|
كل هذا حقد ! . بسم الله الرحمن الرحيم السلام عليكم ورحمه الله وبركاته مبروك الفوز وعقبال التأهل ان شاء الله لاكن عندي تعليق على مباراه امس الحمد لله انا فزنا بالمباراه لو كانت خساره كان متوقع نشوف احد يعلق على هذا الموضوع . الموضوع هو : هل شاهدتم كيف الامارتين يضيعون الوقت من اول الشوط الثاني بشكل غريييييب حنا ماقلنا افتحوا ملعبكم ولا تساهلوا بالمباراه العبوا بكل قوتكم واثبتوا نفسكم وانكم قادرين على الفوز على السعوديه في ارضها و بين جماهيرها بس انكم تضيعون الوقت هذا شي غريب ليش تضيع الوقت ؟ اول شي ماوراكم تأهل وتضيع الوقت دليل ضعفكم وانكم لستم جديرين بالفوز فقط حقد للسعوديه انها ماتأهل :bigeek: . عجبا ايها الاشقاء الخليجين العرب المسلمين......... كل هذا حقد,, العبوا قاتلوا بس انكم تضيعون الوقت فقط لكي المنتخب مايتأهل :bigeek: . , . , دمتم بعافيه , , , يلعب منتخب الامارات امس وهو فاقد الامل بالتأهل |
نعم نعم اتفق معك في هذي النقطه وبيني وبينك كل دول الخليج يحقدون على السعوديه بس الحمد الله على كل حال السعوديه دئما تتفوق عليهم بمراحل عده ياحبي لمنتخبنا وهو يقلب النتائج على المنتخبات ومشكور على الموضوع |
لا تنسى ان لهم بصيص من الامل |
معليش اخوي انا مو معاك بالموضوع انا اماراتي لكن والله يعلم الله بفرحتي لكم امس رغم ان منتخب بلدي المهزوم الي ابي اعلمك عليه بس هو شي واحد ان كل منتخبنا الوطني كان يمثل البد مو يمثل جهود غيره ومثل ما منتخبنا الثاني السعودي يبي يفوز عشان يرضي جمهوره حتى منتخبنا يبي يفوز عشان يرضي الجمهور الي شايش عليهم وانا بالعكس ترى من اشد الفرحنين لو السعودي تأهلت لكأس العالم ولاتقول اني محتر عشان امس لان شوف دش على جميع الردود حقتي اليوم وراح تشوف ردت فعلي ايش كانت كنت على طول ابرر للاعبين لانهم مروه بارهاق كبير والسبب مبارة ايران لكن ان تقول (( فقط حقد للسعوديه انها ماتأهل )) ترى كلمه قويه شوي مثل ما المنتخب السعودي يبي يفوز ويفرح جمهور حتى الامارات بعد نفس الشي وارجوك تتقبل مروري |
إقتباس:
اي بصيص الله يهديك,, هم عندهم نقطه وحده بس وهم قالوا حنا فقدنا الامل ونلعب للتاريخ . |
إقتباس:
يلعب يثبت نفسه ,, بس يضيع الوقت علشان المنتخب مايتأهل << شتسميه هذي ........! يعني لو ضيع الوقت بتستانسون وبيكون منتخبكم قوي |
ما أعتقد تقدر تسميه حقد.. الملعب مفتوح واللي يضيع وقت يتحمل لو جاه هدف.. لا تنسى ان الفوز حق مشروع فما بالك على أرض الخصم.. |
إقتباس:
يعني انت فكر معي ,, الامارات من حقهم يفوزون ويرضون جماهيرهم بسبب الخساير الي خسروها يعني يلعبون بقتاليه و حماس ............ بس انهم يضيعون الوقت هذا يدل انهم موب قادرين على الصمود امام السعوديه وانهم مايستحقون الفوز وتضيعهم للوقت يثبت انهم بس يبون يطلعون السعوديه من التأهل وحتى بالتعادل يضيعون الوقت << يعني على بلاطه حنا نبي نطلعكم من كاس العالم . تخيل لو العكس ان الامارات تبي تأهل و السعوديه فاقده للامل كان اتحدى تشوف لاعب سعودي يطيح ويضيع الوقت العب انت تستجق الفوز نقولك مبروك بس تضيع الوقت بهذي الطريقه لا...... . |
