رئيس رابطة جمـهـور الـهـلاآل الـجـديـد [ صـوره ] - صفحة رقم 6 - نادي الهلال السعودي - شبكة الزعيم

ليه العيد يجي ويروح · #1 06/04/2009, 02:55 PM

هذا البطاطي مررررررررررره مررررررره كويس
والمباريات الاخيره تحسنت الرابطه كثيررر عن زمان
واثبت صلاح البطاطي انه خير من يمسك الراطه الهلاليه

نتمى له التوفيق ونحن خلفك ياصلاح وونتظر جديدك وحماسيتك

alzaeem_1957 · #2 06/04/2009, 03:55 PM

صلاح مش بطال بس لو يبتعد عن اهازيج الاهلي والاتحاد

لازم يردد اهازيج الهلال الخاصة مثل محال والله عليك هلالي وهذا الزعيم يامعلم وزعيمنا ابداع فى الملعب كل الخصوم منو بتتعب والزعامة ترى ملك الهلالي والزعامة هيه وحده واللي يبيها والله صعبة واوليه اوليه زعيمنا عيني عليه وغيرها مانبي تقليد[

أموت في ياسر · #3 06/04/2009, 03:59 PM

الصراحة وين الافضل هو او السابق حقوي ثنكيو على الصورة

Mirel Rădoi 8 · #4 06/04/2009, 03:59 PM

فييه اكثر من خكسين واحد في الصورة اي واحد منهم ؟؟؟؟

العقيد أبو شهاب · #5 06/04/2009, 04:10 PM

وان شاء الله الجماهير الهلاليه

ما تقصر في المباريات القادمه

عذابي غياب سامي · #6 06/04/2009, 04:15 PM

صلاح غندر حقوي عبيد .. والله ملينا .. انا اقدر امسك المايك واصارخ ..
مع احترامي لهم .. الرابطه دورها مساعدة الجماهير على التشجيع الجماعي ..
والله لو يتحرك مجلس جمهورنا مثل ماكان سعد الجريد قبل 3 سنوات ..
والله تشوفون جمهور خيالي .. بس نبي تحرك من مجلس الجمهور الهلالي ..

غريب بغربتي · #7 06/04/2009, 04:18 PM

يعطيك العافية
هههههههههههههههه

كرستيانو فيتش · #8 06/04/2009, 04:21 PM

ههههههههههههه
والله شكله بطل

مشكووور وما قصرت,,,

فن كروي · #9 06/04/2009, 04:42 PM

يعطيك العافيه على الموضوع

وياليت يرجع الجمهور مثل اول بدون ميكروفونات و طبول و إزعااااج على قلة سنع

طبعا الجمهور اول ممتاز و مع التطورالحالي اللي تشهده المدرجات السعوديه بشكل عام
فإن الجمهور بحاجه فقط لبعض الترتيبات و التنسيق لزيادة الفاعليه
بمعنى اصح " مزيج من الاسلوب القديم و الجديد "

و الجمهور بشكل عام يحتاج لعدة سنوات لكي يتأقلم مع التشجيع
المستمر و كذلك التشجيع بصوت موحد بعيدا عن العشوائيه
و لكن الأهم أن نبدأ من الان لكي نختصر المسافه

الجمهور الانجلييزي نسمع صوته و كأننا بين الجمهور
الجميع يشجع ,,,,, و بصوت واااااااااااااحد

و اكرر ما قاله الاعلامي المميز عادل عصام الدين
" الهلال يملك شعبيه كبيره لا يستفيد منها أثناء سير المباراه "

هلالي مميز @@@ · #10 06/04/2009, 04:44 PM

انشالله نشوفه قدام الاتحاد

................

هلالي ksa 9 · #11 06/04/2009, 05:03 PM

والله أخوي أنا أأيدك
أنه لازم يكون تشجيع جماعي
واتمنى الغاء فكرة الرابطه الحاليه والله الموفق ...

الموهوووم · #12 06/04/2009, 05:14 PM

المشكله كل ماتكلمنا يجيك واحد اسمه تركي مقفل التبلون ويقعد يدافع عن الرابطه مدري وش

يبي والله الواحد صار يخاف يتكلم لايكون هالموقع مراقب

تركي الهديب · #13 06/04/2009, 06:43 PM

إقتباس

الرسالة الأصلية كتبت بواسطة الموهوووم


	المشكله كل ماتكلمنا يجيك واحد اسمه تركي مقفل التبلون ويقعد يدافع عن الرابطه مدري وش يبي والله الواحد صار يخاف يتكلم لايكون هالموقع مراقب

يعطيك العافيه اخوي
حلوو كلامك إنك تقول كل ما تكلمنا !!
يعني اللي نشوفه مجرد كلام واذا على افعال فحياك الدره بكره ان شاء الله ومتواجدين كرابطه ومجلس جمهور وعساك على القوه اخوي
احترامي لك

