هلا leo messi



صدز عالم فاضيه ,, يعني ليش بيحطون بالمكينة زئبق ؟
و توهم يدرون عنه ؟؟




ترى عندنا مكينة قديمة تشبه لهذي بس أقل زخارف

اللي يبي يبدأ يسوم و البيع لأعلى سعر

واااو شكل السالفة صدز ,, شفت الصور اللي بموضوع زعيم بريدة

تسلم

هلا وغلا يسلم
ومنورنا يالغالي
بالنسبة لسالفة المكاين توني اعرفها من موضوعك
وا ن شاء الله اول ما ارجع البيت بكلم الوالدة يمكن تحصل لي مكينة العمر
شكرا ليو ميسي
ودمت بخير ,,,

هاذي اشاعه عابرة للقارات ، لأني قبل تقريبا شهر قريت ان الاردن والظاهر سوريا طايرين فيها

وماتوقعت انها توصلنا

والله يقولي واحد ان عندهم مكينه مقربعه اكل الدهر عليها وشرب

يقولي انه انعرض عليهم فيها 5000 الاف ريال ورافضين البيعه ، يبون اكثر

ياربي لك الحمد

والله جنننوووووووووووووووووووني ياخي ماكينه 70,000ريال والعجيز رفضت تبيع

ورحت عند ماكينه ثانيه باعها 100,000ريال بس يعني معقوله تاصل كذا اكييييييد الزئبق فيه بلاوي


والله هذا أنا أشوووووفه بالقصيم \ببريدهـ سوق الجردهـ اليوم
ورحت جبتلكم مقطع من اليوتيوب.....وعن اذنك ليو ميسي
كيفيه الطريقه الجوال بدون كمرهـ يختفي الأبراح
http://www.youtube.com/watch?v=I7wD3ow9CZ8
.........
.

انتم وش فيكم ما تفهمون؟؟

هذي حركة مكشوفة وواضحة من اصحاب محلات المكاين عشان تشترونها باضعاف سعرها

وش فهمكم انتم؟

يدرون اننا شعب الله يستر على غالبيته ما يمديه يسمع اشاعة الا طامر للمحلات اللي في الديرة مقابل المعيقلية يقعد يشتري كل مكاينهم لعل وعسى يبيعها بربع مليون

والسالفة انا سمعتها من واحد كانت وحدة تبي الة خياطة من باب انها تراثية ومن الطراز القديم وتحب جمع الاشياء ووصلت سعرها الى 15000 لكن الى الان مو متأكد السالفة صحيح والا لا

بس بيني وبينكم اول ما سمعت السالفة رحت للوالدة سألتها عندك مكينة سنجر والا رمتها قالت موجودة بس ما تشتغل بس كنت متوقع 99% انها اشاعة بس قلت الاحتياط واجب يمكن تصير صدق

والله هالمكاين اشوفهم هابين فيها وما ادري وش عندهم و الظاهر ان الكلام صحيح


ونشوف ما ندري وش يصير

يعطيك العافية

هلا وغلا ليوميسي
ولكم باك يا وحش

مبرووووك الإجازة القصيرة ( 3 - 7 ) أيام
خلنا نشوفك بس بهالأيام كل شهر تكفينا شوفتك فيها
وعقبال البيبي عشان نقدر نشوفك 40 يوم متواصلة

المهم .. أنا مستعجل الحين .. بس حبيت أني أرد عليك وأسلّم
وبنفس ذات الوقت أبسألك عن هالصورة



أول ما شفتها قلبي خفق
قلت لا يكون خربها أبو ميسي
بس أشوا أن هالقطعة الوردية طلعت منديل

بالنسبة للمكاين .. أتذكر قبل فترة انتشر باليمن سالفة قريبة من هذي عن الفوانيس
وارتفعت بعدها قيمة الفوانيس وعيا الشعب اليمني الشقيق بيعها طمعاً في ارتفاع سعرها ..!
وتم تجميع هالفوانيس اللي يقولون ان فيها يورانيوم

المهم في الأخير اكتشفوا انه انضحك عليهم وانها اشاعة .. وتندموا على تصديقها ..!
ونفس السالفة صارت في الأردن ...
والحين صارت عندنا ..!


سلام يا أفندم

ارحبووووووووووووووووووووووووووو..

يالله حي يسلم..

وينك يا نمى ..ما تنشاف؟؟
شكل الزواج منسيك ابو اشكالنا..ما تنلام قسم..
بس ولو..شوف ابو حاتم وابو طلال وشياب المجلس ..دايما نشوفهم..
والا عشان المبزره خربوا جوهم..؟؟

المهم لا تقاطع الله يجعلها بوجهك..


اشوف كل الاعضاء صار مع امهاتهم مكاين..

خبر عاجل..
طلع مع امي مكينة خياطه..وش زود امهاتكم عنها..
قريت لامي الموضوع..طبعا ما صدقت وبغت تشوتني..
لكن بعد ما شافت الصور صدقت..قالت والله معي مكينه قديمه عند جدتك
قلت لها:وعلى بالك خالي بينتظر.....(اسم امي)تجي تاخذها..؟

طبعاً كالعاده..دافعت عن اخوها وراحت..







سلااااااااااااااااااااااااااااااااااااااااااااام

ياهلا بك ليو ميسي
ولكم باك
--
الحين لحظة وش سالفة هالمكاين الدنيا كلها هابة فيها ..!!
جتهم فترة هبوا بسالفة المفاطيح ثم حولوا على البيض والحين جونا بسالفة مكاين ..!
الحين أنا ماعاد استنكر لين جونا باتسر وقالوا فيه قطعة قماش مصنعة من مادة نووية بنبيعها بـ 300 الف
عالم بدون عقول
الحين وش بيستفيدون لين شروا علبة مصدية ؟؟
تفرجوا بالله !




يعطيك العافية ليو <~

مافيه جديد

كل يوم عن الثاني نثبت اننا شعب ساذج , كلمه توديه وكلمه تجيبه !!

تحياتي وشكرا لك

الحمدلله على العافية ,

الحين صارت ذيك المكاين المنطولة فوق في السطح محد يبيها تسوى لها آلاف

شكلي بغير وجهة نظري عنها وبروح انزلها الحين وبوزيها عندي في الغرفة

برب بس

يسلم أكمام ثوبي الجديد طلعت قصيرة و أنا مخيطه بالكويت !!


عندك مكينة فيها زئبق ؟


ودي أعدل ثوبي و أجيك


وينك من مبطي يا الظالم ؟


ترى كثير الإشاعات هـ الأيام !! يعني كثر من مواضيعك

إقتباس الرسالة الأصلية كتبت بواسطة Mr.GoaL مافيه جديد كل يوم عن الثاني نثبت اننا شعب ساذج , كلمه توديه وكلمه تجيبه !! تحياتي وشكرا لك

^
^
رد واحد ما لقى ماكينة خياطة فـ بيتهم