إقتباس:
طيب اخوي انت امس فايز وفرحة وشفت فرحة منتخبنا الامارتي معاكم كانت كيف لكن لو عطينكم المباره بأقل مجهود هل انت راح تكون راضي على المنتخب السعودي خلنا نكون واقعين كل واحد يمثل بلده وكل لاعب اذا فكر بالتفكير الي انت تتكلم عليه ترى نقول على الاحتراف السلام تبين افتح الباب وقولك تعال فوز مو معقوله ارجع وقول مثل مالك فريق تبيه يفوز غيرك عنده فريق يبي يفوز ولا تنس كل واحد يمثل بلده بس كلمة حاقدين اتمنى انها تعدل من صاحب الموضوع لان قلوبنا بيضاء ولا يجلس الاخ يقراء مافي داخل صدورنا عشان يقول حاقدين ماقول غير الله يسمحكم على الكلام هذا |
نعم نعم اتفق معك في هذي النقطه وبيني وبينك كل دول الخليج يحقدون على السعوديه بس الحمد الله على كل حال السعوديه دئما تتفوق عليهم بمراحل عده ياحبي لمنتخبنا وهو يقلب النتائج على المنتخبات ومشكور على الموضوع |
أولاً : أخوي حاول تختار ألفاظ مناسبة .. كلمة حقد .. كلمة تدل على الكرهـ الشديد .. والبغض البديد .. ثانياً : إحنا دولة وحدهـ .. السعودية والإمارات .. كلنا خليجيين عرب .. وقبل ذلك مسلمين .. ثالثاً : إنت تقول المنتخب الإماراتي من حقه يفوز .. يعني من حقه يفوز بأي طريقه .. رابعاً : هم ما حاولوا يضيعون الوقت إلا لما حسوا إنهم بينهزمون .. وفي النهاية .. إحنا شعب واحد .. وخليج واحد .. وما بيننا لاحقد ولا كرهـ ولا شي .. |
إقتباس:
انت مافهمت او ماقريت موضعي زين ,, العبوا قاتلوا بس لاعبينكم وحارسكم يقعدون يتطايحون كل دقيقتين << والله لو وراكم كاس العالم لو العكس اتحدى تشوف لاعبينا يضيعون الوقت هو بيلعبون ان فازوا بجداره وان اخسروا ماسار شي وبنقولكم مبروك . . انت ماتعرف وشي تضيع الوقت,, يعني وراكم شي مهم وتبون الفوز بأي طريقه عمرك شفت احد يضيع الوقت بمباراه وديه . |
إقتباس:
اتمنى جميع الي يردون يعرفون هذا الشي قسم بالله اختصرت كلام في قلبي كثير يا اخوان انا اماراتي والله اقسم بالله اني فرحان لكم بس ليش كلمة حقد يعني في اللفاظ افضل من هذي |
إقتباس:
بقولك شي,, تخيل لو العكس,, توقع لاعبينا وحارسنا بيطحون كل شوي والله حنا يالشعب مانرضاه والفوز بطريقه تكون عن جداره اجل الي يفوز بالتمثيل على الحكم ولا كل شوي طايح لاعب هذا الفريق مايستحق الفوز ابد , |
تراك أخطأت أخوي في اختيارك لكلمة حقد ومثل ما انت تبي تفوز هم بعد يبون يفوزون ، مو مهم كيف يفوزون وعلى قولة المثل ( الي تفوز به العب به ) اعتقد انهم يضيعوا الوقت ليس عشان المنتخب ما يتأهل فقط، وإنما:- 1. ممكن تكون نظرتهم مثل ما تفضلت . 2. الفوز على المنتخب السعودي في أرضه وبين جماهيره بحد ذاته بطووولة للاماراتين . 3. الفوز في مباراة البارحه للاماراتيين يعتبرونه ثار لمباراة الاياب ، وعلى ما اعتقد لثار لمباراة كأس الخليج . تحياتي؛؛؛ |
إقتباس:
الخلاصه ,, شي بالقلب . . |
اتمنى من راعي الموضوع انه ينام بكير ويصحى بكير عشان يوم السبت دراسه ويداوم بكيرررررررررررر رووح نام احسن لك والامارات لعبة بجداره ومنتخبنا ماقدم المستوى المطلوب وياليت ترتقي بمواضيع راقيه ولايقه .. ولا رجاء لاتكتب |
