ياليت والله ياليت !!! وكلنا بنقول آسف غلطنا !!! - نادي الهلال السعودي - شبكة الزعيم

فاضي مسوي قاضي · #1 09/04/2009, 05:28 AM

لو سألت أي هلالي عن طموحه هالموسم

وش بيكون الجواب ؟

أكيد الدوري

وبطولة آسيا

الفريق الأن في نهائي الدوري (( رغم كل شيء ))

والفريق أيضا محقق نتائج اجابية في كأس آسيا

وش يعني ؟

يعني ان الفريق وادارته سوو الي عليهم وبيض الله وجيهم

الباقي علينا نحن الجمهور !!! كيف ؟

أول شي لازم نرجع ورى شوي

لتصريح عبدالرحمن بن مساعد

الرجل الذي لا يلقي الا المفيد جدا

عاتب الجمهور كثير وأسلوب تشجيعهم

الكلام هذا يجب نتوقف عنده كثير

وش الي يخلي سمو الأمير ينتقد جمهور فريقه أمام الأعلام ؟

المرارة والحسرة فقط

لا أبالغ أن قلت انه بعد توفيق الله

الجمهور يكون السبب في تحقيق بطولة الدوري

عدد الحضور ليس المشكلة أبدا أبدا

لكن الفاعلية !!!!!!!!!!!!!!!!!

حماس في أول خمس دقايق بعد كذا نوم

والأدهى والأمر يكونون عامل ظغط على فريقهم في بعض الأحيان

ماأحب أطول بس فيه نقاط تساعد على التشجيع الحماسي

لازم الجمهور كله يتفاعل

لأنه كثير شفت الناس تطالع حولها فان كانوا متحمسين معهم والعكس صحيح

لبس تي شرت الهلال لأنه يعطي منظر روعة

حركة المراوح مع ترديد هوليه

حركة الزلزال الجميع يؤديها والله رعب

اوووه اذا كانت الكرة مع الخصم واذا تحصل عليها الهلاليين هييييييييه

الأهم

جمهور الرياض انتقدناكم واجد

وهو عتاب محب

وهذه المباراة ستكون الرد باذن الله

وبعدها بنقول آسف غلطنا عليكم

بالتوفيق للهلال

فاضي مسوي قاضي · #2 09/04/2009, 05:38 PM

المشكلة الكبيرة

في مثل هالأوقات

تكثر المواضيع

لكن لا نستفيد منها

لكثرتها

البدائع بلاد الروائع · #3 09/04/2009, 05:43 PM

هلابك اخوي

باذن الله الكلمه في النهائي للجمهور العزيز

ونجوم الزعيم لهم الكلمه الحاسمه
باذن الله

---

بالله عليك سلملي على الملك (باجيو) يالبى قلبه بس 00

تحياتي لك يابطل

عاشق الزعيم_كويتي · #4 09/04/2009, 05:45 PM

انشاءالله يوم الاحد هو الموعد انا حاضر باذن الله والهلال يستاهل الدعم من الجمهور الحضور اقل شي خصوصن انهم ابطال واخر هديتهم كاس ولي العهد والفال للدوري وكاس اسياء باذن الله ولاهنت ياصاحب الموضوع وتقبل تحيات اخوك

فاضي مسوي قاضي · #5 10/04/2009, 01:16 PM

الأعضاء الي ردوا

أنا أدري ان الحضور كبير

لكن المشكلة في التفاعل وطريقة التشجيع

هلآلي20هلآلي · #6 10/04/2009, 01:21 PM

صح والله المشكلة مو بالحظور بس بالتفاعل . . ..

والله يوفق الزعيم يـــــــــــــــــــــــــــــــــــــــآرب

ووالله لولآ ظروف اختبارات الجامعه ولا كان حظرت

بس اني حظرت الاتفاق والاهلي الاماراتي

اما ذي مااقدر والله . .

20 الكاسر ياسر 20 · #7 10/04/2009, 01:37 PM

كــل التوفيق للزعيم .. والجمهور الهلالي ماراح يقصر بـإذن الله

شكـراً لك ،،

هلاليه زي القمر · #8 10/04/2009, 01:45 PM

ان شاءالله تبي تشوف جن الملاعب مسويين الهوايل لانهم هم الامل بعد توفيق الله

واللي بيحظر وبيتكي على الصامت فرجاء لايحظر

يعطيك العافيه

البرنسيسه المقتوله · #9 10/04/2009, 01:57 PM

كل مباراة تقولون كذا وتصير اسوأ من اللي قبله

وبعدين وش اللي جمهور الرياض المباراة هاذي لجمهور الهلال كله مو بس اللي بالرياض

وبعدين اذا انتم مليتوا قولوا عشان يخلون البنات يحضرن هع

هلالي لي العز والفخر · #10 10/04/2009, 02:12 PM

باذن الله سنملا المدرجات عن بكرة أبيهــــــــــــا ونحتفل هناك في الدرة وأن شاء الله جماهير الرياض بتبيض وجيهكمــ

الـــزعــــيـــم · #11 10/04/2009, 02:16 PM

تكفوووووووووووون يآ جمآآهير الرياااااااااااااض

نبي حضووور قووووووي

مو بس حضور .. نبي رجه هبآآآآآآل جنوووون بالمدرجآآآت

اهم شي ما نترك للجمهور الاتحاااااااااااادي مكآآآآآآآآآآن

مثل ما فعلوا فينا الموسم المااضي

نرد لهم الدين ..

تكفووووووون يآ جمآآهير الريااااااااااااااض

مرتاح البال · #12 10/04/2009, 02:26 PM

ان شاء الله يتوفق الزعيم يوز الاحد..}~

فاضي مسوي قاضي · #13 10/04/2009, 03:12 PM

أخوي البدائع بلاد الروائع

واصل سلامك

وأختي الي مقترحه حظور البنات

ان شاء الله الشباب يبيضونها

وماتحتاجون تحظرون

(((C.RONALDO))) · #14 10/04/2009, 04:12 PM

أن شاء الله تشوفون الموضج الأزرق يوم الأحد ،، وبإذن الله الفوز للأزرق ،،

عبدالرحمن الزريق · #15 10/04/2009, 05:26 PM

والله صحيح التفاعل ................