السلام عليكم ورحمة الله وبركاته
أولاً أحب أقولكم أن اللاعب نايف هزازي لاعب ذكي وسريع بالعكس من محمد العنبر لاعب الكنترول عنده ماهو اوكيه مثل نايف هزازي
بس ليش نطالب بنايف هزازي وحنا عندنا الكــــــاســـر وأحمد الصويلح والعنبر والمحياني الفتى القادم من مكه وأتمنى له التوفيق مع الزعيم

مهاجم صريح العنبر
لو لا الله ثم العنبر لما فزنا في مباراة الوحدة وصار عندنا الفرصه لننافس على الدوري

إقتباس اولا التايب له ثلاث سنوات مع الهلال ماخبرناكم تمدحونه في صناعه اللعب الا يوم سجل العنبر!! ولعلمك التايب لعب مع ياسر اخر (10)مباريات وماشفنا ياسر استفاد او التايب صنع!!فيه شيء اسمه تمركز المهاجم وفهمه لصناع اللعب واهداف العنبر اللي من صناعه التايب هيا(3)اهداف فقط وجميعها كانت ون تو بينهم وصوبها العنبر من خارج(18) والعنبر معروف قبل التايب ودائما هداف متى ماشارك وزي ماقلتلك حتى لو مسحنا تمريرات التايب للعنبر(5)اهداف من 4 مباريات نسبه ممتازه وترى مهوب عيب ان العنبر يستفيد من صناع اللعب هزازي اللي تمدحه عطاه صالح بشير تمريرتين اروع من تمريره التايب للعنبر والا حلال لكل المهاجمين انهم يستفيدون من صناع اللعب وحرام على العنبر

هلا بك حبيبي

حبيبي انت تعلق على كلامي وكأنك ماتشوف المباريات

مهو عيب يستفيد المهاجم من صنّاع اللعب ... لكن كانوا يلعبون ضذ من ؟؟

كل التمريرات اللي وصلت العنبر في مباريات الشباب ... من نوع ... انت وضميرك .. يعني الباب فاضي

دفاع الشباب كان وقتها مسخره ... صار العنبر بيليه وقتها ؟؟

لكن تعال نشوف هاللي صلح له صالح بشير كورتين واستانسنا عليه

تابع معي من مباراة ايران ... جاب قول ... وانلغى ... وجاب قول ثاني ... يعني الرجال يتمركز صح

طيب تعال لمباراة الامارات

القول الاول .... بسبب نايف هزازي .. ضربة الجزاء

الهدف الثاني ... بسبب نايف هزازي ومضايقته للاعب ... ولاانفي دور نامي وباقي اللاعبين

القول الثالث ... ارتقاء قدام 5 مدافعين ... وحارس !!

يعني الرجال في مباراتين ... جاب 3 اهداف ... انحسب منهم اثنين

وتسبب في هدفين

وين وجه المقارنه ؟

وتراك ماجاوبتني

يومك قلت انه افضل من ياسر ... لو انت مدرب ... تحط العنبر اساسي وياسر احتياط والا ؟

من ناحية نايف هزازي والله ما اتوقع ان الاتحاد بيتخلى عنه ابد
اما اسماعيل مطر بصراااحه اتمناه يجي للزعيم , لانه هو ياسر ناااااار
اما العنبر والصويلح بصراحه ماهم تكانه , يعني مو لا عبين حسم , وبحضور عيسى راح يكون لهجوم الزعيم هيبة

العنبر لاعب مايستهان فيه له بصماته داخل الملعب وبعدين مين هزازي هذا اللي تطالبون فيه
اذا عندك قناص آسيا يــــــاســـ20ـــر
والعنبر والصويلح ومعانا في الموسم القادم المحياني
والمستقبل القريب سنشاهد نواف العابد
اظن ان مو محتاج لاعب زي هزازي

اللاعب نايف هزازي لاعب جيد بس ما يعرف يلعب غير بالرأس بس حنا عندنا عيسى و العنبر ...
بالتوفيق للزعيم ..

اقول ما دام ابو سعيد موجود ما نبي غيره

ربي يخليه لنا

مرحبا

هزازي لاعب ممتاز {مايصلح في الهلال}
العنبر يركز وبيعرف يلعب
الصويلح دهورته الاصابات

ياليت الكلثم يرجع راس حربه مش جناح

تحياتي

أفضل إرتقاء للاعب الكبير في لعبه نايف الهزازي

العنبر براس نايف هزازي
بس مو لاقي فرصة ياناااااااس
والله انه عندي افضل من ابو سعيد فضربات الراس

إقتباس الرسالة الأصلية كتبت بواسطة aka=هلالي100% ساأخي حرام عليك العنبر أسوأ لاعب في الهلال لو لا الله ثم العنبر لما فزنا في مباراة الوحدة وصار عندنا الفرصه لننافس على الدوري إذا انت تقول العنبر أسوا لاعب فأنا أقول لك يبدو لي أمرين: الأول: ممكن أنت منقهر من العنبر ومحتر منه الثاني: أنت لاتفقه في عالم كرة القدم شئ أو انك ماتابعت الهلال إلا اليوم ولك أكثر من سنتين وأنت ماتعرف أي شئ عن الهلال على كلامك هذا لكن أقول لك ولأمثالك إذا العنبر ماعجبك أتمنا انك ماتسبه في موضوعي خاصة لأننا في مرحلة حصاد واللاعبين محتاجيننا في الفتره القادمة اتمنا منك ان تحتفظ برأيك الدنيئ لأن العنبر أكبر من أن تقول عنه هذا الكلام تقبل وجهة نظري بصدر رحب لك تحيتي وتقديري

سبحان الله ترد بهذا الاسلوب على احد الاعضاء وتقول تقبل وجهة نظري بصدر رحب !!

اين رحابة صدرك في تقبل وجهات النظر

اما بالنسبة للعنبر فهو لاعب سيئ وسيئ جدا ولا يليق به اللعب في دوري المحترفين وليس الهلال فقط

واذا لقيته سلم لي عليه وقل له نادي السد في الخرج يعاني من مركز الهجوم خله يرجع لهم ويجلس هناك مع اخوه

احسن له ولنا

بالتوفيق لهجومنا الحالي والله انه يسوا الف من هزازي وغير هزازي

ليه نسيتو طلق المحيا المو سم الجاي بيصير هجومنا كاسح المحياني والقناص والعنبر ووراهم صناع لعب من طراز عالي المحياني بتشوفونه مع الهلال بيبدع لان وراه التايب والشلهوب وويلي وسول