آمس آلمنتخب آلآمآرآتي لعب بشكل جيد وقدم مبآره من زمآن مآ شفته بآلمستوى هذآ وحمسونآ مع المبآره :) ولكن آتمنى آن يلعبوآ مع ايرآن مثل مآ لعبوآ آمس :) يآلآمآرآتي وقف الايرآني :) |
مستوى الامارات طول التصفيات فاشل ويجيب المرض بس ماطلع المستوى والابداع بس مع السعوديه كله من الحقد يلعب الاماراتي عن لاعبين وبالنسبه لهم مباراة أمس كأس عالم بحالها بالاخيررررر مافاز الا البطل ومايستاهلها الا البطل انت بس تخيل الامارات فازت امس .. اللهم لاشماته 3 نقاط لنا والى جنوب افريقا ياااااااااارب |
إقتباس:
كيف الحال !!:d ....................... |
إقتباس:
اختي هنادي احترم ردج بس اتمنى ترجعين لمباريات المنتخب السعودي في البدايه متغير المنتخب الا بعد مبارات ايران يعني عشان تعرفين ان مو كل يوم تلعبن صح يوم لج ويوم عليج |
اخونا الاماراتي المشارك بالموضوع اذا تعرف احد من لعيبة منتخبكم خلهم يفتحون الباب المبارتين الجايه عشان يعرف اللي كاتب الموضوع ان الله حق بعدين لاتشره علينا تابع دورينا وانديتنا وبعض الرؤساء وانظمة اتحادنا بعدها راح تعذرنا اذا طلع من احد كلمة (حقد) |
إقتباس:
كل هذا المستوى علشان يطلع السعوديه برى ولا تكفى شفتهم مع كوريا الشماليه قبل 4 ايام اللهم لك الحمد |
إقتباس:
أجل شي يبعث التفاؤل اكثر واكثر ان منتخبنا متقلب مستواه وعلى هذا كله مركزه الثاني وليس متذيل المجموعه </B> |
إقتباس:
لاتسوي نفسك فاهم ,, وبتشوف الامارتين قدام كوريا و ايران اتحداك ان لعبوا بنص مستواهم قدام السعوديه ولاتنسى قبل مباراه السعوديه بأربعه ايام لعبوا مع الشماليه بمستوى وروح عدم.. .. وبعدين تعال تكلم وتعرف الفرق . وهم قالوا بنلعب للتاريخ . اجل بنشوف التاريخ قدام ايران وكوريا :naughty: . |
إقتباس:
معاك حق اخوي بس انا مجرد توضيح فكره يعني ماودك تخلي القرعه ترعه يعني يغلطون علينا ونسكت ترى مثل ماله منتخب يفتخر فيه حنا بعد نفس الشي صح ولا لا |
والله من اول الشوط الثاني وحارسهم يتسدح واذا جت ضربة مرمى قام يعرض ويتميلح قدام الباب والحكم معطيه وجه لاكن بعد الهدف الثالث !!! ماتوصله الكوره الا وهو مسلمها للعيبه واللعيبه ما خلو مكان بالملعب ما انسدحوا فيه يعني اذا انت تبي تفوز على السعوديه العب بكل قوتك وقاتل حتى نهاية المباراه لاكن تضيع وقت من الدقيقه 50 فهذا اعتبره اشبه بحقد وخير دليل على ما اقول حلقة المجلس اللي بعد المباراه من زود حرته قام يخبط ويطلع عن الموضوع ويقول غيروا شعار القناة وحطوا قناة السعوديه ؟وش دخل المعلق تشب فيه ويقول بعد ان السعوديه ما تستحق الفوز وعقب ما حجروه انحاش من المجلس فأنا اتفق معك اخوي وبعدين لا تقلبون الموضوع هواش هي وجهة نضر من اخوي صاحب الموضوع ومبروك الفوز لسعوديين وهاردلك للأماراتيين |
إقتباس:
تبي تفتخر بمنتخبك تعال شفهم قدام السعوديه . الحمد لله والشكر انتم يالامارتين و القطرين مدري وشتبون شاطرين على بعض بس ولا مع المنتخبات الثانيه مافيه اضعف منكم,, , وانت يالاماراتي السعوديه تلعب يقوه بس الحظ ماساعده ولا الامارات ماشفت له مباراه من زمان مثل مباراتهم امس !!! . |
