نعم وينك ياعبدالله بن سعد _ الله يرحمك _ تجي تشوف إدارة الهلال وش سوت
باللي بنيته من سنين .
يا شباب هزم الهلال واستحق الهزيمة ولكن قبل أن نبدأ بإدخال اللاعبين
إلى غرفة التشريح كعا دتنا علينا أن نتريث قليلا ونتعقل لأننا دائما
نضع اللوم على اللاعبين ولكن هذة المرة اللوم كل اللوم على إدارة الهلال وفي المقام الأول سعود بن تركي .
نعم وش سويت يا سعود بن تركي للهلال في هذة البطولة ؟!
لبست المشلح وجيت تبز بروحك في المباراة النهائية كالعادة علشان تسلم وتستلم الكأس ومن بكرة نقرأ إنك في أحد الدول الأوربية .
بس هذا دورك يالرئيس .
لكن _ الحمدلله _ربي هالمرة فشلك وإن كنت آسفا على هذة الكلمة ويحزنني ضياع البطولة ولكن أعتقد أن ضياعها سيصحح أمور كثيرة ولعل في الأمر خيرة .
نعم ياسعود وش سويت ؟!
وين أيامك ياعبدالله بن سعد _ رحمه الله _وين أيامك يا خالد بن محمدوين أيامك يا بندر بن محمد اللي يشدون الهمة وقت الحسم ويجعلون للنادي هيبة واحترام .نعم لو كان الرئيس موجود لما تجرأ الجمعان ومن يحاكيه في عقليته الطفولية والبلطجية على الخروج من المعسكر .
ولكن مشكلة الهلال أن جميع مشاكله تقع على رأس المصيبيح _الله يكون بعونه_ .
نعم إرحل يا سعود نقولها بملء أفواهنا ولا تنس أن تأخد نائبك الموقر وليد الرواف وكل طاقمك الإداري اللي صار كما يقولون : ( مثل بيض الصعو)نسمع فيه ولا نشوفه وكل يوم طالع لنا عضو جديد من الحكير إلى الشامخ إلى غيره .
نريد أعضاء إدارة فاعلين مثل الصقري وحسام الزهير وابن سعيد وغيرهم .مانريد أعضاء إدارة يبحثون عن الشهرة على حساب الزعيم.
وشكرا للجميع وأرجو أن تتقبلوا مني بالغ الأسف إن كان في ما كتبته مساس لشعور أي قاريء ولكن من حبي وغيرتي على الزعيم .

ياليت أبو فيصل حضر يوم ناديت
وجه الســـعد ناداه قلـبي ولا رد

الله يرحمه و الباقين فيهم الخير و البركة

الله يرحمك يا عبدالله بن سعد
ويا حيف بس