادري ويش شعوري!!!

خمس دقايق راضيه...

وخمس دقايق توصل للخشم

نفسي افسرها..

حتى ردودي بنفس الوضع

في موضوع ارد واقول الحمد لله وربي بيعوضنا وماقصروا عطفا على الظروف...

وموضوع اشب فيه حريقه

لكن تأكدوا ان اهم اسباب الهزيمه..ماهو خالد عزيز

سبب الهزيمه انا...

نعم انا..

والشجاعه كنز لايفنى...

قصدي الشجاعه بالحق فضيله

قصدي الاعتراف كنز لايفنى

يووووووووووه ماهو راضي يركب المثل

ايه نعم...لاني من الدقيقه 65 قمت من قدام التلفزيون وماكملت المباراه

وهالحركه نادرا اسويها واذا سويتها يخسر الهلال..اما اذا كملت لابد الهلال يفوز

قولك اذا شفت المباراه كامله في الاعاده تتغير النتيجه؟

<<< يازينك ساكته

اما المكينه مدري عنها..لكن اذا كانت كوريه ماتنفع

سلام

ابو طـــــلال · #9 13/04/2009, 08:14 PM

إقتباس

الرسالة الأصلية كتبت بواسطة زعيمه قديمه


	ابو طلال...اول مره ينهزم الهلال ويخسر البطوله ولا ادري ويش شعوري!!! خمس دقايق راضيه... وخمس دقايق توصل للخشم نفسي افسرها.. حتى ردودي بنفس الوضع في موضوع ارد واقول الحمد لله وربي بيعوضنا وماقصروا عطفا على الظروف... وموضوع اشب فيه حريقه لكن تأكدوا ان اهم اسباب الهزيمه..ماهو خالد عزيز سبب الهزيمه انا... نعم انا.. والشجاعه كنز لايفنى... قصدي الشجاعه بالحق فضيله قصدي الاعتراف كنز لايفنى يووووووووووه ماهو راضي يركب المثل ايه نعم...لاني من الدقيقه 65 قمت من قدام التلفزيون وماكملت المباراه وهالحركه نادرا اسويها واذا سويتها يخسر الهلال..اما اذا كملت لابد الهلال يفوز قولك اذا شفت المباراه كامله في الاعاده تتغير النتيجه؟ <<< يازينك ساكته اما المكينه مدري عنها..لكن اذا كانت كوريه ماتنفع سلام

هلا بزعيمة قديمة .. انا أدورك بعد هالهزيمة

.. خصوصا بعد مواضيع ( شحذ ) الهمم ... والتشجيع .. بس مازلتي متماسكة للحين ماشفنا لك موضوع شاب حريقة ...

إيه كذا الركادة زوينه ... والتسرع جهالة .. كلمات خالد الفيصل

ماقدر الله لنا البطولة .. وترى الإتحاد قوي .. وناقصين .. ومايحتاج أعيد وأزيد عن المصايب والأزمات اللى صارت لنا .. بس قدامنا بطولة .. انا مرات اقول الحمد الله إننا خسرنا هالبطولة عل شان ناخذ بطولة آسياء .. وهذي العاده نطلع من بطولة تضيع اللى بعدها .. ودي تضيع هالبطولة واللى بعدها واللى بعدها بس المهم ناخذ بطولة آسيا ..

إحساسك المتشقلب انا عندي تفسير له .. لأنه يجيني .. احس بالراحة لما قدمة الفريق رغم إنه ناقص وإنظلم كثير .. وطرد المدرب .. و و و و ... وأزعل واحمق لأن البطولة رغم هالمصايب كانت والله بيدينا .. بس عزيز الله يهديه خربها .. وضاعت ! كانت بطولة بتجي ماتوقعناها ... !

ومره ثانيه لاتفارقين التلفزيون الله يسلمك .. حتى لو كانت كان تمرين

لاتطرين لي أي شي كوري .. أتذكر ( سول ) ويضيق صدري

شكرا لك اختي .. حضورك أسعدني وهاردلك

محسن الزهراني · #10 13/04/2009, 04:04 AM

خيرها في غيرها
وكلامك سليم
بس ليش تقول مكينة
ايش قصدك ؟؟

ابو طـــــلال · #11 13/04/2009, 10:13 PM

إقتباس

الرسالة الأصلية كتبت بواسطة محسن الزهراني


	خيرها في غيرها وكلامك سليم بس ليش تقول مكينة ايش قصدك ؟؟

المكينة سلمك الله اخوي محسن .. شائعه طلعت هاليومين عن وجود ( زئبق أحمر ) في مكاين الخياطة القديمة رسمة ( أبو أسد ) وإن اللى عنده هالمكينه تسوى مبالغ خياليه .. وصلت للـ 250 ألف ريال !!

وطلعوا الناس للشوارع شايلين مكاين أمهاتهم وجداتهم

علشان يبيعونها .. يسمعون بالبيع الخيالي والمشترى المبالغ فيه .. لكن ماحد باع ولا شرى بالحقيقه !! يعني كلها نصب في نصب .. وهي ياغسيل اموال ؟!! ياتصريف بضاعه .. يامجرد ظحك على مستوى فكر شعوبنا العربية

تحياتي لك واتمنى أكون أفدتك أخوي

وأمنياتنا للزعيم كل التوفيق

ابونورة الهلالي · #12 13/04/2009, 04:19 AM

كلام جميل ياابوطلال

وبالتوفيق ان شاء الله

ابو طـــــلال · #13 13/04/2009, 10:15 PM

إقتباس

الرسالة الأصلية كتبت بواسطة ابونورة الهلالي


	كلام جميل ياابوطلال وبالتوفيق ان شاء الله

حضورك الأجمل ابو نورة .. بارك الله فيك وسعيد بتواجك

تغلا الزعيم · #14 13/04/2009, 04:33 AM

هاردلك ياحبايب قلبي ... ويستاهلون والله الإتحاد

مبررروك للاتحااد .. يستاهلون من جد ..

ماخبرتولي مكينة خياطة ( بزئبقها )

ليييه نااوي تبيعـهاا ... دنياا غررريبه كانت ماتسوئ والحييين العالم يدورونها في كل مكـاان ..

ابو طـــــلال · #15 13/04/2009, 10:24 PM

إقتباس

الرسالة الأصلية كتبت بواسطة تغلا الزعيم


	هاردلك ياحبايب قلبي ... ويستاهلون والله الإتحاد مبررروك للاتحااد .. يستاهلون من جد .. ماخبرتولي مكينة خياطة ( بزئبقها ) ليييه نااوي تبيعـهاا ... دنياا غررريبه كانت ماتسوئ والحييين العالم يدورونها في كل مكـاان ..

تعجبني الروح الرياضيه العاليه ... أيوه كذا ياباشا

مبروك للإتحاد ... وبالتوفيق للزعيم ...

لاتنشد عن المكاين .. سالفة وراحت