إقتباس:
والله انك صادق,, تخيل لو مباراتهم امس مع كوريا اتحدى تلقى نص المستوى الي لعبوا فيه قدام السعوديه . , |
عادي يبون ثلاث نقاط من حقهم حتى لو كانو فاقدين الامل من حقهم يطلعون من النقطه لانها ما تليق بهم كامنتخب لا تنسى مباراة الهلال و الشباب كيف وليد عبدالله كان يضيع الوقت رغم انهم فاقدين الصدارهـ ثاني شئ انا اشوف ان المنتخب الاماراتي ما ضيع وقت كثير عشان الحارس سقط مره بس صار يضيع وقت !! |
إقتباس:
حبيبي انا ماقولك ان شي على موضوعك ممكن يكون موضوعك عين الصواب بس تقول حاقدين ترى والله قويه بحقنا كامارتيني يعني حنا حبايب وما أظن انت الي تعرف شو الي داخل القلب اتمنى اخوي انك تفهم كلامي بشكل صحيح ولا تفسر اي شي على هواك اسمحلي انا ماراح اطيل معاك النقاش لان اخاف انك تغلط زياده روح زور منتديات اماراتيه وشوف التبريكات الاماراتيه للمنتخب السعودي |
من حقهم يضيعون الوقت مثل ما صار بالملعب ان ربعك افتحوا اغاني بالشوط الثاني والمباراة تلعب ليش ما تكلمت عن نقطة فتح اغاني تشجيع للاعبين السعودية وسط السعودية :naughty: |
إقتباس:
كم مره دخلت السياره للملعب ,,, والحارس طاح اربع مرات غير انه يتفلسف بأخذ الكوره من برى << ليش طيب وراكم كاس مع العلم ان السياره مادخلت ابد مع المنتخب حتى هو متقدم . . ومن حقهم الثلاث نقاط .. بس موب الطريقه هذي << الي تقول هذي مباراه مصيريه لهم موب للتاريخ . |
إقتباس:
انا ما ايد فتح الاغاني بكل الاحوال ... وين حنا جالسين بمرقص.. فيه ناس ملتزمه ولازم يقدرونهم... . |
9MX نيابة عن الجماهير السعودية كافة نعتذر لكم اذا كان طلع من احد كلمة سيئة بحق المنتخب الاماراتي والله انكم نشفتوا دمنا امس :d ..,, انا فاهم عليك ياسلنقر ليش اللعيبة الامارتية يتسدحون وكل هذا عشان حقد للسعودية وانها ما تتأهل على حسابهم.. شوف عزيزي يتسدحون يتمغطون ينامون يضيعون الوقت هذا حق مشروع لهم لكن "ماهو عمل احترافي" لانهم يبون الفوز قدام 80 الف متفرج امس وعشان يرضون جماهيرهم .. ولعلمك بعد هدف هزازي شف كيف وليد عبدالله يضيع ركلات المرمى ويأخرها :d |
أتفق معك ياصاحب الموضوع ان حركة الاماراتيين أمس مالها داعي... تبي تفوز بجدارة وفن تفضل نحن اول المصفقين .. بس بطريقة استهلاك الوقت الي يرفع الظغط بأغلب دقائق المبارة وكأنكم تتقبلون الخسارة من الجميع عدا المنتخب السعودي وهو عربي خليجي مسلم مثلكم هذي فسروها لي؟؟؟؟ ولاتزعل يالاماراتي باركنالكم مستواكم واحراج المنتخب السعودي ...بس تضييع الوقت هو حق مشروع لكم بس كثرته بهالوضع تفسر غير اخلاقياَ مام منتخب خليجي ..وانتوا وشالله حدكم لفعل غير اخلاقي ومنتخبكم خارج الحسبة ؟؟؟؟ |
