تحليل للمباراه من واحد راح الملعب ومقفله معه من الحر وخصم يوم من الراتب
بسم الله الرحمن الرحيم.
أخواني أعضاء منتدى الزعيم يسرني ان اقدم لكم تحليل على مباراة سامسونج والهلال لا يقعد يطلع لي احد يقول وش عرفك بالكورة يابو عابد أقول ليه سعيد صالح أو يوري مرقدي احسن مني
قبل لا ابدا عليكم التحليل الرياضي اني أي واحد يقراء الموضوع يدفع 5 ريال علشان يعطيني حق البنزين اللى دفعته علشان احضرالمباراة (الله لا يفشلنا) .
دخل الفريق الهلالي المبارة وهو منخرع تقل يطرده الفراش حسين حق المدرسه .
والتمياط هو وخشته على باله داخل قدام النصر يفرفر الله لا يسفهنا بس قطموه اللى عيونهم مشققه بموس وبغو يضيعون ملامح وجهه يوم يكبس على الكورة بخشته الظاهر ان اناتلهم استيشنات واخينا فالله دايمونت 85 (ممكن فوق 25 خل نتفاهم ) .
وكل هجمه هلاليه يردونهم الكورين تقل مجاكر ارسال (اقطمن واقطمك) بس من حمد ربك ان الهلال كل ماركب الستيشن الكورين شغلو الامبي فير وانواع التقطيع.
واللى باط تسبدي حسين مسوي غبش على وشو مادري تقل يدوي بين ارايل بعيدة المدى .
الا على طاري الجح تركي الصويلح فيه احد قايل انه ربيرتو كارلوس بس ايمن الله يشفيه شكله طاق مكينه حلاقه ويستعرضه .
الا العزبه وينه عن المباراة عبدالله الجمعان لا يكون جايه خطيب الله من قوي الشوت .
صراحه اللى له لمسات بالمباراة البارح (محمد الشلهوب) خوش لمسات عزالله انه صنع الهاترك للكاتو مردونا على غفله (اقول ترا عندي سلف 3 ريش سسة اذا تبي ترفعون الشلهوب)
الا الكاتو وش قصته الصعبه يسجل والسهل يظيعه هذي حسب دراستي الكثيره في مجال الطب قسم المكنيكا فرع المباني الحاله هذي تسما (الخنفوراتايدج الااكسلنطيه المبعثره ) وهذي الحاله تدل على ان ماعندك احد.
اوووووووووووووه عاد جينا دور البنت العذراء (عبدالله سليمان) ياخي ركضه يغث تسبدي تقل بنت عمره 18 تركض عمركم تشوفون ركض البنت اللى تصك رجلينه وخطوته الظاهر 12 سم مثله اقول الظاهر انه اخذ مقلب بنفسه ومقيول له يشبه باسكال الزغبي .
باقي النزهان راعي الدنابش ياخي لا شفت شكله طاري حطبه ياخي شكله قديم تقل من عهد سعيد غراب .
اووووه الا المطيري يالربع هو سعودي اصلا يوم يقاله المطيري ياخي قسم بالله تقل من النجاروه اللى بمكه
الله من شين ريح الاذان عنده.
الا عيال اصابة الدوخي وشي ؟؟؟؟؟؟؟؟؟ كسر بالعضله او تمزق عظمي .
باقي العتيبي حبيبي والله هو مابه الا تمديد اليد يوم البلنتيات فاقد الامل انه يرد ولا ناقصه الا شيشه وبراد شاهي .
اوووووووووووووووووووه باقي ابو يعقوب ياحبيبي والله هكا الصلعه زيدان الشفا على غفله.
يقولون انه يوم نزل نزلو المطرف لانه صغير يعني الفريق وخلوه يلقط اللى يطيح من الثنيان الشايب .
الا عيال يوم يفر يوسف بالوسط يوم يطيح شفتو المغيطات اللى طاحت الظاهر انه مربط ركبه بالمغيط .,
بس تدرون منهو اللى استانس يوم يطحن ابو شلهوب علشان نبيطته تبي مغاغيط .
اقول العن ابو هيك فريق الا يبارون فريق الزراديه حقين الهليل .
واشكركم على هذي المتابعه اخواني الاعضاء وان شاءالله نحلل لكم سبب خسارة النصر عام 1419 امام الهلال والسبب راجع لركلة جزاء عام 1250 هـ لم يحسبها الحكم.
والى القاء في حلقه ثانيه
والان نتابع معكم المسلسل الحاج ابو عابد في حلقتها 24 :
باولك ايه ياحسب الله
ايه باء يا امينه ماتنطي اسمي كويس
الله دنا بنطاوه كويس و100 على 100 ياديف الله
شباب انا اسف ولا اكن للاعبي الهلال الا كل احترام ولكن وكما صفقنا لهم كثيرا وشددنا من ازرهم في بطولات سابقه فارجو ان نجد لهم العذر فظروف المباراه والاجواء المحيطه لا تساعد والله ففراغ اداري كبير ومشاكل بالكوم ونجوم محاربين واخرين متعالين وهنا احاول ان انفس عن ما بدواخل البعض بطريقه قد يراها البعض تهكما وارجو منكم اخواني تقبلها بصدر رحب ..................
(( الموضوع منقول مع بعض التحسينات ))
الوضع العادي