تركي الهديب · #14 06/04/2009, 05:19 PM

يعطيكم العافيه على المشاركات وحبيت اوضح ردود على بعض التعليقات من الاعضاء
وان شاء الله نوصل للي يتمناه الجمهور الهلالي :
الاخ مجنون الزعيم:
على عيني وراسك ونعرف كيف جماهير الهلال واجاده التشجيع الاوروبي
بس احب ابين لك نقطه ان قبل المباراه يكون افضل جمهور يطبقها
ومن بداية المباراه مجموعه بسيطه اللي تتفاعل بالقرب من الرابطه والبقيه مجرد سكوت ومتابعه
ونوعدك ان شاء الله بالتطبيق والباقي عليكم كجمهور

اخوي فالكون1515 :
على عيني وراسي والعشم فيك وبقيه الجماهير ونحتاج وقفتكم معنا

الزعيم لطيف
مشكور اخوي على كلامك
بس برضو الاحلى وجود جماهير كبيره وتشجيع اقوى افضل من صغيره وتشجيع حلو
والزعماء عودونا على اكبر جماهيريه وما نقبل بأقل من كذا

اخوي ياسر :
الاهزوجه اللي ترددت في مباراه اعتزال الاسطوره سامي
كانت الرابطه مسويه بروفه قبل اللقاء ومع المباراه تم ترديدها
يعني لو يتفاعل الجمهور مع البروفات قبل المباراه لقينا احلى تشجيع واحلى جماهير

اخوي ميسي الهلال
على كلامك ان الرابطه للرقص والسامر باعضاءها ياليت تحدد لنا الاعضاء اللي ترقص اذا كانوا
من الرابطه او من مجلس الجماهير
أم جماهير تكون بالقرب من الرابطه للرقص ولا تعلم المباراه بين مين ومين !!

اخوي الملكيه الهلاليه:
اكيد التشجيع الجماعي احلى واورع وعلى ايدك يالغالي وتكاتف الجماهير مع بعض
ويكونون على قلب واحد مو مثل مانشوف رفض لاي تعليمات سواء من الرابطه او من المجلس

اخويعاشق سامي 9
اتوقع ان التشجيع والمسانده تكون سواء الفريق خاسر او فائز
وبالنسبه للترقص فمموجود ردي على اخوي ميسي الهلال
اما بتعليقك ان ظهور الرابطه والمجلس للملعب
ماتكفيك ها النقطه ان نبذل المستحيل من اجل خروج جماهير رووعه وننحرم من مشاهده مباراة؟
وراح اذكرك بموقف في مباراه النصر الاخيره متواجد باسفل المدرج اكثر من 20 شخص
جاهزين فقط في انتظار اي هدف هلالي لرفع علم GOOOL اللي الكل اشاد فيه
يعني انحرموا من مشاهده مباراه ولقوا اشاده وانت تهضم حق الان بردك

اخوي هلالي بس سديراوي :
كلامك صحيح وسبق ان سوينا ها الحركه اكثر من مره وحتى في مباراه الاتفاق الاخيره
والمشكله ما يكون معاهم اي تفاعل من قبل الجماهير الا عدد بسيط مره

اخوي الزعيم راكان
العصيان البلاستيكيه لها طريقة تشجيع معينه وحاولنا اكثر من مره نطبقها مع الجماهير
بس وش نسوي اذا الجماهير تأخذ الدعوه عناد !!
وانا معاك نمنع الطبول والطيران بس بيكون فيه تفاعل بدون بناء لجمهور يحتاج وقت طويل ليكون الكل على
وعي وعلم بالامور اللي تكون بالملعب وبالاهازيج !!

اخوي عذابي غياب سامي :
في ردك رقم 66
الشخص المرسم ماهو من اعضاء الرابطه ولا اعضاء المجلس وانما مشجع عادي يحب الهلال
ويتواجد دائما مع الرابطه للتشجيع ( للمعلوميه فقط )
وفي ردك رقم 73
مجلس الجمهور متواجد في كل مباراه ويحاول بكل الطرق المساعده ولكن دائما ما يكون اللوم
على الرابطه وعلى المجالس من بعض الجماهير ونسوا انهم وقود المدرجات وبتعاونهم مع الرابطه
والمجلس يكون هناك افضل تشجيع

اخوي فن كروي
صدقت اخوي في النقطه الاخيره الهلال يملك شعبيه كبيره لا يستفيد منها اثناء سير المباراه

فيه بعض الردود تجاوزتها بس حاولت اخذ الردود اللي تحكي مشاكل ونحاول مع بعض نحط لها حدود مع بعض
ونتجاوزها جميعا ليكون التشجيع راقي اوروبي وينافس الجماهير الاوربيه

احترامي لكم

غزالة · #15 06/04/2009, 05:31 PM

والله حلوووه الرابطه ممتعه
بس انا يعجبن لما يطقون بالطبل و يقولون بصوت واحد هلااااااااااااااااال
احسن من يغنون و يشغلوننا حبيبكم مييييييييين هلااال >>حفظناها
و الرابطة حلووه تنظم الجمهوور
وجهة نظر تحتمل الصواب و الخطأ من قبل مشاهده عبر التلفاز