مآ يختلف آثنين آن دول الخليج . حآقدهـ على النتخب السعودي .. آتركونآ من المثآليه . يعني نحنُ نشآهد قنآة الدوري والكآس القطريه عندمآ قآلت آن المنتخب الآمآرآتي آهدى المنتخب السعودي الفوز .., وآيضآ قنآة دبي الرياضية عندمآ قآلـة آن المنتخب السعودي لآ يستحق الفوز وركلة الجزآء جآئت من ضغوطآت مآرسهآ الآتحآد السعودي لي التحكيم .., بالله آي منطق يقول آن دول الخليج فرحآنـه للسعوديـه ..؟ بالعكس .. الفوز قوبل بالتشكيك وبممآرسة كل مآيمكن لتخريب فرحتنآإْ مآ كأن المنتخب السعودي هو المنتخب العربي والخليجي الوحيد الذي ينآفس على التأهل .., على الآقل يمثلكم ويمثل الحآقدين عليـه . بالآخير هو منتخب خليجي عربي ..! |
ياخي من حقه يفوز باي طريقه لاحول الله بس وعلى العموم كلنا دوله وحده والف مبرووك للمنتخب اضافه... صحيح ان دول الخليج اكثر سكانه ماتبي للسعوديه التاهل لاكن نضل اخوه وخلنا في اخطاء المنتخب احسن من نناضر اخطاء الغير.. دمت بود،، |
من حقهم البحث عن الفوز حتى لو لم يكن لهم امل فهم يلعبون باسم الامارات لكن اكره نقطة لي في المباريات هو اضاعة الوقت بشكل غير مبرر وقتل اللعب بطريقة تشوه متعة اللعب ومافيه شك ان الامارات يتمنون لنا الخير والتأهل وكلنا اخوة لا تفرقنا رياضة وتنافس |
هذا الخوف يا حلووو الحمد لله فزناا ...... |
مو حاااقدين ولا شيـ ... وجد أنت ماقريت اللي في قلوبهم وبعدين ليش داايم أنفسر الشي بشكل سيء .؟؟ ليش ماناخذ الإجابيات وننسى السلبيات .....؟؟ أتمنى انكم تسكرون عن الموضوع لانه بيسبب فتنه بينا وبين أخوانا الإماراتين وهذا اللي حن مانبيه والمبارااااة خلصت والمنتخب فاز ولله الحمد وهارد لك للإمارات وحن أخوااااااان وجيرااااااااان يسلموووووووووووووووووووووو |
ما نفعهم تضييع الوقت ومنتخب الامارات ضعيف مع كوريا ج 4 ومع ش 2 وبدون هجمة ومع المنتخب حقد وتضييع وقت تمنيت ياسر وبجانبة هزازى لكان انتهت من الشوط الاول والمدرب كاد يضيع المنتخب والحمد للة الامارات ضعيف وفزنا ب 5 بالمية من لعبنا |
معليش اخوي انا مو معاك بالموضوع |
إقتباس:
لا يا حبيبي يوم السعوديه فازت على ايران كل جرايد الخليج تمدح با السعوديه ... :yes: |
s13ss13s إقتباس:
^ ^ ^ ^ وأنا معـــــــاك .... s13s |
ايه صح حاقدين والدليل ان المباراه كانت تعادل وهم يضيعون وقت بس انا لله وانا اليه راجعون ومبروك الفوز |
من وجهه نظري كل فريق يسوي الي يبي بالملعب ماعلينا منهم اهم شي الفوز |
والله عيب عيب عيب عيب ياصاحب الموضوع . تكتب موضوع يسبب فتنه بين الدولتين .. كلنا مسلمين واخوان .. وعرب .. انت لو رحت الامارات بيستضيفونك ويحترمونك واالعكس الصحيح .. ليش تكتب موضوع مايليق بنا كسعودين .. اننا ندخل بذمم الاماراتيين .. ياخي يحق لهم يفوزون ... اجل تبيهم يفتحون الباب لك ..؟؟؟؟ عشان المنتخب يفوز؟؟ بهدف واثنين وعشره؟؟ عشان تفرح انت والف اماراتي يزعل؟؟ ويموت قهر على لاعبينه؟؟؟ ترضاها لمنتخب بلادك انتت؟؟؟؟؟؟؟؟؟؟؟؟؟؟؟ ------------ الحين بقولك شي واتمنى تجاوب من كل قلبك .. اوك الحين حط مكانا بموقف الامارات ؟؟ هل ترضى ان المتخب السعودي ينهزم؟؟؟ او يفتح الباب للمنتخب الاماراتي عشان يتأهل؟؟؟؟ ----------------- اذا قلت إيه فأنت صراحه .. لاتعليق؟؟ وان قلت ماترضى .. فالمنتخب الاماراتي ايضا لايرضى بالخساره امام شعبه وجماهيره . اوك ... بتقولي تضيع وقت ..؟؟؟ فأنت مافهمت كلامي .. --------------- ولو لسمحت احذف الموضوع ............... واخوي الاماراتي المشارك معنا .. لاتشره على اللي يكتبون .. هذولا من اطفالنا .. وعيالنا الصغارين اللي مع الخيل ياشقرا .. والسعوديه والامارات دوله واحده وشعب واحد --------------------------------- وشكرا لكم |
