بسم الله الرحمن الرحيم

أولا هذا أول موضوع مع اني عضو بالمنتدى من فتره طويله...


ثانيا تحياتي لجماهير الزعيم العظيمه جماهير النادي الاول بالمملكه واسيا...


عندي بعض النقاط دايما اتناقش فيها مع اخوياي الاتحاديين بحكم ان اغلب اخوياي نصراويين واتحاديين بس الصراحه

محترمين ومالها بالتعصب الكروي ..


دايما كنا نتناقش عن الانديه ونقاط ضعفها وموضوعي هذا ما كتبته الا عشان الفايده والتثقيف لجميع الجماهير

الهلاليه...


بأبدا بالمقارنه بين فريق الزعيم والاتحاد :

1- خطه الهلال دفاعيه 1-5-4 والوسط الخمسه أثنين منهم دفاعيين اللي هم ابو عزبز ورادوي... بينما الاتحاد خطته

هجوميه 2-4-4 وثلاثه من الوسط كلهم نزعات هجوميه نور ابو شروان المدفعجي وابو شقير ..

2- طريقة لعب الهلال خلال السنوات الاخيره تقريبا شبه دفاعيه حيث انهم يعتمدون على مهاجم واحد ( ياسر) بينما

الاتحاد خطته هجوميه بحته ولو تلاحظون ان الفريق كله يسجل ما بقى الا الحارس ما سجل...

نقاط الضعف في الفريقين :

الاتحاد نقطة ضعفه بالدفاع والاظهره خاصه اذا لعب رضا تكر والظهير الايمن ( نسيت اسمه ) ..

أما الهلال نقطة ضعفه انه اذا دافع ما يعرف يهاجم واذا هاجم ما يعرف يدافع والدليل العام اللي فات في بطولة كاس

الملك يوم جاب الأتحاد قول وترك الهلال الخطه الدفاعيه وهاجم وسجلو 4 اهداف..


نقاط القوه في الفريقين :

الاتحاد يتفوق على الهلال في خانه وحده اللي هي الهجوم في ضل وجود تقريبا مهاجمين اثنين واثانين من الوسط

شبه مهاجمين ..أما الهلال يتفوق على الاتحاد في الوسط والدفاع بشكل واضح...


_____________________________________________________________


أمنيات مستقبليه..


اتمنى من بداية الدوري السنه الجايه ان يلعب الهلال بالطريقه الممتعه الهججوميه في ظل وجود القناص والمحياني..

مثل ايام زمان ايام الذيب الجابر وبهجا وبعده سيرجيو والكاتو ... الخ..



في النهايه اعذروني على هالموضوع وانا ما كتبته الا لمجرد المعلوميه واسف على اسلوبي بالطرح لني اول مره

اكتب موضوع بعكس ماشاله بعض الأعضاء مواضيعهم ممتازه في الاسلوب والصيغه واتمتع بقرائتها