من جدك انت في حلاقين باكستانية وفلبن

الباكستانية اخبرهم حقين اي شي تعجز الالات عن رفعه والفلبن حقين مسااج وتدلييك

الحلاقين مااعرف الا هنود بالتحديد كيرلا واتراك

الكذب خيبة انا عشاني كسوول اروح للحلاق اللي بحارتنا الكيرلاوي تنعيم اما ان كان المسألة شعر اروح ادبر لي قرووش وسرا عند التركي

تبي الصدق التركي الزين فيها انه لاجا يحلقك ماودك تقووم ودك تنام على الكرسي تحس انه داخل راسك يعرف وش ودك فيه وغر كذا القناة التركية ذيك اللي مدري وش اسمها اللي جابت لي الصمرقع

كنت كل مادخلت عند الحلاق اشوف هالقناة فيها مسلسل ودعايات والصوت صووت اغاني وانا غبي افكر كيف كذا بس الغريب ان كل الحلاقين يحطون على هالقناة ويحطون الصوت على الاف ام مدري ليه

مثل الهندي لاخلص تنعيم حط على وجهك ذاك الكريم اللي مدري وش يبي تحس خشتك تشب ناار وكله كووم ورشة الموية الباردة مفاجئة بوجهك كوووم ثاني


لازم اجرب هالباكستاني اللي تقول عنه اشوف حلاقته شلون صايرة نغير جو

من ناحية الاتراك والله انك صادق تسلم على المضوع ابو دم خفيف

<< أول مرة أسمع بحلاق فلبيني ض1


لا عن جد أخوي فهد ( الجنسية مو مقياس في الحلاقة ) ، الحلاق اللي فاهمك وترتاح له ماراح تشوف مثله أبد ، والعكس ،،


بس تعال ايه مانسيت :


أنا أعرف حلاق تركي << ض1 ، سوري ، تونسي ، مغربي ، جزائري ، مصري .. الخ

لكن فلبيني خخخخخخخخخخخخخخ قوية ض1




شكراً يا ملتحي ،،

الله يالصخره قبل فتره كنت ابراسلك تكتب موضوع عن الحلاقه صحيح والله نعاني من كل الجهات خصوصاً الاتراك يتهاوش معاك اذا ماسويت تنظيف بشره تقوله يابشر كل اللي عندك عندي بالبيت يزعل انت بخيل وينزل لك خمس ريال من السعر اللي عطاك اياه ..

بس ماجبت طاري المغاربه ؟؟ !!

اما عن الباكستانين اذكر اني حلقت مره عند باكستاني ليتني ماحلقت تلقى الزلف اطول من الثاني السكسوكه من تحت مو على خط واحد الله لايوريك لايوصل الشنب تلقاه منزله من جهه ورافعه من جهه ههههه

بس ماتلاحظ الحلاقيين ايام تفتيش البلديه يحلقونك بشفره جديده بس تعبانه والحين ارجعوا للشفرات الأولى

الى على طاري الحلاقه ياأخوان احد جرب فيوجين؟

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههههههههههه
صدق هم يضحك وهم يبكي
الله يعينكم

والله يالصخره
ياهو جاني تصليخ في وجهي كله من شلة ابو بكس
بصراحه افضل حلاق حلقت عنده هندي
لكنه بالديره واحس اني مشتاق له
اما هنا بالرياض غالبا احلق عند مغاربه
والله ان الحلاقه لك عليها يعني ماهو زي الهندي خويي
اسوأ حلاقين دخلت عليهم هم الاتراك
شغل عادي جدا جدا ... و يلطعك سااااعتين ثلاث و يمحطك بذاك السعر
تطلع دايخ ماتدري وش صار ..!
المهم .. بصراحه من يوم ربيت العوارض ارتحت
يعني صرت احلق كل اسبوعين مره
واحيان احدد العوارض والشنب في البيت
واطلع زي القمر ..
يعطيك العافيه يالصخره
>> نفسي اشوفك تكتب موضوع ثقافي
احس انك ماتعرف

شوقتني احلق عند فلبيني بس
للاسف ماعندنا
فلبيني ابد بالمنطقه
كلوووهم تلقااهم كوشكاات الكوفي
بس حلاااقين مافيه

اذا بغيت احلق براسلك عالخاص توصفلي واحد اذا سيرت عالعاصمه

هلا فهودي

مادري وشفيهم الاخوان ماعمرهم حلقوا عند فلبيني
الي لجيت تحلق عنده يبدا يمد يده ( طوووووط)

والله انا احلق عند تركي بالمناسبات

اما الايام العاديه احلق لنفسي بنفسي

وصلح سكسوكه وانواع اللوكات

يعني افتح مشاريع بوجهي

بس خبره صرت لاتخاف

دوك