إي والله ياخووي مساكين رفعوا ضغطي أمس ،، مال أمها داعي حركاتهم بعدين متعودين منهم الإماراتيين خخخخ ،، بس اللي رفع ضغطي من جد الحارس يوم يتسدح بعد الهدف الثاني للمنتخب مدري من إللي أحتك فيه للحين !! ع العمـــوم مبــروك يأأخضرنا |
الامارات لو يفوز علينا باي طريقة شرف له لذلك حقه يضيع وقت اما فكرة انه يفتح الباب لكم فاقول رجعنا لخمبقة البلطان وفلسفته |
يمغطوون الوقت لييين يشبعون :d ويضيعون الوقت على كيف كيفهم :d المهم بإلاخير عطيناهم شوتـهـ محترمه :yes: وخليناهم ع النقطه الي طلعو فيها من التصفيات :smilie47::naughty: وإذا فيـهم خير يلعبون مع إيران بنفس القتاليهـ الي لعبو فيها معنا :yes::rose: |
إقتباس:
بلنتي ظلم الامارتيين كانوا الاقرب للفوز لكن الحكم بسبب ضغوط الاتحاد السعودي اعطى المنتخب ضربة جزاء غير صحيحة وبالرغم من كذا الامارات كان قاب قوسين عن الفوز لولا الخطأ الدفاعي للامارات اتركوا الفلسفة الزايدة النتيجة المفروض 2/1 للامارات |
إقتباس:
رايتك بيضه اخوي والله يسلمك واشكر ردت فعلك معاي بالموضوع اخوي اسمحلي اقولك انا مو زعلان على الموضوع انا زعلان ليش ان الموضوع في موقع مثل موقع الزعيم ولا اشوف ديرتي تنهان وانا في موقع من افضل المواقع لدي وبين اهلي وبيتي الثاني نادي الهلال الي فضلته على جميع الفرق الاماراتيه في النهايه اشوف المشرفين ساكتين وعادي عندهم موضوع مثل هذا يمس بدوله شقيقه احترمة المنتخب السعودي وحيته انا ومجموعه كبيره جداَ بالامارات نحب الدوري السعودي ونحب المنتخب ايضاءً لكن كجمهور مثل صاحب الموضوع اسمحلي فأنا اقول الله يسامحه على العموم ان اختلفنا هنا فا حب الزعيم يجمعنا واتمنى ان الكره ماتأثر على المحبه بين الدولتين |
عادي قولو اللي بتقولونه ... بس بقتبس رد واحد من الاخوان وشوفو انتو ... إقتباس:
|
|
تدري متى تقيم منتخب اذا كان بطل واسطوي أو لا؟؟ اذا قدم مستوى فاز بنتيجة كبيرة واذا ماقدم مستوى فاز بأي نتيجة وتحت أي ظرف لأنه بطل وهذا الي قاعد يصير مع المنتخب السعودي والعكس صحيح مع المنتخب الاماراتي يوم انهم تعصروا البارحة وماكانت النتيجة لهم يالبا قليبك يالاخضر فزت بأقل مجهود.... التفحيط والحسرة لهم والراحة والنقاط لك :smilie47: |
إقتباس:
هههههههه ياويل أمها من جد ،، قبل كل شي ودي أعرف إنت سعودي أو إماراتي . إذا إماراتي بقوللك "خذ راحتك ،، رفه عن نفسك شوي وفضفض " :d أما لو كنت سعودي ومسوي يعني "حملة قاطعوا منتجات الإتحاد السعودي لسبب أو لآخر " بقوللك " ياويل أمها من جد ،، أمس البنقالي اللي هو بنقالي طالب إجازة من كفيله عشان مايفتح البقالة ويحضر للملعب ،، شوف هذا بنقالي ،، عاد كيف السعودي بحق وحقيق ،، أنا بطلب منك شي بسيط ،، إنك تقيس وطنيتك على مافعله هذا البنقالي . |
