[ ديربي الجماهير الآسيوية ] - نادي الهلال السعودي - شبكة الزعيم

Nassassero · #1 07/04/2009, 09:51 AM

بسم الله الرحمن الرحيم

السلام عليكم ورحمة الله و بركاته

..

أخواني جماهير الهلال الوفية , الكل يعلم مدى أهمية حضور مباراة اليوم , و الكل يعلم أيضا الظلم و الإجحاف اللي تعرضنا له من إتحادنا السعودي ,

خلونا من هذا كله ألحين , الله لا يهينكم اليوم لازم تحضرون و تملون الملعب , لأن الحضور الجماهيري سيسجل بإسم هلالنا , و رئيسنا و الإدارة و اللاعبين ما قصروا معنا في شيء , لازم نوقف معهم اليوم وقفة وحدة و نشجعهم ,

و نثبت لأسيا إن جماهير الزعيم هي الأفضل بلا جماهير إيران و الصين و إندنوسيا بلا هم حنا الأفضل و الأكثر حضور ,
تكفون اليوم لا تناظروها في التلفزيون , خلونا نروح و نوسع صدورهم مثل ما وسعوا صدورنا , و إن شاء الله حضورنا اليوم يكون دافع لهم عشان يجيبون لنا الدوري للمرة الثانية على التوالي

خلونا اليوم نثبت للإتحاد الآسيوي إن جماهير الهلال وفية , و الأكثر شعبية في المملكة جماهير الهلال , و نرد على جماهير إيران اللي قالوا إن الجمهور السعودي ما يحضر إلّا مباريات النهائيات ,

أي واحد هلالي لا تخلونه يشوف المباراة في بيتهم , إسحبوه للإستاد , و لو عندكم دوامات بكرا , يوم واحد توح تعبان موب مشكلة ,

كل محافظات و قرى و هجر منطقة الرياض والقصيم و الدمام لا يردكم تكفون إلّا إستاد الملك فهد . لعيون كل واحد في النادي من عبدالرحمن بن مساعد إلى الدكتور يقدح مرورا باللاعبين ,

اليوم بإذن الله يسجل رقم جديد بحضور أكثر من70,000 متفرج للجمهور الهلالي , و نغير أرقام و إحصائيات الإتحاد الآسيوي لجولة اليوم ,

خلونا نتعدى الجمهور الإيراني , ترا المنافسة بيننا و بينهم في المنطقة ,

و في الأخير أتمنى إني ما مللتكم , فتقبلوا تحيتي ,

ملاحظة /

من مسك عبدالرحمن بن مساعد الإدارة ما قد ملأ الجمهور الهلالي درة الملاعب , و هو الرئيس إللي مدللنا إلى أبعد الحدود , تكفون خلوهـ إذا دخل اليوم الملعب وشافنا مالين المدرجات , ينبسط و الله لا يهينكم ,