الاخ صاحب الموضوع ابي افهمك نقطة استهلاك الوقت المدربين يدربون الاعبين عليه ولعلمك اي منتخب متقدم يستهلك وقت خاصة لو كان يبي يضمن الفوز مهما كان اذكر نهائي البطولة الاسيويه عام 2000 الهلال في النهائي استهلك الوقت امام الفريق الياباني وفي الوقت بدل الضايع ولاتنسى ان في حكم ويحسب لك وقت بدل ضايع انا اتكلم بحيادية وصراحة لاعبينا استهتروا وانتفخ ريشهم بعد فوزهم على ايران وانا كنت داري انهم بينحطون في هالموقف في هالمباراة ولاتنسى المنتخب الاماراتي يلعب بدون اي ضغط ان فاز سوى انجاز وان انهزم محد لايمة بس لاتنسى ان هالعامل بالذات يخلي كل فريق يادي ما عنده بافضل طريقة نسيت انت المنتخب البحريني اللي هزم ايران في تصفيات 2002 في المنامة 3 صفر وبعد ماخلصوا المباراة شالوا علم السعودية وقعدوا يركضو وفرحانين انهم عطونا بطاقة التاهل اللي ما كنا نستاهلها بسبب ناصر الجوهر وخططة المهروسة على الرغم من ان النتيجة ما تفرق مع البحرين انا لو اماراتي افرح لو منتخبي هزم اي منتخب على ارضه وانه برر انه مو فريق سهل او حصالة مجموعته ولعلمك اللي ساعدنا في المباراة اللياقة فقط لعلمك استهلاك الوقت له عامل نفسي على الخصم ويزيد توتره مثل تشغيل خبيلان للاغاني في الملعب والمباراة ما خلصت هل تسمي هذا حقد ؟؟؟ كلمة حقد ترى مال امها داعي لو بيحقد يحقد على ايران انا كنت في الامارات ولقيت هناك ناس تحبنا وتحترمنا وناس مالها داعي مثل عندك هنا ناس وناس فيا اخي لاتعمم صحيح ان برنامج خط الستة له سلبيات وهجوم ماله داعي علينا بس لاتنسى ان فيه نجس النية جستنية اللي ما ادري وش اصلة هو اللي يناقز مع الخبلان اللي معه فيه فهمت قصدي ليش السعودية يوم سجلت الهدف الاول ما حافظت عليه وقعدوا يستهبلون لين دخل فيهم هدفين هذا اسمه استهبال اجل اسماعيل مطر يستلم ومعه 3 ويلف ويعدل نفسه ويسدد على المرمى ويشوف وليد عبد الله متقدم وما تبيها هدف ولاعبينا كل واحد معتمد على الثاني يا اخوي هذي مباراااااااااااااة كرة قدم والتساهل ترى له عقوبة في الاتحاد |
اعذروني على هالكلمة اللي يقول تضييع الوقت حقد أقول له بصراحه انك غلطان بشكل كبير تابع كل الدوريات والبطولات في العالم راح تشوف فيها تضييع الوقت حتى لو الفريق اللي يضبع ما وراه شي يعني هذا شي موجود في جميع الدوريات والبطولات ولا تسمي تضييع الوقت حقد بعدين حتى لو ضيعوا الوقت بشكل أكبر هذا من حقهم لا تعتمد على غيرك حتى تنال ما تتمناه الحمد لله منتخبنا اعتمد على نفسه وجانا الفوز بفضل الله سبحانه ثم بجهود اللاعبين |
طيب انت وش دخلك في الامارات اهم شي خذينا ثلاث نقاط وبعدين قايلك روح نام ياحبيبي وراك مدرسه موضوعك فاشل ومامنه فايده وبعدين هذا القسم يهتم بالمنختب السعودي روح لموقع منتخب الامارات واكتب موضوعك هناك |
| الوقت المعتمد في المنتدى بتوقيت جرينتش +3.
الوقت الان » 07:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd